吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 日日都好難捱，呻吓。。

少年成長今日: 0|主題: 15862

收藏本版

發帖

返回列表

跳至頁

查看: 2866 | 回覆: 7

日日都好難捱，呻吓。。 [複製鏈接]

MYQQQBBB

別墅

積分: 891

1^#

發表於 17-2-17 00:51 |只看該作者 |倒序瀏覽 |打印

我有對孖剛上小一，開學到而家日日我覺得都好似打仗咁。。每日都有好多芝麻綠豆事。。eg 早上起床唔願起搞一輪，之後可能換衫話另一個撞到佢又黎發下脾氣。。到返家後又功課又忙晚餐，一忙個人就好忟。佢地玩玩下又吵下鬧下。。佢地男仔玩得粗魯吵耳又大聲，好多時我都忍唔住打打鬧鬧。我覺得好辛苦呀。。上左小一兩個情緒起伏大左，我都一樣。大家小朋友係咪咁？我都唔想成日打鬧但真係控制唔到。。唉！

點評

333s

發表於 17-2-17 08:36

0 0 0

私人傳訊

catherine_wong2

別墅

積分: 643

2^#

發表於 17-2-17 07:29 |只看該作者

MYQQQBBB 發表於 17-2-17 00:51
我有對孖剛上小一，開學到而家日日我覺得都好似打仗咁。。每日都有好多芝麻綠豆事。。eg 早上起床唔願起搞 ...

其實媽媽識控制自己情緒都好緊要，我得一個，但有時都好受氣，但我越控制唔到就吵得越犀利……所以我好衰㗎，將我個仔當老闆，佢爆發嗰時我就係心裡面爆粗，爆完同自己講“我忍，我忍，我忍”，轉頭又笑住同佢講嘢，佢見我咁，火都起唔到

私人傳訊

333s

象牙宮

積分: 212161

3^#

發表於 17-2-17 08:40 |只看該作者

MYQQQBBB 發表於 17-2-17 00:51
我有對孖剛上小一，開學到而家日日我覺得都好似打仗咁。。每日都有好多芝麻綠豆事。。eg 早上起床唔願起搞 ...

一个都難搞.... 你还是對孖剛上小一，小朋友有用不完的精力。

每日都有好多芝麻綠豆事。。100% 忙個人就好忟。正常。你要接受自己, 忟就休息。 take a break.

大一, 冇手尾, 又不整洁, ....每日都有好多芝麻綠豆事。

想不開、就別想. 得不到、就不要. 失去了、繼續笑. 擁有了、要珍惜。
快乐不是拥有的多，而是计较的少。

生悶氣，發脾氣，煩躁，焦慮，失眠. 是指因生气（生闷气、怒气、着急上火生成的火气、思虑生成的郁气）。
理性討論交流者。

私人傳訊

cwmanna

男爵府

積分: 5609

4^#

發表於 17-2-17 16:26 |只看該作者

我都係升小一後, 每日好似打杖, 我又要返工又要煮飯, 有時爸爸遲返, 仲慘, 煩起上來, 我都會好大聲同佢講野, 但發覺有反效果, 2母仔會愈講愈大聲, 跟住心情又會影響到, 所以我都會學會想爆時, 冷靜一下, 先唔出聲, 再細聲講

私人傳訊

MYQQQBBB

別墅

積分: 891

5^#

發表於 17-2-20 00:11 |只看該作者

cwmanna 發表於 17-2-17 16:26
我都係升小一後, 每日好似打杖, 我又要返工又要煮飯, 有時爸爸遲返, 仲慘, 煩起上來, 我都會好大聲同佢講野 ...

唉！我有時好想喊。真係好難忍。兩個都多手多腳大動作⋯⋯郁d就投訴，忍到一次二次，第三次就爆。。

私人傳訊

MYQQQBBB

別墅

積分: 891

6^#

發表於 17-2-20 00:12 |只看該作者

cwmanna 發表於 17-2-17 16:26
我都係升小一後, 每日好似打杖, 我又要返工又要煮飯, 有時爸爸遲返, 仲慘, 煩起上來, 我都會好大聲同佢講野 ...

不過你啱，大聲係確實實有反效果，但係。。唉。。唔識點做

私人傳訊

bosch

瑪瑙宮

積分: 128491

2024年龍年勳章 2024勳章 2023年兔年勳章虎到金來勳章開心吸收勳章

7^#

發表於 17-2-20 06:17 |只看該作者

MYQQQBBB 發表於 17-2-17 00:51
我有對孖剛上小一，開學到而家日日我覺得都好似打仗咁。。每日都有好多芝麻綠豆事。。eg 早上起床唔願起搞 ...

唯有提升自己EQ, 我屋企都係咁, 日日都吵吵鬧鬧, 有時真係超級嘔血. 但小朋友總會係咁, 自己都要調節一下.

我覺得功課至最麻煩, 係家庭問題之源....

朝早你可以預多少少時間, 等大家都唔好太緊張. 同埋俾多d task 俾佢地做, 等佢地冇咁多空閒時間鬧交.

佢地唔願起身, 咁你要安排佢地早d 訓. 我3個仔女, 3,6 8歲, 細女唔訓晏覺的話, 佢同二仔8點要訓, 大仔遲少少訓, 而家淨係大二仔至要返學. 佢地三個日日7點前起身, 仲早過我起身. 所以佢地自己搞掂自己份早餐, 係我有時做野趕通宵咪幫佢地整早餐.

衫方面我每晚準備好, 一到8點就要大二仔自己去換衫, 刷牙, 基本上唔駛我理. 不過佢成日都會鬧交嗌嘈晒, 上樓落樓又呯呯聲超嘈, 我地周不時都要出言阻止. 佢地知一鬧交太勁, 或者朝早偷開電視的話, 當日係冇好日子過, 例如冇得放學去同學屋企玩, 晚飯後冇甜品等等, 有時就住就住唔鬧得咁勁, 有時大仔專登陷害二仔等二仔冇得約朋友, 我個細女癲起上黎打人都好狼死....., 呢d 真係要一眼關七, 同埋真係超勞氣...

我係早一晚準備好lunch 同埋生果盒, 大二仔著完衫係自己執書包.

一到8點3 就要佢地準備好出門口.

平時我地行路返學, 夏天話一齊踩單車返學不過要早d 出門口, 咁佢兩兄弟有共同目標就會好快換衫, 唔鬧交之飾仲好開心. 如果你同仔女返學只得一個方法就冇得改, 如果有幾個方法可以揀, 試下搵一日轉方法, 等d 小朋友開心下.

某幾時間位置係fix 實, 佢地慣左就知要拿拿臨做妥自己既事.

我煮飯時有時任佢地三個自己玩或做功課, 間中我要佢地練計數練寫字 (大仔有好少功課, 二仔冇功課). 而家我一過5點就要佢地去沖涼, 兩個仔有時揀要一齊沖涼, 咁沖涼時我咪去煮飯. 都係果句, 佢地鬧交太過份時果晚就冇好日子過囉.... 佢地好緊張份甜品, 所以間中用呢招都壓得住佢地, 我而家好少打佢地.

有時佢地發脾氣係扮野. 而家我見佢地發脾氣, 有時我都炆不過忍住唔爆出黎, 我會指佢地話佢地偷笑, 咁佢地會擰歪一邊發脾氣, 我再跟住睇佢地話佢地偷笑, 咁佢地爆笑會冇事, 所以我覺得佢地發脾氣有時係扮野, 或者我好彩可以飲佢地分心, 引得番佢地笑.

都係果句, 小朋友鬧交實有, 試下控制一下自己情緒. 遲d 仲煩, 而家我有時鬧佢地時佢地都扮聽唔到, 三個好似有傳染病咁, 一個係咁做, 一陣間其餘仔女都跟住做, 有時我都俾佢地激到好似心臟病發咁.....

私人傳訊

MYQQQBBB