Baby Kingdom - 親子王國 香港 討論區 › 首頁 › 興趣嗜好› 閒來無事說些事.....

興趣嗜好

收藏本版
回覆 發帖
返回列表
跳至頁

首頁
12345...42

尾頁
   7
cforchat


大宅

積分: 2644


41#
發表於 17-3-13 09:48 |只看該作者
距離實際退休之齡, 其實仲有好大段日子, 奈何公司結業, 只有被逼提早退休.

我同另一半講, 以後屋企靠晒你嘞, 佢拍心口放下三個字 : 冇! 問! 題!

其實冇諗過咁快唔做嘢, 話晒手腳仲靈活, 頭腦仲清醒, 如不事生產, 實在有點浪費, 所以計劃唞吓一年半載就再投入職場.

全職就唔諗嘞, 睇吓可唔可以搵到一份喺屋企附近嘅兼職, 一來賺吓加餸錢, 二來又好過日辰.

可惜求來求去, 都求唔到一份啱心水職位, 唔係工時長就係人工奀.

鬼咩! 又要近又要唔辛苦, 人工仲要咁上下, 就算有呢啲筍工都唔輪到我啦.

當家與吾兒不約而同都反對我再出嚟做嘢, 佢哋話與其花時間而只賺得雞碎咁多, 倒不如安心在家陪狗狗, 唔駛獨留狗狗在家咁孤單.

所以計劃有變, 暫時唔再搵工, 全心全意陪伴狗狗至終老.
春有百花秋有月, 夏有涼風冬有雪, 若無煩事掛心頭, 便是人間好時節.
私人傳訊回覆 引用

cforchat


大宅

積分: 2644


42#
發表於 17-3-13 15:50 |只看該作者
係唔係潮濕天氣與風濕掛鉤呢, 我發覺呢兩日, 無論在超市在街市在街上, 總聽見有人話周身痠軟, 手痛腳痛腰痛背脊痛, 而講嘅又多數都係女性.

係唔係因為女性大多都曾分娩, 因而較易患風濕呢.
春有百花秋有月, 夏有涼風冬有雪, 若無煩事掛心頭, 便是人間好時節.
私人傳訊回覆 引用

babyhowie


水晶宮

積分: 65672

HiPP勳章(2) HiPP勳章(1) 2018復活節勳章 育兒性格勳章 好媽媽勳章 畀面勳章 BK Milk勳章


43#
發表於 17-3-13 15:52 |只看該作者

回覆樓主:

咩天都要洗衫，冇計
私人傳訊回覆 引用

cforchat


大宅

積分: 2644


44#
發表於 17-3-14 13:33 |只看該作者
重溫余綺霞當年車禍後嘅專訪......

不幸事接二連三, 唔只容顏受損, 更被癌魔入侵.....

據說因為急切想回到幕前, 於是同時間服食中西藥, 可能藥性不同, 所以對身體造成影響.

不過余綺霞喺訪問中透露, 之所以會患上癌症, 係因為抑鬱所致.

當事業與愛情兩得意之時, 被一場飛來橫禍奪走, 當事人所受嘅打擊之大可想而知. 加上又花容月貎, 霎時間真係好難接受如此巨變.

所以無論發生咩事都好, 應該盡快回復心境平靜, 相信一切皆天意, 得失是平常.

春有百花秋有月, 夏有涼風冬有雪, 若無煩事掛心頭, 便是人間好時節.
私人傳訊回覆 引用

cforchat


大宅

積分: 2644


45#
發表於 17-3-15 09:13 |只看該作者
間中會喺街市聽到師奶們在談論今晚煮咩餸煲乜湯, 有時諗唔到煮乜, 都會向佢哋取經.

好多時佢哋掛喺口邊, 唔係菜乾湯就係菜乾粥, 菜乾真係咁好咩, 我又唔多覺喎.

過年前, 當家喺飲宴後包咗兩個乳豬頭, 佢話冇人要, 所以就包返嚟諗住畀狗狗食.

就算畀狗狗食, 都要加工處理㗎嘛, 唔通成個油淋淋就咁餵佢咩. 講到尾, 即係搵著我嚟搞.

豬頭肥膩, 菜乾吸油, 如再加入米, 將會大大減低油膩感, 於是菜乾豬頭粥就完成嘞.

將大部份肉畀狗狗食, 我哋就食粥.

其實菜乾嘅功能除咗索油之外, 我唔知仲有乜好處. 冇厘味道口感粗糙, 清洗又麻煩, 已經事先浸過夜隔沙㗎啦, 可是洗咗十幾次依然仲有沙, 新鮮菜都冇咁污糟.

所以用埋啲存貨, 怕且以後都唔會再買.
春有百花秋有月, 夏有涼風冬有雪, 若無煩事掛心頭, 便是人間好時節.
私人傳訊回覆 引用

lingfu


子爵府

積分: 10972

2018父親節勳章 開心吸收勳章


46#
發表於 17-3-15 09:17 |只看該作者
今朝我個邊已經幾濕下
啲衫一晚未乾得哂
要開抽濕機
我要我 盛放心中 快要熄滅的花火
我要我 救活命中 快要逝去的英勇
私人傳訊回覆 引用

leung2888


伯爵府

積分: 15421


47#
發表於 17-3-15 09:18 |只看該作者

私人傳訊回覆 引用

yingdash


男爵府

積分: 8480


48#
發表於 17-3-15 09:38 |只看該作者
樓主寫緊日記吧！
但提提樓主，呢度喺公海，乜人都睇到，唔好洩漏太多私隱，免被不法之徒利用。
私人傳訊回覆 引用

cforchat


大宅

積分: 2644


49#
發表於 17-3-15 17:00 |只看該作者
本帖最後由 cforchat 於 17-3-15 17:31 編輯
yingdash 發表於 17-3-15 09:38
樓主寫緊日記吧！
但提提樓主，呢度喺公海，乜人都睇到，唔好洩漏太多私隱，免被不法之徒利用。
知道! 謝謝提醒.
我只係得閒無事風花雪月, 唔算日記.
如果係日記就悶死了, 來去只得三寶 : 吃, 睡, 拉.
春有百花秋有月, 夏有涼風冬有雪, 若無煩事掛心頭, 便是人間好時節.
私人傳訊回覆 引用

cforchat


大宅

積分: 2644


50#
發表於 17-3-15 17:06 |只看該作者
天氣凍凍哋, 熱朱古力在手, 食住薯片煲住劇, 一樂也!
春有百花秋有月, 夏有涼風冬有雪, 若無煩事掛心頭, 便是人間好時節.
私人傳訊回覆 引用

cforchat


大宅

積分: 2644


51#
發表於 17-3-15 17:09 |只看該作者
人家引用上文冇問題, 何以我卻引用得一塌糊塗呢?
春有百花秋有月, 夏有涼風冬有雪, 若無煩事掛心頭, 便是人間好時節.
私人傳訊回覆 引用

cforchat


大宅

積分: 2644


52#
發表於 17-3-16 12:34 |只看該作者
已一把年紀嘅父親, 皮膚依然幼嫩白滑, 羨煞好多後生仔.

相反, 母親嘅皮膚較為黝黑粗糙, 但容貎卻娟好.

幸運地, 我遺傳了父母各自嘅優良血統.

咦! 咦! 咁即係我都算天生麗質喎..... (嘔! 嘔!! 嘔!!! 飽死荷蘭豆!!!!)
春有百花秋有月, 夏有涼風冬有雪, 若無煩事掛心頭, 便是人間好時節.
私人傳訊回覆 引用

欣師奶


禁止訪問

積分: 563


53#
發表於 17-3-16 12:42 |只看該作者
提示: 作者被禁止或刪除 內容自動屏蔽
私人傳訊回覆 引用

cforchat


大宅

積分: 2644


54#
發表於 17-3-16 16:23 |只看該作者
我覺得呢, 一個明刀明槍捅你一刀嘅人, 總比笑裡藏刀在背後插你嘅人更來得光明磊落.

前者喜怒形於色, 讓你可作防避. 後者則整日笑騎騎, 你完全唔知佢諗緊咩.

多次被人奚落諷刺依然笑臉相對, 你唔會知道, 笑面背後, 係唔係蘊藏著一副咬牙切齒想置對方於死地嘅嘴臉.

比起偽君子, 似乎真小人更易相處.

至少, 唔會死咗都唔知咩事.
春有百花秋有月, 夏有涼風冬有雪, 若無煩事掛心頭, 便是人間好時節.
私人傳訊回覆 引用

cforchat


大宅

積分: 2644


55#
發表於 17-3-17 11:11 |只看該作者
早排, 整咗一底奇異果芝士餅, 分兩日獨享, 第一日冇事, 第二日食完後, 下腹隱隱痛, 伴隨咕咕聲同埋不斷放屁.

我以為, 係因為奇異果含豐富維他命C, 份量有幾個咁多, 致令腸臟蠕動過激, 加上嗰排作感冒, 可能係感冒菌咁啱又入咗腸, 所以至會有咁嘅情況出現.

於是分別啪咗腸胃藥與感冒藥, 幾日之後就冇事.

昨日, 又整咗一底紫薯芝士餅, 幾個人一齊食, 冇事. 隔咗幾個鐘, 我一人食埋餘吓嘅半底.

食完冇耐, 同上次一樣, 個肚又開始隱隱作痛, 又係伴隨咕咕聲與放屁.

大家食上半場都冇事, 為何我食埋下半場就出事呢, 好明顯, 係因為我食得太多囉.

但係, 之前齋整芝士餅, 我都係食最多嗰個, 為何又冇事呢, 唔通, 奇異果紫薯係唔可以與芝士混合?

以為搞吓創意加啲其他食材, 讓口感唔駛咁單一, 點知攪出個腸沙, 搞到個肚成晚奄奄痛, 要連服幾劑藥至稍為舒緩痛楚.
春有百花秋有月, 夏有涼風冬有雪, 若無煩事掛心頭, 便是人間好時節.
私人傳訊回覆 引用

Lorican


珍珠宮

積分: 31362


56#
發表於 17-3-17 11:29 |只看該作者
cforchat 發表於 17-3-16 16:23
我覺得呢, 一個明刀明槍捅你一刀嘅人, 總比笑裡藏刀在背後插你嘅人更來得光明磊落.

前者喜怒形於色, 讓你 ...

同感，我最憎呢d偽人!笑面虎!
憎我嘅，我唔介意明刀明槍
唔駛係人面前扮可憐，扮受害者，背後卻機關算盡。
最惡毒就係呢類人!
私人傳訊回覆 引用

cforchat


大宅

積分: 2644


57#
發表於 17-3-17 13:30 |只看該作者
本帖最後由 cforchat 於 17-3-17 13:40 編輯


我就係中過唔少暗箭, 所以對笑面虎好反感.
春有百花秋有月, 夏有涼風冬有雪, 若無煩事掛心頭, 便是人間好時節.
私人傳訊回覆 引用

cforchat


大宅

積分: 2644


58#
發表於 17-3-17 14:07 |只看該作者
要返工嘅日子, 每到假期結束前, 一想到明天又要返工, 心情就會有點低落.

先唔好講是否工作量大, 是否人事問題, 是否遇到咩難題....., 總之一提到返工兩個字, 自然地就感到有壓力.

當然, 如加上工作中嘅種種不如意, 更加冇心機.

而家唔駛工作, 唔會再有假期結束前唔想返工綜合症, 一諗起聽日唔駛早起趕返工, 心情不期然放輕鬆.

咁有得梗有失, 人哋月尾有糧出, 作為成個月營營役役嘅回報. 而我, 除咗冇咗個症狀之外, 係冇任何得著囉.

當家安慰道 : 雖然冇收入, 但可換來心境平和, 值得!
春有百花秋有月, 夏有涼風冬有雪, 若無煩事掛心頭, 便是人間好時節.
私人傳訊回覆 引用

cforchat


大宅

積分: 2644


59#
發表於 17-3-17 15:58 |只看該作者
仲剩下幾嚿紫薯, 一於用嚟整饅頭啦.

再煲一煲渣泎, 就係今晚嘅晚餐嘞.

個肚仲痛緊, 仲有心情掛住食, 要數饞嘴之人, 我都應該榜上有名.
春有百花秋有月, 夏有涼風冬有雪, 若無煩事掛心頭, 便是人間好時節.
私人傳訊回覆 引用

cforchat


大宅

積分: 2644


60#
發表於 17-3-18 08:33 |只看該作者
中西藥雙管齊下, 肚仔終於回復正常.

嗰種陰陰痛, 有便意卻又冇所出嘅感覺真係好難受, 搞到坐立不安, 周身唔聚財, 而家總算舒服晒!!!

不過, 對所服嘅其中一款中藥, 原來會令我敏感, 始料不及.

飲一劑冇事, 短時間之內連飲兩劑, 部份皮膚會痕癢紅腫.

日頭服完, 到晚上感到皮膚痕癢灼熱, 根據過往經驗, 我就知道來了, 又起風癩了.

之前都有咁嘅情況, 但我以為只係巧合, 冇諗過對中藥有過敏反應. 今次又係飲咗佢至出事, 原兇仲唔係佢?

係唔明點解會隔咗幾個鐘至發作囉.
春有百花秋有月, 夏有涼風冬有雪, 若無煩事掛心頭, 便是人間好時節.
私人傳訊回覆 引用


首頁
12345...42

尾頁

跳至頁
返回列表
回覆
發帖
高級模式 | 發表帖子
B Color Image Link Quote Code Smilies
你需要登錄後才可以回帖 登入 | 註冊

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見