Baby Kingdom - 親子王國 香港 討論區 › 首頁 › 夫婦情感› 勁唔開心

夫婦情感

收藏本版
發帖
返回列表
跳至頁
勁唔開心 [複製鏈接]

首頁
12

尾頁
   0
klm402


伯爵府

積分: 15837


1#
發表於 08-12-29 12:12 |只看該作者
我11月生左BB, 原先老公極力游說我返媽咪屋企坐月, 不過我覺得要比老公知道湊BB唔係件易既事, 同埋唔想媽咪咁辛苦, 所以我就選擇係自己屋企坐月. 原先打算請人返來幫我煮飯, 不過媽咪都係唔放心同唔想我地哂錢, 結果STAY係我屋企陪我坐月, 除左幫我湊BB外, 又整野比我食, 仲要幫我地洗衫煮飯, 仲有我同媽咪好FD, 同媽咪傾下講下我真係個人都開心得多. 真係好在有媽咪, 媽咪比我既SUPPORT真係好多. 老公每日放工返來就有飯食, 食飽佢就洗碗, 咁又會拖下地, 做下屋企野咁.
夜晚BB好多時都訓, 一係就訓得唔好, 我同媽都唔想佢第2日冇精神返工, 所以老公就會訓另一間房, 而我同媽同bb就同一房, 媽咪唔想我咁辛苦, 所以好多時夜奶都係佢負責幫我喂.
我自己返工返到11/15, 11/17開刀生bb, 放假放到出年2月底, 原先係想湊bb耐d等媽咪唔好辛苦同埋可對bb耐d, 咁一個月過後, 媽返屋企了, 同我講雖然過左一個月, 不過成個坐月SCHEDULE應該係3個月, 叫我返屋企又坐下月, 佢會幫我湊下BB又會整野我食咁.
我冇想過老公會對我呢個做法有意見, 咁好順利成章同佢講話滿月後我會返娘家. 佢話我假又放咁耐, 到返工後BB比我媽咪湊對BB既機會就少好多, 唔想我返娘家WOR. 我好唔開心, 仲為左呢件事同佢嘈交. 我好明佢只係想對多D BB, 不過就覺得佢冇想過我, 我冇請工人冇請陪月, 如我媽咪唔出來, 屋企就只有我同BB, 唔係喂奶就換片, 對住BB冇錯係好開心, 不過冇人同我傾計真係覺得好悶. 條腰骨又好快"支力", 仲有. 湊住BB今本我唔會自己煮野食. 即係我早午都唔會食野, 仲有. BB夜晚唔訓, 即係我早晚都冇得訓, 老公話佢夜晚可幫手湊, 講真. 點湊丫...第2日又要返工, 呢D時勢, 份工好緊要, 如晚晚湊BB佢邊有精神返工. 又話夜晚0個餐佢煮, 咁早午兩餐呢. 講真真係好唔開心. 覺得佢只記掛住對BB而冇想過我, 原先計劃會生多個, 依家真係打退堂鼓了.
佢話呢度係我屋企, 冇理由成日都唔返來, 我同佢講我冇話唔返WOR, 咁一個星期返2-3晚, 佢都覺得太少, 講極佢都唔明, 覺得我自私唔比佢多對住BB, 相反我覺得佢想多對住BB就冇想過我, 我都覺得佢咁好自私.
生左BB應該係好開心既事, 冇錯我真係好開心, 不過老公呢種種既反應真令到我有種極度失自由既感覺, 係佢眼中好似湊bb係咁0家啦係定律一樣, 而我卻覺得悶唔係應份.
點解來至最大支持既唔係老公而係媽咪, 好想同老公無所不談, 不過冇可能.
係所有男人都唔會明自己身邊既女人, 定係我要求過份.
私人傳訊

naviegirl


男爵府

積分: 7509


2#
發表於 08-12-29 12:47 |只看該作者
i think your husband's thinking is ok wor. if you need help, get a maid lor.

My home is always my home. I would never think of leaving my husband for even half nite.
私人傳訊

naviegirl


男爵府

積分: 7509


3#
發表於 08-12-29 12:49 |只看該作者
another solution is to get a part-time helper for a few hours everyday to do the cleaning work.
私人傳訊

jacquesau


珍珠宮

積分: 35511


4#
發表於 08-12-29 13:02 |只看該作者
你咁樣勞役你媽媽！點解你唔諗下如果你媽媽要工作or佢唔得閒幫你咁你會點？

咪又係一個人湊bb, 點解一定要人幫, 點解覺得人地一定應份要幫你？

我覺得留係自己屋企係好正常！除非你屋企既居住環境唔適合bb啫！無人幫手咪請工人囉！原先你都諗住請架啦！

睇完你個post我唔覺你老公自私, 只覺你自私咋！又想對住bb, 又想有人照顧, 又想所有人就哂你！

好好過每一天......
私人傳訊

芝士腸


男爵府

積分: 6636


5#
發表於 08-12-29 13:16 |只看該作者
我都覺得樓主好自私，你生BB唔一定要有人幫你湊架，我之前生細仔大仔先2歲半，我自己一個湊又咪一個人搞得掂，你唔好成日話老公唔明白你，佢只係想多D時間對住BB有咩唔岩，你媽咪幫你湊唔通佢唔辛苦係你辛苦，你只係為自己諗唔為其他人諗。
私人傳訊

zone


伯爵府

積分: 15194

畀面勳章


6#
發表於 08-12-29 13:33 |只看該作者
樓主我都覺得你好自私,你老公都係想盡做爸爸的責任,為何不比佢做呢?
私人傳訊

琋琋BB


男爵府

積分: 5585


7#
發表於 08-12-29 13:52 |只看該作者
唉!生BB就預左辛苦,我月都無得坐都係咁湊!其實妳都要將心比己,我唔覺得妳老公自私,相反我覺得妳只顧妳自己!成日話驚悶驚辛苦...
私人傳訊

anita0725


大宅

積分: 1250


8#
發表於 08-12-29 14:18 |只看該作者
仔係自己諗要生, 就要自己諗, 唔應該諗阿媽可以咁咁咁, 可能佢老人家都要抖氣.你有無諗過? 咁你奶奶呢?
如果係得你一家三口, 你可以諗請工人, 應該stay自己屋企, 去邊度咪同工人& b囉, 如果依賴自己阿媽 or 99, 第二時兩公婆有d mud 嘢嘈起上嘢, 就賴埋d老嘢.何必呢?
係你要認真睇下湊仔幾辛苦, 唔係你老公, 諗住阿媽同你傾計...
我因為要返工, 仔仔係阿爸度湊, 我夜晚同仔stay係阿爸屋企, c6食咗飯就一個人返屋企, 我一到星期五就同仔返自己屋企, 等我爸爸抖抖...好攰, 但我老豆仲攰, 佢要清潔...所以唔好返外家
私人傳訊

123!@#


伯爵府

積分: 16607


9#
發表於 08-12-29 14:23 |只看該作者
唔好意思, 我都覺得係你自私.
你老公講既說話, 我好認同, 因為1家人就係1家人, 佢想多d見bb, 有咩唔對呢?
同埋你有bb時, 都預左辛苦. 好多bk媽媽都係自己湊.
至於早午餐, 你可以落街食. 你老公好好呀, 肯煮晚餐, 又唔會丟低你係媽媽屋企.
私人傳訊

Casttle


民房

積分: 1


10#
發表於 08-12-29 14:24 |只看該作者
樓主, 你有冇諗過, 你老公都要返工, 但佢提出幫你做HOMEWORK, COOKING DIN, 仲照顧埋BB,佢有咁既心, 已經好好, 好值得你去体諒佢,

生仔係自己既樹, 你AR MUM幫你係佢愛你, 但你要AR MUM煮埋三餐比你食, 夜晚又要幫你照顧BB比你瞓, 仲要幫你洗衫煮飯, 咁你做乜要生仔呢,

我坐月時, 我AR MUM都有黎幫我, 不過係煮野比我食ONLY, 其他全部我自己做返, 都生細仔時, 個工人啱啱走咗, 我抱住細仔去買菜接大女放學都係我自己做返晒LA

你都應該比你老公照顧下BB, 等佢知道你係屋企又要照顧BB又要做HOMEWORK係幾咁辛苦, 我老公都係咁架, 所以佢好鍚我架, 唔通你想你老公連睇都唔睇下個BB咩,
BB係你個肚度成長, 你對佢一定有好深既感情, 但係你老公係BB 出咗世先見到佢, 佢地既感情冇你咁深厚, 要比時間佢地培養下感情先得架,你都唔想你老公唔理你又唔理個女架, 係咪

[ 本文章最後由 Casttle 於 08-12-29 14:44 編輯 ]
私人傳訊

yau_grace


子爵府

積分: 14680


11#
發表於 08-12-29 14:39 |只看該作者
樓主, 妳已經成為媽咪喇~ 已經同老公 + bb 有自己的家.
做父母, 真係要預左付出. 妳老公好好呀! 為左個家, 都肯做好多野.
其實, 妳都坐左一個月月啦~ 應該都可以自己做返好多野.
最多, 可以請個 part-time 幫下手, 或者叫媽咪間中黎下咁囉~

唔知係咪妳產後情緒影響自己咋?!
我覺得妳老公咁諗好正常, 係妳自己諗多左咋~

唔好唔開心啦~
同老公再傾傾囉~
私人傳訊

ringoivy


翡翠宮

積分: 76971


12#
發表於 08-12-29 14:56 |只看該作者
我覺得係你兩個人都自私無為大家著想過, 明白你生完後可能5多5少都會有抑鬱, 但5嚴重既最好自己可以平息一下個心情, 你將D5開心既事看得太重了, 咁樣對你有百害而無一利的mouth: , 其實你老公都好為你著想呀 佢咪講左夜晚餐飯由佢煮囉 你自己都識得講佢日頭有份工, 咁佢都肯放工返黎煮飯拖地 5通你想佢好似你媽咪咁服侍你先叫好咩 你要佢咁做你咪仲自私過佢 佢無非都係想一家人齊齊整整咁過埋你放假既時刻啫我5覺得佢咁既行為叫自私喎 你話佢咩都5做就叫自私啫, 但佢都好大無為咁放工肯做家頭細務啦 相反我會覺得你自私d喎 因為你連自己要食個餐都懶5想自己整黎食而握剎左老公同bb既親子時刻mouth:mouth:" /> 但anyway點都好有時佢地d男人提出到既, 你比佢試過佢地先知辛苦的 可能佢試左一個禮拜後都覺得難頂主動叫你返媽咪到呢
原文章由 klm402 於 08-12-29 12:12 發表
我11月生左BB, 原先老公極力游說我返媽咪屋企坐月, 不過我覺得要比老公知道湊BB唔係件易既事, 同埋唔想媽咪咁辛苦, 所以我就選擇係自己屋企坐月. 原先打算請人返來幫我煮飯, 不過媽咪都係唔放心同唔想我地哂錢, 結果 ...
私人傳訊

babe1104


複式洋房

積分: 250


13#
發表於 08-12-29 15:46 |只看該作者
樓主, 我都係11月生左BB, 但我同你唔同, 我諗住自己搞掂唔想阿媽辛苦, 但我阿媽就堅持來幫我, 不過我都做左大部份工作, 阿媽只負責煮飯! 我成日都叫阿媽回家休息, 所以我坐月都坐得唔好!
同埋, 我老公都好唔鍾意我番女家訓,有時沒有特別原因只係回家食飯夜左,我話太夜不如我係阿媽屋企過一晚,佢好大反應話唔好, 後尾佢同我講話感覺係D老婆同老公唔開心,照顧得個老婆唔好,先會要番外家訓....
所以講到底你老公都係緊張你, 你要反省一下啦 ! 做左人媽咪要成熟一點呀!
私人傳訊

海倫31


複式洋房

積分: 278


14#
發表於 08-12-29 15:53 |只看該作者
樓主 , 話哂妳嫁咗人 , 就應該有一頭家架喇 , 唔可以下下返咗娘家 , 仲要帶埋個仔返去 ... 咁個仔老公都有份架嘛 ... right ?
妳老公已經好好架喇 , 出聲話幫手揍 bb 同埋烹飯比妳食 ... 其實第一任媽媽 , 生活上係無咁快習慣架 , 慢慢比自己同老公一齊適應啦 , 我初初生完 bb 時 , 生活完全同老公適應唔到 , 差 d 老公抑鬱時 ,我又抑鬱 , 而家總算雨過天x ...
私人傳訊

janeclare_leung


禁止訪問

積分: 2775


15#
發表於 08-12-29 16:05 |只看該作者
提示: 作者被禁止或刪除 內容自動屏蔽
私人傳訊

OneOneMa


大宅

積分: 1038


16#
發表於 08-12-29 16:27 |只看該作者
樓主, 我明白你點解會唔開心, 你好想有媽咪響自己身邊陪住, 你覺得好溫暖, 唔會得一個人響屋企孤零零, 但係, 如果掉返轉, 你返工一日, 放工返到屋企, 個老公同埋BB唔響度, 你會唔會唔開心? 你會唔會都想一入屋就見到佢地兩個響度等你返去?
既然你老公都講咗, 佢願意夜晚返黎煮飯, 又可以做家務, 你咪俾個機會佢幫吓手, 享吓家庭樂囉, 你可以選擇佢返到黎食完飯之後, 揍BB的重任就交俾佢, 你就可以做自己野嘛, 又可以休息吓, 至於第二日的早午餐, 你可以叫佢煮飯時留起小小, 俾你第二日放飯面蒸熟黎食, 你只係洗幾粒米, 放碟野上去就得勒, 咁係咪可以行得通?
佢做得你老公, 做得BB的爸爸, 你都要俾佢負吓責任, 半夜起吓身餵奶, 我明白你日頭揍住BB會好攰, 但佢都要返工, 所以咪大家就吓, 一人一晚囉, 咁大家都可以有得休息吓嘛~
你媽咪黎陪咗你一個月, 佢都已經好攰架勒, 如果你真係想佢黎陪吓你, 你可以叫佢一星期去你屋企一至兩日, 咁你會唔會開心D? 我相信一兩日, 你老公係可以接受架, 咁你媽咪又可以有覺好瞓, 你又可以開心D, 你老公又有得休息, 又可以日日對住你, 咁咪大家都開心囉, 係咪?
你唔好諗埋一邊勒, 你老公係因為愛你, 想見多你同 BB 幾面, 先唔想你返你媽度住, 你話佢只係掛住BB, 唔諗你, 你會唔會諗多咗? 如果佢係唔愛你唔鍚你, 佢唔會想見到你生的BB, 亦唔會願意話佢返黎煮飯你食, 幫你手揍BB啦, 你唔好再諗埋一邊勒, 你咁樣, 會將所有負能量過咗俾BB架, 咁BB唔開心, 夜晚咪瞓得唔好囉... 你要俾心機呀!! 加油!!
私人傳訊

bonnieandy


大宅

積分: 1165


17#
發表於 08-12-29 17:26 |只看該作者
其實你都好幸福。
至於你所說的失去自由什麼的，
現在bb還小，你就話失自由
bb大了，可能仲困身..
要自由就不要考慮生第二胎啦！

因為我都是愛自由，所以我堅持生1個

仲有，你老公想對多d bb，我覺得好warm
現在好多老公有工作, 就會將湊bb的責任放在放假的太太身上，你老公又肯做家務
真係非常之難得啦！

我覺得你阿媽都覺得在你家辛苦才會回家...
不如你考慮請part time 啦,
盲目的愛他們 8-)
私人傳訊

NicoleTszChing


大宅

積分: 2333


18#
發表於 08-12-29 18:02 |只看該作者
樓主，你已經大個女，做左人媽咪，唔可以仲事事以自己為先～
我上年生亞囡時都係ｏ係我媽咪屋企坐月，但只係一個月，我就返自己屋企喇．
ｏ個時我都係自己一手一腳湊亞囡，我老公仲要日日都要返工，無假放！！
我每三個鐘餵一次奶，又要氹佢訓，又要同佢沖涼，攪下攪下，其實自己真係無得訓．．．
夜晚仲要餵夜奶ｔｉｍ！
而且我都係唔識煮野食ｏ既人，每日一訓醒就做野，如：餵奶，洗奶樽，同ｂｂ沖涼，洗衫，拖地．．．
攪掂晒先煮個公仔麵食下．．．
之後又再餵奶．．．
想小睡片刻，但亞囡又訓醒．．．等到十點幾老公返ｏ黎先有第二餐食！！
ｏ個時真係辛苦到想死～～
生完唔駛三個月仲瘦過未生前！！！
好在老公見到我咁辛苦，肯主動幫我餵ｂｂ飲夜奶，等我有一覺可以連續訓到５個鐘先好ｄ．
況且而家你老公肯主動幫你手湊ｂｂ，你應該開心！
你結左婚，生埋ｂｂ已經有一個家，唔應該成日返外家．
相反，如果你老公有事要成日返佢媽咪度，一星期先見你兩三日，你都唔高興啦！
私人傳訊

Bellnyky


大宅

積分: 1494


19#
發表於 08-12-29 21:24 |只看該作者
見到樓主咁講..我睇完冇左反應...
點解一個人做左媽咪. 都可以咁;諗野既..
bb唔係只有你一個有份. 你老公都有..
你辛苦..咁做媽咪當然辛苦架啦....
個個都都冇覺好訓架啦...
見到咁既topic...唔想回應咁多..太自私了..
私人傳訊

溫柔


男爵府

積分: 6308


20#
發表於 08-12-30 00:07 |只看該作者
你C6都係想見多D自己個BB啫,而且你都唸住返工就交比你亞媽,到時你C6見BB既時間就會更小,咁點解你唔體諒下佢先呢?做人父母本來就唔係一件易事,你已經好好彩,坐月有你亞媽幫你,有好多人由生到坐月都係自己一手一腳攪掂,點解你唔可以呢?,而且你都叫做坐完月啦......

[ 本文章最後由 溫柔 於 08-12-30 00:10 編輯 ]
私人傳訊


首頁
12

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見