吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 重男輕女既媽媽係我心中永遠都係唔合格既媽媽 ...

婆媳關係今日: 0|主題: 27693

收藏本版

發帖

返回列表

跳至頁

樓主: ylyt0915

重男輕女既媽媽係我心中永遠都係唔合格既媽媽

123 4

Petonemama

大宅

積分: 1502

發表於 17-5-23 00:05 |顯示全部帖子

ylyt0915 發表於 17-4-4 02:39
比圍村更可怕既潮州人

原來係潮州人，真係好恐怖ga，我朋友個老豆生左4個女後，話過冇仔死吾眼閉，結果生左個仔，同細女相差12年

私人傳訊

cargod

大宅

積分: 3625

發表於 17-5-23 11:18 |顯示全部帖子

我應該好慶幸我屋企兩老生唔到個仔

(雖然我相信我阿爸阿媽唔係重男輕女)
我舅父又係九代單傳, 我阿婆連生8個女先生到個仔, 我聽我阿媽講我阿婆點縱我舅父, 而我舅父就正敗家仔, 又激到兩老死~~
一直恨生仔的阿公到臨終前終於醒覺, 話都係女對佢好, 冇生過個仔佢活得開心好多.

私人傳訊

AACheungCheung

珍珠宮

積分: 45223

2024年龍年勳章 2024勳章 15週年勳章親子王國15週年勳章

發表於 17-5-23 11:54 |顯示全部帖子

ylyt0915 發表於 17-4-3 03:16
話就話自己阿媽好，但。。。絕對不能忘記，人係會徧心，仲要記得自己一定無份，只因為我唔係仔。
無論幾無 ...

同意

私人傳訊

s.yu

大宅

積分: 1142

發表於 17-5-24 04:17 |顯示全部帖子

kelly_chan16 發表於 17-5-22 14:58
我媽都係好重男輕女,尤其我結婚後我更加覺得!!!!

我都會係...嬲到一個點

私人傳訊

dativebond

大宅

積分: 4224

發表於 17-5-24 10:12 |顯示全部帖子

ylyt0915 發表於 17-4-3 03:16
話就話自己阿媽好，但。。。絕對不能忘記，人係會徧心，仲要記得自己一定無份，只因為我唔係仔。
無論幾無 ...

本帖最後由 dativebond 於 17-5-24 10:51 編輯

以前果代重男輕女係可以理解，我老豆老母平時對待仔女都無乜分別，但惟獨買樓佢地有幫我和阿哥。我覺得佢地已盡量做得公平，但而家呢個年代，普通人如果父母唔幫一幫，真係買唔到樓，更何況成家立室？

我地呢代當然唔會再咁重男輕女啦。但好似讀歷史咁，如果你用呢代觀值觀去評論佢地上一代重男輕女唔啱都唔公道，因為上一代好多搵食工作的確靠男人的力量，好似我父母以前做漁民，多一個男丁就係多一分力可以搵多點錢。好似而家試下特首叫你死，你會唔會？但古代皇帝叫你死，最後你真係死，大家都會覺得好合理。

記住理解唔代表你同意，但你會較容易釋懷，但你一樣唔駛跟佢地果套做人，邊個話一定要女人做晒家務，勞心勞力，你可做就跟自己果套。反正你改變唔到人地諗法，試下改變自己諗法，做人開心點。

再講我地呢代人普遍都仲覺得男人比家用、買樓都係應份，但我地下一代可能都唔理解點解我地會咁諗，因為到下一代男女搵錢可能真係差不多，什至女人搵得仲多，因為而家搵食大部份唔係靠體力，講智力講溝通講合作女人有過之而無不及。每代價值觀形成都必有原因，最忌用下一代情況去判斷上一代啱定唔啱，搵自己笨。

私人傳訊

kelly_chan16

大宅

積分: 1415

開心吸收勳章

發表於 17-5-24 10:36 |顯示全部帖子

回覆 s.yu 的帖子

我媽係覺得我結左婚,家務就應該我做曬又點又成,跟住我有次嬲嬲地話抵你死,做人新抱時要做曬d家務,你自己係女人但你自己都睇低左自己,所以你果陣要做曬d家務而伯娘乜都唔洗做,因為佢唔會睇低自己!!!佢冇野好講

私人傳訊

唔好煩我

珍珠宮

積分: 49355

發表於 17-6-10 15:38 |顯示全部帖子

回覆樓主

D人話始終係你媽。。。得一個媽。。。忍下。。。我完全唔同意囉

樓主，你做自己應做的問心無愧就可，不能佢要點就點。做父母唔係大曬，要求仔女犧牲同時都要諗吓你比過d咩仔女

私人傳訊

MoooVoo

男爵府

積分: 7874

發表於 17-6-11 15:58 |顯示全部帖子

回覆樓主:

搬出去先有下一代會較好
不過事到如今，樓主加油，明白你好唔開心

ps 一直唔認同天下無不是之父母呢句說話
有d父母絕對可以拎你抑鬱
有時會諗如果命運轉一轉改為出世係好難先懷孕嘅家庭就會萬千寵愛在一身了

私人傳訊

salok

子爵府

積分: 14295

發表於 17-6-11 17:04 |顯示全部帖子

回覆樓主:

外嫁女都比你係到住，算係甘啦！
我朋友，佢媽點都唔肯比個囡同外孫返來過夜，更加唔好話一齊住。
佢地一家三口，要租百幾呎既屋住

私人傳訊

iamiam

珍珠宮

積分: 33622

發表於 17-6-13 00:18 |顯示全部帖子

回覆樓主:

無論父母，6299,朋友偏心我都不喜歡，所以呢類人我不會同他們交流

私人傳訊

Connieeeamk

別墅

積分: 529

發表於 17-6-14 22:48 |顯示全部帖子

回覆樓主

睇完大家講既野好深感觸

私人傳訊

poha

複式洋房

積分: 106

發表於 17-6-15 17:40 |顯示全部帖子

回覆樓主

樓主，身同感受！我媽係廣東人，由阿公個年代已經重男輕女！我媽又係錫晒兩個仔，明明佢地對屋企無任何貢獻，到而家三十幾歲人，結左婚又唔搬走，死留係我外家，但從來無畀家用！
而我媽就每次到月頭又會識得追我畀家用嫁喎！佢話喎！明知兩個仔無錢又點要佢地畀家用！聽到我都好嬲！難度我租屋養仔唔洗錢？最好笑，屋企要裝修問我拎錢，我無份住嫁喎！最重要係因為佢兩個仔既另一半都係度住，佢地話要裝修過d 房！妖...住緊個兩個仔做乜唔畀錢？
呢幾年經過咁多次無理要求當我係ATM之後，我已經心淡！我唔畀仲要係我錯，係我無親情，無性喎！有咩理由阿媽會咁同個女講野？

私人傳訊

poha

複式洋房

積分: 106

發表於 17-6-15 17:41 |顯示全部帖子

回覆樓主

樓主，咁既情況都未搬走，知道你一定有難處，只可以講句加油！捱埋去，好快就見到彩虹

私人傳訊

Denisechingb

複式洋房

積分: 304

發表於 17-6-15 18:15 |顯示全部帖子

回覆樓主:

好有同感

私人傳訊

minipinky017

大宅

積分: 1712

發表於 17-6-16 16:13 |顯示全部帖子

ylyt0915 發表於 17-4-3 12:25
我同我細佬可以話無乜感情，我幫佢還太多錢。因為父母偏心，令到佢覺得佢自己係大爺，乜都理所當然，女無 ...

好同情你，重男輕女既人實在太多，我朋友同你差不多同樣情況，但佢比你決絕，佢已經唔會再理佢所謂既家，但佢每次講爸媽做既野都眼紅紅，其實佢都好傷心點解爸媽可以咁樣。天下無不是的父母係錯的，有d真係好衰。佢細佬經常要人幫佢還錢，父母一直縱容佢，最近好似借左百幾萬走埋佬...

私人傳訊

manwai11

大宅

積分: 2672

發表於 17-6-18 00:59 |顯示全部帖子

回覆樓主

我完全明白樓主，加上親戚在龍扇風點火，永遠覺得無仔唔死得，我所以對我阿爸唔會好得去邊，因為我做咩，佢都唔會改變佢地想法，不如儲多些錢，或者買自己喜歡野俾自己好過。

私人傳訊

candy_keung

大宅

積分: 2224

發表於 17-9-7 17:12 |顯示全部帖子

回覆 ylyt0915 的帖子

父母重男輕女, 我好傷心, 如果未能原諒父母, 係唔係我錯? 未能體諒他們?

私人傳訊

sukito630

大宅

積分: 2325

發表於 17-9-19 23:49 |顯示全部帖子

candy_keung 發表於 17-9-7 17:12
回覆 ylyt0915 的帖子

父母重男輕女, 我好傷心, 如果未能原諒父母, 係唔係我錯? 未能體諒他們? ...

我父母都重男輕女，我好想以後都唔再理佢地！
我跟老公結婚十年一直很想要小朋友，經過二次人工受精、三次人工受孕、十多次人工放胎、三次流產，最終在半年前生左個寶貝女！
我媽半年離睇我女兒不過十次每次一個鐘內就走（家住對面街）我女見親婆婆都大喊，我媽一次又一次話同b女「無緣份」佢二個孫都唔係咁（内孫）！我好傷心點解可以咁樣話個半歲bb，bb揀人好正常。佢都無當我個女係孫女，無當我係女生完都唔離睇下我（住對面街），好羡慕坐月有媽媽照顧的人....
我爸媽只錫曬敗家仔，敗家仔被騙了百多萬都係寶貝仔（錢係我爸退休金）。我被迫千叫我千萬別回去住，因為公屋無我名查到趕埋佢地走佢話，好慘邊有媽寧願個女瞓街架！
仲有好多好多數極都數唔清既事，點解我咁錫佢地佢地都可以咁對我，最重要係我個女，bb無辜架親孫就係孫外孫就睇都唔睇...