吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 親子旅遊› 台中5日4夜分享

親子旅遊今日: 0|主題: 160860

收藏本版

發帖

返回列表

跳至頁

查看: 7445 | 回覆: 78

12 3 4

積分: 3440

畀面勳章

1^#

發表於 17-4-8 18:17 |只看該作者 |倒序瀏覽 |打印

本帖最後由 cyan_tang 於 17-4-8 19:03 編輯

本帖最後由 cyan_tang 於 17-4-8 19:02 編輯

本帖最後由 cyan_tang 於 17-4-8 18:56 編輯

本帖最後由 cyan_tang 於 17-4-8 18:35 編輯

Day 1:台中->清境
朝早7㸃幾機，大概個半鐘頭到台中機場。機場好細，一出就見提款機，有便利店及中華電信賣電話卡(要出示台證及passport)

之後由包車司機載到清境，大概2小時車程。上山時都是彎路，容易暈車就最好自備嘔吐袋。司機是呢度jm介紹的朱大哥，接機雖然係由朱大哥的朋友頂替，不過都一樣好好人，好熱情邊揸車邊介紹清境有關玩的食的。此程車費NT2000（1家4口)

中午到達民宿-黃慶果園。訂的房為温馨4人房，由於3點先可以取房。所以前台職員先安排寄存行李，然後俾左張清境既地圖俾我地，教我地可以去邊到食飯同接載服務的範圍。

我地由民宿往上行大概5分鐘就見7-11,有幾間餐廳。求其揀左叫"雞大王"的，本來想叫d小炒，點知坐低先知只可叫套餐，結果叫左3-4人餐，四餸一湯,特登加NT400由切雞轉烤雞，共NT1600。成餐飯除了雞油飯比較特別，其他都好一般。

食飽又行返民宿，由佢地車我地去青青草原。農場有兩個出入口。記得要由上而下咁行，入場費NT510(細仔4歲好似免費)，一入去自行蓋手印可於當日無限出入。農場好大，風景好靚，步道好行，指示亦好清晰。去既當日係當地假期，所以有綿羊show睇，平時要週末先有。埸show一般般，主要睇個鬼佬剃羊毛，同觀眾互動遊戲。成個show大概半個鐘，完show後可自費騎馬行一圈。

之後沿步道一路向山下行，沿途都有3幾隻羊，臨近出口就有成10幾隻。之後再一路行，就有馬show,由班蒙古人騎馬做下d高難動作。之後繼續行就去到紙箱王，小小的，如果喺裡面用餐到指定銀碼就送小瑞士花園門票，或可自費入小瑞士(門票向民宿買會平d)不過我地冇入。再行落就係廣場，有starbucks, mos burger, 7-11,50嵐，其他餐廳同手信店。行晒已經近6點就打返黃慶叫人接我地返去。

0 0 0

私人傳訊

cyan_tang

大宅

積分: 3440

畀面勳章

2^#

發表於 17-4-8 19:00 |只看該作者

回覆樓主:

入房前，借玩具同dvd（free)。入到房，好大好靚，樓底高仲有小露台，小朋友好開心。雖然訂唔到佢地最出名既樹屋，但對呢間房都满意。之後再坐民宿車去法國小鎮買外賣晚餐。

題外話:清境都是馬路為主，日光日白行人靠馬路邊其實都危險的，而晚上黑麻麻又冇路燈，基本上冇車都唔會出去。如果唔係自駕，建議揾間有接載服務的民宿會比較好。

天氣方面，4/4當日天氣好，冇雨冇霧。超大太陽。喺青青草原時曬到暈，但一陣風吹過又會覺得涼涼地。晚上得返10度，要著薄羽絨外出。

私人傳訊

celia_yip

別墅

積分: 703

3^#

發表於 17-4-8 19:21 |只看該作者

cyan_tang 發表於 17-4-8 19:00
入房前，借玩具同dvd（free)。入到房，好大好靚，樓底高仲有小露台，小朋友好開心。雖然訂唔到佢地最出名既 ...

我都plan 左台中入台中出五日四夜
求行程(emoji)(emoji)

私人傳訊

cyan_tang

大宅

積分: 3440

畀面勳章

4^#

發表於 17-4-8 19:24 |只看該作者

回覆樓主：

本帖最後由 cyan_tang 於 17-4-8 21:32 編輯

本帖最後由 cyan_tang 於 17-4-8 19:28 編輯

Day 2: 清境->埔里->日月潭

11點check out,本來呢程車只係點對點由清境去日月潭(NT1500),不過朱大哥知我想去埔里買酒，佢見順路就載我地去不另加價，沿途又介紹四週景點同歷史背景，超讚!

一到埔里，我地直奔1樓，快速行咗一圈，買左支20年份既紹興酒(NT1000),再落地下買支愛蘭白酒(NT450)。呢度既小吃同手信主要都同酒有關的。

之後再去日月潭民宿-原森林。check in之後又係要3點先可取房，所以寄存行李後，又向民宿買船飛[環保電動船NT 150位，大小同價/電油船就NT100,我地揀前者]網上見過有人去到碼頭先買飛，唔知價既以NT300買一張飛！！！

攪掂後，朱大哥堅持載埋我地去水社先走，真係好好人

去到水社碼頭，揾返自己既船，飛上有船期表，一般30 mins一班。第一站，玄光寺，指定動作買阿婆茶葉蛋，NT50/4顆。然後沿石級上，間廟極細，係廟外既日月潭石碑影完相就閃人，剛好趕及班船去下一站，伊達邵。

伊達邵條街主要賣手信，小食同餐廳。出名紅茶同山豬肉。求其試左山豬肉串，香腸，蝦餅，烤麻糬串(麻麻地)，紅茶雪糕，珍珠奶茶做lunch。見有人排隊買麻糬手信，但試食後覺得太甜無買，反而買左紅茶蛋卷(NT 1000/6盒)。然後又趕及下一班船回水社，見已經4點幾就打返原森林接我地返去。

私人傳訊

cyan_tang

大宅

積分: 3440

畀面勳章

5^#

發表於 17-4-8 19:24 |只看該作者

celia_yip 發表於 17-4-8 19:21
我都plan 左台中入台中出五日四夜
求行程(emoji)(emoji)

因為打得慢，晏少少再繼續

私人傳訊

cyan_tang

大宅

積分: 3440

畀面勳章

6^#

發表於 17-4-8 21:32 |只看該作者

回覆樓主:

由水社返民宿要3幾分鐘車程，但要行返去就幾乎不可能的。呢度有個極不愉快的插曲。話說我地本來冇諗住去日月潭，更冇打算去過夜。不過當初訂黃慶時，因訂唔到樹屋，咁佢地既職員就"好熱心"推薦我去原森林，話個邊有滑梯型親子房bla bla bla..當時先知原來兩間民宿係同一老闆。初頭冇打算去，但後來上網睇過滑梯房覺得兩個細路一定鍾意，所以就同黃慶既同事講訂埋房。但問題就黎喇，可能我先入為主，一心以爲對方幫我揾既房係滑梯房，所以當佢覆我時列左三間房俾我揀，我就confirm左要森林四人房，但原來佢俾嗰三間房都係冇滑梯。所以到拎房時先知森林四人房不等於森林親子房，後者.先有滑梯而我又一直以為自己book既係後者。

當時心情極失望，激動同無奈。同老闆反映不满，當初明知冇晒親子房就咪鬼同我講原森林有滑梯房，冇都唔緊要，可以同我講聲冇房但可以考慮其他房嘛(當然，如果一開始知冇房我就梗係唔揀佢啦)我都有理虧既地方，冇睇清楚房名就confirm，就當我太信佢地而自己又鬼揞眼啦!但呢個係好好既教訓。最後，對方覺得雙方都有問題，為表歉意就退左NT600當補償。

擾攘一輪後，小朋友就落樓下整免費diy下午茶，而我就留係房調整下心情。原森林既位置其實幾山卡拉，外面除左馬路還是馬路。所以，晚餐又要出水社解決，本來想食日月餐坊(網上多人推薦)，點知執左笠!真係諸事不順既一天，行左一圈。最後係大淶閣對面既餐廳買外買返去食，味道不過不失。

民宿又係有免費玩具借，叫做可以俾小朋友消磨時間。所以，個人覺得去日月潭唔係想去文化村玩既話，唔需要過夜。就算要都建議住水社或伊達邵會比較方便。

私人傳訊

cyan_tang

大宅

積分: 3440

畀面勳章

7^#

發表於 17-4-8 22:17 |只看該作者

回覆樓主:

Day 3:日月潭->車埕車站->集集->妖怪村->大坑紙箱王->風車大道->高美濕地->台中逢甲hotel 7

今日既行程係朱大哥安排，本來我地既plan係極hea,只去妖怪村，高美再回台中。不過，朱大哥話時間捉得緊既，真實可以多去幾個地方。佢仲話為左彌補昨天的不愉快，希望今日既行程可以令大人細路都盡興。其實真係好感動，再一次要多謝介紹佢既jm

反正原森林冇野做，所以提早1個鐘，10點check out走人，先去車埕，車程大概30 mins..四週行下影下相買下手信又一粒鐘。之後坐火車去集集（朱大哥揸車去集集等我地)起初以為係舊式火車，但原來同kcr冇咩分別。由車埕去集集大概10多分鐘既火車程。

一到集集，只係係出口影幾張相就走人。然後就火速出發去妖怪村，車程約1 hr,山路彎位多。妖怪村唔算大，但好有特色。好日本feel,小朋友見到d妖怪擺設都好開心。由於要趕下一個行程，所以只逗留1hr 15 mins..只夠行一圈影相兼食少少野。如果慢行，睇下手信，坐低慢慢食野係可以玩到3個鐘。

小食試左蝦餅(好味)，眼珠湯圓，枯麻燒，奶茶同芒果冰沙。因為錯過了出名既咬人貓麵包出爐時間，所以無緣一試。

下一站，大坑紙箱王，因為係總店，所以大好多。110cm以上小朋友半票，2大2小共NT600,不過飛上有NT300 coupon可以用黎消費。飛上有8小格係俾大家係唔同既位置蓋印仔，儲齊8格可以上1樓換小禮物。呢個時候，朱大哥主動話幫我地吸印同換禮，叫我地盡情去玩。再一次覺得book到佢係呢次旅行既一大bonus!!

私人傳訊

cyan_tang

大宅

積分: 3440

畀面勳章

8^#

發表於 17-4-8 22:53 |只看該作者

回覆樓主:

一入紙箱王，就俾門口粉紅色成層樓高既滑梯吸引。小朋友玩完又玩，開心死。四週擺設都好可愛。裡面整緊火車軌，遲d入面就可以玩小火車。另一邊有條短d既滑梯，小朋友又係玩完又玩，high爆。除左紙製動物，仲有真松鼠睇!

小食試左雪糕同炸菇(好味)

留左個零鐘到4pm..為趕及到高美睇夕陽，所以又急急腳走人。車程大概1 hr,先去地標風車大道影相，再過隔離高美。高美風景好靚，行人木橋兩旁有超多蟹，有弹塗魚同白鷺。兩邊係保育地區，只可以睇唔可以行落去，要行到橋既盡頭先可以行落濕地。以為會有好多蟹同魚，點知除左螺仔咩都唔見。小朋友挖下挖下地，叫做過瘾下。冇幾耐就慢慢潮漲返，正打算行返去時，突然四方八面好多雞泡魚唔知邊到走出黎，極速四圍游黎游去，條條都有手掌大，大人細路都依嘩鬼叫，狂追捉魚!

當日雖然冇雨，但夕陽唔算好靚。去濕地建議換短褲同自備拖鞋，冇都唔緊要，入口有拖鞋賣(NT 4x已經有一對),沙灘套裝玩具NT80

行程接近尾聲，要返台中嚕！車程大概45 mins。玩左成日，9 hrs包車用左NT3800

私人傳訊

cyan_tang

大宅

積分: 3440

畀面勳章

9^#

發表於 17-4-8 23:15 |只看該作者

回覆樓主:

返到酒店放低行李就行走夜市，由福星路入口入，左轉右轉突然好似有d 迷失。除左食檔，兩邊亦有不少商舖。冇撈金魚/蝦檔，但有射擊/射汽球/擲球同夾公仔攤位。

小食試左黃金左腿(NT80),豬寶盒(NT 80),超長薯條(NT120),牛肉粒(NT100),魯肉飯加滷蛋(NT45),大西瓜汁(NT40),苦瓜汁

由逢甲路行返Hotel 7約10mins..其實蠢左，後來發現任何公車都到酒店，只係兩個車站，用悠遊卡坐公車，十公里內仲要係免費既!

Hotel 7四人房超大，又抵住，頂樓有足球機同免費冷熱野飲同芋頭冰提供。

私人傳訊

cyan_tang

大宅

積分: 3440

畀面勳章

10^#

發表於 17-4-8 23:30 |只看該作者

回覆樓主：

本帖最後由 cyan_tang 於 17-4-9 00:41 編輯

本帖最後由 cyan_tang 於 17-4-9 00:39 編輯

Day 4:逢甲->科博館->光南大批發->逢甲夜市

食完早餐已經成10點，打算坐125號公車去科博館。但呢架車疏到離晒譜，miss左9am班車要等到11:40先再有車。當時外面落大雨，又未夠鐘。唯有上頂樓hea下。

由逢甲去科博館要25 mins,去到已經12點鬆d。到埗後，第一時間上網check下回程班車幾點，下一班車要等到2:40,所以玩左2 hrs多d。其實2 hrs只夠去科學中心，冇時間睇文化館(最近主题為敦煌)，冇時間去太空館睇3d電影，冇時間去對面行植物園。如果夠腳骨力，真係可以係度消磨大半日。

科博館有自動售票機，6歲以下免費，6歲以上學生NT70,成人NT100。內有不同主題展示館，1樓仲有個mini zoo。2個小朋友返香港後都不約異同話想再去科博館，真係估佢地唔到。

跟住坐返125號車返逢甲食lunch, 4碗拉麵都只係NT340,味道不錯，真係抵呀!食飽就行返去光南大批發，除左買文具，卡類外。仲有開心大發現，見到妖怪手錶文具福袋，買左3份，每份只係NT99!內有記事簿，八達通套，散字包，貼紙，筆袋，膠水，梳，鏡梳，銀包等，抵到爛!!!有隻女仔可愛動物款福袋仲平，盛為NT79!送禮自用都好ok!!

晚餐又係夜市解決，試左蝦餅，蚵仔煎，黃金右腿(左烤右炸，個人覺得左好食d)
,熊手包連薯條套餐(NT99),韓式炸雞大份(NT100),魯肉飯加超長薯條again,fun.煙餅～>好似食乾冰既感覺，入口即咬就會口鼻出煙，食前要fing幾fing先可以入口。初初係幾過瘾，食多幾粒就覺得煩。大西瓜汁(NT35),鳳梨汁(NT15咋)

夜市小食都係邊行邊食先好味，但帶住兩件細就唔方便，吓吓買完返酒店先食，味道就扣左分lu。

私人傳訊

hk999508

大宅

積分: 1015

11^#

發表於 17-4-8 23:39 |只看該作者

私人傳訊

mong0203

別墅

積分: 638

12^#

發表於 17-4-9 01:27 |只看該作者

私人傳訊

cyan_tang

大宅

積分: 3440

畀面勳章

13^#

發表於 17-4-9 10:25 |只看該作者

回覆樓主:

Day 5:機場
呢日因為早機返，所以一食完早餐就要去機場，車程30 mins,NT600。

如果有多一日時間可以考慮去氣球博物館，呢個都係司機推薦。分兩種：如純參觀walk in就得，如要diy整氣球就要预先網上預約。

上網又睇過另一個點好似幾啱小朋友去玩，赤腳丫生態農莊，大人可以飲下野食下野，細路可以自己玩。

見好多人去彩虹眷村影相，係逢甲有公車去，有時間都可以去下。

如果我冇住原森林，一定會考慮住妖怪村，第二朝仲可以行埋個森林，咁樣個行程會再豐富d

同妖怪村類似既有桃太郎村，不過司機話一般啫，自己網上睇過都好似唔吸引。

私人傳訊

celia_yip