吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 瑪嘉烈第二胎生產經驗分享

懷孕前後今日: 34|主題: 329732

收藏本版

發帖

返回列表

跳至頁

樓主: yen1706

1 234

積分: 705

Poo得好勳章

41^#

發表於 17-6-8 12:14 |只看該作者

追！看到好緊張。都係7月瑪嘉烈啊！

私人傳訊

yen1706

大宅

積分: 2222

42^#

發表於 17-6-9 14:15 |只看該作者

本帖最後由 yen1706 於 17-6-9 14:22 編輯

第五章~~落產房了!

同護士講我穿左羊水.....
護士即刻望一望我條褲.....
見到我條褲濕晒，之後即刻叫人來幫手!

另一個企o係呢個護士隔離o既護士又望一望個地下......
發現成地都係羊水，仲整到佢對鞋都濕晒，
表現得唔係好滿意......
仲埋怨左兩句：哎呀......成地都濕晒，整到我對鞋都濕埋..........
姑娘.......我都唔想ga.......

上一胎，我係冇經歷過o甘樣穿水o既....
因為上一胎一直進展得好慢，醫生係幫我人手穿水....
所以有晒準備，用晒兜.....床墊等等幫我吸晒o的羊水......
但今次唔同......完全冇準備下穿左.......

o的姑娘之後叫我訓返上床......
阿姐就幫我換過晒o的病人衫褲~~
今次換o既係產房紫色o個款病人衫，
唔係產前病房o既粉紅色衫......

換好衫，姑娘就幫我做內探，
睇下我穿左水後，子宮頸會唔會有開到?
果然有進展了，姑娘話我已經開左2度，
因為我係第二胎，又已經穿左羊水，
姑娘預計我會開得快，好快就生得，
所以要送我落去產房預備生了!

而家o念返轉頭，好彩o甘o岩因為有新症入病房，
已經請晒o的親友離開病房，
等o的姑娘同阿姐可以盡快處理我，
否則又要等一大堆人走晒先可以處理我，o甘又會慢左......

穿左水之後，身體感受到最大o既分別就係陣痛痛左超級多!!!!!!!!!!!!
真係超痛、爆痛、勁痛!!!!!!!!!!!!!
打個比喻......
之前未穿羊水，個肚陣痛收縮時都好似有個cushion墊住.....
收縮o個度力卸左落去個羊膜度.......
所以都未痛得好厲害......
但係羊膜羊水穿左，冇左個cushion，
每一下收縮o既力度都直接壓落bb度~~~~~~~~
而bb受壓後就谷向個子宮頸，
所以子宮頸被陣痛收縮頂開.......
於是有一種勁勁勁勁勁勁勁急屎o既感覺!!!!!!!!

之前未穿水，陣痛痛楚約7級，
穿左之後，一下子升到上9級!!!!!!!!!!!
真係超級痛!!!!!!!!!!!!!!!!
係會痛到成個身震晒、標冷汗o個種痛!!!!!!!!!!
而且你下面係好好好好好好好想痾個bb出來!!!!!!!!!!!!!!!

不過呢個時候，姑娘一定叫你忍住唔好痾住.......
因為子宮頸開o既度數唔夠大.......
如果而家用力痾，bb都因為子宮頸未開得夠大而生唔出，
仲浪費晒o的力........
而且仲有可能生爆個會陰!!!!!!

阿姐幫我執好晒o野，
就推左另一張床入來叫我過床，
當時9級陣痛，再加上勁想痾又唔痾得.........
仲成身震晒、又標晒冷汗~~~~
個人簡直陷入瘋癲狀態!!!!!!!!!!!!!!!!!!!!!!!
超級亂!!!!!!!!!!!!!!!!
其實周圍發生緊o的咩都已經唔係好清楚!!!!
我只記得我不斷大叫：好痛啊! 好痛啊!我好想痾啊!
我肯定病房入面o個o的等緊生o既媽媽一定比我淒厲o既叫喊聲嚇親!!!
而個護士就猛o甘同我講：唔好痾啊!吹晒佢出來!
佢意思即係叫我用呼吸調節同埋控制住自己!!!!!!!!!
唔好比自己下面用力~~~~~~~
超痛.....下面勁想用力痾去舒緩o個種痛.....但又要忍住唔比自己痾，簡直比死更難受!!!!

個人勁混亂之間，
護士又問我係唔係老公陪產，
我話佢知係! 又話比護士知我老公就o係病房外面，所以出外面搵佢就得!

阿姐幫我執好晒野，掟晒落我病床下面，就推我落產房了!
推到我去等lift大堂，我就見到我老公喇!
我仲好似同佢講：我穿左水，好痛，就來生得喇!
之後我老公就跟住我入lift同產房了!

私人傳訊

wingching923

別墅

積分: 519

MommyPanel勳章

43^#

發表於 17-6-9 14:39 |只看該作者

回覆樓主

追超緊張感受到樓主既辛苦

私人傳訊

renee0211

大宅

積分: 1809

44^#

發表於 17-6-9 14:43 |只看該作者

回覆樓主

我都剛剛生完第二胎，又係穿左水開得勁快，穿水到生兩個半鐘搞掂，但痛就痛過第一胎生

私人傳訊

onkabb

別墅

積分: 531

45^#

發表於 17-6-9 15:10 |只看該作者

回覆樓主:

追，睇到想喊

，

私人傳訊

yen1706

大宅

積分: 2222

46^#

發表於 17-6-9 15:55 |只看該作者

renee0211 發表於 17-6-9 14:43
我都剛剛生完第二胎，又係穿左水開得勁快，穿水到生兩個半鐘搞掂，但痛就痛過第一胎生
...

絕對認同!
我穿水至生剛剛好一個鐘!!!
比第一胎快好多~~~
但係個人亂好多，
因為個過程好快，成個人亂晒坑，
同埋穿完水之後o個o的陣痛，真係痛過第一胎!!!

私人傳訊

RubyYu07

珍珠宮

積分: 39566

47^#

發表於 17-6-9 15:56 |只看該作者

回覆樓主

好詳細既分享！繼續追！

私人傳訊

fanmomo

複式洋房

積分: 246

48^#

發表於 17-6-9 21:21 |只看該作者

回覆樓主:

追

私人傳訊

lalalc

複式洋房

積分: 287

49^#

發表於 17-6-10 06:10 |只看該作者

回覆樓主

追

私人傳訊

yen1706

大宅

積分: 2222

50^#

發表於 17-6-13 01:18 |只看該作者

本帖最後由 yen1706 於 17-6-13 01:31 編輯

第六章~~10級大痛等生~~~

終於落左產房喇!
每一次陣痛一來，真係超爆痛!
陣痛已經達到9級~~~
每次陣痛開始密，大約3-5分鐘一次~~~

阿姐同護士推左我入去其中一間房，
今次唔使再過床，
佢地lock好張床，
我就見到大約3-4個助產士開始set好所有o野幫我生.....
老公就坐左o係我張病床旁邊~~

我真係好好好好好痛!
每次陣痛一來，我就大叫：我真係好痛啊!!!!!!!!!
冇幾耐之後，有個醫生入左來幫我檢查而家開左幾多度.....
我認得呢個醫生朝早時o係產前病房已經睇過我，
而家佢又落左來產房睇我~~~~

雖然我已經痛到爆晒燈，
但係醫生做完內探之後同我講：
「已經有4度喇! 不過都開得未夠大，你要再忍耐一下，唔好痾住啊!」
呢刻我真係好想死........
痛不欲生，但係又唔用得力痾，
要死忍住!!!!!!!
真係比死更難受!!!!!!!!!!!!!!!!!

根據我第一胎o既經驗，落左產房可以聞笑氣，
所以一輪陣痛過左，有少少時間回氣時，
我就問護士要笑氣，
護士都好爽手，好快就預備好笑氣個mask比我吸~~~

都係o個句......
笑氣係唔會令你痛楚減輕，
不過佢會令到你溫溫鄧鄧，分散下你o既注意力~~

我記得我係大約中午1:00pm 被送落產房，
因為子宮頸仲未開得夠大，所以仲要等......
呢個時候係我整個產程最最最最最辛苦o既時候!!!!
陣痛已經去到10級!!!!!!!
o個種痛係痛到用文字都形容唔到o甘痛.........
我只可以講，我平時個人都幾tough.........
都算幾捱得o個種人......
但係到呢一刻我真係頂唔順.........
整個人都痛到崩潰了........
終於都忍唔住喊左出來..........

我真係痛到爆喊，
眼淚一直大大滴係o甘流........
我老公坐o係我旁邊都愛莫能助..........
只係靜靜o甘望住我......
有個助產士見到我喊，就大聲同我老公講：
「先生，你可以比O的支持你太太啊!
你行過去同你太太講o的鼓勵o既說話啦!」

之後我老公就行過來拖住我隻手........
佢講o的咩都冇所謂.....
我拖住佢隻手，一邊喊，一邊同佢講：
「老公....我真係好痛啊.....我好想死啊.....我以後都一定唔會再生喇!」

呢個時候大約1:20pm....
我捱左9-10級陣痛已經有接近半個鐘.....
當冇陣痛o既時候，我又再要求姑娘幫我做無痛分娩.......
不過姑娘o既態度並唔係o甘好....
姑娘話：「你要做無痛? ok，你有o甘o既要求我會幫你轉達o既....
不過你都穿左羊水，又第二胎，我估你都好快生得....未安排好打無痛，可能你都已經生左........」
我同姑娘講我都知道，不過我都唔知自己之後要等幾耐先可以生，
所以請姑娘都盡量安排我打無痛.........
之後姑娘就敷衍左我兩句，話會嘗試安排，之後就行開左........

再過左一陣，又有助產士問我想唔想打止痛針，
o個時我陷於10級陣痛之中，又用力聞笑氣聞到迷迷糊糊，
已經真係冇咩思考能力......
我答護士：你地決定啦.....
護士話：我地冇得代你揸主意ga.......不過如果你打左，bb出世後有可能要打支針去解除呢支藥對bb o既影響........
講真......當時痛到得返一成人命，
真係唔識再o念o野.....
是但啦......打啦......我生大女時都有打......
打完又冇咩壞情況發生......
於是我就叫護士打啦........

護士o係我右邊pat pat打左針之後，
個人陷入更加迷糊o既狀態......
又累、又痛、又迷糊.......
身體完全不由自主.........
o個種肉體所受O既折磨，真係永世難忘.....

趁陣痛一過，我又再提醒助產士幫我打無痛，
今次助產士真伙發我悔氣了.....
助產士話：「知道喇! 我O米話要安排law....o甘我都要通知麻醉師，要等佢地得閒ga.........」
公立醫院就係o甘ga la.....
唔想受氣o既姐妹，都係去私家生啦~~~~

繼續等子宮頸開期間，每次陣痛一來，
都有一種超超超超超想痾個bb出來o既感覺.........
雖然醫生護士都唔比我用力痾，
我自己都盡量想控制住自己唔好痾住.....
但係陣痛一到，身體就會不由自主o甘想谷個bb出來，
因為我身體有駁住o的儀器，
所以我每次陣痛同埋用力谷bb出來，助產士都知道O既.......
有幾次因為陣痛太痛，忍唔住谷左幾下子宮頸，都比助產士鬧我：
「都叫你唔好谷law.....用呼吸吹晒佢出來......唔好再谷喇!」
唉....姑娘.....我控制得到，緊係會聽你話啦.....但係我真係忍唔到.......

再過一陣，大約1:25pm，
o個位醫生又返來睇我喇!
今次做完內探後，佢就話：
「進展得好好啊! 開左5度喇! 都開得好快喇!，再等多一陣應該生得ga la! 支持住啊!」
雖然都仲係未生得住....不過聽到醫生o甘講，都算有少少安慰.....

之後，頭先話幫我轉達做無痛分娩o個位助產士同我講：
「嗱，你而家開得都好快，好快生得ga la....打唔切無痛ga la....
o甘唔幫你安排打無痛喇, ok?」
我冇答到個助產士，因為我都真係唔知仲有幾耐先生得......
我想保留我打無痛o既權利.......
可能見我冇出聲，另外一個語氣溫和o的既助產士就幫口：
「其實打左無痛都唔係真係完全唔痛ga.....你唔好以為真係唔痛啊.....
你而家都就來生，應該安排唔到比你打ga la....打得來你都生左喇!」
o係佢地兩個極力游說之下，我都冇再反抗....
我繼續都係冇出聲......
而個助產士就話：「o甘我幫你cancel啦.....唔安排打無痛喇!」
當時得返一成人命.....我都唔想再拗喇.......

又過左一陣，大約1:30pm，
醫生又再幫我做內探......
今次醫生話：你開左6度喇，比你試下生，用力痾，好唔好?
我當然求之不得!!!
雖然陣痛都仲係好痛，但係可以用力痾，
起碼可以將o個陣痛楚發洩出來~~~~

大痛左大半個鐘，終於可以生了!!!!!!!!!!!!!!!

私人傳訊

wingching923