懷孕前後今日: 0|主題: 329728

收藏本版

發帖

返回列表

跳至頁

樓主: yen1706

1 2 34

積分: 1173

61^#

發表於 17-6-22 03:07 |只看該作者

joelu0719 發表於 17-6-15 00:56
第二胎中…睇完你既分享…再回憶起我第一胎生既經歷…我非常超級勁想第二胎開刀！簡直未生得先喊定！我真係 ...

同你一樣、

樓主既分享，簡直將自己生第一胎既經歷栩栩如生地重新展現眼前、幕幕驚心動魄，雖不致痛苦絕倫，但足以提醒自己當時的心路歷程，從而好好思考如果有下一胎應如何決擇生產方法/地點！

私人傳訊

yen1706

大宅

積分: 2222

62^#

發表於 17-8-9 22:51 |只看該作者

joelu0719 發表於 17-6-15 00:56
第二胎中…睇完你既分享…再回憶起我第一胎生既經歷…我非常超級勁想第二胎開刀！簡直未生得先喊定！我真係 ...

生左未呢? 到最後決定左點生啊?

私人傳訊

yen1706

大宅

積分: 2222

63^#

發表於 17-8-9 23:03 |只看該作者

水深火熱發表於 17-6-17 07:28
睇完好驚啊！我第一胎係外國生，係用無痛，實際只係打無痛前有兩下宮縮令到我好痛，其餘時間都無嘢。而家啱 ...

去私家，可以要求打無痛啦!

講真，如果唔係為左個荷包......我都一定去私家生打無痛!

私人傳訊

yen1706

大宅

積分: 2222

64^#

發表於 17-8-9 23:50 |只看該作者

本帖最後由 yen1706 於 17-8-10 00:00 編輯

第七章~~終於生左喇!~~~

同上次生第一胎唔一樣.....
今次生，醫生要我自己用手「猛」住自己對腳生........
上次時，助產士係比我放對腳上兩個托上面，又有兩個扶手借力.....
但而家o念返，今次我生o個張床，係冇扶手同埋腳托ga wor.....

當醫生話我已經開左7-8度，比我可以嘗試痾時，
我真係急不及待第一時間用力痾......
因為當時真係有勁急屎o既感覺，再加上穿左水後o既十級陣痛，
真係好想快o的將o個種痛以用力痾o既方式發洩晒出來.....

不過可能真係開得未夠大，
陣痛一來，第一次用力痾，進展並不大.....
於是個醫生叫我不如自己用對手「猛」住自己對腳，
佢話o甘樣一來可以幫我擘大o的個子宮頸口，
二來可以借下力wor......

第二、三、四次陣痛來時.......我都用盡力痾..........
不過醫生話都係未見到頭仔......
我記得上之生大女時，陣痛到第三次，已經見到阿女頭仔了....
第四次陣痛就出左個頭.....
第五次陣痛就出埋個身了!!!!!
但今次生阿仔顯然慢左......

生左15分鐘左右，都仲未見到頭仔.....
其實個人都很累，很虛脫了.....
但點累都好，你都係要繼續生落去的，
想脫離當時的十級痛苦，惟一o既辦法就係出盡力，死頂埋佢....
盡快將個bb生出來!

第五次陣痛來了，出盡九牛二虎之力，
今次醫生終於有好消息!!!!
佢話見到少少頭仔了!!!!
叫我比心機繼續痾!!!!!!!!!
但我真係非常非常累了......陣痛過後，又要再抖抖.........

第六次陣痛又來了......今次頭仔再出多少少，
其實子宮頸口已經有種比o野「綻」住o既感覺，但係都仲未出到來.....
終於第七次陣痛時，痾到個頭仔出來了!!!!!!!!!!!!!!!!!
上一胎經驗話我知，出到頭仔，就好快可以生埋個身出來ga la!
所以就算當時已經生到得返半條人命，
我都同自己講：終點在望了，要頂住啊!!!!!!!!!

第八次陣痛來了，不過個身都未出到.....
到了第九次陣痛時，阿仔個身終於都生埋出來了!
助產士一拉，阿b出世了!
出世時間：13:56，
之後終於到我老公出場.....剪臍帶~~~~~
而我就不斷O甘扯蝦呼吸回氣........

由我開始用力生，至到生到出來，大概用左半個鐘，
比起我第一胎生得耐左，
我第一胎只係生左約20分鐘，陣痛左約5次左右!

阿仔出到來，喊得好大聲啊! 好健康!
之後o既流程我地有過上次經驗，不再陌生.....
助產士幫bb做初步清潔，磅重、打針，
又幫我清理胎盤、洗傷口，同埋縫針~~~

可能因為已經第二胎，會陰已經鬆左，
今次生唔使剪啊!
不過因為都有少少裂開，所以護士幫我縫左兩針~~~
縫o既時候同埋之後都唔太痛，好快復原，
但第一胎時，有剪，傷口又比較大，縫左最少7針......
縫o既時候唔算好痛，但生完後3星期都仲好痛，
係陰住陰住o甘痛，成個月坐o係度都唔係好舒服~~~
終於一個月後先冇再痛!

最後處理好bb同埋我之後，bb終於交到我手上，
護士幫我地影返幾張合照，
就比我繼續o係產房休息一個鐘左右先送我上產後病房~~~~
老公可以留低o係度陪我，
趁護士未抱走阿b幫佢沖涼，
我地繼續自拍一番!!!

望住阿b，心裡面真係好開心~~~~
因為終於都痛完了!!!!
呢個生仔project終於搞掂!!!!

經歷了兩次生仔o既經驗，
我o既結論係........
第一胎，痛得耐、生得快!
第二胎，痛得短、生得耐!
同埋......
可以收工! 封肚! 唔會再生!!!!!!!!!
生仔o既痛苦，一生人經歷兩次已經夠晒皮!
no more next time!

多謝大家閱覽~~~~~~~