跳至

首頁
12345...9

尾頁
   32


別墅

積分: 549


發表於 17-5-4 02:13 |顯示全部帖子
我同我先生結婚七年 佢係高中畢業 而我中五舊學制個年選擇左休學,結婚呢七年黎 經歷過好多 日子宜家算越黎越好 先生宜家做藥房Sales 而我係做文職,我地唔系高學歷 高職位 專業人士,亦都唔系有錢人 富二代 富一代 但為左小朋友以後讀書既環境好啲,思想正面啲,我想移民去加拿大,我有兩個女,一個今年四歲 一個六歲喇,我想重新修讀中五文憑,然後通過Manitoba既留學移民途徑,讀一年專業 工作半年 申請省提名。所有人屋企人都唔贊成我地出去,為此亦都受盡屋企人既奚落,我只係一心想移民,我唔怕去到labour,只想能夠支持到我兩個小朋友係個邊讀書生活,或者好多人會覺得你地學歷甘差 過到去又點生存丫,唔好連累你啲小朋友啦,我係米太大諗頭?我聽一啲移民仲介介紹,manitoba 衹要我拎到學生簽證 先生就可以申請到開放式工簽,而大女可以免費就讀小學,而且係宜家最順利既移民政策。我宜家好茫然,如果毅然決然甘出去,之後會唔會真系會連累到小朋友,亦都好擔心放棄香港既一起出去,最後拎唔到身份而逼於翻黎香港~我真系唔知應該點做好。


子爵府

積分: 11187

好媽媽勳章


發表於 17-5-4 08:04 |顯示全部帖子
樓主,
唔好介意我咁講, 有咩令你覺得移民加拿大係好0既選擇? Manitoba有咩咁吸引? 只係純粹為移民政策比較寬鬆?
我覺得好0既, 你未必會覺得好
所以我覺得你可以考慮下點解想移民加拿大
亦可以試下搵時間一家大細嚟一轉玩下先, 睇下鐘唔鐘意
因為移民點講都係好重大決定


別墅

積分: 549


發表於 17-5-4 12:18 |顯示全部帖子
wgcw1210 發表於 17-5-4 08:04
樓主,
唔好介意我咁講, 有咩令你覺得移民加拿大係好0既選擇? Manitoba有咩咁吸引? 只係純粹為移民政策比較 ...

其實係我自己既問題,香港宜家其實亦都慢慢甘內地化,我想趁後生 及早移民,至於manitoba 祇不過係我移民去加拿大既一個地方 至於拎到身份後 可能會去quebec..不過呢啲都係後話。另外我始終係覺得 外國讀書環境始終會好啲。哪怕之後佢地大個 中意翻香港做野 前途都會好啲,係香港讀到中六畢業 之後又可以做啲咩呢?當然 其實呢啲都係好長遠 我係想趁我同我先生仲後生 可以努努力 比好啲既環境比佢地


男爵府

積分: 5915

畀面勳章 BK Milk勳章


發表於 17-5-4 14:06 |顯示全部帖子
to be very honest... very high living standard in canada... heavy taxes and etc... and quebec majority is speaking french...


男爵府

積分: 9196


發表於 17-5-4 14:37 |顯示全部帖子
你咪即管去移民顧問公司,看看他們的意見,再修訂一下。


別墅

積分: 549


發表於 17-5-4 16:08 |顯示全部帖子
choco623 發表於 17-5-4 14:06
to be very honest... very high living standard in canada... heavy taxes and etc... and quebec majori ...

我知道quebec係講法文呀 本身想通過quebec既PEQ移民 不過始終係怕法文冇辦法係年半內達到B2水平 所以選擇manitoba


別墅

積分: 549


發表於 17-5-4 16:09 |顯示全部帖子
dlee_ca 發表於 17-5-4 14:37
你咪即管去移民顧問公司,看看他們的意見,再修訂一下。

我問過好多 屋企人亦都表示如果我地堅持移民會同我斷絕來往 我真系唔明 我真系甘十惡不赦嗎


珍珠宮

積分: 32062


發表於 17-5-4 16:15 |顯示全部帖子
小朋友大學畢業後係嗰邊發展機會大嗎? 定係HK 好D?

我都認同HK 不斷內地化, 環境比十年前差


別墅

積分: 549


發表於 17-5-4 17:15 |顯示全部帖子
hippoo 發表於 17-5-4 16:15
小朋友大學畢業後係嗰邊發展機會大嗎? 定係HK 好D?

我都認同HK 不斷內地化, 環境比十年前差 ...

我既諗法係,假如依家拎一個香港畢業既大學生,同一個外國大學畢業生黎對比 其他質素相當,我相信雇主一定會請後者,可能我既睇法會有偏見,但的確會有甘既情況。我無辦法預料佢地將來會係個邊發現更好定係香港會更好,但起碼我可以比到選擇既條件比佢地先


珍珠宮

積分: 44318


發表於 17-5-4 17:26 |顯示全部帖子
全家過去讀書丶生活,你有幾耐儲備?有積蓄捱過生活?小朋友邊個揍?你知否daycare 價錢?goodluck


別墅

積分: 549


發表於 17-5-4 17:55 |顯示全部帖子
TingTing 發表於 17-5-4 17:26
全家過去讀書丶生活,你有幾耐儲備?有積蓄捱過生活?小朋友邊個揍?你知否daycare 價錢?goodluck ...

我預備五十萬人民幣過去 預計兩年既費用 加上留學生配偶可以全職工作 四歲小朋友去day care 另一個六歲既免學費 捱一捱應該費用係夠用


大宅

積分: 2033


發表於 17-5-4 19:13 |顯示全部帖子
糖果媽咪518 發表於 17-5-4 17:55
我預備五十萬人民幣過去 預計兩年既費用 加上留學生配偶可以全職工作 四歲小朋友去day care 另一個六歲既 ...
如果用學生簽證,學費是否要比International fee ? 如你仍是學生簽證, 你的小朋友也可免費讀書的嗎 ?


珍珠宮

積分: 44318


發表於 17-5-4 19:19 |顯示全部帖子
糖果媽咪518 發表於 17-5-4 16:09
我問過好多 屋企人亦都表示如果我地堅持移民會同我斷絕來往 我真系唔明 我真系甘十惡不赦嗎
...
點解佢地要斷絕來往??佢地乜理由?或者認為你決定錯左??咁奇怪?


複式洋房

積分: 460


發表於 17-5-4 19:52 |顯示全部帖子
糖果媽咪518 發表於 17-5-4 02:13
我同我先生結婚七年 佢係高中畢業 而我中五舊學制個年選擇左休學,結婚呢七年黎 經歷過好多 日子宜家算越黎 ...

我也有兩個小孩,同樣希望移民加國!明白樓主心情,但必須認真考慮移民的方案可行性有多大!


別墅

積分: 549


發表於 17-5-4 20:08 |顯示全部帖子
chmanpong 發表於 17-5-4 19:13
如果用學生簽證,學費是否要比International fee ? 如你仍是學生簽證, 你的小朋友也可免費讀書的嗎 ? ...

加拿大政府有一條條例 留學生配偶 可獲得開放式工簽 子女可享受中小免費教育


別墅

積分: 549


發表於 17-5-4 20:11 |顯示全部帖子
TingTing 發表於 17-5-4 19:19
點解佢地要斷絕來往??佢地乜理由?或者認為你決定錯左??咁奇怪?

佢地認為 呢啲錢拎黎做生意都有得賺 出國移民呢啲洗左就冇左,而且如果拎唔到身份到時等於掉錢落咸水海,佢地認為我地冇學歷,冇能力去談及移民。


別墅

積分: 549


發表於 17-5-4 20:13 |顯示全部帖子
Kinkimami 發表於 17-5-4 19:52
我也有兩個小孩,同樣希望移民加國!明白樓主心情,但必須認真考慮移民的方案可行性有多大!
...

係呀,我問過包括香港既移民公司,加拿大註冊既移民公司,上網問人,都係答覆係有呢個甘既政策 我同我先生既諗法好簡單 就係 即使去到最差 要做老公 條件差啲 起碼我地都可以捱下 供佢地長大成人


大宅

積分: 1447


發表於 17-5-4 22:59 |顯示全部帖子
之前我都問過顧問確實有呢個Manitoba留學生計劃,收費都唔平要幾十萬。
其實移民有家人支持固然好,無亦無辦法,始終結左婚最緊要係同伴侶有共識。我覺得移民唔會一面倒好或差,你去留學為身份都好但都會令你進步,唔係壞事,最緊要計掂條數夠生活費。我相信肯做肯捱頭一兩人辛苦啲,但唔會過唔到日子。不過你先生學歷唔高去到工作可能都唔易,所以唔係有工簽比你就得。
至於小朋友,香港一樣可以有好好既教育同成長,只係去外國會有另一種體驗,成長模式同香港唔同,我都鍾意加拿大比小朋友成長,所以我先攪移民。
樓主,加油啦!計好條數再慢慢同屋企人傾


別墅

積分: 549


發表於 17-5-4 23:08 |顯示全部帖子
littlebread 發表於 17-5-4 22:59
之前我都問過顧問確實有呢個Manitoba留學生計劃,收費都唔平要幾十萬。
其實移民有家人支持固然好,無亦無 ...

係 仲介開價三十萬 包工作 先生學歷唔高 但我同先生既諗法係 冇學歷冇文憑就做住勞工先囉 可以做餐廳 又可以做廚房 都肯做 我地唔怕辛苦 我既諗法係 出去起碼我都係讀個專業課程 類似職業培訓類,甘出到黎安排埋工作 如果順利拎到身份 穩定之後可以再比先生讀個 汽車焊接課程 或者有利佢既課程都可以 唔會一世淨係拎住最低工資 我同我先生都預料左開頭會辛苦 但系屋企人覺得 宜家生活 小朋友相對大個啲喇 又坐唔定 想去移民 重新由頭黎過 十分之反對


別墅

積分: 549


發表於 17-5-4 23:08 |顯示全部帖子
littlebread 發表於 17-5-4 22:59
之前我都問過顧問確實有呢個Manitoba留學生計劃,收費都唔平要幾十萬。
其實移民有家人支持固然好,無亦無 ...

其實最擔心都系 仲介個度水分太高 對所有野講一半唔講一半姐

首頁
12345...9

尾頁

跳至