2015年媽媽會 今日: 0|主題: 2943

Hello 小平媽媽，囡囡最近慣D坐尿盆未? 俾囡囡著住褲同片適應左坐小廁所先除去褲子坐，佢會冇咁抗拒架。小朋友嘅戒片時間可以相隔幾年，BB2歲左右識得表達自己時候開始介片比較好，留意下BB咩時間去大小便，安排係果D時間去坐便盆，每隔一段時間就主動問佢需唔需要去廁所，等佢減少整濕條片，黃昏後盡量夜晚臨上床瞓前同先同囡囡去廁所，第二朝一起身又即刻帶囡囡去廁所，一般5歲前就冇賴尿情況，囡囡慢慢會做到架。

妹妹已經唔抗拒坐尿盆，的確係好開始 ! 戒片需要穩定又規律咁進行一段時間，媽媽可以俾佢著方便除嘅褲，就算瀨濕左都唔好話佢，同佢解釋返瀨濕的後果，家姐去厠所時叫埋妹妹一齊去，當佢做到就多D讚賞，順其自然啦。