分享台北抽脂隆乳

cssmandy
|
本帖最後由 cssmandy 於 17-9-20 00:26 編輯

帶左頭盔先,我發現網上香港人嘅分享不多,好神祕甘,所以想同大家仔細甘分享下,俾想做嘅jm參考,哩d決定係好個人嘅,風險0.1%都係風險,請自行考慮自己能承受嘅程度!減肥又好整容又好,都要係為自己,因為自己身體只要為自己作出交代,變更好只為愛自己,唔係話自私,只係覺自己身體自己負責返!
我唔係打手!不喜歡就請繞路離開此文章!


重量:46.5-48.5kg中不停上上落落,可能我一年前減肥未穩定
體型: 上身同下身兩個人,下身肥腫難分。32AA想上C,其實有B都已經好滿意,自體脂肪隆乳一般只能上1-2個罩杯,條件好可能上到3個嘅!
背景: 30歲,生過兩個小孩,3歲同2歲,半年前細B 20個月自然離乳,大B食左好短時間人奶!
手術: 自體脂肪移植
位置: 大腿2parts再移植到胸,大腿內外側(其實我無同醫生講抽邊part,都係醫生決定,我無過問,可能有抽到後側少少因為後側都有痛)
麻醉方式: 局部+點滴睡眠麻醉
到台北前做左嘅事前功夫: 去化驗所驗血+乳房超声波、e-mail聯絡及術前資詢、跟佢幅圖度量身做緊身衣、因為仲有d奶所以術前兩日食定兩日抗生素

超出字數,分享再下面post!

20/6 抽脂後第二天 #18
21/6 抽脂後第三天 #29 #30
22/6 抽脂後第四天 #39
23/6 抽脂後第五日 #49
25/6 抽脂後第七日 #54
26/6 抽脂後第八日 拆線 #58
2/7 抽脂後第十四天 #63
4/7 抽脂後第十六天 #64
7/7 抽脂後第十九日 #70
14/7 抽脂後第26天 #72 ,醫生篇 #73
25/7 抽脂後1m7d #78
1/9 抽脂後約兩個半月 #84
19/9 抽脂後3個月 #94

cssmandy
|
18/6晚上
到埗台北,住診所附近,手術前8小時要禁食,所以1am前要停口

19/6
9:00到診所,姑娘A一見到我就話我瘦,我上半身係呃到人,下半身就着左長闊腳裙褲遮住左jei,佢俾d同意書我簽,換衫
進醫生房,簡單講解一下,用手搣下我大脾d肥肉,醫生講野好溫柔,一邊搣我d肥膏就一邊問我最肥嗰陣幾重,但哩句話左俾我知我腿真係好粗,姑娘A都喺旁邊搭咀,哈哈,仲話我瘦丫拿頭先!
醫生話胸可以做到幾大係由我胸嘅皮膚鬆緊度決定,唔係由醫生決定。然後老公走lu,姑娘A加佢wechat話做完手術會call佢!
入房脫光畫線,全程姑娘A在場,醫生好細心甘畫,佢問我餵母乳有無脹奶,我意識到原來我胸部皮膚唔夠醫生想像中鬆,唉!生過B餵人奶係造就左胸皮膚撐鬆,脂肪存活率會高d同可以做大d!
然後試緊身衣啱唔啱着,姑娘A話好西利量得好準好合身,多謝我老公幫我量!
cssmandy
|
本帖最後由 cssmandy 於 17-6-20 03:29 編輯

然後去櫃臺俾錢就入手術室(唔記得畫線先定俾錢先定試緊身衣先喇哈哈),手術室姑娘B講野好快,我成日聽唔到,要佢講幾次,應該激死佢,我直接講你說太快我講不懂的不好意思,佢唔識俾反應我!
去手術室中途經過洗手間,姑娘B叫我攞張廁所板墊墊住去vv因前我畫左線怕印到落廁所板,出來就直接入手術室,入面有2個姑娘一個學護。
首先,入去除拖鞋企上張綠色布,姑娘B示範一陣消毒後點樣訓上手術床,佢見我有d猶疑就慢慢講再示範多一次。
姑娘C擺住d沾滿消毒火酒嘅紗布幫我全身擦,最後攞有碘酒嘅紗布幫我擦下面嘅私處同後面菊花,全程手放頭上唔準落,佢又係講野好快,佢消毒完叫我你不要把手放下喔,但聽左你要把手放下喔,我放到一半兩個姑娘大叫不要放下喔,我太糗哈哈。之後姑娘B應該怕左我,捉住我手,一步一步教仔寫字甘捉我上手術床,然後就綁好腳、量血壓、麻醉,feel到麻醉藥半分鐘內就訓着左!

cssmandy
|
本帖最後由 cssmandy 於 17-6-20 03:31 編輯

聽到姑娘D叫醒我,手術即係完成了,我醒得返呀哈哈哈(之前有怕醒唔到,明明就唔係全身麻醉),已經着好緊身衣,同病人衫!
姑娘D帶我轉去術後房休息同等老公,落床痛呀所以慢慢落,一路行一路扶住我,我一下子真係行唔到直線左右擺!
訓上床都係唔易,凍到係甘震,姑姑D好細心俾張電暖毯我come,好快訓返,老公到了,帶住熱狗俾我食但我食唔到,個咀好甜,我問老公點解,佢講房有個茶杯我應該飲過野,我先醒起自己有飲過野!好累,直接又訓過,老公打住機等我,我都唔知訓左幾耐,應該好短時間!
姑姑D捉我去vv,仲識講笑話自己似機械人,緊身夜係開"浪"褲,私處同菊花位有洞,底褲着緊身衣外,我除底褲vv,嘩坐低好痛,然後姑娘拍門應該我動作太慢怕我暈左,我開門,姑娘問我係咪唔記得着返底褲,媽好柒呀我條底褲喺我小腿,我真係唔記得左!(突然醒起,我究竟幾時去locker攞返底褲着嘅呢?)
vv完返房又訓左,姑娘D話醫生問我走唔走到,我話走,寧願返酒店訓!甘姑娘D就俾左一大袋野我,內有7日x每日4次嘅藥、紗布、normal saline、綿花棒、術後衛教!
然後姑娘D帶我去更衣室換返衫,終於見到個胸,腫腫的,痛呀不過乳線炎痛得多!我前後乳線炎過無10次都8次,哩d痛我ok!
老公拖我行返酒店,好彩住得近,慢慢行都好快到!
返到黎又訓下醒下睇下電視,個胸軟返dd,傷口(胸兩個,patpat下兩個大d嘅)無甘痛,主要抽脂同注脂位置痛,亦見到胸上嘅針口,vv可以無景櫈甘痾,行得快左!10點落街食野,周圍行搵野食!
可能冷親,今晚係甘打乞痴,打乞痴個胸會痛,而家開始流鼻水,訓lu,聽日再打!

今日發現我老公原來可以好細心,好照顧我,畢竟今年年頭出左d大事搞到差d離婚,但佢改過,成個人變好左,雖然佢睇唔到,但我好想喺度多謝佢,多謝佢為左一家為左我願意改變,令咀咒變祝福,一齊十年都未感受過這些!

kyn2017
|

steplyy
|
LM
jc2009
|
好詳盡分享

樓主真係好有勇氣, 你是識人介紹去台灣"修輯"嗎?
el_20
|
好大既勇氣
不過竟然你老公支持你去做隆胸
cssmandy
|
jc2009 發表於 17-6-20 12:11
好詳盡分享

樓主真係好有勇氣, 你是識人介紹去台灣"修輯"嗎?

自己上網睇再睇人分享同診所網頁比較咋
點評
jc2009    發表於 17-6-20 17:44
cssmandy
|
el_20 發表於 17-6-20 13:45
好大既勇氣
不過竟然你老公支持你去做隆胸

哩樣野我老公唔係話支持嘅,唔反對囉!
結婚前working holiday、生B後見營養c減肥仲要就我食我住嘅清淡野,出$出力
我地相處之道,佢嘅決定我都好支持!
Superchu
|
謝分享
jcstai
|
cssmandy 發表於 17-6-20 14:10
哩樣野我老公唔係話支持嘅,唔反對囉!
結婚前working holiday、生B後見營養c減肥仲要就我食我住嘅清淡野 ...
其實你老公同你一齊去台灣已經係以行動上的支持 祝JM早日康復

唔係怪獸
|
好有勇氣
cssmandy
|
jcstai 發表於 17-6-20 17:17
其實你老公同你一齊去台灣已經係以行動上的支持 祝JM早日康復

...

佢一開始唔肯陪我架,之後我話想佢陪佢就將就下囉,我問佢肯陪我係咪擔心我,佢話因爲佢怕唔陪我的話我成世都會怨佢
cssmandy
|
唔係怪獸 發表於 17-6-20 23:14
好有勇氣

我更佩服去大陸抽脂嘅jm,貼錢俾我都唔去,可能係我諗得大陸太恐怖
steplyy
|
樓主用左幾多錢?
cssmandy
|
steplyy 發表於 17-6-21 00:24
樓主用左幾多錢?

純分享,暫時唔講實幾錢同醫生資料住,我怕俾人話我打手,講個約數啦,10-20萬台幣之間,如果過左康復期效果係滿意嘅再同大家分享丫!
cssmandy
|
20/6 抽脂第二日

尋晚做完手術喺酒店訓到10點先起身,搞到5am先訓得着,8點幾就醒,梳洗食早餐,因為起身未食消炎止痛藥,痛!
食完早餐10點幾,出發去淡水,醫生話頭三日係急性期,唔好一直行多於15分鐘,我無聽話啦,懶醒甘,然後呢,4個鐘後緊身衣小腿位開始緊,然後大腿開始腫痛,行條樓梯行到腳發麻,甘就搭車返酒店附近食野,返房抖下,攞兩罐雪凍左嘅可樂碌下對腳當冰敷!
運動形胸圍都係有d緊,始終要緊先防震,去街邊買d偽運動形胸圍,返酒店換,見到個胸每次除衫都會瘀過上次!
兩小時後出去搵朋友食日本料理,之後去通化夜市行下,我都服左自己,仲行得郁,之後落雨仔就搭的士返酒店,又係攞可樂出黎碌腳!
碌下腳玩下電話之後出去超市逛,再返酒店,敷下mask,用女性濕巾清潔下體,因為未沖得涼,只好抹下啦,緊身衣以外嘅地方我就用濕毛巾抹下!

今日明顯係自己攞黎衰,周圍行唔注意休息,腫脹係抵死嘅,安慰自己甘諗: 腫同痛係正常!後日返診所洗傷口覆診唔知會唔會俾醫生鬧!

送上一張可樂凍敷腳嘅相

附件: 你需要登錄才可以下載或查看附件。沒有帳號?註冊
ddfannybb
|
樓主你好勇敢
venicewong
|
好勇敢
我寧願自己按下食下supplement

Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽