吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 1-3歲› 新手在職媽，有好多問題想請教...

1-3歲今日: 1|主題: 19379

收藏本版

發帖

返回列表

跳至頁

查看: 1342 | 回覆: 13

新手在職媽，有好多問題想請教... [複製鏈接]

mikis

大宅

積分: 2757

2018復活節勳章

1^#

發表於 17-7-10 17:56 |只看該作者 |倒序瀏覽 |打印

囡囡13個月，自己返朝9晚8，返到屋企99已經餵左晚飯，我同爸爸淨係負責玩同沖涼直到佢訓覺。

1，我覺得佢可以開始試用餐具，但我夜收工，weekend想試，長輩又ee鵝鵝，我可以點開始？

2. 我每晚沖完涼多數都係孭住佢落街行個圈等夠鐘訓覺，因為我自己收工都累，但發現唔係咁好，想同佢玩，但發現買咩玩具比佢玩都無興趣。積木又好，車仔也好，10分鐘都無就走開搗亂成間房。
我真係唔知可以同佢玩咩好，
去街佢就最鐘意最開心，仲會周圍手多多，我都會趁呢d時候話佢知d新事物。不過日日散步其實真係好累。

3. 佢會揭書，但一伴讀就無耐性，自己就可以儸住漫畫書玩（唔係睇）10分鐘，有咩計可以開始伴讀？

4. 我知佢個心ready自己行，但身體未ready....日日扶注佢我條腰就斷，可以點？

感謝各位jm賜教....

0 0 0

私人傳訊

我要做媽媽

珍珠宮

積分: 47558

BB防敏心得分享勳章

2^#

發表於 17-7-10 21:53 |只看該作者

其實我覺得同bb一齊，你tum下佢開心都可以玩好耐架，我覺得冇咩必要再同佢落街喇

私人傳訊

niceyou

大宅

積分: 4928

3^#

發表於 17-7-10 22:55 |只看該作者

mikis 發表於 17-7-10 17:56
囡囡13個月，自己返朝9晚8，返到屋企99已經餵左晚飯，我同爸爸淨係負責玩同沖涼直到佢訓覺。

1，我覺得佢 ...

1) 我比唔到答案你, 因為老人家有佢湊小朋友的一套

2) 唔建議咁夜仲出街, 其實留在家都有好多野可以同佢玩

3) 我深信每個小朋友都無咁多耐性去玩同一件玩具, 佢地好奇心好重, 要不停地探索新事物

4) 必經階段, FTM仲辛苦, 何止條腰斷, 係成個人散曬! 湊小朋友辛苦過返工n萬倍, 盡量利用屋企空間, 圍多D圍欄, 等小朋友自己扶住行

私人傳訊

fishshum

大宅

積分: 1534

4^#

發表於 17-7-11 09:39 |只看該作者

回覆 mikis 的帖子

1. 你 weekend 係咪會自己上手餵? 係0既, 你俾一 set 餐具佢, 自己一邊餵, 咪又俾佢自己試下囉. 又唔怕佢餓親, 又可以開始試下, 佢未識餵自己, 你可以叫佢餵你, 當玩咁, 慢慢就識架喇. 不過我女而家2歲, 識自己食, 但係都要餵.
2. 我自己好少咁夜帶 B 落街. 有無人可以日頭帶佢落街? 我都係 working mom, 淨係星期六日先同佢去街. 細個無問題, 但係識行開始就每日都要俾佢落街放下電, 咁樣食得好d同訓得好d.
你 b 而家仲細, 係未識集中注意力咁耐架. 唔係佢0既問題, 係個腦未發展到果個階段. 由得佢週圍玩呢樣果樣, 佢咁樣都算係 explore 緊.
如果屋企有地方咪買多 d 唔同款玩具佢玩囉. 睇書玩玩具, hide and seek, 收埋個玩具0係 cushion 下面叫佢搵, 唱歌跳舞, 抱高高, 咩都可以玩一餐. 全部都教到佢野架.

3. 唔好咁心急, 同 #2 一樣, 佢仲細未識. 慢慢佢就會對某 d 玩具同書有 preference. 我都係咁樣同阿女培養讀書興趣 (當然都要買好多書, 同係咁讀俾佢讀), 佢有排都未識伴讀架. 我女到19-20 個月, 我地讀句子前面, 佢識講某 d 生字, 之後就識成句讀出黎 (通常一本書得幾句佢識).

4. 佢識行幾步未? 我呢, 將 d 餐椅隔一段距離放一張, 等佢自己由一張餐椅行到另一張, 佢又可以自己行, 我又唔駛好攰. sofa 同遊戲圍欄係小朋友0既好朋友, 俾佢自己扶住行又得.

add oil~

私人傳訊

chengkayan

男爵府

積分: 5408

5^#

發表於 17-7-11 09:54 |只看該作者

fishshum 發表於 17-7-11 09:39
回覆 mikis 的帖子

1. 你 weekend 係咪會自己上手餵? 係0既, 你俾一 set 餐具佢, 自己一邊餵, 咪又俾佢自 ...

咁細個係冇咪專注力嘅，靠以後慢慢培養，我仔都係咁，新玩具玩唔到10分鐘就唔玩啦，湊小朋友係好辛苦嘅，其實在屋企都有好多野陪佢玩，哄佢開心，唔一定落街

私人傳訊

mikis

大宅

積分: 2757

2018復活節勳章

6^#

發表於 17-7-11 10:12 |只看該作者

Thanks all for the replies!!!

1. 我weekend通常下午開始自己接手，不過一要比佢自己玩食物就會出現99同阿媽鬧爆我嘅聲音，我又唔想出街試整污糟餐廳地方。頭痕。

2.3 多謝各位建議。或者買多少少書／玩具陪佢玩

4.呢個囡8個月開始就唔鐘意被圍，所以好早就還返個圍欄比人。成日想自己行，但一行就企唔穩無重心。繼續放手比佢跌吓？定係扶到佢ok為止？

私人傳訊

fishshum

大宅

積分: 1534

7^#

發表於 17-7-11 11:08 |只看該作者

回覆 mikis 的帖子

唔駛特別買好多玩具, 屋企好多野都好好玩. 我會將 d 衫夾夾0係張紙上面, 叫小朋友抆出黎. 紙巾可以撕一餐. 原子筆0係手指頭上面畫 smiley face 可以同小朋友 say hello. 大人雜誌小朋友都可以睇圖.
由得佢跌下, 唔好撞到頭就 ok.

私人傳訊

haha748494

翡翠宮

積分: 92389

BB防敏心得分享勳章

8^#

發表於 17-7-11 17:51 |只看該作者

都系同囝囝玩車車，互動下。我都幾想帶BB落街，但99話好熱，唔好吖。

私人傳訊

amebridge

大宅

積分: 1608

9^#

發表於 17-7-11 19:58 |只看該作者

回覆樓主

我個B歳半，乜都玩一餐：紙巾、水、樽、牙刷、食物。你跟住佢嘅興趣，再set limit，例如水只係沖涼玩、紙巾只限一格搣，搣完抹嘢。
睇書做大人主導嘅嘢係幾分鐘專注，正常嘅。
其實未入學，好好享受同佢無聊玩嘅時候啦！

私人傳訊

carmenshing0730

複式洋房

積分: 320

10^#

發表於 17-7-18 08:45 |只看該作者

我都有同感, 我都係一個在職媽媽, 不特只我仲係一個要返夜學既媽媽, 一星期返3晚, 放工要返學梗加想死, 但我一唸到日後俾個仔有更加好既生活, 辛苦D都唔怕

老人家問題, 我都同你一樣架, 下次18個月健康院檢查時帶埋揍B既老人家去, 等佢聽下護士講咩, 我地講十句都無用, 佢有佢一套, 等老人家聽下外人講佢個孫有D咩問題要改有咩要學, ,到昤佢就驚架喇, 怕個孫蠢, 我個仔都係架, 一歲針時, 護士問有無日日俾水果BB食, 我話大人都無食啦, BB點會有, 護士話唔得, 我將呢番說話同老人家講, 一個唔食水果既老人家日日乖乖俾水果BB食, 但自己都要努力, 每個星期都要自己買D水果返去俾佢地食, 等佢地日頭餵BB食

車仔書仔都俾佢玩下, 咁細個小BB係無專注力架, 對佢地要有100分既耐性, 我睇過一個報導講, BB唔好俾太多玩具佢揀, 養成日後專注力, 3幾樣玩具囉, 隨住佢越黎越大個, 有D玩具要變, 你個BB要玩D動腦筋既, 睇書仔, 買ABC, 123個D書仔佢睇, 佢係唔識架, 但每日都抽少少時間讀俾佢聽, 我就捉住佢手指仔寫既

佢想行你俾佢落地下啦, 等佢跌下自己起身, 就好快學識行架喇, 佢跌千其唔好即扶佢, 等佢自己起, 唔好驚過佢, 冷靜D佢自然就唔會喊, 我BB都係咁樣學行路架

每個星期都必帶小BB去街街, 等一家人有家庭樂

大家HAPPY SHARING

私人傳訊

JNF

子爵府

積分: 10074

11^#

發表於 17-7-18 13:35 |只看該作者

回覆 mikis 的帖子

你咁遲先放工都想同小朋友玩，其實已經好好，我小朋友大你一年，每日生活差不多，得好少時間陪佢，但我自己先食少少野，陪佢訓左後就晚餐同家務，拉下筋咁。
其實散步對大家都好，佢唔洗成日係屋企，你可以當散心(你地既獨處時間)，要珍惜! 你只在樓下安全既地方，介紹下月亮、花草、問下佢今日過成點，佢明白架。買個好d既揹帶，我以前揹佢星期六日周圍睇野，佢好好奇，好開心，而家太重揹唔到好懷念架~

加油媽媽!

私人傳訊

JASPERMOM

別墅

積分: 596

12^#

發表於 17-7-19 23:37 |只看該作者

chengkayan 發表於 17-7-11 09:54
咁細個係冇咪專注力嘅，靠以後慢慢培養，我仔都係咁，新玩具玩唔到10分鐘就唔玩啦，湊小朋友係好辛苦嘅， ...

我最近嘗試每次只拎一樣玩具同佢玩，佢會專心d 玩

私人傳訊

mikis

大宅

積分: 2757

2018復活節勳章

13^#

發表於 17-7-25 17:56 |只看該作者

回覆 carmenshing0730 的帖子

你好叻呀。我都想進修，但真係有心無力，可能等佢再大d先啦。

下次去健康院我老公應該陪唔到，可能帶99去聽下醫生講野。但佢d性格我真係唔期望咁多啦。唉
我可能都要努力d，久唔久整定下午茶比囡囡食。

我而家試吓由佢搗亂間房，反正我哋限佢玩咩都唔理我哋，就由佢。見佢開始識儸野行過黎比我都幾開心嘅。