Hello Kathy1104媽媽, 有時可能會係BB嘅便便見到有食物殘渣,例如紅蘿蔔､粟米､菜渣｡ 原因係BB腸道吸收唔哂食物嘅食用纖維,剩餘嘅會係大便排出黎, 並唔代表BB消化得唔好｡ 媽媽可以留意下BB 便便嘅質地, 如果BB消化得好,便便係軟身/ 糊狀, 都可以放心~ 開始左食固體食物,媽媽有冇同BB 建立飲水習慣呀?
Kathy1104 發表於 17-8-31 02:26
BB唔肯飲水
BB要時間慢慢建立飲水嘅習慣，奶有味道BB飲慣左未必一下子即刻轉清水，避免係BB 食完固體最飽肚時俾水BB 飲，媽媽可以試下加生果片，有天然香味都可以比較吸引BB，令BB慢慢適應，最後就可以飲清水啦 ! 依家天然開始乾燥，媽媽煲多D新鮮、時令、唔油膩少/無調味嘅湯俾BB，試過既湯料少量咁試，天然湯水可以吸引BB多飲水架，腸胃和排便都好D架。
yanloi_lou 發表於 19-3-10 00:36
我仔7個月，便便滿佈食物殘渣，而且3-4日先痾一次，會唔會係太多渣難痾呢？
...
Hello yanloi_lou，食用纖維不能完全被腸道吸收，有機會透過大便排出黎。BB的腸道尚在發展，未必有特定的排便規律，有D可能幾日一次，有D一日幾次，除了睇便便次數之外，更重要係睇BB便便的質地，一般係軟身或糊狀便便就OK，比較容易排出。BB便便係咪乾硬? 排便時會否表現得好辛苦?BB的精神同胃口點?
yanloi_lou 發表於 19-3-12 18:07
便便都算軟身，條狀，唔係粒粒硬身，但係同糊狀爭好遠。
菜需唔需要再blend蓉d？大概幾時腸臟會開始成熟？ ...
固體食物的質感，主要視乎BB的口腔肌肉發展，觀察BB的咀嚼或吞嚥能力而調整，只要BB吞到就可以，整得太爛反而訓練唔到BB 咀嚼能力。BB加固後，排便有改變係好常見的，只要便便係軟身就OK，媽媽不用太擔心，平時飲食可留意水份或纖維攝取足唔足夠，以預防便秘。當BB逐漸嘗試不同種類食物，腸道一步步調整同適應，腸胃消化會逐漸成熟，BB食固體食成點? 試左D咩食物?
發表於 
返回列表
