解決jm們對學琴的疑問

aaaiqc
|
請問有咩辦法幫小朋友建立好良好既練琴習慣?
KUDOS
|
非常同意,唔好話學琴,就算補習都係咁,我以前讀預科時幫小學生補習收幾十蚊一個鐘,我阿姨係教師,一樣出去幫小學生補習收幾百蚊一個鐘。
Angel_Rose
|
見樓主這帖,好感足。

我媽想我k1時學琴,果間琴行話吳收幼稚園,要小學先,到小學時已搬屋,就去新家樓下學琴,琴行每年轉一次老師,好煩,次次都話個老師因為父/母死左所以吳做,亦拖我時間,小一學到小六先比我考2級,機緣巧合的情況下,我轉左老師,的人地家學琴果啲,老師好好又識教,幫我追返以前浪費左的時間,最終我趕得切係考a-level前考到8級,仲係一take過合格左,每次講返學琴,我都好感激這老師,本身8級後考完a level之後想學上去,學左陣,都jupas放榜,有大學讀,媽就話入到大學就應專心大學,不應再學琴,所以我覺得自己學琴路上不太完美。
migohappy
|
艾妃 發表於 17-9-8 13:07
對呀,琴行都有好老師,但好睇運氣你遇唔遇到。一d好老師,開始有經驗同有成績多數都跳出黎自己教,所以淨 ...

我好幸運有遇到,佢非常用心同耐性教我,唔會在意我已經係阿媽級,仲不斷教我點享受音樂,我真心多謝佢,令我可以堅持落去
艾妃
|
aaaiqc 發表於 17-9-8 16:20
請問有咩辦法幫小朋友建立好良好既練琴習慣?

初期都係要氹,同陪住,每日一個固定時間去練習,由10分鐘開始,一星期後加到15分鐘等等,令小朋友慢慢將練琴成為習慣。最重要係令佢地知道練琴就好似沖涼咁,每日都需要。
艾妃
|
kellychan1 發表於 17-9-8 16:17
你好, 我女學二級琴書,每堂學兩首歌仔,會唔會少咗D?

二級得2首會少咗d,但我唔知你小朋友可以吸收到幾多,有d會慢d就學少d歌,有d吸收得快就每次3-4首。一般我教學生,二級會教3-4首,包括一首練技巧,兩首歌仔。
kellychan1
|
艾妃 發表於 17-9-8 22:16
二級得2首會少咗d,但我唔知你小朋友可以吸收到幾多,有d會慢d就學少d歌,有d吸收得快就每次3-4首。一般我 ...

謝謝!
aaaiqc
|
艾妃 發表於 17-9-8 22:13
初期都係要氹,同陪住,每日一個固定時間去練習,由10分鐘開始,一星期後加到15分鐘等等,令小朋友慢慢將 ...

謝謝!
另外,怎麼選擇老師?
我女現在在一間小型琴行學,由一個老闆娘和一位較後生的老師教,老闆娘assign 左個後生老師教我女。我自己完全冇經驗佢教得好唔好
艾妃
|
aaaiqc 發表於 17-9-10 16:03
謝謝!
另外,怎麼選擇老師?
我女現在在一間小型琴行學,由一個老闆娘和一位較後生的老師教,老闆娘assig ...

睇你女女學到d咩,如果學好姿勢,拍子,認音的話一般都ok,因為有d老師無耐性教拍子或認音。學得快定慢都不能認定一個老師好與否,最重要係有學到野兼學得正確。
欣媽媽
|
艾妃 發表於 17-9-10 17:58
睇你女女學到d咩,如果學好姿勢,拍子,認音的話一般都ok,因為有d老師無耐性教拍子或認音。學得快定慢都 ...

多謝樓主分享
我想說,我仔老師有家長曾要求考x級試,該學生重未接觸過鋼琴 ,那她就專幫學生操練x級試考試範圍。最後,她學生當然考到証書,但她反覺得學生連彈琴、睇譜應有既基本知識都不懂。她覺得成件事本末倒置……
請問樓主你認為家長應怎樣取捨呢?
keung0413
|
我自己係7~8歲開始學, 請問3~4 歲開始學會唔會太細?
而家我個仔4歲, 比佢係屋企 '玩' 過鋼琴, 小提琴, 牧童笛, 覺得佢好似樣樣都無咩興趣。。。 係因為佢太細定因為係我自己 / 舅父教佢?
想佢而家開始學一樣樂器。。 去琴行好d 定係屋企學好d? 係屋企驚佢心散, 去琴行又無咁方便。。。

艾妃
|
欣媽媽 發表於 17-10-3 00:25
多謝樓主分享
我想說,我仔老師有家長曾要求考x級試,該學生重未接觸過鋼琴 ,那她就專幫學生操練x級試考 ...

視乎家長需要乜,學琴在我黎講係長久,無學完既一日,但有d家長會覺得係短期,志在攞張cert見學校,學校收咗就唔會再學,如果家長係咁諗的話,坊間絕對有呢d老師提供到服務。我唔會亦唔希望自己學生係為考試而學,通常一有呢d學生我會盡量說服佢要到適當既時候先考。學任何樂器都要時間浸,好難一步登天,如果家長對子女有期望,希望能學有所成,考到8級或演奏級,就應該信任老師,同跟小朋友既時間表去考。學琴無對或錯,只有timing適合與否,啱時機去考會事半功倍,好過迫佢去,盞大家失去興趣同意義。
艾妃
|
keung0413 發表於 17-10-3 00:54
我自己係7~8歲開始學, 請問3~4 歲開始學會唔會太細?
而家我個仔4歲, 比佢係屋企 '玩' 過鋼琴, 小提琴, ...

4歲太細,5歲會好d,老實講,比錢請人教會好d,可以減少子女同你既衝突
欣媽媽
|
艾妃 發表於 17-10-3 00:58
視乎家長需要乜,學琴在我黎講係長久,無學完既一日,但有d家長會覺得係短期,志在攞張cert見學校,學校收 ...

多謝樓主回覆
zitzai
|
Angel_Rose 發表於 17-9-8 16:27
見樓主這帖,好感足。

我媽想我k1時學琴,果間琴行話吳收幼稚園,要小學先,到小學時已搬屋,就去新家樓下學琴, ...
我細個又係咁,跟琴行 d 姐姐學,學壞手勢。後來搬屋阿媽搵到個出名o既收我,改手勢o個年真係痛苦。個老師係好勁,但無耐性對小朋友(我小學),以前我地仲可以俾人打手!
到我仔學,我搵老師揀老師用o左半年有多,點都唔想搏俾佢去琴行學。終於俾我搵到個有 formal training,有經驗,同我理念 夾到同鍾意小朋友o既好好老師。頭呢年佢講明會慢,因為要打好個底。堂堂夾我仔睇譜,對拍子機,練耳仔,執手勢。我知出面有好多更平選擇,但我覺得好值得
kmyi0_0
|
艾妃 發表於 17-10-3 01:00
4歲太細,5歲會好d,老實講,比錢請人教會好d,可以減少子女同你既衝突
...

想借位問下買琴既事!我女4歲半,學左十個月,而家用緊casio 數碼鋼琴!大概幾時要轉用鋼琴練琴?邊到買琴穩陣,一手琴未必負擔到!我仲有個細佬,兩歲,家姐練琴係隨心既,即幾時想彈就彈,但有時細佬訓緊佢都想練,我照比佢練,插耳筒,但如果換左鋼琴就冇左插耳筒既功能,如二手靜音鋼琴市面比較少,一手又太貴,咁可以點解決呢個問題!數碼鋼琴係咪真係冇咁好?
062004
|
多謝艾妃分享,揾好老師真系可遇不可求。仲有呀,呢度D J M成日揾琴。因我曾想買隻2手比亞女,所以我都有做功課。好多人淨睇serial no唔夠囉,要match埋model no同出廠年份,網上話有奸商翻新改no.。另外奇怪隻琴model no廿、三十年前出可以話9成新
kirstyau
|
艾妃 發表於 17-9-8 12:10
成日係呢到見到有媽媽問初學樂器幾錢,大家成日有好多比較。好想解答你地,呢行其實無公價,教樂器本身係專 ...

本帖最後由 kirstyau 於 17-10-3 13:41 編輯

中文大學校外進修學院鋼琴演奏文憑,英國皇家音樂學院八級鋼琴特優證書(Distinction)及英國皇家音樂學院八級樂理證書。
教學經驗超過10年

老師收緊 2級 45分鐘 $155,5級 45分鐘 $200

真心覺得平, 其實我都唔明,因為佢長駐中心教,如果出去私教應該可以收貴d。

老師仲有出去幫細女伴奏校際小提琴,伴奏真係唔係識彈就做到,佢連DG學生都有搵佢出去伴奏。
艾妃
|
kmyi0_0 發表於 17-10-3 11:13
想借位問下買琴既事!我女4歲半,學左十個月,而家用緊casio 數碼鋼琴!大概幾時要轉用鋼琴練琴?邊到買琴 ...

數碼鋼琴出聲始終死實,唔能夠有鋼琴的活生生的音色,買部二手鋼琴最好,睇下bk有無人放,一係你有需要可pm我介紹你去我d學生買開嗰間到睇,價錢公道又老實。唔好去亞洲,松板,富士嗰d喇,好多所謂陳列琴翻新琴食水深到呢⋯⋯細佬瞓覺既問題無得解決,唯有向家姐入手,每日固定一個練習時間比佢咁就最好,又唔會嘈到細佬。靜音鋼琴我唔建議買喇,多咗個機器始終唔夠鋼琴的手感咁真實
sambebe
|
我都想講……
我仔喺美國時,係唔會比咁細個學琴,因為手指仔未發育,只可上唱遊班之類,7歲才可學Suzuki method。我朋友個仔5個月就話學呢學路,2歲學網球,3歲學琴,只能話佢無知
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽