有無試過荷爾蒙失調?

jwy2
|
本帖最後由 jwy2 於 17-11-19 19:25 編輯

我上年年底嚟 m 前幾日會有幾日少少啡,之後無啡正常幾日先嚟m,但嚟一日m 之後又流好多日啡先完,當時睇醫生,照過2次子宮正常,抺片因keep 住有做,所以無再做,醫生話check 過正常,無大量出血可以唔洗理,但亦可食避孕丸調番正常,我見唔太困擾無考慮食。

但最近2個月,流啡的日數多了,但份量好少,每日一,倆滴,m 與m 之間嚟的時間又密咗,約20鬆日嚟一次,都唔知睇唔睇醫生好。

想問正常嚟啡的第一日當唔當正式嚟m? 有次照乳房,醫生話有啡當嚟m,如果係咁,我而家唔洗20日就嚟一次m

同埋,而家成個頭都好油,又爆瘡,好慘。
bananaGi
|
jwy2 發表於 17-11-19 18:25
我上年年底嚟 m 前幾日會有幾日少少啡,之後無啡正常幾日先嚟m,但嚟一日m 之後又流好多日啡先完,當時睇醫 ...

正常m 5-7日, 長期拖拖拉拉有啡都唔正常。
happy+
|
荷爾蒙失調既你們,有無試過行房後出血,近兩次我都抺到粉紅色分泌。唔知關失調事或肌瘤事(本身有子宮肌瘤)?有無jm試過?
sean2017
|
你地睇邊皮膚專科?
因我一黎m成日都出痤瘡,紅紅地,平時都有,但無咁多。成日出好多油
夏威夷果仁
|
壞蛋獎門人 發表於 17-11-17 11:13
試過,成面石頭瘡,情緒差爆,肥左三十磅,有體臭,食避孕藥搞掂哂
...

請問可以比醫生資料我嗎?我同你情況一模一樣,但我唔知應該睇家庭醫生,婦科定內分泌科。

唔該你!
chitchitmum
|
wy_yen 發表於 17-11-16 23:04
好多年前試過。。仲o黎足成個月m。。。係日日都勁多果種。。。果時記得中西醫都有睇。。食埋止血藥都冇咩反 ...

我都係,真係好辛苦,仲要勁多血塊,打左兩次止血針都冇乜用 血色素得6點幾,就算M停左都要補大半年先回氣
後來要戴子宮環,先改善到
二世龜
|
我想問黎好多日子個d
黎既通常係鮮血定啡?

食完荷爾蒙真係好返?
燚然
|
bananaGi 發表於 17-11-16 21:18
影響埋m

請問大家係晚上幾點瞓呢?中醫話荷爾蒙失調好大原因係夜晚過咗11 時瞓,唉!我都係太夜瞓,又早起身,睡眠不足,荷爾蒙問題一直未攪掂。
SJ6
|
有呀! 去睇中醫調理下好快好番
bananaGi
|
燚然 發表於 18-8-20 10:29
請問大家係晚上幾點瞓呢?中醫話荷爾蒙失調好大原因係夜晚過咗11 時瞓,唉!我都係太夜瞓,又早起身,睡眠 ...

11點.... 全港大把人過11點!
燚然
|
bananaGi 發表於 18-8-20 17:11
11點.... 全港大把人過11點!

係呀!太多人夜瞓,咪有番咁多亞健康既香港人囉。身體最誠實,外表無特別,但內裏弱不襟風,輕者就郁吓傷風感冒,重者....
unknown
|
bananaGi 發表於 17-11-16 21:18
影響埋m

我應該叫做好嚴重嗰隻,之前因為失調醫生叫我吃避孕丸來控制,但吃了六七年后,突然吃緊避孕丸也來經,停咗避孕丸就M到唔識停,持續兩三個月后,看婦科醫生,叫我吃止血藥,不夠一星期又嚟M,之後再吃調經丸,一日三粒也未能控制得好好,間唔中都有血流出,之後停藥,月經仍不受控制,之後做埋刮宮;正常人刮宮後流血7-10多日就停,手朮后血停了七天,M又來了,而且量多!之後要keep住食調經丸,一日三次,一樣服藥期間中有血出,婦科醫生話所有驗血報告好正常,亦未有更年期跡象,婦科醫生話冇法子,叫我放鬆心情。
之後因為吃調經丸的高劑量引致脫髮及肥腫難分,婦科醫生叫我減藥至一日兩粒,我同時看中醫,中西醫一齊睇,四個月后覺得有少少改善,至少M自己識得停,.水腫改善了、精神也好轉,而且中間出血的時間減少了!
不過最近又太過忙,沒時間看中醫,又可能壓力太大,M又開始失調!
Gavinmama
|
我也曾試過連續M半年不停, 食hormone藥和止血藥都唔掂, 最後發現原來自己腦下垂體有個瘤, 影響了催乳激素分泌上升, 食藥去控制催乳激素就正常了. 食了年半都好穩定, 便停藥. 我停了藥十年了, 催乳激素很正常, 所以m也一直好正常!
Ytfc
|
二世龜 發表於 18-8-20 10:03
我想問黎好多日子個d
黎既通常係鮮血定啡?

我係血,食完真係好返,唔使再日日用m巾
kiubaby
|
我都係荷爾蒙失調 ,近半年都成日生暗瘡,而且近來啲m好唔正常,明明嚟完無耐,但間中又有啲少少血咁,之前都有睇咗一排中醫,但都冇好大改善咁,諗緊好唔好轉中醫
不過我發覺情緒都好大影響,之前放大假兩星期,完全無生過暗瘡,嗰排皮膚好番啲,早幾日同老公嗌大交,第二日即刻爆咗三四粒暗瘡,
我而家盡量控制自己情緒,唔好咁勞氣,得閒就做下運動,希望可以減下壓,我覺得如果自己唔控制好生活習慣,俾幾多錢睇醫生都無用
二世龜
|
Ytfc 發表於 18-8-20 22:51
我係血,食完真係好返,唔使再日日用m巾

多口問
會唔會有血塊/黑色點點?
平時m到有無?
檸檬檸檬
|
HoneyDewDew 發表於 17-11-17 22:24
廿幾歳響外國返新工,太緊張,試過兩年冇m, 冇理,亦唔知會影響生育,所以一直冇理。淨係響加拿大睇過醫生 ...

白鳳丸真係堅有用,未生前2-3個月先來一次M,食一個月後來m都算正常返,重好快有B.B.
Ytfc
|
二世龜 發表於 18-8-21 08:05
多口問
會唔會有血塊/黑色點點?
平時m到有無?

M到有血塊,但黑色點點就冇,平時都係鮮血咁
二世龜
|
Ytfc 發表於 18-8-21 09:40
M到有血塊,但黑色點點就冇,平時都係鮮血咁

我想問最後係食咩好返
Ytfc
|
二世龜 發表於 18-8-21 10:00
我想問最後係食咩好返

避孕藥
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽