保持冷靜

csir3290
|
本帖最後由 csir3290 於 17-12-3 12:50 編輯

前幾日阿仔又為咗溫習默書發脾氣,其實近排阿仔溫習默書已經冇乜大問題,佢都會主動溫習同唔抗拒温習。但係唔知係咪因為情緒到,所以早幾日又發大發咗一場脾氣。本來嗰日食飯前,阿仔自己話温多次默書,咁我老婆就同佢溫啦,本來諗住快手快腳溫完就食飯。但係喺温習期間,阿仔為咗要一定要串啱一個字不停喺度用時間去諗,又唔畀我老婆繼續讀落去。其實我老婆都已經好有耐性同佢講唔識就算啦最多一陣改正,但係阿仔死都唔肯一定要諗到識為止,我覺得佢根本就係度發緊脾氣,終於到食飯我老婆話唔温住啦,佢啲脾氣就開始爆發出嚟係都唔畀我哋執嘢,最後終於自己走咗入房發脾氣,我哋只係同佢講而家要食飯,食完飯先再默,點知佢越發越大脾氣,不停喺度話我而家要默書,我哋點解唔幫佢温,我哋冇人鬧佢,只係繼續同佢講要喺合適嘅時間做合適嘅嘢,而家係食飯時間就食完飯先至默。佢當然唔肯啦,繼續發脾氣,我哋同佢講我哋而家飯,如果佢唔食佢自己可以喺房自己溫習,但係我哋食完飯就會執嘢唔會留畀佢。佢扭咗一陣見我哋冇理佢,佢就行咗出嚟望住我哋食飯佢就繼續喊,其實佢出得嚟我哋都知佢開始有啲軟化,咁我哋就畀個下台階佢問佢而家想點,佢就喊住同我哋講話我而家想你哋攬番我然之後就食飯,我哋就同佢講你想我哋攬返你你就先要冷靜返唔好再喊。終於佢慢慢收聲咁我哋就攬返佢,之後就繼續返埋嚟食飯。食完飯就繼續溫習默書仲好快溫完添。成件事根本無人鬧個阿仔,係阿仔自己發脾氣,雖然明知係佢唔啱但都真係要冷靜,因為如果做家長都唔冷靜點樣叫小朋友冷靜啦。好多時我哋遇到小朋友發脾氣叫極都唔聽,就會搞到連自己都唔冷靜越嚟越嬲,喺呢個時候我哋同佢一齊嬲根本就唔能夠解決問題。佢哋發脾氣可能只係情緒到,但係又諗唔到解決辦法所以就喺度發脾氣,呢個時候你同佢一齊嬲根本解決唔到問題,只會越嚟越差。所以要應付仔女發脾氣最重要真係家長要自己保持冷靜。同時如果我哋唔冷靜,其實咪又係教緊仔女當遇到不順意嘅時候就用發脾氣嚟解決問題。自己冷靜期實對仔女都係一種身教。
點評
JD930    發表於 18-3-21 14:31
ritalwt    發表於 17-12-7 16:39
KCBaby2011
|
多謝你的分享,學習中!我就係同佢一起發脾氣的差媽媽
csir3290
|
回覆 KCBaby2011 的帖子

唔好覺得自己差!!努力呀!大家都在學習中。
coola
|

lgsyoyo
|
一齊努力
小飛俠288388
|
面對小朋友亂發脾氣我經常都會跟著發脾氣,如此這般惡性循環破壞了親子關係,睇咗你分享我要好好檢討一下自己
BonBon2970
|
emils288
|
有時真係忍唔住
pe
|
藍鳳凰
|
jojoo2017
|

goodgoodman
|
我都不斷學習中
ctang97
|
Thanks for sharing!
heyou
|
有時父母保持冷靜好過積極參與解決問題
volar
|
volar
|
rachelsh
|
家長先保持冷靜
ttjl7
|
Thanks for sharing!
laiwah617
|
csir3290 發表於 17-12-3 12:50
前幾日阿仔又為咗溫習默書發脾氣,其實近排阿仔溫習默書已經冇乜大問題,佢都會主動溫習同唔抗拒温習。但係 ...


hhyau
|
忍無可忍,重新再忍。
Powered by Baby Kingdom