心聲留言

跳至

首頁
45678...9

尾頁
   17


男爵府

積分: 8891


發表於 18-3-29 17:23 |顯示全部帖子
jodyfan 發表於 17-12-6 21:18
有進步, ,keep 住落去,比d下馬威佢地睇!食妳嘅住妳嘅,妳唔比佢地蝦,冇人蝦到妳!

唔好再搏 ...

好point
te quiero mucho mi amo


複式洋房

積分: 160


發表於 18-4-9 12:42 |顯示全部帖子

回覆樓主

我見唔少朋友都同父母鬧翻,雖然大家係有血緣關係,但唔代表夾到,有時緣份真的不能強求,自己做咗本份就算


伯爵府

積分: 19496

2024年龍年勳章 我的育兒心得勳章 有「營」勳章 叻叻勳章


發表於 18-4-18 23:24 |顯示全部帖子
OKC 發表於 17-12-5 20:44
唔明點解有些人對自己屋企人說話尖酸刻薄好似有仇咁,常常和家人作對,但對外人就客氣尊重,我爸正正係呢 ...

呢啲咪叫(emoji)居囉!


伯爵府

積分: 16212


發表於 18-4-19 00:45 |顯示全部帖子
nataliewsm 發表於 17-12-4 11:06
竟然有阿媽鍚新抱多過個女呀

有,我媽都係,我情況同樓主很似,睇到好有共鳴,唯一唔同嘅係我做左10年ftm, 一様係我主力供養佢地


珊瑚宮

積分: 113640

HiPP勳章(1) 2018父親節勳章 2018復活節勳章 畀面勳章 BK猜猜猜慶中秋 hashtag影視迷勳章


發表於 18-4-21 16:05 |顯示全部帖子

回覆樓主:

人與人之間係講緣份既,家人都唔例外


禁止訪問

積分: 6981

2018復活節勳章


發表於 18-4-21 22:09 |顯示全部帖子
提示: 作者被禁止或刪除 內容自動屏蔽


用戶要求終止服務

積分: 31434

牛年勳章


發表於 18-5-14 18:36 |顯示全部帖子

回覆樓主

感同身受,我都未放得開!
未經許可,請勿轉載


公爵府

積分: 29622


發表於 18-5-15 07:23 |顯示全部帖子
大笨鐘 發表於 18-5-14 18:36
感同身受,我都未放得開!

唉,唔放開都要放開。

只有疏遠才可以放開自己。

我這半年係疏遠了父母,唔會個個星期同佢地食飯,唔會日日call, 對佢地要有底線,加人工出花紅唔好出聲,或講花紅全部用來交稅(係事實)否則佢地有期望。我阿媽一向貪心自私,買野要乜一定向我埋手,上次同佢經過jo malone,佢問我係乜,我話係香水店,我話佢D香水好貴,要成千,佢跟著話想買隻乜乜味用來夏天掩汗味叫我買,我即刻同佢講,你唔係想買jo malone呀? jo malone 太貴,你(佢已經七老八十)又唔駛番工見人,又唔出街,駛乜買咁貴?我自己日日返工見人都唔買,佢唔出聲。

疏遠係最好方法,做足子女責任俾足家用夠生活耐不耐帶佢地出去食飯便足夠。


子爵府

積分: 14110


發表於 18-5-15 15:50 |顯示全部帖子

回覆樓主:

支持!
設界線,要保護好自己
當你對人好,人唔係一樣咁對你好,唯有自己set條線set得好啲


子爵府

積分: 12566


發表於 18-7-15 01:59 |顯示全部帖子
OKC 發表於 17-12-3 21:57
多年來自問盡力做好孝順女,俾足家用之餘,亦常常帶兩老出外食飯,去了幾次旅行,買很多東西給他們,幾年前 ...

同你際遇好相似, 但我無本事做唔到佢地既搖錢樹
有機會大家傾下計, 我父母同你父母不相伯仲


公爵府

積分: 29622


發表於 18-7-15 10:25 |顯示全部帖子
lemonlemoncc 發表於 18-7-15 01:59
同你際遇好相似, 但我無本事做唔到佢地既搖錢樹
有機會大家傾下計, 我父母同你父母不相伯仲 ...

我覺得有些時候要同呢類型父母保持距離,係work 嘅,你父母年紀幾大?我的是七老八十,所以唔到我唔理。


子爵府

積分: 12566


發表於 18-7-15 18:32 |顯示全部帖子
OKC 發表於 18-7-15 10:25
我覺得有些時候要同呢類型父母保持距離,係work 嘅,你父母年紀幾大?我的是七老八十,所以唔到我唔理。
...

都是7-80 歲啦
人同人之間就係講緣份, 原來有些人真係父母緣薄已從小到大我都覺得父母偏心, 亦重男輕女, 小時候已叫我幫手做家務, 唔肯做就又打又罵, 其實我明幫輕家務是人人有責但都唔係我一人做晒啊?


子爵府

積分: 11899


發表於 18-7-15 19:53 |顯示全部帖子

回覆樓主:

要學識放手同say no,要狠心佢哋先識反省,樓主,加油。


複式洋房

積分: 419


發表於 18-7-21 10:25 |顯示全部帖子
OKC 發表於 17-12-3 21:57
多年來自問盡力做好孝順女,俾足家用之餘,亦常常帶兩老出外食飯,去了幾次旅行,買很多東西給他們,幾年前 ...

我絕對明白你既心情~因為對佢地好,個個月俾家用等等已成習慣,老馮係真架~我屋企兄弟姐妹多,個個都算孝順,但一講錢就會傷感情!付出最多既永遠都係唔討好既一個,冇乜付出既就會得到佢地既關懷!我已同自己講唔好再甘傻,去理甘多野!順其自然便好~講多錯多,愈理愈煩!唯有愛理不理,教好自己小朋友才最重要~加油吧~睇開啲對大家都好


珍珠宮

積分: 36382


發表於 18-7-21 20:33 |顯示全部帖子
OKC 發表於 18-5-15 07:23
唉,唔放開都要放開。

只有疏遠才可以放開自己。

我亞媽都係堅衰! 所以超明白!


別墅

積分: 957


發表於 18-7-22 04:28 |顯示全部帖子

回覆樓主

我最近都同父母反左面...
由細到大,佢地都想掌控住我既人生,選科係咁,連拍拖都指明要讀完大學先可以...無錯,我讀書係唔夠佢地既乖乖女(妹妹)叻,仲要中學開始拍拖。但係我自問都唔煙唔酒,每日準時返屋企食飯果種痴家女仔,就算拍拖都會11點前返屋企。佢地就一直係渡埋怨我,話我會考、高考做咩咁差,我最後考到OU某專業人士degree,每次交學費都睇足佢地面色,話如果係讀到正式大學邊洗咁貴。跟住讀大學果陣,經大學同學認識到依家既老公,佢地知道左就話我發姣,要咁猴擒識男仔,驚死冇男人過唔到世....大學果三年真係難捱到極點,每日返到屋企就係聽埋d咁既說話。我同老公拍左拖後,有一半時間都要實習,實習係冇錢收,車錢食飯都係自資,佢地完全冇經濟上支持我...咁都算啦,我自力更新。到左我差唔多畢業等拎cert既時候,佢地就要求我將我返part time 既1/3人工比佢地,有時我手緊,比少左一兩千,佢地就計住我返左幾多日工,人工應該有幾多。到我出黎做嘢,簽約,佢地問我人工大約幾多,我答左佢地都唔信,要我拎份約比佢地睇,要求我每月既家用比成5位數...每次成家人出去食飯,佢地都大安指意我比錢(就算我個妹出左黎做嘢人工同我差不多都係咁)...我個妹成日都話自己要讀master,要儲錢,我屋企就咩都幫佢埋單,家用我都完全唔知佢有冇比過...
呢幾年,不斷隔幾星期至一個月就嘈交,放工返到屋企仲要睇佢地臉色,一嘈佢地就拎返好多舊事黎講,不停non-stop loop,每次我都睇在佢地係父母養到我咁大份上認句錯,滿足佢地。點知一直就不停循環...
直到我結婚都係咁,因為禮金而嘈,因為註冊當日冇車而黑面...到最近半年我有左bb,好興高采烈打比媽媽,點知淨係得到冷淡既回應「哦...咁恭喜你囉」連預產期幾時都冇過問過
佢地成日話對我心淡,我又何嘗唔心淡呢,所以呢4個月我都冇再搵過佢地,佢地都冇搵我


公爵府

積分: 29622


發表於 18-7-22 14:41 |顯示全部帖子
Mrschu0112 發表於 18-7-22 04:28
我最近都同父母反左面...
由細到大,佢地都想掌控住我既人生,選科係咁,連拍拖都指明要讀完大學先可以... ...

同情你!我父母無你父母咁離譜.....既然佢地咁對你,不要把他們放在心上,好好地建立自己幸福家庭。


別墅

積分: 957


發表於 18-7-22 17:13 |顯示全部帖子
OKC 發表於 18-7-22 14:41
同情你!我父母無你父母咁離譜.....既然佢地咁對你,不要把他們放在心上,好好地建立自己幸福家庭。
...

由知道有左到上個星期一直都冇聯絡,佢地完全冇理過bb係點,加上懷孕反應強烈,我都費事搵佢地。上個星期,諗住臨近中秋,睇下可唔可以關係破冰,我嘗試whatsapp下個妹,send d bb結構相佢地睇,跟住就比佢地爆到七彩,話我當佢地唔存在,都唔搵佢地,仲比相佢地睇做咩,跟住又攞返d舊事黎講,仲話希望你個女唔好似你咁不孝不順...我直情睇到頂唔順,喊到傻,連whatsapp都block埋佢,再睇落去,我諗我一定會影響到埋bb


公爵府

積分: 29622


發表於 18-7-22 19:59 |顯示全部帖子
Mrschu0112 發表於 18-7-22 17:13
由知道有左到上個星期一直都冇聯絡,佢地完全冇理過bb係點,加上懷孕反應強烈,我都費事搵佢地。上個星期 ...

睇出你係孝順女很在意家人,無奈你做幾多佢地唔滿足唔領情,只是一味埋怨!

唔好傷心難過!否則會影響你同BB,同家人無緣份...唯有放手才能自在。



別墅

積分: 957


發表於 18-7-23 14:20 |顯示全部帖子
OKC 發表於 18-7-22 19:59
睇出你係孝順女很在意家人,無奈你做幾多佢地唔滿足唔領情,只是一味埋怨!

唔好傷心難過!否則會影響你 ...

我知道架啦。依家最大既冀望就係bb健康平安出世。忍左咁多年,我唔會再奢望佢地對我有咩改變。老公同bb先係我既親人!

首頁
45678...9

尾頁

跳至