奶奶同我媽爭住粒孫,點化解好

jacobkit
|
本帖最後由 jacobkit 於 17-12-17 22:28 編輯

我住我媽(62歲,寡)附近,我媽本身有長期病,當初說如果要幫我睇b 就要請工人,c6就唔制因爲唔想請,話俾錢外人不如俾奶奶,奶奶又非常想湊孫所以就找咗奶奶湊(54歲,老爺返工),奶奶仲辭埋份工湊

之後奶奶湊總有些事要我媽幫手,例如要返大陸,屋企爆水喉要裝修etc, 之前因爲奶奶突然有大病住咗幾日醫院,c6 就知衰要請工人,奶奶就覺得每次我媽湊完之後我b 就會果個星期唔聽話(19m現在),成日要去街唔合作

我媽之前一直都唔敢日頭來我屋企睇孫因為唔好意思,知道咗請工人之後就開始會多咗去我屋企樓下坐(佢同d街坊好熟)見到奶奶同我b買完嘢就會帶佢去睇下d 舖頭貓仔,去下公園。發現奶奶有大病之後,又會6點左右就接我b去返娘家,因為我同c6 7 點就會去我媽屋企開飯,我媽話想奶奶無咁辛苦,可以早d回家

但其實我奶奶就唔鍾意咁,覺得我媽湊到我b曳,會扭去街,因為我媽覺得小朋友要去公園,會同佢去好耐公園同埋去同街坊打招呼。
早兩日我媽又見到我奶奶同ar b買完嘢回家,就話同佢去睇貓,其實間舖在我屋企正樓下,我奶奶就reject佢。之後晚上,我媽要接孫,奶奶就以教緊ar b去廁所來reject 佢

我媽同我奶奶都分別前後同我投訴,最尷尬係,明日我奶奶又要覆診,又要找我媽幫手。工人一月先到,我奶奶一早話反對請工人,覺得浪費錢,工人打我份工好得閒,會成日來,我媽就話日後工人佢就會上來睇下,帶埋工人同bb去飲早茶

其實兩位都係有心人,真是好難搞

mocha20150323
|
你buy邊個湊法?
anna59
|
邊個比錢請工人果個就糸老闆,有乜嘢,比錢果個話事,2個女人嘈乜嘢,再嘈就2個都無得睇孫,有乜嘢,父母話事
點評
wcpcelia    發表於 17-12-19 15:34
jacobkit
|
其實我覺得大家骨子裡都係一樣,但只是自己做就無問題,對方做就有問題果種

我奶奶都有帶我b去公園,不過係帶一個鐘,我媽會去街坊度打招呼曬孫,所以咪兩個鐘
Jasmine-4711
|
本帖最後由 Jasmine-4711 於 17-12-17 22:39 編輯

請工人花錢,但99辞工应損失大过請工人卦。如果佢返番工,part time都好,有精神寄託,就少d上來巡,你妈就可上來探孫。

希望兩老不要又因湊b方法同外傭開戰,否則,三個女人意見不合,仲煩过兩個。

等阿b入左全日制幼稚園,咁就冇得爭。
melonfans
|
jacobkit 發表於 17-12-17 22:28
我住我媽(62歲,寡)附近,我媽本身有長期病,當初說如果要幫我睇b 就要請工人,c6就唔制因爲唔想請,話俾 ...

-個1,3,5 另一個2,4,6。吾係日日爭餐死,搞出大頭彿
Charlotte_mom
|
要成家傾好一個時間表,一人讓一步。
否則一家幾個女主人,盞煩!第二時你工人就做磨心,無個做得長 (好多老人家同你99一樣唸法,覺得工人好得閒唔駛做坐下就有糧出,同工人好多conflict)
yumui61
|
咁搞法,你傭人好快頂唔順走人,
alicewtw
|
咁真係好難搞,奶奶因爲當初幫你湊仔而辭左份工,佢付出多過你媽咪。工人就已經請左,你當係多個人幫你清潔煮飯。可以分配下一三五比奶奶上黎湊孫,二四就你媽咪,夜晚工人煮飯、兩公婆留喺自己屋企食飯、自己跟返個小朋友。盡量唔好兩邊媽咪一齊湊,避免衝突尷尬。
laiman1002
|
其實長遠計應該係你媽咪適合d, 奶奶始終大病過,精神體力都會差d, 到小朋友2,3 歲真係好似馬騮咁睇少眼都唔掂
而且點講,有咩意見都係自己亞媽比較易開口,奶奶又要婉轉d, 所以如果你媽媽ok既,願意湊,奶奶又可以多d時間養返好身體
pigpig_b
|
自己阿媽湊,有分歧時,你地吵完會無野,
奶奶湊,有分歧時,你只能忍氣吞聲

最麻煩系,一個嫌對方湊壞個孫,唉
兩個湊法已經唔同

長遠計,比一個(較好)湊,最基本搞掂d習慣先,例如食野時食野,唔玩玩具,
坐系固定地方(餐椅),要小朋友知道,坐餐椅就係食飯食野,唔會周圍跑(最起碼唔使追d小朋友餵飯)
fujiko2012
|
我有朋友試過2位長輩一個上午一個下午,亦有朋友試過一個1 3 5 一個2 4 6 之類,最後發現完全唔work,主要係因為3個人(你,婆婆,99)完全有自己既一套,即小朋友其實唔知聽邊個講好,之後就發現99婆婆為得孫歡心就狂縱,做阿媽既就只好做衰人。試問孩子這樣又怎會好,工人亦唔會做得耐。反正你已請工人,2位老人家又都有病,不如快安排孩子上全日,工人主力湊,99婆婆一星期各自1日突擊檢查之類
JoanC
|
anna59 發表於 17-12-17 22:37
邊個比錢請工人果個就糸老闆,有乜嘢,比錢果個話事,2個女人嘈乜嘢,再嘈就2個都無得睇孫,有乜嘢,父母話 ...

你咁講,除非你好肯定工人可以完全搞得掂,一世唔駛再請兩個位老人幫手。『做父母話事』,自己湊就可以咁講囉!
mln
|
趁工人仲未到, 同2老講清講楚每個星期每人湊3日, 星期日就你們湊, 若是是但一人有事無時間湊可以頂上, 之後再補返數。
JoanC
|
我會分別同兩位老人家講,真係年紀開始大,唔想佢哋操勞,所以請工人執頭執尾幫輕下,怕工人見到兩老意見不合,到時工人難教,不如大家各讓一步,否則俾工人知兩個唔妥,到時出古惑。通常有共同外敵,咁會齊心啲。
sarali
|
jacobkit 發表於 17-12-17 22:28
我住我媽(62歲,寡)附近,我媽本身有長期病,當初說如果要幫我睇b 就要請工人,c6就唔制因爲唔想請,話俾 ...

感覺你奶奶係麻煩人
あやや
|
我一開始睇我就覺得你老公都有d問題,你媽想請工人就話d錢不如比99,依家你99湊要請工人你老公又請
做個靚太
|
我覺得問題係你99度喎~
要人幫手,又要嫌人地!況且佢本身有病,又要番下大6,又時不時要覆診,其實都唔適合湊啦~
jacobkit
|
Jasmine-4711 發表於 17-12-17 22:38
請工人花錢,但99辞工应損失大过請工人卦。如果佢返番工,part time都好,有精神寄託,就少d上來巡,你妈就 ...

C6反對返全日制,話小朋友得果兩歲做咩全日

其實奶奶有講佢想找d散工做,不過老公就反對,話請工人就係唔想奶奶辛苦,奶奶喜歡咪來
jacobkit
|
fujiko2012 發表於 17-12-17 23:03
我有朋友試過2位長輩一個上午一個下午,亦有朋友試過一個1 3 5 一個2 4 6 之類,最後發現完全唔work,主要 ...

其實我奶奶當當湊時都有講,本身我話不如奶奶你星期一到4,我媽星期五(果時係我b就出生時,我諗住我媽都可以同孫玩)我奶奶就話咁唔好,bb會好難適應,唔同人唔同湊法,其實我都認同,所以最後都無實行

及後,奶奶每月硬係有一兩日來唔到, 咁我都好明,每人都有自己頭家負責,佢都已好好,我媽都好樂意幫,因為可以去曬孫但又唔係好辛苦

但近呢兩三個月,開始trouble two, 有性格出來,奶奶又唔舒服要一星期覆一次至兩次診,又入院, 奶奶講咗幾次話無湊一兩日又曳咗,計埋婆婆同你有三套,之前你同我湊開都無問題,近呢兩個月我病就有問題etc,可能bb唔適應ar

其實奶奶現在有帶bb去playgroup, 因為我諗住俾d嘢佢地做下費事悶,一星期兩日,奶奶又好開心好自豪,話來緊工人佢都要帶,唔洗工人帶
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽