打斑攻略

cinda72.
|
由比c6叫我開始注意下自己開始,轉眼已經2年有多,由打斑開始到減肥,1064同pico都試過晒,出番個攻略比大家參考下,錢就洗左,但洗都要發揮最大效用,先對得住自己銀包

打斑以而家醫美黎講,最work都係1064同pico架啦,但前者就針對面層斑快有效果,例如雀斑,但對底層色素,就打到天荒地老都未掂,荷爾蒙斑打足1年都唔會多野睇
至於pico ,就相反,面斑係唔夠1064快,但對底層色素,打散作用就明顯好多,而且美白去黃更加係所有機之中最掂,唔只我,包括我既朋友,打過既係好明顯白幾度,咁當然啦,果d痷春蛋廣告就唔好信啦,冇可能一次就有野睇,而且佢原理係打散底層色素,再用自身新陳代謝排出,所以如果新陳代謝良好既,效果會更明顯
但無論1064或pico,都有一樣唔好,就係做完會好乾,打過既朋友都應該知道

而且,做唔足補濕去打,會易敏感,起晒紅,pico 都還好,1064直頭痛到眼水標
點評
JD930    發表於 18-9-28 16:58
cinda72.
|
由當初打1064,唔識注重補濕,瀨晒野,開始研究,有睇開既人都知我會加重補濕,我至愛既水光facial ,hydrafacial 呢d緊唔少得啦,但都明白pay 完1064或pico,又再pay補濕facial ,係會赤赤地既,一闊三大,但要發揮打斑最佳效果,就算唔做補濕facial,mask同補濕產品就真係慳唔到啦
先講面膜,平時平平地既,我會用bb頭,貪佢平,而且補濕都ok,但如果打斑前後,我就會用呢隻蠶絲面膜,價錢都唔算貴,但full出黎都幾潤,拍得住大品牌,但價錢只係品牌野既1/4

附件: 你需要登錄才可以下載或查看附件。沒有帳號?註冊
cinda72.
|
另外每晚既skin care ,我個人偏向日本品牌,雖然有國仇家恨,但日本既民族性的確係好,對產品質量要求高,所以國仇家恨都要放低先
本身我係資粉,差唔多佢地既產品都試過晒,以價錢同質量比較,係用得過既,除左fs
原因?唔係唔得,重點係貴囉,拉低性價比,起手都千千聲,呢隻night cream仲要成2600,我個人覺得性價比就唔多值啦

附件: 你需要登錄才可以下載或查看附件。沒有帳號?註冊
cinda72.
|
性價比問題,所以我轉左用riceforce,呢個係夠膽落醫藥部外品既牌子,醫藥部外品係日本政府測試過,證明有該功效既,先可以落呢個嘜頭,資記都落唔到
呢隻肌底液就係我既最愛,佢等同資記枝紅水 ,但紅水我冇回購,呢枝肌底液我用第3枝啦,原因?唔駛解釋啦,唔好用就冇回頭架啦 佢補濕效力更加好,而且我用佢測試過,連手腳乾燥龜裂既地方我都係用佢急救


附件: 你需要登錄才可以下載或查看附件。沒有帳號?註冊
cinda72.
|
本帖最後由 cinda72. 於 17-12-30 02:46 編輯

本帖最後由 cinda72. 於 17-12-30 02:34 編輯

另外日霜晚霜甚至眼霜我都只係用riceforce 呢隻一盒走天涯,唔立,夠爽,補濕亦都可以
所以我每日早晚只係用肌底液同一cream走天涯

附件: 你需要登錄才可以下載或查看附件。沒有帳號?註冊
cinda72.
|
但呢d只係for平時保養所用,當打斑時,除左用蠶絲面膜做斑前補濕,亦都要預備定呢隻,呢枝野可以話係打斑救星,蝸牛精華
一枝分早晚用,係for打斑後極乾之用,用黎急救,降紅,係勁正,少左佢搞唔掂

附件: 你需要登錄才可以下載或查看附件。沒有帳號?註冊
cinda72.
|
咁當然,打斑後防曬是必需的
因為打完斑既頭星期皮膚係會仲吸光既,防曬走唔甩
我就選用呢枝,由呢度既jm介紹,呢隻46係冇色既,但有b5成份,而且唔立,我係一個好怕立既人,防曬好多都好厚同立,我怕怕 而呢隻仲加有b5,唔立之餘又唔乾,所以多謝jm好介紹

附件: 你需要登錄才可以下載或查看附件。沒有帳號?註冊
cinda72.
|
以上就係我既日常用既護膚品,比起品牌產品黎講,全部都唔算貴野,但性價比高,我係慳護膚品而留錢做醫美既人,做左幾10年人,試護膚品試到心都傷,而家但求性價比高就算,記住護膚品只係護膚,而唔可能做到維修效果,所以資源唔再投放咁多
我自問我呢個年紀,維修到呢個效果,已經可以話係發揮最大資原效應,粉底bb cream cc cream已經遠離我,化妝只係落眼影眼線唇膏就算,希望都幫到40+既jm做到用最少,但發揮最大資源效應啦

附件: 你需要登錄才可以下載或查看附件。沒有帳號?註冊
wwtsy
|
cinda72. 發表於 17-12-30 02:00
由比c6叫我開始注意下自己開始,轉眼已經2年有多,由打斑開始到減肥,1064同pico都試過晒,出番個攻略比大 ...

謝謝,好有用的資料
nyfng
|
多謝分享呀!
不過我有少少疑問,我之前喺中環醫生打斑。每次打完醫生都會開啲自家Lotion俾我,要我頭幾日只用自家lotion同查防曬。要等面上紅印退咗先可敷mask,紅印其間亦不可用有美白成分的產品。
但我見呢度jM通常打完都會即刻保濕(mask/facial),令到我有點疑惑。
nyfng
|
回覆 cinda72. 的帖子

另外想問問樓主,總共打咗幾多次斑呢?平均大約幾耐打一次?有冇話打幾耐之後要停一停?謝謝。
IloveJJ
|
nyfng 發表於 17-12-30 09:59
多謝分享呀!
不過我有少少疑問,我之前喺中環醫生打斑。每次打完醫生都會開啲自家Lotion俾我,要我頭幾日 ...

我去打斑,雖然都係要保濕MASK,但佢都要求我唔係用一般美容牌子,佢問我用邊款?我話用Avene佢先話得,雪花秀嗰啲唔得架。你可睇下Avene, bioderma呢啲牌子,佢有啲mask,修復產品,係寫明針對醫學美容療程後用架!
kathykwok0412
|
多謝分享
kiki1016
|
多謝仙姐分享,皮膚好靚,又白又滑。想請教下rice force你係邊買呀?
同埋我見你會做不同treatment. 想請教下你個rountine係點,例如每月都做咩加咩,可以keep到甘靚。謝謝
cinda72.
|
nyfng 發表於 17-12-30 10:01
回覆 cinda72. 的帖子

另外想問問樓主,總共打咗幾多次斑呢?平均大約幾耐打一次?有冇話打幾耐之後要停一 ...

1064 4次,pico 6次,1個月1次,而家已經大半年冇打過laser啦,遲d可能會3個月或半年打1次當做保養
cinda72.
|
nyfng 發表於 17-12-30 09:59
多謝分享呀!
不過我有少少疑問,我之前喺中環醫生打斑。每次打完醫生都會開啲自家Lotion俾我,要我頭幾日 ...

打左斑又真係唔好用美白野,至於點解用佢自家產品,我諗你要問番佢
cinda72.
|
kiki1016 發表於 17-12-30 11:23
多謝仙姐分享,皮膚好靚,又白又滑。想請教下rice force你係邊買呀?
同埋我見你會做不同treatment. 想請教 ...

而家已經離開維修期,入保養期,保養就係長期作戰,因為人只會老化,保養只係作為推遲老化
而家我都係注重補濕,夠濕紋都唔會咁快出,所以多數都係做hydrafacial,水光facial,又或者水晶晶啦,而家天氣咁乾,1個月會做2次,冇咁乾既天氣我應該1個月做1次記算,另外係膠原鎗,我呢世最恨有蘋果肌,可惜我諗我既人生只有bb期時塊面先漲過
呢個係我既夢想,所以當出左膠原鎗,研究過一輪,加上自己已經接近更年期,都係爽手做,打定底,我怕更年期到膠原流失更快
cinda72.
|
kiki1016 發表於 17-12-30 11:23
多謝仙姐分享,皮膚好靚,又白又滑。想請教下rice force你係邊買呀?
同埋我見你會做不同treatment. 想請教 ...

riceforce唔多地方有,我係中環美容院買,另外大埔好似有,聽佢地講新都會就快開counter,咁就方便晒啦
me920
|
Thanks for sharing~
打完pico會唔會結蕉架?
cinda72.
|
me920 發表於 17-12-30 12:37
Thanks for sharing~
打完pico會唔會結蕉架?

pico結焦只係深左,同1064好唔同
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽