Baby Kingdom - 親子王國 香港 討論區 › 首頁 › 想生BB› 台灣愛群IVF新手包

想生BB

收藏本版
發帖
返回列表
跳至頁
台灣愛群IVF新手包 [複製鏈接]

首頁
12

尾頁
   50
laputasky2005


洋房

積分: 69


1#
發表於 18-1-8 14:16 |只看該作者
本帖最後由 laputasky2005 於 18-1-8 16:00 編輯

剛剛8月在愛群找翁醫師做了IVF 由於是第一次 中途真的撞了不少板 在此分享一下經驗 希望可以幫到想去愛群做IVF的各位
首先簡單介紹一下
愛群的位置是很方便 就正正係台北捷運大安站3號出口 一出就到
一般IVF(我們的情況是輸卵管塞了 沒其他問題)請預要飛去台灣三次
第一次開針藥谷卵 基本上只需一天 如果時間很緊迫請不到假可以即日來回
第二次是抽卵 有朋友抽卵後乜事都冇 可以即刻週圍走 但係我老婆抽完面青口唇白 唔係咁舒服 所以各位如果得既話就唔好抽完即刻飛
第三次是植入 植入前和植入後也會送一次中醫的針灸 增加著床機會
*第二次和第三次也請預3-4天時間

以下的就是我撞板的地方和注意事項
*首先第一次去的時候是要拿針藥回香港的 而那些藥是需要冷凍的 因此他們會借你冰袋同埋冰磚(膠殼裡面有D藍色液體日本城都有得賣個隻) 如果各位離開個日係下午既話咁就冇問題 但係我就早機返 所以最遲都要早一天去拎針藥返酒店雪 但係我又咁岩住左一間冇雪櫃既旅館...得大堂有雪櫃 但係放左係一個RECEPTION見唔到既角落 我去到望既時候度雪櫃門仲要係打開左冇人理.....搞到要急急忙忙去搵另一間有雪櫃既酒店 所以如果各位最尾個日係下午機就唔駛理住既地方有冇雪櫃 走之前去拎針藥就可以 但係如果早機返既話請務必找一間房間有雪櫃(要有冰格 因為要雪冰磚)既酒店 如果房間既雪櫃冇冰格就問下RECEPTION佢地有冇有冰格既雪櫃可以幫手雪住舊冰磚 (第二次去台灣抽卵後也要帶需要雪的藥回港)

*請確保問清楚療程 要清楚知道自己將要做乜野檢查OR治療 因為他們的OFFICE會搞錯 有時護士也不太清楚
我第一次去台灣 見翁醫師之前已經抽了血 見完之後他們又叫我抽血 我都覺得奇怪點解又抽 仲以為我係咪D血驗到有咩唔妥所以要再抽 坐低左隻手都伸左出黎既時候多口問一句點解要再抽 佢地先問頭先有抽咩.... 然後入去搵下先話係喎 已經抽左 咁以為係一次唔小心搞錯啦 跟住到第二次抽卵 明明護士叫我們12:30要到診所準備抽卵 但那天早上9:30就打黎問我地點解仲未黎到 嚇到我地彈起 咁我地就話約12:30架喎 講左一輪就叫我地12:30黎啦咁 我地勁驚係自己記錯OR個護士搞錯左 MISS左個抽卵時間咁點算好 跟住12:30去到問咩野事啦 佢地話打電話個個搞錯左 打錯比我地... 到第三次植入 放胎當日 因為我老婆子宮後傾 所以怕植入會唔會有咩野唔同 但係我地又唔記得問翁醫師 唯有植入當日同左兩個唔同既護士講子宮後傾 但係護士只係話OK 你快D飲多D水啦 點知到入手術室植入 老婆再提一提翁醫師子宮後傾 翁醫師就話子宮後傾唔應該飲咁多水喎............總共去三次 但係三次都搞錯D野

*第3次植入後可以購入偉哥作後備用藥
我地已經有問清楚有冇咩野藥有機會用到 我地都想買左先 驚急起上黎係香港買唔到 咁佢都只係比左兩支黃油針 但係植入後回到香港驗HCG只有大約100 翁醫師就叫我們吃偉哥 可以促進子宮血液流動但香港要醫生處方才能買.....我問愛群有沒有那位香港的合作醫生可以開醫生紙去藥房買 但係佢EMAIL只回覆我 "請老婆去藥房問比較大機會買到"......最後是靠朋友幫忙才解決到.....所以各位去的時候可以問清楚醫師自己的情況是怎樣 有沒有什麼藥物有機會用到就先買

*植入後就請馬上問清楚如果成功後的用藥安排
我就是太新手 不知道原來要吃藥到第14週 植入後他們只開了21天的藥給我 然後食到16 7多天的時候才EMAIL問我手頭仲有幾多藥 覆完之後話得返幾日唔夠時間寄藥 就叫我地係香港先找某位醫生買一星期藥 然後再跟他們買剩下的藥物 他們郵寄過來 我仲傻傻的以為食完21天藥就食完 之後去香港個位醫生到買藥 等見佢就等左2個鐘 賣的藥又貴又唔齊 有D藥佢都冇 佢寫紙叫我去藥房買 搵左5 6間藥房先買到 所以我建議植入後買多一點藥 就算今次不成功要停藥 剩下的可以下次植入後食 總好過要係香港買 又要等見醫生 藥又貴又唔齊

*肝素可以問清楚醫師用藥安排 然後買齊
因為肝素不能郵寄 他們只會叫你在香港買 但香港買又麻煩又貴 我剛好有朋友去台灣 咁我叫朋友幫我買啦 愛群比我既用藥安排係每日都要打肝素打到第14週 咁減返植入當日帶返香港既 我仲要叫朋友幫我買多幾十支啦 但係點知冇啦啦去到第8週EMAIL就同我講打埋手頭上既肝素就可以停 咁我就話手頭仲有幾十支喎 佢覆我話"按計算你手頭應該差唔多冇晒先係 但既然仲有咁多 你打多兩星期再驗D DIMER 到時再決定停唔停藥"......我都唔知佢係點計....又係佢叫我買個幾十支既...可以打到第14週 咁點可能第8週差唔多完 其實我唔介意買多 因為有沒有血栓情況是難以預計 所以療程上安排買多一點也是合理 但係佢地OFFICE比我既感覺係成日都搞錯...叫左我買到14週 但係又話按計算我應該8週就差唔多打完.....


*在香港有什麼突發事情要問佢地點做好 請在說明中講清楚手頭有什麼藥
在第6週時有天老婆有少少出血情況 email問愛群 仲映埋出血量比佢睇 佢地只覆我請盡快去醫院就診 但係我記得之前買既黃油針好似就係咁既情況用架喎 於是就再EMAIL同愛群講我手頭上有黃油針呢D藥 咁佢先再覆我 "問過翁醫師之後 請我地打一支黃油針 然後停打肝素幾天再看情況如何" 佢比我既感覺係第一封EMAIL係OFFICE D人冇問過翁醫師就直接自己亂咁覆我 佢問都冇問過我手頭上有冇黃油針就直接叫我睇醫生算 之後我再問佢地 佢先去問翁醫師點做好 所以佢OFFICE D人比我既感覺係幾唔可靠


其實我覺得翁醫師真的很好 很細心 技術又好 第一次就成功了 只是支援的OFFICE就....唔知係唔係我咁岩遇到咁既情況啦 不過其實全部都係小問題 希望大家睇完我既分享有幫助啦 祝各位IVF既朋友們都順順利利


P.S.翁醫師說我老婆的卵子質素很差 抽了11顆 只2有顆捱到D5可以用來植入 翁醫師說應該是炸物 零食吃太多 (我老婆天天都在吃零食...)所以為了提升卵子質素 飲食方面要注意一點 辛苦各位老婆大人了
私人傳訊

secretbase1302


複式洋房

積分: 379


2#
發表於 18-1-8 15:43 |只看該作者
恭喜你地~~ 想問你太太幾多歲?

我黎緊13號會去初診, 會拎針藥返香港, 預計3月開針, 有無D咩要特別問翁醫師或留意? 同埋初診大約留係愛群幾耐? 你成個IVF用左幾多錢? THANKS!!
私人傳訊

laputasky2005


洋房

積分: 69


3#
發表於 18-1-8 16:26 |只看該作者
本帖最後由 laputasky2005 於 18-1-8 16:38 編輯
secretbase1302 發表於 18-1-8 15:43
恭喜你地~~ 想問你太太幾多歲?

我黎緊13號會去初診, 會拎針藥返香港, 預計3月開針, 有無D咩要特別問翁醫師 ...

謝謝你~我太太34歲 初診會要你早一個鐘去到抽血 之後佢會叫你可以落去行下食野OR坐低等 初診要留幾耐真係好視乎當日多唔多人 我初診個日就等左2個鐘先見到翁醫師 睇完之後再加拎藥 講解D針係點打等等 總共應該留左係個度4小時左右

因為我唔清楚你既情況係點 而且不育原因有好多 所以檢查都可能有好多唔同情況 好似我個情況我地係香港已知不育原因--輸卵管塞左 所以去到就直接問翁醫師點解會塞左 咁翁醫師都幫我地檢查左AND搵到原因 我諗初診最主要都係將自己既情況講比翁醫生聽 例如病史 做過咩野特別檢查等等 令佢可以作出適當既檢查和治療 而最重要既係要問清楚翁醫師會安排什麼檢查和療程 如果冇咩特別既話就冇問題啦 但係如果翁醫師有安排叫你再去做其他檢查既話 要睇下離開間房之後姑娘有冇幫你做翁醫師講既檢查 因為你一離開間房 就係OFFICE D人同姑娘既安排 但係以我既經驗 佢地真係唔係咁可靠.....如果佢地唔記得要提佢地

IVF 連埋買藥 應該大約7萬HKD左右 未計機票酒店同埋中間會叫你係香港做既檢查

祝你成功! 加油!!
私人傳訊

肥波波2016


複式洋房

積分: 285


4#
發表於 18-2-20 15:06 |只看該作者
laputasky2005 發表於 18-1-8 14:16
剛剛8月在愛群找翁醫師做了IVF 由於是第一次 中途真的撞了不少板 在此分享一下經驗 希望可以幫到想去愛群做 ...

你好呀！我宜家既情況同你太太類似，HCG 好低，請問你係邊度買到藥？你太太有冇植入後的藥多呀？
謝謝

私人傳訊

dusit


大宅

積分: 1032


5#
發表於 18-2-20 20:08 |只看該作者
提示: 該帖被管理員或版主屏蔽
私人傳訊

肥波波2016


複式洋房

積分: 285


6#
發表於 18-2-20 20:35 |只看該作者
提示: 該帖被管理員或版主屏蔽
私人傳訊

dusit


大宅

積分: 1032


7#
發表於 18-2-20 21:57 |只看該作者
提示: 該帖被管理員或版主屏蔽
私人傳訊

shasha1010


別墅

積分: 529


8#
發表於 18-2-21 02:33 |只看該作者
回覆 laputasky2005 的帖子

你有做PGS嗎？
私人傳訊

marieforyou


複式洋房

積分: 489


9#
發表於 18-2-21 15:59 |只看該作者
laputasky2005 發表於 18-1-8 14:16
剛剛8月在愛群找翁醫師做了IVF 由於是第一次 中途真的撞了不少板 在此分享一下經驗 希望可以幫到想去愛群做 ...

Hcg 100係植入後幾時驗？ 之後翻倍情況好唔好？ 食偉哥有用嗎？
私人傳訊

littleangel09


大宅

積分: 3023


10#
發表於 18-3-1 10:23 |只看該作者

回覆樓主

請問你太太植入的, 是Day 幾的胎呀？
私人傳訊

cc4800


複式洋房

積分: 186


11#
發表於 18-3-1 15:16 |只看該作者
祝咁多位靚太好孕

醫生建議我去找翁醫師做 ivf, 見愛群web site得個電話no., 請問各位係點預約初診咖??
私人傳訊

aaaying


大宅

積分: 1151


12#
發表於 18-3-1 15:26 |只看該作者
回覆 肥波波2016 的帖子

我12月係植入成功左,而家有一盒快孕隆多...你有冇需要?
私人傳訊

Babychuwaiwai


別墅

積分: 603


13#
發表於 18-3-1 19:35 |只看該作者
cc4800 發表於 18-3-1 15:16
祝咁多位靚太好孕

醫生建議我去找翁醫師做 ivf, 見愛群web site得個電話no., 請問各位係點預 ...

Email預約 [email protected]
私人傳訊

Angela0417


別墅

積分: 619


14#
發表於 18-5-8 23:38 |只看該作者
laputasky2005 發表於 18-1-8 14:16
剛剛8月在愛群找翁醫師做了IVF 由於是第一次 中途真的撞了不少板 在此分享一下經驗 希望可以幫到想去愛群做 ...

謝謝樓主，資料很有用，今個月頭在翁醫師初診完，6月開針。希望順利啦。

但聽聞翁醫師用藥比較進取，有點擔心
私人傳訊

啜啜怪^3^


大宅

積分: 2273


15#
發表於 18-5-9 00:41 |只看該作者
aaaying 發表於 18-3-1 15:26
回覆 肥波波2016 的帖子

我12月係植入成功左,而家有一盒快孕隆多...你有冇需要? ...

請問你成個療程用左大約幾錢？
私人傳訊

leeleemrs


大宅

積分: 1872


16#
發表於 18-5-10 01:07 |只看該作者

回覆樓主

樓主講既情況，2015年我第一次去做ivf都遇過，要自己追到好貼，甚至唔清楚既打過去問，否則好易錯。唔好用香港個套姑娘講乜就信乜....

我成功懷孕後，email收到既食藥schedule完全唔清楚。我直情拎住月曆打住電話逐個星期同姑娘對...然後明明叫我w8 同w10驗d-dimer決定停藥與否，但無啦啦叫我w11又去驗...嬲嬲地fb問翁醫師點解...之後姑娘先覆我話搞錯左...

我地當時亦同翁醫師反映過office問題。最近決定再開針做第二胎，感覺好左，但見到大懵姑娘仲響度...

我應該5月中開針，6月頭抽卵，各位戰友，多多指教
私人傳訊

Angela0417


別墅

積分: 619


17#
發表於 18-5-10 13:22 |只看該作者
leeleemrs 發表於 18-5-10 01:07
樓主講既情況，2015年我第一次去做ivf都遇過，要自己追到好貼，甚至唔清楚既打過去問，否則好易錯。唔好用 ...

加油啊！我六月開針，六月底抽卵。

你幾時放入去？要唔要食藥/打針？
私人傳訊

bingomama


大宅

積分: 1868


18#
發表於 18-5-14 23:26 |只看該作者
回覆 laputasky2005 的帖子

一般嚟講植入後由於未知係咪懷孕，所以一般只會開兩個星期藥。因為藥開咗出去係唔可以退。所以會喺確定懷孕後先再開藥，唔會開定太多藥。同埋要注意針劑不可以寄。所以除非老公可以飛過去取藥，否則針劑要喺香港買，咁當然香港會貴過台灣啦。不過你飛去都要機票錢，所以自己衡量！
私人傳訊

leeleemrs


大宅

積分: 1872


19#
發表於 18-5-15 23:40 |只看該作者
Angela0417 發表於 18-5-10 13:22
加油啊！我六月開針，六月底抽卵。

你幾時放入去？要唔要食藥/打針？

Hello
我未開針，等今個月M
如無意外應該6月頭抽卵，8月頭放胎

抽卵無咩野要做

反而放胎前一個月我食陳院長既中藥，翁翁既西藥，打肝素，最慘係要戒口戒得好清...
私人傳訊

anGie818


別墅

積分: 692


20#
發表於 18-5-17 21:46 |只看該作者
回覆 Angela0417 的帖子

我都係啊5月頭第一次去左搵翁翁剛剛星期二抽左卵了，等下個CYCLE放胎～～
加油喔！
私人傳訊


首頁
12

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見