詳盡人授IUI和補充剩分享

常綠葉
|
felixsky 發表於 18-3-7 12:16
甘你都就快飲糖水啦喎,我呢邊仲未通知我幾時要飲糖水呀,我聽其他媽媽講唔係個個都需要飲,我聽日會去醫 ...

你就好啦~可以知道BB有幾大,我呢邊乜都無講架~唔知會唔會等到生出來先知BB係乜size添呀~香港醫療真係幾好!你知道左BB size, 感覺都安心d。姑娘有話你重得太快咩?食小d白飯意粉同熱量高既食物!我食量比懷孕前細好多,但唔擔保如下幾個月胃口會點。一陣胃口大開就可能會體量直線上升 諗起都驚爆紋,又怕BB太大難生,希望5.5-6.5磅就夠,唔洗咁重,一陣生時爆到落C眼就大件事。怕到時生完落唔到床!

你有無諗定點坐月?係咪你媽媽幫手坐月呀?我見香港好陪月好搶手,要好早搵定。生時係7月,唔知忍唔忍到唔冲涼!大熱天時唔冲涼重要埋身餵奶,諗起都難頂!

我而家發覺買BB野好煩,太多選擇,買個奶樽都有好多brand。見到都頭暈!好想有個人比個list我,我跟住買就算!所以多數推比我老公攪!我都係買下衫生算數 你都早d準備好,可以慢慢買,之後產檢又會密d,又要洗。諗起都忙碌。
常綠葉
|
Hapi2017 發表於 18-3-10 18:03
Hello jm
謝謝你的分享,令我突然有了一點希望,我剛剛買了黑枸杞,好急不及待今晚同老公一齊飲

希望你中日早獎!有無試埋蛋白粉呀~蛋白質都對備孕夫婦好重要架...再唔係試下每早一隻烚蛋和一條烚番薯。
Hapi2017
|
常綠葉 發表於 18-3-11 13:20
希望你中日早獎!有無試埋蛋白粉呀~蛋白質都對備孕夫婦好重要架...再唔係試下每早一隻烚蛋和一條烚番薯。 ...

謝謝你啊,我係你條link 度都買咗蛋白粉,希望盡快收到啦

我想問一問,如果我嚟緊M ,可唔可以飲黑杞子水㗎?Thz thz
常綠葉
|
Hapi2017 發表於 18-3-11 22:29
謝謝你啊,我係你條link 度都買咗蛋白粉,希望盡快收到啦

我想問一問,如果我嚟緊 ...

我自己有照飲,對我無乜影響,飲完無左M痛添。但如果你飲完,經期有拖尾就來經時停飲。
felixsky
|
常綠葉 發表於 18-3-11 13:14
你就好啦~可以知道BB有幾大,我呢邊乜都無講架~唔知會唔會等到生出來先知BB係乜size添呀~香港醫療真係 ...

你就好啦食量甘細,我琴日突然間鬼甘大食,午餐食左3碗糯米飯好似食極都唔飽甘我屋企人生既bb全部都7磅以上,我諗我個b都走唔甩7磅以上架啦⋯⋯分分鐘8磅幾9磅,諗起都驚陣間爆到落C眼真係痛到喊我呀媽成日煮好多美食來引我,叫我食多d第時生個肥肥白白既bb先至好湊喎⋯⋯我又抵受唔住誘惑...

我唔會請陪月呀,因為我媽咪到時會照顧我,佢識燉補品個d, 又識幫bb沖涼所以我都好放心,同埋我老公到時都會請假或者home office幫手湊,所以加埋我有3個人應該搞得掂個bb瓜你呢?會請陪月嗎?坐月要好好休息同進補呀,我聽人講坐月坐得好身體比未生前更好,我最怕就係到時甘鬼熱又唔沖得涼又唔洗得頭個下人都顛...都唔知忍唔忍到12朝後先沖涼洗頭個身咪好臭囉

我都好想有人可以俾個list我話我知要買同準備d咩物品呀我宜家咩都未開始買,仲好迷茫唔知要買咩同點揀揀邊款先好...我應該10日後照完結構就開始買野,你會準備幾多件衫仔俾bb呀?
常綠葉
|
felixsky 發表於 18-3-12 08:32
你就好啦食量甘細,我琴日突然間鬼甘大食,午餐食左3碗糯米飯好似食極都唔飽甘我屋企人 ...

本帖最後由 常綠葉 於 18-3-13 08:57 編輯

食糯米飯難消化呀,唔好食太多呀⋯⋯多d食水果,低卡又幫助腸胃蠕動。我覺得只要BB吸收,正常飲食就夠,但要食多d蛋白質。我發現每日一隻烚蛋,一星期三隻牛油果,BB好似大得快d。但可能係快6個月,BB生長速度加快左又唔定。我朋友比醫生話佢BB細得滯,叫佢多食牛肉。佢係外國人,佢去超市買左d frozen 漢堡排,餐餐食一塊,之後個醫生話BB個size追返上去。我重以為d漢堡排唔知用乜肉整,唔健康無營養添。佢叫我食多d牛肉,但我有左之後好小食牛,食肉類,BB鐘意食蔬菜水果,五穀類都唔係太大興趣⋯⋯

你媽咪幫你陪月好呀~出面d陪月都唔一定好,又未必夾得來。自己人識湊,安心好多。我打算自己同老公兩個攪掂,我家人全部係香港,唔想媽咪過來照顧我。一來我家呢輩,我係第一個生,佢d湊B經驗係80年代。我唔放心呀⋯⋯所以我打算靠自己,所以已經安排下月上個產前班,嬰兒急救班,再自己搵定d坐月食譜,簡簡單單就算。七月又怕自己頂唔到,走去冲涼。有長輩陪坐月,我怕乜水都唔濕得,到時熱到醃咸魚咁款,我會發癲。

我主要買緊頭半年既衫仔,初生屋企著既衫仔買左15/6件。我怕一陣一日嘔幾次奶,乾唔切。但d人話初生幾件就就夠,因為BB大得快,一開始直接買1-3個月衫仔就夠。我自己唔想BB出世無件衫岩身,所以先買咁多。1-3個月衫仔買得重多,因為7-9月咁橋係轉天氣,所以長短衫仔都有。但主要家居服,出街衫就買小d。又買左d紗包布,初生包住佢瞓,佢會瞓得好d。初生尿片我都買定10包(約320片),1號片打算買定20包(約640片),我預佢一日10-12片。所以你唔好跟我,我乜都預多

felixsky
|
哈哈,你真係買定好多尿片不過你個邊出入都要揸車出去先買到野,買定都好既,香港就好方便,一落樓下已經有奶粉尿片賣,你會餵人奶嗎?如果餵人奶要睇定d上奶湯水點煲,我見香港呢邊好鼓勵媽媽餵人奶,話健康d抵抗力好d,所以我都會餵人奶

我唔敢食甘多烚蛋牛肉,我怕呀b會大得好快,我好怕個b到時太大好難生,我都唔敢食甘多補既野,之前媽咪有煲花膠同蟲草我食,唔知係咪前排食得多所以上次照呀b個大脾骨長左成個星期呢呢個星期唔敢食補品睇下黎緊照結構佢個size先
常綠葉
|
felixsky 發表於 18-3-15 09:55
哈哈,你真係買定好多尿片不過你個邊出入都要揸車出去先買到野,買定都好既,香港就好方便,一落樓 ...

我會餵人奶呀~我呢邊都好鼓勵媽媽餵人奶,但感覺一定會好辛苦。打算買個電雙泵,又會準備d奶袋。多奶又怕出街會漏奶,又要買餵人奶既胸圍+奶墊。如果埋身又要買條餵奶圍巾出街用。諗起都幾麻煩 我聽朋友講,西人有d草木藥丸可以增加奶量。但一定要飲夠水,唔夠水就一定唔夠奶。7月唔知有無胃口飲湯,天氣熱,飲大量熱湯,又唔比冲涼洗頭會好難頂。加上我屋企係無冷氣!所以都係到時再算

你每月去照係睇私家醫生架可?我呢邊正常全個孕期係8週同20週照,之後就唔會再照。我而家產檢都係只量肚去估BB大小,上次話normal normal normal, everything is normal。當然normal 係好,但我想知BB個size囉⋯⋯睇怕要第到BB出世知佢會係大中細碼B....

我咁耐食過一次花膠,重要食左半隻度渣。好多人都話唔洗補,小食多餐d有營養食品就足夠。助産士話想順產生就唔好食到BB太大,BB出世之後可以追返。BB亦會係後期大得好快,所以如果係初中期已經肥得多,真係怕BB大得滯難生。多數d長輩都會叫你食多d,想BB肥肥白白出世。但我怕肥曬落自己度,唔肥B就慘。
felixsky
|
常綠葉 發表於 18-3-16 05:52
我會餵人奶呀~我呢邊都好鼓勵媽媽餵人奶,但感覺一定會好辛苦。打算買個電雙泵,又會準備d奶袋。多奶又怕 ...

你個邊剩係8周同20周照你係美國定加拿大個邊?我有朋友係美國佢會自己出去私家個d度照,有d 華人開既診所機器雖然up dum d, 不過都有ultrasound 照下,唔知你個頭有無呢如果要我成個孕期先照得個2次真係好唔放心呀我係個個月都會去私家照呀,到左後期32w好似要2w照一次,到36w仲要每w都去照一次添。你個邊後期都無得照下咪好唔放心囉⋯⋯

之前我家姐陀bb媽咪都會整好多花膠佢食,之後生出來個b面色好好,白裡透紅,所以佢地話食花膠個b皮膚就會甘靚喎,於是我媽都係甘整俾我食不過我發現我真係補左落自己度食到我大隻左但個肚又唔係好大呢2日我唔俾自己食甘多野,希望體重唔好重得甘快啦,上個星期六日我暴食左2日,星期一磅下竟然重左2磅幾即係一日重一磅幾....嚇死人就快又到weekend...我怕我胃口又會大開

不過話時話時間過得都好快...甘快就孕期過左一半有多,香港都開始熱啦,我好怕夏天,遲下仲要行多d話生個時會易d...到時實熱到底褲都濕哂我呢排突然好羨幕呢個月坐月既媽媽
Hapi2017
|
常綠葉 發表於 18-3-12 01:45
我自己有照飲,對我無乜影響,飲完無左M痛添。但如果你飲完,經期有拖尾就來經時停飲。:fortun ...

我月經真係延長左
下個月都係試吓M嚟緊期間吾飲先

希望早日有好消息和你分享 ;)
常綠葉
|
felixsky 發表於 18-3-16 09:06
你個邊剩係8周同20周照你係美國定加拿大個邊?我有朋友係美國佢會自己出去私家個d度照,有d 華 ...

我係加拿大呀~我覺得醫療好落後,香港d醫生專業好多。香港醫生起碼見既病例都多d,呢邊d醫生做又36,唔做又36。如果有病,排隊都死得,重要得政府,無私家醫生選擇。我12週前有搵開做iui個醫生照,因為係政府唔cover,自己可以比$照。但12週後,做iui果閒診所就唔會再睇我。一定要我搵返政府產科醫生跟進,所以無地方可以去照。一係就去照4D,但唔係醫生照,係d tech去照,比你睇下BB個樣,just for fun~平時產檢係聽下BB心跳,量下肚,係咁多架渣~ 好在未落後到無NIPT,唔係重擔心~生時亦無得比你選擇開刀定順產,一定係先順產,有危險先改開刀。所以來得切,我一定要做無痛分娩。唔係怕痛到癲!但有一樣好既係...我生果間醫院有獨立房,如果順產可以直接係房生,唔洗去產房。但生完正常只會留24小時就叫你出院...

我聽另有一d說法話陀時食得花膠多會引起濕疹,生完後食花膠又會塞奶。所以又唔多敢食,好似d人話生前飲白蓮so,可去胎毒,又容易生d。但有d人又話飲完開唔足度數或開得慢,增長產程。所以唔知聽邊個先岩... 我自己又無乜特別戒口,係唔食生野同凍飲走冰。上星期去產檢都係輕左15磅,希望一直到生都係咁就好。但聽講最後兩三個月,BB會重得好快~好怕到時個肚會變到好大,行都唔想行!


常綠葉
|
Hapi2017 發表於 18-3-17 18:20
我月經真係延長左
下個月都係試吓M嚟緊期間吾飲先

如果你本來經期短,內膜薄,月經期間繼續飲都可以。我之前係飲完黑枸杞三個月,內膜厚返,經期正常返。祝你早日中奬呀
常綠葉
|
felixsky 發表於 18-3-16 09:06
你個邊剩係8周同20周照你係美國定加拿大個邊?我有朋友係美國佢會自己出去私家個d度照,有d 華 ...

你近排好嗎?個肚係咪大左好多呀?
felixsky
|
常綠葉 發表於 18-4-19 11:09
你近排好嗎?個肚係咪大左好多呀?

我幾好呀宜家25w幾,見肚不過個肚都唔係話好大,暫時重左14磅希望唔好中糖尿啦,諗住下星期搵私家飲糖水同抽血糖驗下,你飲左糖水未呀?不過呢排有小小宮縮肚硬既現象,有時訓著就會肚硬左...你宜家開胃返未呀?體重有增長嗎?
常綠葉
|
felixsky 發表於 18-4-19 12:21
我幾好呀宜家25w幾,見肚不過個肚都唔係話好大,暫時重左14磅希望唔好中糖尿啦,諗住下星 ...

我飲左糖水成個月lu~合格 我呢個星期發覺個肚大左幾多下,BB頭仔已經轉左落去。BB踼得重大力左,又會打C”egg”。我感覺呢幾日個肚有時會突然好漲,漲到又大又實,唔知你係咪又係咁既情況/感覺呢?可能子宮開始練習作動準備生產。
我胃口一般都係唔好,但一日三餐有正常食既,係量唔多。站時都係無重過呀⋯⋯希望一直keep住唔重,但BB又正常大就正啦⋯⋯
felixsky
|
常綠葉 發表於 18-4-19 12:37
我飲左糖水成個月lu~合格 我呢個星期發覺個肚大左幾多下,BB頭仔已經轉左落去。BB踼得重大力左, ...

係呀!有時訓訓下會漲左又大又實甘...我都覺得胎動勁左好多,不過就仲未feel到佢打c egg你產檢個時有無話你bb係咩size呀?你真係好犀利竟然可以無重過真係羨慕到暈

甘你既bb野準備好了嗎?我準備好床喳...其他仲未買仲未有時間...你產檢有無3D/4D個d照架?我上次照結構醫生有開3D我睇,我見到我個仔個樣好似我.....
常綠葉
|
felixsky 發表於 18-4-19 13:24
係呀!有時訓訓下會漲左又大又實甘...我都覺得胎動勁左好多,不過就仲未feel到佢打c egg你產檢個 ...

因為胃口時好時壞先無重到渣,加上到而家都重會嘔,所以唔重都好正常。我呢邊產檢時只會用呎去量下子宮升到邊個位置,符合周數就唔會再安排照ultrasound。所以唔會知BB個size,之前照結構時只話normal渣。但都有d地方可以照4D,我打算如果之後助產士唔安排再照,就自己比錢照4D。4D好清楚架?竟然見到BB個樣似你,咁你老公有無好羨慕你?

我好多時晚上feel到BB一下一下咁跳,我一切以為摸到BB心跳。到上星期上產前產,個姑娘話心跳係摸唔到,呢d係BB打c egg! 個姑娘重話BB個頭仔落左去,連個pat pat 位置佢都見到。我摸下,又真係凸起左,所以而家瞓前都會打BB pat pat。一拍佢個pat 就會郁手郁腳回返我,好攪笑。你下次都問下醫生BB個pat pat係邊,瞓前同佢玩下。

我已經買左BB床,床籃,BB車,carseat,playmat,浴盆,奶泵,奶樽,孭帶等等...其實都7788,過多一個月到就凖備洗BB衫褲。你打算幾時放產假呀?我地呢邊產前班姑娘話唔得太遲放,因為好小人真係預產期果日生,37週後隨時可以生得。如果生前重返緊工,到時候開始陣痛時,分分鐘痛15/6個鐘先開到7-10度!到生時會唔夠力,又攰又辛苦。所以我諗緊幾時放產假適合!
felixsky
|
常綠葉 發表於 18-4-20 07:24
因為胃口時好時壞先無重到渣,加上到而家都重會嘔,所以唔重都好正常。我呢邊產檢時只會用呎去量下子宮升 ...

原來呢種感覺就係bb 打c egg, 我都feel過仲以為係佢心跳添上次我照3D喳,如果你照4D仲清呀!我見到bb個嘴仔好似我人地話如果第一胎係男仔就似媽咪,女仔就似爸爸,唔知係咪甘所以我個b似我呢

其實我覺得放產假好睇自己狀況,我識有人放前一後9不過有朋友個肚好大所以就選擇早d放無甘辛苦。我份工就比較自由,所以諗住到時睇下自己狀況先算你如果係覺得陀得辛苦既我都覺得早d放會好d, 俾自己安心養胎,同埋你個邊產假多d早d放都好呀。

你就好啦,甘快準備好哂d bb野,前排我太多野煩都未買過,諗住呢個星期開始買啦,仲有唔夠100日呀b就出世,好緊張呀
siukankan
|
馬卡粉係邊到買?thx
常綠葉
|
felixsky 發表於 18-4-20 14:00
原來呢種感覺就係bb 打c egg, 我都feel過仲以為係佢心跳添上次我照3D喳,如果你照4D仲清呀!我見到 ...

你下次產檢時問下醫生呢d感覺係咪BB打C egg, 我問個姑娘打C egg唔係一兩下架咩?佢話:你自己打C egg都有長有短啦⋯⋯諗諗下又係喎 姑娘重話想計下BB胎動或擔心BB胎動,可以食甜野,飯後或瞓前平躺,咁一定會有明顯胎動,可以係呢d時候計胎動。重話後期一定要注意胎動,因為怕胎盤鈣化,影響BB吸收營養。
你產檢個醫生幾好喎,肯轉3D比你睇。每次產檢貴唔貴架?我聽人講係男仔多數似媽咪,女仔多數似Daddy⋯⋯其實你覺得似你...男家9成話唔似,一定係似男家既人... 所以就算我照完覺得似自己都唔會講,實比人句句頂心頂肺。

我打算37週到就放產假,到時候多d行,做多d產前運動,練習呼吸。因為我好怕產程會好長,到時候我會癲。又怕用無痛之後會有後遺症,唔用又怕十級痛自己忍受唔到。所以都係多做準備好d⋯⋯加上又要凖備下入院用品,BB衫都有排洗。要清下自己d舊衫褲先有位放BB衫褲。BB牀果d已經開曬箱吹,怕有d木味對BB唔好。我覺得決定BB用乜牌子尿片,wipes,奶樽,奶粉等等都幾頭痛。早d同老公傾好,一見減價就可以入定貨。
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽