詳盡人授IUI和補充剩分享

常綠葉
|
siukankan 發表於 18-4-20 16:43
馬卡粉係邊到買?thx

Ihexbs有得賣,你search下。
felixsky
|
常綠葉 發表於 18-4-23 04:41
你下次產檢時問下醫生呢d感覺係咪BB打C egg, 我問個姑娘打C egg唔係一兩下架咩?佢話:你自己打C egg都有 ...

係唔係28周開始要計胎動次數呀?我平時睇開個個產檢醫生無開3D俾我睇架,上次搵第二個醫生照結構個個醫生開俾我睇喳,所以我都係睇過一次甘大把不過都夠啦,我都唔駛下下睇到佢個樣既男家個邊無咩問候我架,好小關心我個肚,本身我媽媽幫我坐月,不過因為近排爸爸身體唔好,媽咪到時要照顧佢可能幫唔到我手坐月,男家個邊知道左佢都無出過聲話到時過來照顧下呀b個d, 所以呀b似邊個佢地跟本都唔care。

我呢2日都買左奶樽沖涼盆尿片個d啦要開始續樣續樣慢慢買,不過有好多牌子真係花多眼亂,揀幾樣野都揀左成日我上次去聽講座都有講無痛分娩,不過我都諗住試下自然分娩唔打無痛,我想感受下生仔有幾痛希望我忍到個隻痛啦可能到時暈鬼左都唔定你到時老公會陪產架可?
rodona333
|
常綠葉 發表於 18-1-12 11:14
10月接著第二次人授。10月13日,周期第10天,醫生說卵泡很小,三天後再回去照卵泡。10月16日,早上8:30,出 ...

放左胎期間仲可以飲黑枸杞水?
pigpigFF
|
常綠葉 發表於 18-1-20 12:39
會食埋呀~我多數冲泡3-5次就食埋d黑枸杞。
想問下沖泡黑枸杞,一開頭的水系咪藍色,泡耐少少就變紫色啊?好怕買左的假貨食壞人。
常綠葉
|
felixsky 發表於 18-4-23 09:31
係唔係28周開始要計胎動次數呀?我平時睇開個個產檢醫生無開3D俾我睇架,上次搵第二個醫生照結構個個醫生 ...

應該無話一定要邊個週數計胎動既,28wk-32wk 都可以開始計。主要係怕BB有乜事,媽媽唔察覺,計胎動係媽媽最容易做到可以知道BB有無出問題。我自己都未正式去計胎動,但每晚瞓前都會同BB玩下,拍下個肚,BB會回返我幾腳 我老公又會同BB傾下偈,BB又會比下反應佢。平日lunch前放工前又會踢得特別大力。應該每個BB都自己郁動既pattern,站時自己留意返就可以。

我老公果邊都無理過我架,但咁重好啦⋯⋯可以安靜安胎。遲下出世應該唔同,會要求見BB架啦⋯⋯我朋友話:男家唔關心你,唔代表唔關心BB。諗諗下又覺得有道理 好在老公知道乜事,都唔會要求我做乜做物。但我打算只要要求唔過份,都應該比佢地多d見BB既。男家唔幫手坐月重好,小d見面會磨擦!咁你有無搵定陪月定你老公請假幫手湊BB呀?初生B不斷要埋身餵奶換片,無限loop,到時你應該會好忙,一日三餐要搵人凖備。

我打算用Dr. Browns 奶樽,一來標榜可以減少嘔奶,二來佢有玻璃樽,感覺安全d。但我有好多個free samples 既奶樽,有Philips, Nuk, Dr. Browns膠奶樽,呢邊送sample 好大方。我連奶袋都買定,預定自己多奶可以儲起 我重諗緊一開始唔夠奶,BB要補奶既話,食乜牌子水奶好。而家一有時間就上網睇下review,到時減價又可以買定d。

我都打算先自己試下唔用無痛,睇下自己頂唔頂得順先。你有無比錢出去上產前班?我上完後知道生產時有乜方法/運動,可以減低痛楚。亦有教而家開始要做咩運動可以令生產容易d。但我覺得呢d都係紙上談兵,到時唔知可唔可以咁冷靜做到。所以生時老公係旁邊好重要,可以提醒下自己。但到時應該會好想打/鬧我老公,覺得佢好煩 呢邊老公係可以全程陪產,我老公已經諗定入院時佢自己要帶d咩添
常綠葉
|
rodona333 發表於 18-4-23 09:58
放左胎期間仲可以飲黑枸杞水?

我中醫叫我繼續飲呀~佢話有幫助添喎⋯⋯我第一次iui後就停飲,失敗。第二次聽中醫講繼續飲,中獎。唔知係咁橋定有效,我無深究。祝你早日中奬
常綠葉
|
pigpigFF 發表於 18-4-23 11:09
想問下沖泡黑枸杞,一開頭的水系咪藍色,泡耐少少就變紫色啊?好怕買左的假貨食壞人。
...

如果你用d水太熱,會藍色。你去我買黑枸杞個website睇下佢d相同viedo。黑枸杞都有分好多產地,花青素/養份含量都有所分別。所以價錢有平有貴,功效都唔到。呢d純粹係我自己分析,只供參考。祝你早日中獎
pigpigFF
|
常綠葉 發表於 18-4-23 12:21
如果你用d水太熱,會藍色。你去我買黑枸杞個website睇下佢d相同viedo。黑枸杞都有分好多產地,花青素/養份 ...
嗯,我用熱水,一開始見咁藍幾驚系染色。藥材鋪買20蚊一两,我見都系青海產,買D試下
rodona333
|
常綠葉 發表於 18-4-23 12:16
我中醫叫我繼續飲呀~佢話有幫助添喎⋯⋯我第一次iui後就停飲,失敗。第二次聽中醫講繼續飲,中獎。唔知係 ...

多謝你詳細分享 希望接你好孕!
常綠葉
|
pigpigFF 發表於 18-4-23 14:46
嗯,我用熱水,一開始見咁藍幾驚系染色。藥材鋪買20蚊一两,我見都系青海產,買D試下
...

黑枸杞唔可以用熱水冲泡架,d營養和花青素會破壞曬架!你每日用8-10粒冲暖水就夠架啦⋯⋯正常可以冲3-5杯都重有色,之後食埋d黑枸杞。
常綠葉
|
rodona333 發表於 18-4-23 22:07
多謝你詳細分享 希望接你好孕!

唔洗客氣,傳你好孕~
pigpigFF
|
常綠葉 發表於 18-4-24 01:20
黑枸杞唔可以用熱水冲泡架,d營養和花青素會破壞曬架!你每日用8-10粒冲暖水就夠架啦⋯⋯正常可以冲3-5杯 ...
嗯嗯~ 未開始飲,主要系想俾老公飲,但佢返工又吾咁方便沖,都系諗住沖一樽俾佢帶返去。希望好似你老公咁,有咁明顯的改善啦,接你好孕啦!
常綠葉
|
pigpigFF 發表於 18-4-24 15:06
嗯嗯~ 未開始飲,主要系想俾老公飲,但佢返工又吾咁方便沖,都系諗住沖一樽俾佢帶返去。希望好似你老公咁 ...

本帖最後由 常綠葉 於 18-4-25 03:47 編輯

其實係當水飲,有色無味,係公司飲都唔怕。但冲好最好快d飲完,怕營養流失。黑枸杞唔止你老公可以飲,你都可以試下。飲完d卵靚d,又大又圓。但記得每日8-10粒就夠,有機既花青素同營養價值高d,幾粒就夠。黑枸杞一日唔好食大多,怕上火。傳你好孕

felixsky
|
Hello! 你近排點呀?踏入最後階段啦喎,執好走佬袋未?你宜家35w?呢排個肚係咪大得好快?哈哈....我好多問題我仲有2日就32w, 時間過得真係快,可能我肚唔大,所以陀得比較輕鬆,夜晚都訓得幾好,只係太多夜尿
常綠葉
|
felixsky 發表於 18-5-31 08:00
Hello! 你近排點呀?踏入最後階段啦喎,執好走佬袋未?你宜家35w?呢排個肚係咪大得好快?哈哈....我好多問 ...

你好呀~我都重係努力嘔緊 體重都係無升反跌,今個星期會去照下BB 頭仔落左去未,順便睇下佢size。BB日日都好活躍,不斷踼手踢腳。攪到返工想偷懶釣下魚都唔得!

我個肚都唔係好大,所以唔辛苦呀⋯但⋯肚底開始爆紋!我每日都有努力做運動,希望生時可以順利d啦⋯⋯而家只係洗緊BB衫同用品渣。打算放產假時先執入院d野。


rosefanny
|
Hello 樓主! 想問你嗰蛋白粉link 我開左iherd 嗰網站來睇,無寫(protein & Greens) d 字眼,同你post 上去的相唔一樣! 佢網站上係寫Nutritional shake 喎! 唔該曬!!!
常綠葉
|
rosefanny 發表於 18-6-2 01:56
Hello 樓主! 想問你嗰蛋白粉link 我開左iherd 嗰網站來睇,無寫(protein & Greens) d 字眼,同你post 上去的 ...

可能包裝唔同左?我今晚搵返個罐,影個fact table比你睇下。等你可以比較下...
rosefanny
|
回覆 常綠葉 的帖子

好呀唔該曬你!! :))))
常綠葉
|
rosefanny 發表於 18-6-2 06:24
回覆 常綠葉 的帖子

好呀唔該曬你!! :))))

唔洗客氣 我老公罐裝同包裝都有飲過,兩樣都影比你睇下。




附件: 你需要登錄才可以下載或查看附件。沒有帳號?註冊
felixsky
|
常綠葉 發表於 18-5-31 08:40
你好呀~我都重係努力嘔緊 體重都係無升反跌,今個星期會去照下BB 頭仔落左去未,順便睇下佢size。 ...

你仲嘔緊你真係嘔足成個孕期甘際喎⋯⋯但bb size正常嗎?我肥左20磅但呀b 偏細宜家要食多d野去谷肥佢...但佢好似唔多吸收

你有無查野呀?so far我仲未爆紋,可能肚細所以未爆
Powered by Baby Kingdom