想問下各位媽媽,BB一喊會唔會即刻抱佢

donuthk
|
bb一喊就抱系咪唔岩?我聽到bb喊就忍唔住奔去抱佢,但身邊朋友話抱開佢之後就會成日扭抱有幾多媽媽真系忍到唔一喊即抱
dessertwing
|
有時聽他喊到好淒涼又唔忍心唔抱
wonghiuyeezozo
|
我係等到佢喊死先理佢 如果唔係我唔洗做野喇 所以bb知爸爸返黎時 識作反 得我同佢就好乖
janede1314
|
我盡量都會抱,除非剛食飽奶又換完片而我又忙緊唔得閒抱,一來回應bb既需要,比安全感佢, 二來抱得幾耐,好快大個你想抱佢都唔要
janede1314
|
http://mami.presslogic.com/2018/01/02/article/8850/

可以參考一下
EstrellaDamm
|
donuthk 發表於 18-2-14 18:00
bb一喊就抱系咪唔岩?我聽到bb喊就忍唔住奔去抱佢,但身邊朋友話抱開佢之後就會成日扭抱有幾多媽 ...
BB幾大?初生嘅話其實未識扭計,喊應該抱。我一個人湊兩個,有時太忙要煮飯就無辦法,要佢喊一陣,理想係抱佢嘅 。
AAV
|
本帖最後由 AAV 於 18-2-15 13:31 編輯
donuthk 發表於 18-2-14 18:00
bb一喊就抱系咪唔岩?我聽到bb喊就忍唔住奔去抱佢,但身邊朋友話抱開佢之後就會成日扭抱有幾多媽 ...

我唔會奔跑去抱咁緊張,咪慢慢行去抱。我都聽好多人話唔應該b喊就去抱,但我唔認同。bb需要安全感,媽媽即時回應好重要。正如你打電話俾你老公,你都想老公係接電話既,如果你老公話唔想寵壞你,所以聽到電話響都唔接,你又覺得正唔正常?你老公唔接電話,你只會越打越多,越唔接就越無安全感。bb一樣,你唔回應,咪越喊越大聲,你越唔理,佢咪越無安全感。你bb call 你,你即時抱佢回應佢,佢知媽媽錫曬佢保護佢,佢有安全感咪慢慢call 少d 你。我b 2歲,由細佢鍾意抱就抱,佢話媽媽抱,我一定抱。佢唔叫我都抱,佢而家好獨立好自信ga. 完全唔存在「寵壞」啦。
我要做媽媽
|
幾歲吖?如果仲細既話會抱,但係如果知道佢系扭計,想人抱既話,有時候會等佢喊一陣先抱佢架
ksviola
|
我會
佢乖都會自動抱
一來自鐘意抱佢既感覺
亦想佢知唔駛喊都會有人抱
Yellow_Bean
|
(純個人感覺) 我覺得 bb 初出世一定好驚, 所以佢一喊我就抱, 日抱夜抱 (因為佢日喊夜喊). 當然係極度困身, 不過到 bb 識爬已經唔鍾意我抱, 會推開我, 要自己周圍爬, 到識行就更加唔俾抱, 阻住佢行會發脾氣, 而且 bb 越大越重, 我就黎抱唔起啦

阿女頭4個月我c6都無乜抱佢, 就算之後c6成日同阿女玩/ 幫佢沖涼, 阿女都唔多痴c6, 只會痴我聽我話, 可能親子時機過左真係補唔番.
donuthk
|
dessertwing 發表於 18-2-14 23:36
有時聽他喊到好淒涼又唔忍心唔抱
系,佢一喊我就想抱
donuthk
|
EstrellaDamm 發表於 18-2-15 10:01
BB幾大?初生嘅話其實未識扭計,喊應該抱。我一個人湊兩個,有時太忙要煮飯就無辦法,要佢喊一陣,理想係抱 ...
三個幾月,可以的話我盡量都會抱佢
donuthk
|
AAV 發表於 18-2-15 13:25
我唔會奔跑去抱咁緊張,咪慢慢行去抱。我都聽好多人話唔應該b喊就去抱,但我唔認同。bb需要安全感,媽媽即 ...
兩歲佢仲有冇扭你抱?
donuthk
|
我要做媽媽 發表於 18-2-15 23:08
幾歲吖?如果仲細既話會抱,但係如果知道佢系扭計,想人抱既話,有時候會等佢喊一陣先抱佢架 ...
三個幾月
AAV
|
donuthk 發表於 18-2-20 18:11
兩歲佢仲有冇扭你抱?
唔會「扭」呀,佢會間中叫我抱,可能攰呀、唔舒服呀、驚呀會叫媽媽抱。但一般好似樓上有姊妹咁講,佢識行會想自己去探索,唔會痴住媽媽唔肯去,呢個表現係因為佢有足夠安全感。如果佢細時你唔抱,佢無安全感,佢會越來越痴身,唔敢離開媽媽去面對新事物新環境。佢會覺得媽媽會走唔理佢。
happygirl25
|
AAV 發表於 18-2-20 18:19
唔會「扭」呀,佢會間中叫我抱,可能攰呀、唔舒服呀、驚呀會叫媽媽抱。但一般好似樓上有姊妹咁講,佢識行會 ...

我都好認同係要抱,我覺得佢哭可以吾洗緊張同佢傾下計,比佢聽到你把聲,如果佢吾再哭就吾洗,要抱都係要抱,要比注意佢。
Chickentailbun
|
donuthk 發表於 18-2-20 18:12
三個幾月

我而家4.5月。
我一向都係哭就抱佢,近來有啲驚左,佢一有事唔順意就哭要人抱,或者在床上叫或哭,想我地抱起佢。

我覺得佢攻心計
food1331
|
唔會..會比佢喊一陣先, 如果唔係佢會應該一喊就可以抱
hil_hy_c211
|
本帖最後由 hil_hy_c211 於 18-2-23 14:40 編輯

回覆 donuthk 的帖子

其實好多研究已經證實左BB時期係小朋友建立對人,對自己&對身邊環境信任ge階段~~

BB一喊,父母越快回應BB ge喊聲去比佢安慰,BB對身邊ge人事物就會產生越大ge信任。而呢一份信任對BB成長好重要,主宰住BB將來能唔能夠成為一個活潑開朗、勇敢探索ge小朋友。
所以我女BB時期我一定即刻抱佢,了解佢咩事喊。

反而女女到左2歲,開始識多d野,會扭計扮喊,就會用另外一種方式處理。但亦都唔會唔理佢,我會陪住佢,但堅持要佢冷靜左開口講比我聽咩事~~我再諗下點處理,有時或者係真係需要大人呵返、有時可能係無理取鬧。

而好多媽媽成日怕BB喊就抱佢會寵壞佢,我覺得係諗多左~咁細個B其實無大人諗得咁複雜,佢喊通常係因為一d生理/心理ge需要~~~而父母選擇忽視,對BB來講會影響佢地ge安全感建立。






海綿肚仔專家@牛欄牌
|
回覆 donuthk 的帖子

Hello donuthk,一般BB喊係本能反應,3個月BB未識得用語言來表達需要,想喝奶、想抱抱、唔舒服、想瞓覺、想大人陪、對太多外來刺激感到不安、需要安全感,都會用喊聲黎表達,如果媽媽排除左BB有生理需要處理,當媽媽有家務做緊/唔方便,佢喊嘅時間唔超過5分鐘、不是嚎哭,未必需要馬上立即抱佢,媽媽有時坐係BB身邊同佢唱歌、傾計、按摩,都可以安撫到BB情緒架。
Powered by Baby Kingdom