本周分析:
周五恆指收報26486, 升1070, 國指收報10687, 升121, 成交1703億, 創新高17隻, 創新低49隻。
周五提及我個人會於開市後先平所有倉底指數牛證,原因距離現價太遠,槓桿已大大減低,並計劃於日內搵位再加,而中午因特朗普擬草案與中美貿易協議既draft, 全球股市迅速抽升,而港股於午市後,亦係5分鐘內再急升400點,因此我亦再將部份個股call平倉,而倉底指數牛證最後都係冇回補,因升得太急,而該水平先開好倉既風險太大,4日由低位計升近2000點。
而夜期波幅更加大,最高升至26758,最終收報25867,跌626,而短線支持上移至25600,日內支持25800,因此策略上,若周一低開後冇再低走,我亦會搵位加番倉底牛,並會於25600作止蝕位,可跌穿而不可收穿為準,上望27200/27800,現時都係一關一關睇,現時只係熊市中既反彈浪,而是次反彈浪最多都係維持一個月鬆d,所以操作上如果係用衍生工具,因現時市況波幅極大,過夜就要小心d,而短線正股好倉就可以直到反彈浪正式結束先走。
呢個世界唔知幾時開始變得愈黎愈複雜,
公平呢兩個字已經漸漸唔再存在
埋沒良心既人愈黎愈多
騙子亦愈黎愈多
是我們變了,還是世界變了..