想生BB

跳至

首頁

尾頁
   12


大宅

積分: 1116


發表於 18-3-12 21:04 |顯示全部帖子
本帖最後由 tt147 於 18-7-3 23:48 編輯

大家好,我會嚮呢個POST 講下我第1次做IVF既心路歷程
1月底我開始咨詢吉隆坡各IVF 診所,最後揀左間CS比較盡責既診所

8/3/18 到埗+初診+回港,醫生係嚮英國深造過、經驗非淺既印度裔醫生,英文口音純正,基本上唔洗靠助理翻譯都可順利溝通,開藥: GONAL F 200IU/6天、ORGALUTRAN 0.25MG/2天,當日抽左血,照左超聲波,因自己有PCOS,卵泡多,醫生目標係取到10-20粒成熟卵子,護士教我打第1枝 GONAL F 後,就俾左個大冰袋俾我拎D針藥返香港,我1AM落機,但我4PM就坐飛機返香港喇,好CHUR

9/3/18至今,GONAL F 冇咩令我唔舒服,亦都習慣左自己打針,但ORGALUTRAN針頭粗D,打落都痛D

14/3/18 就要覆診,要留嚮吉隆坡起碼1WEEK直至取卵,但老公要返工,頭3日只得我自己嚮吉隆坡咋,同事們都話我大膽,但老公年假有限,我自己都係拎 NO PAY LEAVE 黎做IVF

終於到左14/3覆診日喇,坐完凌晨機到吉隆坡真係眼訓到一坐低就訓得著,我由機場直接到診所見醫生,醫生態度其實幾positive ,佢話我啲卵泡有長大但速度比預期慢左一,兩日,所以取卵要延遲,但數量方面亦令人滿意,20粒嚮佢診所已經好夠用,取再多都冇用,quality is important than quantity 喎,而醫生將gonal f 增大劑量到225iu/4天,orgalutran/3天 繼續打,亦再抽血驗e2,話可以預測取卵數目,星期六再去覆診,今日睇完醫生就去左做thai massage同食野,之後就嚮酒店訓左6個鐘,一醒已經8點半

15/3/18,11點起身即打支orgalutran,為左避開lunch peak hour,我2點先出門食lunch,本來想行下街,但發現好多時打完枝orgalutran都會眼訓,結果又返酒店hea,用電話睇tvb過日晨

16/3/18,出街剪左個頭,又去左食韓國餐,呢幾日都係揀日韓野食,馬來西亞消費唔平,好多野都係香港價錢(如果係嚮商場入面)

17/3/18朝早去覆診,醫生照超聲波時發現啲卵泡都係生得好慢,有1粒成熟左,但好多粒維持嚮1cm,醫生話唔洗擔心,因為要打針打16日先取卵嘅大有人在,所以唔洗換藥唔洗加強劑量,因為225iu 已經好高,再打多啲iu卵質量會差左,同埋睇左e2驗血結果,e2同目標差成倍,結果要再抽血驗e2,而orgalutran同gonal f 繼續打,約左3月19日再去覆診,取卵日期暫定於3月22日,希望唔好再延遲啦,嚮吉隆坡好悶呀


17/3/18至21/3/18有老公陪,但無奈地我做完取卵手術要自行回港,老公最多黎接我機,最初初醫生預計我係3月19日取卵,所以我先叫老公連埋星期六日黎吉隆坡5日,但計劃永遠追不上變化,今日同老公去食餐好嘅先,開心下

18/3/18,同老公行大商場,但香港實在咩都有得買,所以行左半個鐘覺得太悶,就返酒店hea1日

19/3/18 覆診,gonal f 都打左11日,醫生話啲卵泡都係生得太慢,但好過唔識生長,而e2就有進展,今日再抽血驗e2,老公因要提早回港,只好揀冷凍精子,我地亦揀左做xy精子篩選,我取卵日期就推遲到3月23日星期五,要繼續打gonal f 同orgalutran,呢刻我寧願返工捱騾仔都好過日日嚮酒店hea,好悶呀

20/3/18,酒店hea

21/3/18,取卵前最後覆診,醫生確定3月23日早上取卵,今晚要打Decapeptyl,醫生話取卵數目預測係12粒左右,達到目標,佢地經驗係取得多唔代表用得著喎,e2驗血結果都有進展,今日係醫生親自抽血,手勢比護士好,今日老公要返香港了,得返我自己一個喇又

22/3/18,hea


23/3/18,取卵日,取左19粒卵,醫生打完麻醉冇幾秒就訓著左,醒左個陣已經嚮休息室,迷迷糊糊咁過左1個鐘之後清醒返曬,姑娘要我立即決定做唔做pgs,我當然做仲即時碌卡添,希望多啲day5囊胚可以拎去驗啦,因為1個又係咁多錢,4個又係咁多錢(頭1至4個係套餐價),醫生仲開左crinone同progynova調理子宮,我休息4個鐘後就獨自一個坐車去機場返香港喇

24/3/18,返工賺錢,朝早CS講我知取卵19粒,成熟15粒,受精7粒,個刻我好想喊,我26歲受精率得4成,我已經做埋ICSI,唔受精其實係LAB,精子定卵子有問題都不得而知。我仲要俾左~30K港幣做PGS,CS話如果冇囊胚就會退返PGS既錢俾我,老公安慰我,如果有1個胎做PGS但FAIL,咁咪當破財擋災,避免流產。老公平時好慳,慳到不得了,同時唔想生BB,但佢見我想生BB又竟然肯泵水俾我去做IVF,好神奇,仲話AFFORD到多5次IVF WITHOUT PGS,大佬呀,我想1 TAKE PASS囉

24-25/3/18,取卵後個肚唔多舒服,肚漲漲,去toilet唔順暢,同時有肚瀉添

26/3/18,培植day3,晏晝CS同我講醫生review左我個 case ,醫生話如果星期三得1至2個胚胎捱到day5就取消pgs退錢俾我,3個或以上胚胎就可以繼續做pgs,問我意下如何,咁我當然同意啦,我寧願退錢俾我重做多次ivf,因為我知pass pgs本身唔容易,尤其我今次受精卵比率好低,對胚胎質素我不抱期望啦

27/3/18,聽朝就知有幾多胚胎可以成為囊胚,我取卵後第日已經返工,返工時冇咩閒情逸致去諗ivf嘅事,心情都放鬆啲,可能同老公傾好如果第1次ivf唔成功就會去台灣做,諗定plan b嫁喇,咁樣去諗會比較容易接受失敗,老公支持好緊要,公司嘅配合亦不容忽視

28/3/18,囊胚數量放榜日,有2個grade a 囊胚,另外仲有1個生長較慢,如果聽日都冇成長就應該拜拜左,都唔知搞咩野,成熟卵子受精率低到得4成,受精卵變為囊胚率得3成,本身pcos的我啲卵又的確質素冇咁好,而我決定取消pgs,反正診所可以1次擺2個囊胚,用肚皮去做決定啦, 其實我前排發過1個夢,就係自己陀到twins,去到瑪麗醫院個醫生幫我做超聲波,最好笑係我著左全屋最鬆身個條裙去,個夢好寫實,希望今次夢想成真啦

10/4/18,因為我一定要用人工周期黎放胎,同時想生大b嘅意慾較強,所以揀左5月15左右植入,診所就叫我定時食藥,check好內膜厚度,醫生覺得ok先飛過去準備植入,一次定輸贏,應該會係最後一次去吉隆坡嫁喇,因為已經冇曬胚胎

21/4/18,印度同事嚮印度幫我買左20枝crinone同9盒progynova,盛惠660,平到不得了

4/5/18,等m come,同時食profertil female希望身子會好啲,老公同上司表明一切,上司俾佢以work from home 方式返工,如無意外我地會嚮吉隆坡逗留5日左右,之後我會繼續返工喇,最多行慢啲講少啲野,好過嚮屋企百無聊賴

5/5/18,m came,cs 叫我6/5開始食progynova2mg,醒後1粒睡前2粒,食到第14日即係19/5就要去照超聲波睇內膜厚度,夠厚就要塞crinone4日,第5日即5月23日就移植,如果唔夠厚就要繼續食progynova,直至check到內膜夠厚先可以飛去吉隆坡

9/5/18,食progynova 嘅呢幾日好似特別攰咁,自我出黎做野,weekdays都堅持around11點訓到7點,但無奈工作屬於會勞氣嘅行業,所以更攰


16/5/18,好似就黎黎M咁,終於明白點解放胎後7日左右唔成功就會黎M,book左星期六去深圳做全套婦科檢查,睇內膜加驗孕酮

20/5/18,好sad,事緣我驗孕酮同照內膜都符合移植要求,但我照乳房超聲波時發現有個硬塊,bi-rads分類為3,代表唔一定係惡性,但唔包係良性,諗左1日,決定取消移植,下星期約左私家醫生照多次,我首要任務係處理左自己健康先,不過食左2星期藥食到自己溫溫燉燉,最後要延遲,比較失望,好彩未買機票未訂酒店姐

21/5/18,去港安book左下星期一做多次乳房超聲波加活檢,究竟保險包唔包底又係一回事,今日返去公司銷假同將個故事講左2次,唉,究竟我啲囊胚要雪多幾耐

23/5/18,醫療保險拒絕左我個申請,原因係活檢可以out patient 做無需day case,而港安太貴喇成12k,所以我轉book 另一個有好評嘅男醫生,佢先收4800,亦同港安做同一set野,聽日我就去做切片喇,咩事都好啦,我都希望嚮我移植前處理曬

30/5/2018,胸部活檢結果係纖維瘤,但醫生覺得切除左佢會好啲,因為超聲波影像唔算100%良性,加上size2cm都到切除界線,所以等保險批左approval 就會做手術,另外吉隆坡醫生見我都延遲移植,就建議我切左粒子宮肌瘤幫助囊胚著床,所以又要搵婦科醫生,自己又貪快是但book個,點知book左個差嘅醫生,880都覺得俾多左佢,又sell我驗血,買藥,打hpv針,etc,我想照陰超又迫我照腹超,話佢部美國機唔谷尿都好清喎,然後又話我粒瘤咁細唔洗切,切左又傷子宮等等,又話買左保險都唔係亂做手術,之後去左朋友介紹嚮中環嘅醫生,真係1分錢1分貨,1700蚊都抵,醫生話我粒瘤都1。4cm大,同埋個位置係最需要切除肌瘤,尋日開始又要食progynova, 等11日後再照超聲波,粒瘤就會更明顯,到時可以寫pre approval

9/6/2018,睇左婦科醫生,醫生話我個內膜食左progynova 之後生得好好喎,1cm厚,香港醫生上次ban左吉隆坡醫生個progynova 食法,結果我跟香港醫生個食法真係進步神速,然後醫生照清楚子宮粒瘤係唔影響著床,為左個子宮已經睇左3500蚊醫生,都好嘅,起碼知道自己唔洗又開刀

16/6/18,月經來了又可以預備移植,但血量比平時少好多,吉隆坡醫生今次叫我早午晚各食2mg progynova, 之前醒前食1粒都已經成日冇力做嘢,所以我仍然會跟從中環醫生,循序漸進咁食藥,起碼上次用呢個方法令到內膜好靚先,又唔會令到自己日頭咁攰

21-22/6/2018,入仁安私家房做胸部腫塊移除,買左保險,費用全包,姑娘定時黎打針止嘔止痛,而家我龍精虎猛喇,移除左個瘤就唔洗擔心懷孕時會長大

24,28/6/18,去左2次照內膜,2次都1。1cm厚,但孕酮都係0。12或0。16

3/7/18,第2次坐深圳清晨機去吉隆坡,一落機就去做返個泰式按摩,之後就去診所喇,忍尿忍到就爆膀胱,但醫生未入到黎,所以去次廁所先,我飲左10杯水飲到反胃,原來移植都幾唔舒服,有個夾夾住下面,好難受,移植完下面唔舒服到唔想行路,休息左半個鐘就坐的士去機場返香港,即日來回吉隆坡,其實咁冒險係因為我對今次ivf冇咩信心,同老公約定星期日即day5會用驗孕棒test

醫療費用,56500hkd
機票酒店膳食,12000hkd
是次ivf費用共計約70000


複式洋房

積分: 436


發表於 18-3-12 21:05 |顯示全部帖子
tt147 發表於 18-3-12 21:04
大家好,我會嚮呢個POST 講下我第1次做IVF既心路歷程
1月底我開始咨詢吉隆坡各IVF 診所,最後揀左間CS比較 ...

加油呀,我今日都係香港見左doctor,大家一齊努力


大宅

積分: 1116


發表於 18-3-12 21:24 |顯示全部帖子
jessNgNg 發表於 18-3-12 21:05
加油呀,我今日都係香港見左doctor,大家一齊努力
HELLO,你開左針未呀?


大宅

積分: 1612


發表於 18-3-12 21:42 |顯示全部帖子
tt147 發表於 18-3-12 21:04
大家好,我會嚮呢個POST 講下我第1次做IVF既心路歷程
1月底我開始咨詢吉隆坡各IVF 診所,最後揀左間CS比較 ...

加油呀!Thanks for the sharing. 我都考慮緊做IVF。希望你一次成功!


大宅

積分: 1116


發表於 18-3-12 21:51 |顯示全部帖子
christycsm 發表於 18-3-12 21:42
加油呀!Thanks for the sharing. 我都考慮緊做IVF。希望你一次成功!
hello,我決定做ivf都係用左半個月時間考慮,今年1月中發現原來老公啲精子有嚴重問題,我自己又pcos,1月底就決定襯後生(26y)做ivf
香港,深圳,台灣,泰國,馬來西亞我都有研究過,最緊要揀間自己鍾意又適合自己嘅診所


大宅

積分: 1612


發表於 18-3-12 21:56 |顯示全部帖子
tt147 發表於 18-3-12 21:51
hello,我決定做ivf都係用左半個月時間考慮,今年1月中發現原來老公啲精子有嚴重問題,我自己又pcos,1月底 ...

嘩! 26歲仲好後生喎! 我高0喇,老公精子型態2%,而我左邊輸卵管有少黏連,做過3次iui失敗咗。而家針灸中藥調理緊,IVF仲15/16中.....


大宅

積分: 1116


發表於 18-3-12 22:06 |顯示全部帖子
christycsm 發表於 18-3-12 21:56
嘩! 26歲仲好後生喎! 我高0喇,老公精子型態2%,而我左邊輸卵管有少黏連,做過3次iui失敗咗。而家針灸中藥 ...
我當初係考慮如果自己同老公調理完,我嘅自然懷孕機率會否高左?(我個case係唔太會),所以豁出去直接ivf,iui對我黎講都冇咩成功機會可言,所以我冇諗過試iui,哈哈


大宅

積分: 1612


發表於 18-3-12 22:08 |顯示全部帖子
tt147 發表於 18-3-12 22:06
我當初係考慮如果自己同老公調理完,我嘅自然懷孕機率會否高左?(我個case係唔太會),所以豁出去直接ivf, ...

不過如果iui唔太大機會咁就唔洗試啦,因為iui成功率係低過ivf好多。你好勇呀,一個人過去,萬事小心。


大宅

積分: 1116


發表於 18-3-12 22:13 |顯示全部帖子
christycsm 發表於 18-3-12 22:08
不過如果iui唔太大機會咁就唔洗試啦,因為iui成功率係低過ivf好多。你好勇呀,一個人過去,萬事小心。
...
thanks


子爵府

積分: 12503


發表於 18-3-12 23:35 |顯示全部帖子
tt147 發表於 18-3-12 21:04
大家好,我會嚮呢個POST 講下我第1次做IVF既心路歷程
1月底我開始咨詢吉隆坡各IVF 診所,最後揀左間CS比較 ...

follow,你好勇阿


複式洋房

積分: 436


發表於 18-3-13 00:28 |顯示全部帖子
tt147 發表於 18-3-12 21:24
HELLO,你開左針未呀?

未呀,啱啱先見完第一次,同埋我應該年尾到先做,因為呢幾個月公司要出trip又呢樣個樣,想等呢排忙完先,因為成日走黎走去,都安養唔到


複式洋房

積分: 436


發表於 18-3-13 00:30 |顯示全部帖子
tt147 發表於 18-3-12 21:51
hello,我決定做ivf都係用左半個月時間考慮,今年1月中發現原來老公啲精子有嚴重問題,我自己又pcos,1月底 ...

wa,好後生,不過後生做好,好似我都35喇,試左兩三年先去check,我就輸卵管雙塞.....


珊瑚宮

積分: 112847

牛年勳章 HiPP勳章(1) 2018母親節勳章


發表於 18-3-13 14:50 |顯示全部帖子
jessNgNg 發表於 18-3-12 21:05
加油呀,我今日都係香港見左doctor,大家一齊努力

加油呀!


大宅

積分: 1116


發表於 18-3-14 21:16 |顯示全部帖子
肥豆媽咪 發表於 18-3-12 23:35
follow,你好勇阿
哈哈,其實我比較獨立,膽子亦比較大


大宅

積分: 1116


發表於 18-3-14 21:20 |顯示全部帖子
jessNgNg 發表於 18-3-13 00:28
未呀,啱啱先見完第一次,同埋我應該年尾到先做,因為呢幾個月公司要出trip又呢樣個樣,想等呢排忙完先, ...
我都係取左卵,做埋icsi同pgs就會冷凍,睇下邊排工作壓力細返啲先放胎,想俾胚胎嚮開心環境下成長


大宅

積分: 1116


發表於 18-3-14 21:24 |顯示全部帖子
jessNgNg 發表於 18-3-13 00:30
wa,好後生,不過後生做好,好似我都35喇,試左兩三年先去check,我就輸卵管雙塞.....
...
我當時想懷孕前做多次checkup,確保精子冇問題先開工,點知男女雙方都有問題,真係天生一對,當時得我自己有pcos時老公想再試下自然懷孕先,但當老公精子都有事個陣,佢更加贊成直接ivf唔洗試


大宅

積分: 1116


發表於 18-3-14 21:25 |顯示全部帖子
JD930 發表於 18-3-13 14:50
加油呀!
祝大家如願以償


珊瑚宮

積分: 112847

牛年勳章 HiPP勳章(1) 2018母親節勳章


發表於 18-3-15 00:05 |顯示全部帖子
tt147 發表於 18-3-14 21:25
祝大家如願以償

Thanks (emoji)


大宅

積分: 1116


發表於 18-3-15 20:01 |顯示全部帖子
JD930 發表於 18-3-15 00:05
Thanks (emoji)
你都係進行緊ivf嗎?


珊瑚宮

積分: 112847

牛年勳章 HiPP勳章(1) 2018母親節勳章


發表於 18-3-15 20:58 |顯示全部帖子
tt147 發表於 18-3-15 20:01
你都係進行緊ivf嗎?

未啊,想自己試多幾次先

首頁

尾頁

跳至