亞氏保加症

airban
|
有無媽媽可以分享下照顧患有亞氏保加症小朋友嘅經歷可以分享一下
同埋小朋友有無啲咩特微 例如固執行為?有特強的記憶等等
家家公主
|
本帖最後由 家家公主 於 18-3-17 14:19 編輯

我仔晌K3果年確診...今年5年級...
一直學校同醫院都有跟進同做言語治療..
但今年兩邊都已經話唔需要..
因為阿仔已經進步返去正常小朋友水平..
但半年一次仍然要見下醫生..

細時最中意排物件..圍圈跑..
對一些事情好堅持..唔識轉灣..
好似去一個地方..坐開巴士唔可以轉MTR..否則流眼淚
少少不滿意又流眼淚..但轉頭好快又笑到癲
記憶力超強...中英文背默書次次都岩哂..扣分最多係字肉酸..
但測驗考試就一般..由是閱讀理解..因為佢地思想只向單方面出發..
係咁就咁..可以話係唔識轉膊..

對火車巴士路線暸如指掌..無論係香港日本中國台灣
只要係佢中意既佢就會好好記住..但都會有無耳性既時候

但一直以來我都唔會特別係阿氏就包容同呵護..一有唔岩一樣鬧爆佢..
亦可能係因為我既態度..促進佢既表達能力同思維進步得快..
而家仲成日博咀..有時講既說話仲好有見地..同埋思想開始都幾成熟....唯獨自理能力仲係差少少
airban
|
回覆 家家公主 的帖子

但一直以來我都唔會特別係阿氏就包容同呵護..一有唔岩一樣鬧爆佢..

十分欣賞你尼句
可能真係會有幫助 多謝你分享

Poyau
|
airban 發表於 18-3-17 14:27
回覆 家家公主 的帖子

但一直以來我都唔會特別係阿氏就包容同呵護..一有唔岩一樣鬧爆佢..

加油
Moti
|
家家公主 發表於 18-3-17 14:17
我仔晌K3果年確診...今年5年級...
一直學校同醫院都有跟進同做言語治療..
但今年兩邊都已經話唔需要..

之前聽CAC個醫生話亞士保加同自閉症嘅區別係語言能力,亞士保加症並冇語言遲緩。(我知道現在已經全部納入為自閉譜系)
請問你仔仔係語言遲緩還是其他?
家家公主
|
Moti 發表於 18-3-18 12:19
之前聽CAC個醫生話亞士保加同自閉症嘅區別係語言能力,亞士保加症並冇語言遲緩。(我知道現在已經全部納入 ...

我個仔表達能力冇組織,冇重點,上言語治療就係教佢點樣去表達一件事情,要有時間、地點、人物、感想,另外會教佢同別人溝通的眼神、態度和語氣
Moti
|
家家公主 發表於 18-3-18 12:22
我個仔表達能力冇組織,冇重點,上言語治療就係教佢點樣去表達一件事情,要有時間、地點、人物、感想,另 ...

原來冇組織冇重點都算。我老公就係咁嘅人。永遠係好長篇嘅一堆廢話,冇頭冇尾。
Hoining
|
家家公主 發表於 18-3-17 14:17
我仔晌K3果年確診...今年5年級...
一直學校同醫院都有跟進同做言語治療..
但今年兩邊都已經話唔需要..

終於搵到教仔同路人,啲專業人士係咁話唔鬧得、要讚,真係讚唔落口喎,我啲仔一做錯我即刻出聲唔會比面,小時候可能會駁咀,但大個仔就會反省點解阿媽會發火,希望佢唔好有第二次唔恰當嘅行為
家家公主
|
Hoining 發表於 18-3-18 12:29
終於搵到教仔同路人,啲專業人士係咁話唔鬧得、要讚,真係讚唔落口喎,我啲仔一做錯我即刻出聲唔會比面, ...

專業人士有可能係接觸的個案比我地多,但係每一個小朋友去見佢哋的時候通常唔會發作,佢哋點會明白我媽媽,日日對住個仔的感受
家家公主
|
Hoining 發表於 18-3-18 12:29
終於搵到教仔同路人,啲專業人士係咁話唔鬧得、要讚,真係讚唔落口喎,我啲仔一做錯我即刻出聲唔會比面, ...

本帖最後由 家家公主 於 18-3-18 12:41 編輯

我個仔細時都係會駁嘴 但係而家大個左 有時同佢講,媽媽成日鬧你 你會吾開心?佢識得話你鬧我都係緊張我 我有時都會吾開心 但我好快會唔記得,媽媽你唔需要放係心入面 好老積

家家公主
|
Moti 發表於 18-3-18 12:27
原來冇組織冇重點都算。我老公就係咁嘅人。永遠係好長篇嘅 ...

阿氏保加症係有遺傳的,我老公講嘢都係一樣,所以我絕對相信我老公一樣保加症,只不過以前的社會佢哋父母唔會覺得有問題,亦都唔會發現,係我哋現今社會比較着緊小朋友發展先至會留意到
blackberry
|
我仔而家中二啦, 佢固執在飲食, 比較偏食, 同一定要預知自己下餐食乜, 打死都唔做運動, 唔識睇人眉頭眼額, 講野9588, 最鍾意講地理, 歴史, 背元素表之類
成績中上, 讀書全自動波, 成人以外, 同齡人際溝通超差

細時好多方面delay, 而家行為都停留小學生咁
Charlotte_mom
|
Moti 發表於 18-3-18 12:19
之前聽CAC個醫生話亞士保加同自閉症嘅區別係語言能力,亞士保加症並冇語言遲緩。(我知道現在已經全部納入 ...

而家都無分了。聽講以前係分高功課vs低功能 (簡單講有無智慧)
我仔小3至確診,因非典型,佢細個有語言遲緩的

每人情況不同,最主打係社交。我仔都中學了算經歷多。我又從另一角度分享下 (丙就實有點會唔丙,但隨著小朋友大,有另一想法值得思考)

我都領悟到有時讚真係要需要。呢d仔天生就易踩地雷,俾人鬧係家常便飯。同同輩相處易俾人排擠,但好多時佢地會選擇唔講!因習慣左「次次都係我唔岩架啦!」
拿!有時的確係佢唔岩,但亞氏影響,佢根本唔明自己點解唔岩。所以要有耐心教,車得佢太密會令佢連自尊自信都無,會「本pair」,這是我經驗之談。
仲有時個仔可能俾同學蝦緊整蠱緊而犯錯,(特登激佢發脾氣),佢地把口唔夠人叻,又唔夠人「蠱惑」,有時真係死左都唔知咩事。所以做父母又要俾時間了解下。我都有犯亞氏父母犯嘅錯,就係assume左自己個仔唔抵幫。我都有俾社工話我架!點解一定assume係佢錯,一件還一件wor,有時的確係同學唔岩。
總之多花時間了解佢需要啦
flowerlala
|
留名,我教到嘔血
anna59
|
想問吓佢地有冇朋友?
flowerlala
|
anna59 發表於 18-3-18 13:35
想問吓佢地有冇朋友?

嗯,呢個問題,有趣

佢地係有朋友嘅,但佢地對朋友嘅定義,同我地一般人concept 唔一樣。

佢會同人玩完,就歸類佢做朋友,但唔知人地叫咩名,唔會攞聯絡方法,下次見唔返又唔可惜。

和平主義者,總之冇對佢衰嘅人,就等於係佢朋友
honeydeer
|
我女今年小六,佢响小二,三確診,有醫生話係亞氏,社工就話係高功能自閉
佢表達能力真係一般,唔識睇人眉頭眼額,由細到大都冇同齡朋友,自理能力特別差,好彩係記憶超強,轉數快,反而有幾個傾得埋嘅大人朋友
Moti
|
Charlotte_mom 發表於 18-3-18 13:12
而家都無分了。聽講以前係分高功課vs低功能 (簡單講有無智慧)
我仔小3至確診,因非典型,佢細個有語言遲 ...

我反而極少鬧,我唔想大家關係唔好。我嘅願望係大家永遠要做對好朋友。而家努力緊。有時係好洩氣,不過諗諗吓,唔係佢哋想。有勞氣嘅,咪自己搵其他嘢做吓分散吓。我覺得有sen小朋友,唔係要點教導佢哋,係要點教自己同佢哋相處,每日都要同自己講冷靜冷靜冷靜。
Charlotte_mom
|
flowerlala 發表於 18-3-18 13:41
嗯,呢個問題,有趣

佢地係有朋友嘅,但佢地對朋友嘅定義,同我地一般人concept 唔一樣。

我仔當年去做評估(小2?)我聽到幾乎想喊
醫生問我仔,咁你有無朋友架?仔話有架!
醫生問,咁佢地叫咩名,介紹俾我識下丫!我仔唸都唔唸講左2、3個名
醫生問,咁點解你覺得佢地係你朋友嘅?你地一齊做咩架
我仔答:
因為AAA有次話,我地不如一齊玩丫,所以我地係朋友
因為BBB有次想食我d零食,佢話我地係朋友丫嘛,不如分享啦
所以我地係朋友囉

聽到咁,差d忍唔住喊左,我仔連咩叫朋友都唔知

到而家中二了,都算有朋友嘅。我仔對朋友要求唔高,我對佢嘅朋友要求亦唔高。只求分組時預佢一份,會一齊打下機,起碼功課唔明都有人俾佢問(唔會連打電話俾邊個都唔知)

試過我仔童軍遲左返,(遲左成個幾鐘打電話唔見人,衰仔!)事後佢話同朋友一齊等巴士傾耐左。嘩!我心裡一聽放晒煙花!有朋友啊!
Charlotte_mom
|
flowerlala 發表於 18-3-18 13:41
嗯,呢個問題,有趣

佢地係有朋友嘅,但佢地對朋友嘅定義,同我地一般人concept 唔一樣。

哈哈,exactly我個仔
佢非典型,唔排斥社交,但唔在乎囉。一齊玩完唔理人係邊個叫咩名果d
童軍都唔錯架,又識多d人,有時出外活動遇到,下次見面竟然會打招呼,我已經好開心(雖然明顯地我仔唔會問人咩名果d)
Powered by Baby Kingdom