懷孕前後 今日: 4 | 主題: 329733

積分: 476

1^#

發表於 18-3-20 15:53 |只看該作者 |倒序瀏覽 |打印

我係假陣痛入院,入院第一晚阿B唔係好郁(早幾晚郁到我瞓唔到),所以第二朝見醫生,醫生見都近預產期,即刻俾我試催生!!

十一點幾到產房,好快醫生唻穿水,醫生手勢好,唔覺痛好快穿左,之後開始落催生藥,落完好快有感覺,平均3分鐘痛一次,好痛個隻!!

痛左陣已經頂唔順,叫護士幫手搵醫生,試左聞一次笑氣,已經頂唔順,
勁暈!最後揀左打無痛,哩個麻醉女醫生都好好人,好快攪掂!但其實無痛都唔係好止到痛,但好過冇~~

入產房開始GEI第一更護士, 全部超好, 個個有講有笑,等你冇咁緊張!! 到三點左右有第二更護士,佢地都超好,又係有講有笑!!佢地到八點左右, 見我痛得密, 幫我減D藥, 話會冇咁痛!! 到最後九點到, 換第三更護士就出事了!!之前兩更都有兩個護士,哩更得一個!!

哩個護士一開工,就開始勁執房啲野,執個陣仲要係好粗魯個隻,又推櫃,推分隔兩張產床中間個布簾,攪到撞到我同隔離產婦張床!!一路執,一路好似發脾氣咁,攪左一陣,就唻攪我插係身上同手上GEI喉管,佢話啲喉管放得好亂,要放返好佢!佢係咁FING,由於條管唔太長,為左唔俾佢FING甩D針, 我郁左下手就就個位,點知佢一FING完就撞左落我隻手到,
撞到粒豆支針,我隻手整損左,但都好彩粒豆冇俾佢CHOK甩,但......佢見整到我,竟然係話我亂郁!!

到十點幾,我發現唔對路,因為由哩個護士返工開始,我支無痛好似冇左效咁!!問佢先話我知, 佢幫我加左藥,等我快D生!!個下我先知,八點幾先減藥,佢九點幾就同我加返,仲要唔通知!!之前D護士幫我整乜都會同我講聲,但佢完全冇!!我話佢知我好痛,佢淨係識叫我按掣落無痛藥,我忍佢唔住話「如果有用我就唔洗同你講啦!」
佢就勁串咁話「咁你要生,但痛!定生唔到,唔痛?同埋我唔覺得你好痛囉! 你都冇痛到叫出聲!」聽到佢咁講, 我就話係產前講座叫唔好叫咁多, 要忍, 怕到最後無力生! 佢聽到我開始忟忟地, 先收聲話會叫醫生, 但醫生唔會咁快到!

由於真係好痛, 我不停催佢問佢醫生唻未? 我同佢講我已經痛足個幾鐘, 無痛冇用!! 但佢都係做唔到野! 最後,都差唔多十一點先有醫生唻, 但唔係為左睇我, 係睇我隔離開到度數GEI媽媽!! 我即刻求救,醫生先唻睇我,但我都係一度都開唔到!!醫生見我好痛, 同埋穿左水一段時間都開唔到一度,就決定幫我開刀! 但不幸GEI係...由於已經大痛左差唔多兩個鐘,最後發燒!!加埋無痛無用,唔可以再半身麻醉,最後要全身麻醉,同埋阿B一出世就要入加護抽野驗,因為我發燒有機會影響到阿B~~

幾痛我都忍到唔喊唔叫, 但聽到阿B有機會俾我發燒影響到,個下我終於忍唔到,喊住打俾老公,同佢講晒成個過程(我老公全程唔在場,因為想開到度數先叫佢唻,或者等佢收工先唻陪產)! 好記得同我老公講左句, 如果阿B有啲乜野事, 一定要告個護士!!

最後係醫生, 麻醉科醫生同一班幫手做手術GEI護士非常專業GEI安排下, 極速入手術室, 全身麻醉開刀生B! 攪掂晒俾醫生護士叫醒個陣仲好迷, 藥力未過! 佢地問太太你覺得點, 我好記得我冇答佢地, 淨係D眼淚係咁流出唻, 攪到D醫生護士好緊張問我做乜? 係咪邊到唔舒服? 之後我答佢地「我個B點? 我好驚佢有事!」好記得… 佢地笑左出唻話阿B冇事, 已經去左加護房, 叫我唔洗擔心, 仲問我要唔要打俾我老公, 佢係出面等左好耐!! 我答佢地「我好攰唔打住, 一陣先打!」太攰, 完全冇理到老公等僅XDD

成個孕期已經擔驚受怕, 因為阿B頸皮厚, 攪到要抽絨毛! 抽完仲要入左兩次醫院, 其中一次個醫生仲叫我有定心理準備作小產! 好難咁等到生得, 點知都攪成咁>< 好彩最後阿B冇事!

我坐完月之後去投訴個個護士, 但最後屯院回覆個護士按足程序做野! 即係個護士冇問題><

其實除左個個護士, 我覺得無論係產前房, 產房定產後房, 我遇到GEI醫生, 護士同姐姐都好好人! 希望準備入屯院生GEI媽媽, 唔好遇到個個護士啦!!

0 0 0

私人傳訊

tp_terminator

積分: 1696

2^#

發表於 18-3-21 08:33 |只看該作者

Cheese1220 發表於 18-3-20 15:53
我係假陣痛入院,入院第一晚阿B唔係好郁(早幾晚郁到我瞓唔到),所以第二朝見醫生,醫生見都近預產期,即刻俾我 ...

我都係屯醫生，產房d護士好串架，唔止，產後既護士同產前既呀姐都有一兩個好衰

私人傳訊

積分: 476

3^#

發表於 18-3-21 11:15 |只看該作者

回覆 tp_terminator 的帖子

我係產房遇到GEI, 只得個個衰人! 佢個樣係好明顯你一見到佢, 都知一定出事個種!

無可否認實有D態度差GEI護士同姐姐, 但好彩我遇到GEI對我都算好面口! 生完到出院個5日, 產後GEI護士同姐姐都幫左我唔少~~

我只係唔鍾意俾人迫埋身餵, 同埋加護餵奶時間同產後房唔同, 攪到我阿B返到產後房勁肚餓, 同護士溝通左陣先有得食!

私人傳訊

corokurin

洋房

積分: 92

4^#

發表於 18-4-15 10:07 |只看該作者

tp_terminator 發表於 18-3-21 08:33
我都係屯醫生，產房d護士好串架，唔止，產後既護士同產前既呀姐都有一兩個好衰
...

媽媽加油! 我剛5weeks第一胎, 如無意外12月都會係屯門醫院生, 所以最近都係咁睇有關屯院生B嘅分享。睇完你的分享好大感受, 我覺得你好犀利好叻呀! 見到你講果位姑娘嘅態度令我睇完都確實有少許擔心, 但好彩最終BB順利出世! 祝你同BB都幸福健康!

(emoji)

私人傳訊

小雞媽咪

積分: 1704

5^#

發表於 18-4-15 23:25 |只看該作者

回覆樓主

辛苦你啦媽媽
你話個個護士係咪夜班架我都遇到個個好鬼串
串到好想一拳x爆佢

私人傳訊

MegChow

別墅

積分: 866

6^#

發表於 18-4-16 09:21 |只看該作者

Cheese1220 發表於 18-3-20 15:53
我係假陣痛入院,入院第一晚阿B唔係好郁(早幾晚郁到我瞓唔到),所以第二朝見醫生,醫生見都近預產期,即刻俾我 ...

你係咪第一胎？我第二胎屯E生，痛到死嗌救命都冇人理我乜止痛都冇，可能見我第二胎會生得快。你就好啦有笑氣又有無痛，我發誓下胎一定私家生！！

私人傳訊

米米子

子爵府

積分: 10990

2018復活節勳章

7^#

發表於 18-4-17 00:25 |只看該作者

回覆樓主

樓主我同你經歷有8成似，不過我係開到度數生既！夜更姑娘真係串過碼頭咕哩

私人傳訊

ckying13

積分: 420

8^#

發表於 18-4-17 01:04 |只看該作者

Cheese1220 發表於 18-3-20 15:53
我係假陣痛入院,入院第一晚阿B唔係好郁(早幾晚郁到我瞓唔到),所以第二朝見醫生,醫生見都近預產期,即刻俾我 ...

真係睇到我都嬲，我9月都係屯門呀，等我遇到佢大下佢有咩事係咪你負責！？

好彩大細都冇事姐，唉，其實我都怕入到去受氣，餵人奶係咪要埋身4個鐘？

私人傳訊

積分: 476

9^#

發表於 18-4-25 19:45 |只看該作者

corokurin 發表於 18-4-15 10:07
媽媽加油! 我剛5weeks第一胎, 如無意外12月都會係屯門醫院生, 所以最近都係咁睇有關屯院生B嘅分享。睇完 ...

唔好咁擔心，屯院仲有好多好醫生同姑娘！
祝你一切順利

私人傳訊

積分: 476

10^#

發表於 18-4-25 19:46 |只看該作者

小雞媽咪發表於 18-4-15 23:25
辛苦你啦媽媽
你話個個護士係咪夜班架我都遇到個個好鬼串
串到好想一拳x爆佢

係呀！夜班ga! 佢大概夜晚九點左右接班！

私人傳訊

積分: 476

11^#

發表於 18-4-25 19:50 |只看該作者

MegChow 發表於 18-4-16 09:21
你係咪第一胎？我第二胎屯E生，痛到死嗌救命都冇人理我乜止痛都冇，可能見我第二胎會生得快。你就好啦有笑 ...

我第一胎呀！生個日係閒日，朝早就入左產房！有人講過話如果假日，就未必有止痛同麻醉師！但唔知係咪真！
我記得麻醉師都催我要快決定用唔用無痛，因為晏啲冇時間做！

私人傳訊

積分: 476

12^#

發表於 18-4-25 19:51 |只看該作者

米米子發表於 18-4-17 00:25
樓主我同你經歷有8成似，不過我係開到度數生既！夜更姑娘真係串過碼頭咕哩
...

唔知我地係咪遇到同一個衰人呢

私人傳訊

積分: 476

13^#

發表於 18-4-25 19:55 |只看該作者

ckying13 發表於 18-4-17 01:04
真係睇到我都嬲，我9月都係屯門呀，等我遇到佢大下佢有咩事係咪你負責！？好彩大細都冇事姐 ...

我個陣阿b頭4日都係加護，我冇餵人奶！但見隔離床d媽媽，基本上阿b都係隔離，佢地好似都係阿b喊就餵！飲配方奶就定時定候由姑娘拎唻餵！

希望你唔好遇到個衰人！祝你一切順利！

私人傳訊

小雞媽咪

積分: 1704

14^#

發表於 18-4-25 19:57 |只看該作者

Cheese1220 發表於 18-4-25 19:46
係呀！夜班ga! 佢大概夜晚九點左右接班！

咁我諗係佢啦

個時晚上十二點幾入去懷疑穿水比佢串
佢話：第一胎冇咁快生得話我混吉話睇我款起碼成日後先生到

個個姑把聲又高又尖聽完佢咁講個陣心情好低洛

私人傳訊

積分: 476

15^#

發表於 18-4-25 20:35 |只看該作者

小雞媽咪發表於 18-4-25 19:57
咁我諗係佢啦
個時晚上十二點幾入去懷疑穿水比佢串
佢話：第一胎冇咁快生得話我混吉話睇我 ...

我印象中佢係瘦gei, 短髮，好似仲有帶眼鏡！
一睇就覺得精神壓力大個啲！
仲要勁串，冇禮貌！

私人傳訊

小雞媽咪

積分: 1704

16^#

發表於 18-4-25 20:45 |只看該作者

Cheese1220 發表於 18-4-25 20:35
我印象中佢係瘦gei, 短髮，好似仲有帶眼鏡！
一睇就覺得精神壓力大個啲！
仲要勁串，冇禮貌！

咁我諗係佢啦

私人傳訊

積分: 476

17^#

發表於 18-4-25 21:00 |只看該作者

小雞媽咪發表於 18-4-25 20:45
咁我諗係佢啦

私人傳訊

米米子

子爵府

積分: 10990

2018復活節勳章

18^#

發表於 18-4-25 21:42 |只看該作者

Cheese1220 發表於 18-4-25 19:51
唔知我地係咪遇到同一個衰人呢

可能係，不過我都唔記得喇哈哈！生完見到個仔爆哂花花甘開心，而且臨生走左好多助產士入黎吹水睇醫生點同我接生，我都唔記得邊個打邊個

私人傳訊

catfi601

積分: 422

19^#

發表於 18-4-28 23:31 |只看該作者

回覆樓主

我17年12月都係屯院生。
Overall 產前，產房同產後既姑娘同姐姐都ok既。
甘當然會有某一，兩個態度差d。
因為我由下午生到半夜，都轉左一更姑娘。佢地把口有時候係冷漠d，例如，太太生仔係會痛架啦，你忍下之類。但如果有問題，佢地都會幫你。
反而產後巡房d醫生態度就。。。有一，兩個都好串下又hea ，都係後生既。
但我好彩喺產房遇到過好醫生，正常係助產士接生，個醫生甘啱要去處理隔離床位個媽媽既問題，見我就生就留喺度幫我接生，都好有耐性，因為第一胎吾識用力。
產後d姐姐，因為其實佢地都好忙，所以語氣上係會差d，但都會幫你，好像我生完喺床用盤去吾到VV, 因為吾習慣，個姐姐初初態度都吾好，話個個未落得床都要用盤去，你再試下，佢話再去吾到要插喉。但我真係去吾到。。。佢見我個人都精神，我本應未落得床，佢用輪椅推我去廁所去，佢聽到我有VV就話ok la, 甘你吾洗插喉，佢話我都吾想你插喉，插喉好辛苦架。

喺產房可以遇到好既姑娘真係好講彩數，的確姑娘態度好d，真係個心情差好遠。

私人傳訊