有樓主要求整合我既靈異之怪人怪事(慎入)

saupig
|
本帖最後由 saupig 於 18-3-23 03:01 編輯

註:請留意,有驚嚇成份!有心臟問題者/情緒問題者慎入!

因為有樓主要求,為方便大家追睇,所以特別將我既靈異經歷結合成呢個post,會不定時更新,希望大家睇得過癮,註:全都係我既親身經歷,世界真係無奇不有架......

1)今早訓醒(未睜開眼),發覺老公攬住我,正享受緊,跟住佢就落左床,著拖鞋行左出去,聽到拖鞋聲,我即刻心寒(我老公唔著拖鞋既),我即刻睜開眼,坐左起身,望下個鐘,朝早成10點幾,我老公已經返左工!

2)我成日接觸靈界,訓左覺既時候好似開左陰陽眼咁(睇到現實中既景,但其實我係訓緊,即好似自己個靈魂出左黎咁)有次訓訓下,夢到有女人個頭在我老公個肚上,我嚇醒左,跟住同我老公講,之後女人頭又出現左,講:係咪好似我咁呀!我驚到睜大對眼,個人好似清醒左,今次真的醒了!原來我同老公講野既時候仲係訓緊!

3)有一日,我地一家揸車出街,一上車我就聞到好大陣臭味(好似腐尸味),我就問我老公聞唔聞到,屋企人全部都話聞唔到味,但我一直都聞到,一直都好唔舒服,再聞下自己個身,陣臭味好似由我身上發出黎,叫我老公聞下,佢又話無味,到左夜晚,返到屋企我都仲係聞到陣味,我覺得好臭,即刻去沖左,但沖左3次涼,個身都仲係好臭,到左沖第4次,未出浴室前,突然想照鏡,望住個鏡時覺得怪怪地,望到自己好似化左妝咁(我成幾年無化過妝),之後個心就同自己講:化妝好靚,查紅色唇膏(emoji)好仲靚!跟住我就打左個寒震,講:痴膠花,我從來都唔查紅色唇膏既!之黎我唔理三七廿一,即刻衝上床,大被蓋過頭,即訓!第日訓醒就無左陣臭味,我問過D大師,佢哋話應該係被上身,可能攞我條命,但我定力夠,無事咁話!

saupig
|
4)基本上,我識既人/地方/接觸既物件有靈異野既話,我通常會知道,一係即時有唔好既反應,一係訓覺中會見到,有一次,我奶奶送左隻手鐲俾我,佢話唔知邊個親友送既,應該都有D價值,我無咩留意收左,之後帶左返屋企,點知個晚即該見到恐怖野,我一訓著,個靈魂就好似去左一個荒廢左既屋度,間屋得一層,咩傢私裝修都無,淨係得水泥,之後我見到其中一塊牆有D野,就行埋去睇下,跟住塊牆就開始裂開一條裂痕,我即刻彈到好遠,點知,一條裂痕變成好多條,跟住成幅牆好似碎左咁跌落黎,唔裂都好D,一裂開即該嚇死我,成幅牆都係一條條既尸體同埋尸蟲,嚇到我大叫救命,跟住我就俾老公搖醒左,佢仲問我做咩叫救命,係咪俾人追殺!


Ps*訓醒後,我即刻叫老公俾返隻手鐲俾我奶奶,話驚整唔見左,無得賠,所以俾返佢,費是講咁多野俾佢聽,嚇親佢!
cinda72.
|
saupig 發表於 18-3-23 01:30
4)基本上,我識既人/地方/接觸既物件有靈異野既話,我通常會知道,一係即時有唔好既反應,一係訓覺中會見 ...

放鬆d啦香港人
donli1228
|
精彩,仲好睇過電影
1621
|

sfchu.b
|
thanks for sharing !!!
我一定追
Zerosilver
|
又驚嚇又好睇
cedarcone
|
我冇睇樓主以前post, 現在第一次睇 , 不覺驚訝 ! 只想給意見 ! 不喜勿插 !

陰陽眼與靈界上身是兩回事 !

若是懷疑上身,理應第一時間去破滅 ,回復正常生活 ,性命和追睇,那樣珍貴呢?

靈界附身有多類 , 一般不會容易擦覺的 ,

除非仔細深入生活點滴/行為等,是有破綻的。

攞性命不是一朝一夕的事 (因人而定) !










ewater
|
i want to know more please
saupig
|
cedarcone 發表於 18-3-23 02:15
我冇睇樓主以前post, 現在第一次睇 , 不覺驚訝 ! 只想給意見 ! 不喜勿插 !

陰陽眼與靈界上身是兩回事 !

當然每個人遇到既02野都會係唔同,有人見到,有人feel 到,有人不知不覺死埋,好多野都解釋唔到,亦無需太介懷!至於我點解被上身,後來點解無事,我都唔清楚,總之個經過就係咁,如果作古仔吹水既話,就一定講得好完美,有人信,亦有人唔信,我分享個人經歷過既02古怪野,你地可以當睇古仔,唔駛咁認真既!重申:這些係我既經歷,有興趣就睇下,無興趣可以繞過!
點評
SHIRLEYLAM330    發表於 18-6-27 16:36
藍月神
|
saupig 發表於 18-3-23 01:28
因為有樓主要求,為方便大家追睇,所以特別將我既靈異經歷結合成呢個post,會不定時更新,希望大家睇得過癮 ...
我完全唔覺得係靈異喎
你講果d我全部都經歷過,更恐怖更真實我都經歷過,不過我完全唔覺得係靈異囉,特別係訓覺果部份
eggplantyanyan
|
驚驚
saupig
|
藍月神 發表於 18-3-23 02:53
我完全唔覺得係靈異喎
你講果d我全部都經歷過,更恐怖更真實我都經歷過,不過我完全唔覺得係靈異囉 ...

我未講到啫,有興趣就追啦
saupig
|
今次講D真正清醒時發生既野俾你地聽下先,遲下再話俾你地知(點解我訓左覺見到既係02野,而唔係所謂既夢)

5)我一家人間中會去元朗阿B買糖水,跟住上大帽山食,通常都開到頂,泊完車,正準備開餐,我就見到有人在車頭由右向左行過(即係由司機位向我呢邊行過),我即時o左咀,我架車車頭前面係懸崖,無可能可以行到,已覺不妙,當時我面向司機位,側背住乘客位個窗,眼尾見到有人扑向我個車窗到,望住我地(當然我家人係見唔到啦)我即刻打左個震,好似講唔到野咁,口窒窒咁,一個一個字好慢咁同我老公講:不.....如......走.....啦!我老公見我咁既樣,佢即時知道咩事,咩都無講,即刻開車走人,落到山腳我就話俾佢地聽咩事,最返行左個大運先敢返屋企!
Minnie2010
|
bb妹
|

falalala
|
好驚呀
sharonchung
|

Wingwingm
|
似主君的太陽情節
may_home1126
|
追,支持你寫多d
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽