懷孕前後

跳至

首頁
12

尾頁
   6


大宅

積分: 2714

Poo得好勳章


發表於 18-4-3 16:55 |顯示全部帖子
本帖最後由 touko 於 18-4-3 16:55 編輯

如果計劃主要自己一個坐月, 但要自己身體恢復得正常理想的
work 唔 work 咖? 定一定要人幫?

因為我連有屋企人在屋企幫我我到會尷尬同唔好意思, 但又唔想請工人或陪月 (怕有其他野煩)

如果真係主要自己一個坐月, 自己一個湊bb, 請問除左唔落得街之外, 有咩係要避免做?

感謝



複式洋房

積分: 423


發表於 18-4-3 17:13 |顯示全部帖子
touko 發表於 18-4-3 16:55
如果計劃主要自己一個坐月, 但要自己身體恢復得正常理想的
work 唔 work 咖? 定一定要人幫?

您會好累 bb您要不停鍡奶 掃風 換片 哄睡覺
我請左一個月陪月都唔夠
再請多個月先夠休息
如果得自己一個甘坐唔到月


複式洋房

積分: 423


發表於 18-4-3 17:14 |顯示全部帖子
Cherie227chan 發表於 18-4-3 17:13
您會好累 bb您要不停鍡奶 掃風 換片 哄睡覺
我請左一個月陪月都唔夠
再請多個月先夠休息

如果得一個人您到時應該會想有人幫您


大宅

積分: 2264


發表於 18-4-3 23:34 |顯示全部帖子
touko 發表於 18-4-3 16:55
如果計劃主要自己一個坐月, 但要自己身體恢復得正常理想的
work 唔 work 咖? 定一定要人幫?

你打算點解決3餐?


大宅

積分: 2714

Poo得好勳章


發表於 18-4-4 10:03 |顯示全部帖子
回覆 兩條線 的帖子

未諗架, 如果唔work就會請人了


大宅

積分: 2714

Poo得好勳章


發表於 18-4-4 10:03 |顯示全部帖子
回覆 Cherie227chan 的帖子

thanks !


別墅

積分: 601


發表於 18-4-4 14:23 |顯示全部帖子
touko 發表於 18-4-3 16:55
如果計劃主要自己一個坐月, 但要自己身體恢復得正常理想的
work 唔 work 咖? 定一定要人幫?

我係自己坐月㗎,但頭2個禮拜老公有喺屋企幫手,bb嘢同自己要用嘅嘢就一早準備好,食飯補身就訂坐月餐。忙就一定會同埋休息一定唔夠,但自己親力親為湊bb係好享受同開心!


別墅

積分: 891


發表於 18-4-5 13:03 |顯示全部帖子
touko 發表於 18-4-3 16:55
如果計劃主要自己一個坐月, 但要自己身體恢復得正常理想的
work 唔 work 咖? 定一定要人幫?

跟本無可能


大宅

積分: 1363


發表於 18-4-5 14:16 |顯示全部帖子

回覆樓主

可以搵上門煮月子餐,買其他日常野,小朋友沖涼就c6處理,餵奶,沖奶,哄瞓都係每兩個鐘就做一次,只要你齊野係屋企,問題不大,當然c6可以係屋企幫手兩個星期就最好。
反而出世後要去健康院,有幾日要出門,你就需要有人幫手,一個人帶住初生同一大堆野唔易搞。


大宅

積分: 2168


發表於 18-4-5 14:17 |顯示全部帖子

回覆樓主:

我當年都係自己坐月,未生前我同你一樣都覺得自己攪得掂(因為當年只得廿幾)上網睇曬資料,點知到生完先知唔得,因為生完個人虛,完全覺得自己冇力,幸好果時家姐即刻請大假黎幫我否則後果不敢想像。
我覺得如果你唔太喜歡有外人係到咁多個鐘可以搵鐘點,起碼幫你搞掂食和沖涼問題


大宅

積分: 1033


發表於 18-4-6 00:10 |顯示全部帖子
絕對可以自己一個坐,不過你會辛苦啲!以前我都係自己坐月,你可以叫老公星期六日同你去買定晒啲餸,咁你咪慢慢煮囉!一日二十四小時,總之你嘅schedule 就係跟住阿B嘅 schedule, 佢起身你就起身,佢瞓覺你就瞓覺或者煮定飯,家務做得就做,如果唔係就叫老公做


大宅

積分: 2714

Poo得好勳章


發表於 18-4-6 09:24 |顯示全部帖子
本帖最後由 touko 於 18-4-6 09:25 編輯

回覆 id4pat 的帖子

好! 感謝你! 呢幾日同屋企人傾過
老公頭2個星期應該可以陪倒我(最弱最呢hea o個期)~煮d簡單餐+炒米茶 一齊食
然後後主要自己一個, 家務會係唔做唔得先做, 辛苦d唔緊要
補身的東東就兩星期後奶奶媽媽帶過來俾我 (好似話頭兩星期不宜進補, 薑醋已確定由奶奶搞, 奶奶有全職工作)

屋企2分鐘到街市, 5分鐘到mtr 站, 10 分鐘行到醫院, 行30分鐘到母嬰健康院


你覺得我咁計劃夠唔夠? 仲有無咩遺留左未考慮? 薑醋係咪都係生b兩星期後先食會好d? bb打針係咪去母嬰健康院的?

謝謝大家, 我想同屋企人plan 定多d, 有晒心理準備, 免得到時抑鬱


大宅

積分: 1033


發表於 18-4-6 12:08 |顯示全部帖子
你屋企咁方便,更加唔駛驚!不過世事難料,成日都會有啲意料之外嘅事發生所以只要有定心理準備,咁就OK!加油!


水晶宮

積分: 53542


發表於 18-4-6 15:56 |顯示全部帖子
touko 發表於 18-4-6 09:24
回覆 id4pat 的帖子

好! 感謝你! 呢幾日同屋企人傾過
咁都算有啲幫手,唔太差呀。我第一胎嗰時都係差唔多。先生放假約兩星期,煮簡單嘢。媽媽奶奶分別幫手買餸同拎湯嚟。我地間唔中食外賣。湊B沖涼餵奶(全埋身)主要我自己做,都好OK。我間中落街行下散心,去健康院嗰日又喺出面食埋早餐或下午茶先。
薑醋要惡露減退先可以食。我自己就好怕啲味,所以冇食過。


大宅

積分: 2714

Poo得好勳章


發表於 18-4-6 16:00 |顯示全部帖子
回覆 EstrellaDamm 的帖子

好似好自由咁, 仲可以出街食野
生bb 後幾多日或者咩身體狀況下可以出街?


水晶宮

積分: 53542


發表於 18-4-6 18:13 |顯示全部帖子
touko 發表於 18-4-6 16:00
回覆 EstrellaDamm 的帖子

好似好自由咁, 仲可以出街食野
基本上冇咩特別虛弱或其他大問題都可以出。出咗院通常兩三日內都會帶BB去健康院檢查,通常嗰時出囉。我生完正正常常,行得走得,冇諗過要困喺屋企幾多日。第二胎坐月時仲會專登接大女放學食下午茶,因為要顧個大嘅感受。

其實情況許可的話出一陣街曬曬太陽對產婦身體同精神健康都有好處。


大宅

積分: 2714

Poo得好勳章


發表於 18-4-6 18:45 |顯示全部帖子
回覆 EstrellaDamm 的帖子

真正,希望我生完都可以好似你咁


瑪瑙宮

積分: 128481

2024年龍年勳章 2024勳章 2023年兔年勳章 虎到金來勳章 開心吸收勳章


發表於 18-4-7 05:57 |顯示全部帖子
跟足中國人果套坐月係會非常忙.... 唔跟足既話其實你老公請2個禮拜假, 已經幫到好多.

你要睇你身體情況, 想做得幾足, 獨立性有幾強. 另外第一胎時因為乜都要學, 又冇經驗去multi-taking, 時間管理又要學, 所以都會忙d.

我第一胎時響香港, 有阿媽幫, 佢真係忙足全日, 多數要買野, 響廚房洗野煮野.第二三胎時響外國, 阿媽有幫少少, 其餘野我做番晒, 仲要做埋d freelance 手尾, 坐月d 工序化繁為簡, 基本上問題唔大. "煮食" 呢部份係最花時間, 因為傳統果套係要日日食新鮮野, 即係日日要去買餸, 之後仲要洗切煮...

生b 前我整好薑醋. 炒米茶一陣就炒起.

補品我用28坊, 加舊雞柳/雞髀, 用電子燉盅就攪掂, 唔駛睇火. 沖涼用薑水咪一早煲定等佢慢慢攤凍, 不過我有偷雞加凍水....

食方面可以一次過煮兩餐. 買餸叫老公買定幾日餸.

唔掂生水方面我一向冇理. 我有幫bb 沖涼, 間中俾阿媽老公做, 俾佢地滿足下, 我又可以蛇王一陣.

湊b 係好攰, 攰到你記唔到野, 坐響度都會瞓著, 仲要日日重覆做同樣既野至少十次. 我餵人奶, 要2個鐘餵一次, 又要數每日有幾多塊濕尿片. 我響屋企 print 定個時間表 (我抄QE 個表), 打直係時間 (1小時一行), 打橫係分別係餵人奶, 補奶粉, 大便, 小便, 其他. 每日剔我做過d 乜, 晚晚結數. 咁樣我唔駛用腦去記野, 一睇個表就知我做過d 乜, bb 夠唔夠濕尿片. 而家應該有app 可以用, 只係我鍾意用紙筆去記同埋留念, 要翻查都快過用app.

出街真係要睇體質, 生完bb 係弱d, 呢樣真係要注意. 我生完bb 後有出街, 當抖下. 生完2,3胎係暑假, 滿月後成家人去短途旅行, 車程3個鐘左右, 如樓上jm 話齋, 原因係顧埋家人感受, 同埋我都同意出一陣街對大人同bb 都好. 不過坐月時我曾經用冷氣吹自己背脊一陣, 第二日就頭暈要食薑飯.

有人唔鍾意有人探訪, 我就鍾意招呼真心探訪既親友, 可以扮靚, 傾計吹水冇咁悶, 人都生猛d. 呢d 睇你心情同情況去決定俾唔俾人探你啦.


大宅

積分: 2714

Poo得好勳章


發表於 18-4-7 07:46 |顯示全部帖子
回覆 bosch 的帖子

好詳盡,thanks! 我遲d去搵下你講嗰個表


公爵府

積分: 29698

2024年龍年勳章 2024勳章 虎到金來勳章 牛年勳章 HiPP勳章(2) HiPP勳章(1) 2018復活節勳章 Poo得好勳章 畀面勳章 BK Milk勳章 hashtag旅遊勳章 DHA勳章 貓狗褓姆 育兒性格勳章 笑得好勳章


發表於 18-5-5 01:51 |顯示全部帖子

回覆樓主

我生完二星期左右即現在自己坐月,下午就帶bb買餸,佢訓我跟著訓!不過會好忙,老公收工就煮飯,沖涼,休息下

首頁
12

尾頁

跳至