懷孕前後

跳至

首頁
12345...6

尾頁
   57


複式洋房

積分: 366


發表於 18-4-10 01:08 |顯示全部帖子
本帖最後由 Erming 於 18-4-10 01:09 編輯

第一日,3月10日上午10點開刀,所以我7點到法國醫院其實可以9號晚12:00am入,但我覺得係屋企可以訓一陣,所以寧願選擇一早去。登記入院即時去驗尿、剃毛,張醫生已經幫我地揀左3人房,我只需要揀邊個床位,窗口位加多$50,我怕痛所以要左近洗手間位。跟住落病房,有位姐姐帶我地去,介紹返俾我地聽,俾套衫我叫9:30前要換好,件衫係背面唔使扣,褲就係二塊布包住架咋無得著架,到9:30換完衫就會有護士同姐姐推床入黎,過床對資料同飲樽甜甜既胃藥水就推去手術室,經過左幾度門後,就會去到一個交接位,手術室既護士就會同推我落黎既護士大家對資料。完成再推到手術室門外既等候區等,麻醉師會過黎講幾句就插豆,好似抽血感覺痛多少少。等多一陣,入手術室,我成個人驚到震哂,入到去叫你自己過床,卷咪身體有個護士會按住你,麻醉師就會消毒跟住打麻醉針,小痛都係抽血既感覺,無我想像中咁痛,開始慢慢感覺雙腳無咩知覺,成個人開始震,麻醉師話正常反應,只會有感覺有人整你但無痛感,張醫生就開始插尿喉,當然係無痛感,開始就會係肚上貼塊藍色紙應該係開刀位置,護士們就會拉一塊藍色大布擋住我,會放條暖管入被等我個人暖d,手術室好凍,跟住老公就入黎,老公之後同我講佢行入黎時已經開緊,地下同布都已經有血,不過佢唔太敢望,麻醉師會過黎話已經開左肚啦。個人會感覺到有人整緊你個肚,但無特別大既感覺,係有少少痛但完全接受到,但我太驚所以叫老公同麻醉師講我有d痛。麻醉師話如果係接受到既痛就無問題,如果唔得就出聲再打麻醉針。但我覺得接受到所以無再講。到左漫長既5分鐘麻醉師就會係我肚上面推左幾下。bb出世啦,聽到喊聲,終於成為媽媽。護士們抹乾個身就會攞過黎,俾我地睇同影相,影完就同爸爸一齊出去,而我就繼續震同縫肚,縫肚既時間過得特別漫長。我自己覺得最難捱既係震,震好辛苦。手術完成後,張醫生會過黎講做完啦唔使驚啦,跟住會推返出去等候區等上房,張醫生會出黎交代幾句就走,因為全身仲震緊護士好好會插暖管同幫我加多張被,等左大約有15分鐘後個人開始無震,11:15就上房。第一日會吊住應該係鹽水(我都唔知吊住個樽係咩),完全唔落得床,護士會黎幫我清洗下身,換m巾,量血壓,塞藥,口服既會俾止痛藥、胃藥,抗生素,叫你放定束腹帶出黎方便聽朝用,第一晚會推bb黎俾我地睇睇同影下相,由於有咁多止痛所以第一日就算麻醉藥過左但都未有痛感。


複式洋房

積分: 366


發表於 18-4-10 01:11 |顯示全部帖子
第二日,8:00左右護士會黎俾藥,量血壓,拔尿喉,抹身,會幫你用束腹帶束腰就會叫你有屋企人黎到就試下落床,落床個下係痛架,但又唔係話好痛,其實要升高床頭坐左起身先再慢慢移動自己就一就力起身,其實都叫忍到既痛,行就因為我自己細膽所以行得好慢,10點約左右張醫生黎巡房問我傷口覺得點,我話上落床有d痛佢就教我點落床會好d,真係好好。法國係分時段去餵奶,自己就返時間過去餵,如果要睇bb都有分時段夠鐘可以攞咪張咭仔去大玻璃窗既位置,俾張咭護士睇佢就會推出黎俾你地睇,我有去餵奶,夠鐘就會開門,入到去同護士講邊個床位,搵自己個床位既衣架著外套,洗手,帶口罩,可以試餵人奶大約10-15分鐘就會派奶粉,奶粉係整入院手續個時揀咪,大部分既餵奶房既護士都係好既,只有一二個係麻麻。可以餵大約一個鐘,到左7點左右張醫生會黎巡房,問下今日覺得點,可能佢見我好似好攰有問我琴晚訓唔訓到覺,我係完全失眠,佢話會安排今晚食咪安眠藥,我心諗唔使呀,但後來發現係好需要架,張醫生真係好細心,佢話如果好痛就叫護士俾止痛藥你食唔好死忍。個下我覺得個心都定d,因為我真係有諗過半夜痛要點算呢。食左安眠藥終於訓到。另外我要講惡露,我知道開刀惡露係會少d,但我個人覺得我惡露係算多架都,除左醫院送個二包m巾,我呢四日都再要自己買多二包,只可以講個個人既體質唔同。唔夠係醫院有得買,醫院個隻都幾好用。


複式洋房

積分: 366


發表於 18-4-10 01:12 |顯示全部帖子
本帖最後由 Erming 於 18-4-11 15:46 編輯


第三日藥早午晚三次,無特別所以我唔特別講啦。第四日,今日上落床都已經好好多,10點左右張醫生會黎拆線,拆線反而比我想像中痛少少,但好快過程,拆完會貼防水膠布出院可以沖涼架啦,張醫生會話你知幾時可以自己拆防水膠布,止痛藥要點食法,我出院後仲食左3日止痛藥加塞左二日藥其實唔痛就可以唔使但我係怕痛既人所以食多幾日,拆完就等護士攞單入黎,等緊既時候我去左餵奶房攞bb既報告,遺傳病測試要出院3日後先有得攞,攞到張單就出去俾錢。俾完攞咪張收據帶咪包被媽媽就可以去餵奶房接bb出院(bb所有既野醫院都包哂,我帶左帽仔同包被)。我全數用左42000(已經包括聽力測試&遺傳病測試)

另外,麻醉師我個人就麻麻地佢,佢打針手勢係唔錯但手術中佢有坐左係到玩電話。

兒科醫生都會每日黎講bb個健康狀況,佢講野好快,出左院我就返健康院檢查無再睇佢啦!

張國良醫生本身我去檢查見佢忙到咁信心就少左覺得咁忙一定係是但做,但事實唔係,佢好細心,手勢又好,就算星期日佢都會照黎巡房,收費又平,真係仁醫。


大宅

積分: 1427


發表於 18-4-10 20:16 |顯示全部帖子

回覆樓主

多謝分享,請問洗咗幾錢呀?


別墅

積分: 872


發表於 18-4-10 20:18 |顯示全部帖子

回覆樓主:

謝謝分享,我6月都係張醫生開刀


複式洋房

積分: 280


發表於 18-4-10 22:24 |顯示全部帖子
Erming 發表於 18-4-10 01:08
第一日,3月10日上午10點開刀,所以我7點到法國醫院其實可以9號晚12:00am入,但我覺得係屋企可以訓一陣,所 ...

係咪住4日醫院呀?即係13號出院?


男爵府

積分: 7539


發表於 18-4-10 23:22 |顯示全部帖子
Erming 發表於 18-4-10 01:08
第一日,3月10日上午10點開刀,所以我7點到法國醫院其實可以9號晚12:00am入,但我覺得係屋企可以訓一陣,所 ...

唔知點解老公入黎果陣一定係開左刀我同我d朋友都係咁


複式洋房

積分: 366


發表於 18-4-11 10:24 |顯示全部帖子
本帖最後由 Erming 於 18-4-11 10:25 編輯

回覆 兔8兔 的帖子

全數42000


複式洋房

積分: 366


發表於 18-4-11 10:25 |顯示全部帖子
sillyboom 發表於 18-4-10 22:24
係咪住4日醫院呀?即係13號出院?
係呀。13號既12點出院


複式洋房

積分: 366


發表於 18-4-11 10:27 |顯示全部帖子
NatalieTY 發表於 18-4-10 23:22
唔知點解老公入黎果陣一定係開左刀我同我d朋友都係咁
係喎,我都係咁聽人講過喎,趕時間


複式洋房

積分: 366


發表於 18-4-11 10:29 |顯示全部帖子
兔8兔 發表於 18-4-10 20:16
多謝分享,請問洗咗幾錢呀?
全數42000,我已經做咪聽力測試同遺傳病測試


複式洋房

積分: 366


發表於 18-4-11 10:29 |顯示全部帖子
memelala 發表於 18-4-10 20:18
謝謝分享,我6月都係張醫生開刀
加油呀媽媽。唔使咁驚。


大宅

積分: 1427


發表於 18-4-11 11:06 |顯示全部帖子
Erming 發表於 18-4-11 10:29
全數42000,我已經做咪聽力測試同遺傳病測試

多謝你呀,我都想搵張醫生開刀,啱打去話上午休息,唔知張醫生會唔會接新症


複式洋房

積分: 366


發表於 18-4-11 11:14 |顯示全部帖子
兔8兔 發表於 18-4-11 11:06
多謝你呀,我都想搵張醫生開刀,啱打去話上午休息,唔知張醫生會唔會接新症
...
單胎開刀就接。你話想搵張醫生開刀接生,護士會俾個期你去檢查,我記得我一有即打去book,第一次產檢都要成4個月先去見醫生架。


別墅

積分: 872


發表於 18-4-11 11:48 |顯示全部帖子
Erming 發表於 18-4-11 10:29
加油呀媽媽。唔使咁驚。

請問醫生插尿喉痛嗎? 你小便有痛嗎
我上胎政府護士插傷左,生完屙左3星期血尿,痛不欲生,果陣政府重話係正常,好多產婦因為bb壓逼,插尿喉會易整傷,就咁開左抗生素俾我食。


男爵府

積分: 5877


發表於 18-4-11 12:36 |顯示全部帖子
Erming 發表於 18-4-10 01:12
第三日藥早午晚三次,無特別所以我唔特別講啦。第四日,今日上落床都已經好好多,10點左右張醫生會黎拆線 ...
要拆線架?有D人又會用溶線,都唔知邊樣好D


複式洋房

積分: 366


發表於 18-4-11 13:07 |顯示全部帖子
memelala 發表於 18-4-11 11:48
請問醫生插尿喉痛嗎? 你小便有痛嗎
我上胎政府護士插傷左,生完屙左3星期血尿,痛不欲生,果陣政府重話係 ...
唔痛架。因為打左麻醉針先插所以無感覺,生完都正常屙呀無唔舒服,放心啦張醫生手勢好好。


複式洋房

積分: 366


發表於 18-4-11 13:12 |顯示全部帖子
AKKAPPO 發表於 18-4-11 12:36
要拆線架?有D人又會用溶線,都唔知邊樣好D
張醫生係拆線架,我聽人講拆線傷口會埋得靚d不過唔知真定假呀。我傷口就好幼囉。


複式洋房

積分: 148


發表於 18-4-11 13:37 |顯示全部帖子

回覆樓主:

很詳細 讚


大宅

積分: 1110


發表於 18-4-11 15:07 |顯示全部帖子

回覆樓主

好詳細呀!我都搵左張醫生,希望到時順利啦!

首頁
12345...6

尾頁

跳至