[求教] 同老公嘈, 又係小朋友教育問題

MacyChung
|
本帖最後由 MacyChung 於 18-4-11 12:00 編輯

我本身有2個小朋友, 準備升小學, 成日因為小朋友嘅教育問題同老公有嗌烚, 唔想一對仔女輸喺起跑線有錯咩? 但老公一直堅持我哋嘅年代都係天生天養但尋晚睇完VIU TV個劇集, 講港爸港媽, 冇諗到咁真實咁感動, 我真係睇到好心UP, 句句對白入心入肺, 睇完喊咗出嚟…… 香港媽媽真係好難做......
有冇SIS有類似問題可以share吓

有興趣可以上網睇返, 但要有心理準備, 因為我睇完係喊到豬頭咁.....http://viu.tv/encore/vr-exorcist

baba_dan39
|
我有4 個小朋友,頭一兩個出世時都會覺得唔緊要,唔駛比較,健康開心就夠,一入到讀書年紀真係無得避, 個小朋友有某D 方面比人比下去都會自卑,所以同老婆成日都就ABCD 事但一個既事鬧交。 睇到你的留言, 身同感受。

但樣樣做到足都好辛苦的, 覺都冇時間訓....
GCHK
|
冷靜D,教育要重視,但係都要平和D解決
我要做媽媽
|
有時候 都要注意唔可以逼得太緊架
EE_321
|
正常大部份男人都會冇要求咁高,所以都唔使太過勞氣!
CheungKeeKee
|
回覆 MacyChung 的帖子

我也有兩個子女,一個小學一個幼稚園。按下你的連結,第一次睇Viu TV劇集,覺得好假好誇,我不是那類怪獸家長,零共鳴。

唔想仔女輸喺起跑線沒有錯,不過容易破壞親子和夫妻關係。每人價值觀不同,我同你老公想法相同,無必知咁快用盡D quota,比賽不在乎起跑線,最緊要跑到終點。

問題是你希望子女叻還是開心,雖然我和老公都是港大畢業(當年得三間大學),我倆都沒期望子女一定要讀大學。現在的大學生水準有目共睹,畢業也不代表有前途。父母幫子女鋪路入名大學讀法律工程,讀完不執業去學廚、唱歌、當演員的例子實在太多,考完八級琴封琴憎恨音樂的也大有人在。

我兩個子女報幼稚園只報了一間,報小學不要說誇區名校(連名校也不太認識),地區出名那一兩間也不報,報了幼稚園推介輕鬆小班教學那間。年年收通告話成績達標入精英班我都拒絕,在另一班輕鬆考頭三名更好。從不加入家長群組,沒與人比較爭勝,樂得清靜。

我已夠不緊張,老公更放鬆。功課錯也由他,做了就算。平日不溫書,考試前一個周末才溫,老公竟然話,由得他考第尾等人笑就會努力。
點評
lauemilytaipo    發表於 18-12-6 09:50
yingwong    發表於 18-11-16 11:47
yingwong    發表於 18-11-16 11:46
sinsinlo    發表於 18-5-25 10:29
jc2009
|
"唔想一對仔女輸喺起跑線有錯咩? "---> 可有實質想做的事嗎?

大家傾吓, 舒服些....
wai0824
|
其實條所謂起跑線根本就係家長自己set比自己,自己小朋友個能力去到邊作為家長會好清楚,其他家長點谷自己小朋友係佢地嘅事,我覺得無需要比較,覺得自己小朋友唔識而要佢去做人地做嘅野
點評
sinsinlo    發表於 18-5-25 10:30
RubyYu07
|
男人都係咁,我C6甚至話過只要個仔唔包尾後三名就滿足了
RubyYu07
|
MacyChung 發表於 18-4-11 11:59
我本身有2個小朋友, 準備升小學, 成日因為小朋友嘅教育問題同老公有嗌烚, 唔想一對仔女輸喺起跑線有錯咩? ...

你睇完喊到豬頭咁應該好大感觸了,其實我都好怕睇呢D,驚自己控制唔到
Jasmine-4711
|
唔輸在起跑線?咁要睇下條起跑線係邊,唔好盲目跟風,揠苗助長。人生的路漫長,每個人行的路也不一样,是人人上倒大学。

我兩公婆都大學畢業,那時只得兩間大學。但我們的兒子不是讀書的料子,只可发掘他的長處,幫他另覓出處。每個人跑的賽道不一样,终點的位置也不同,何必執着在那條線起跑,大家的终點也可能不同呀。

小学中学要求一體一藝,我再加一個佢揀的興趣班就夠了。
haha748494
|
我C6都系吖,搞到囝囝都癡佢。
dativebond
|
MacyChung 發表於 18-4-11 11:59
我本身有2個小朋友, 準備升小學, 成日因為小朋友嘅教育問題同老公有嗌烚, 唔想一對仔女輸喺起跑線有錯咩? ...

本帖最後由 dativebond 於 18-5-1 10:08 編輯

唔想輸係起跑線呢個諗法本身就係錯,被人洗腦而不自知。

你要諗清楚乜野先係最重要。同埋,咩叫起跑線?是真實存在還是商家的洗腦手法?

人生邊有起跑線?重點係條路點行,過程都好緊要,唔一定要所有野都需要順風順水,有時在挫折中學到既野更加珍貴,挫折越細個遇到更好,因為無野輸,學習就係一個容許失敗既過程。

我唔係話學習乜都唔駛理,或者唔參加課外活動,而係家長既心態,你點樣定義教育。教育係用來和人鬥(鬥贏其實都無意思,反而盡晒力都輸仲係一個好好既經歷。),定係想小朋友學懂如何做人。

我唔係相信無為而治既家長,我本身兩公婆都係港大畢業,唔會對細路既學習無要求,但更明白學習唔係一切,有好多野比學習更加重要。

我唔會因為怕小朋友考得唔好就花時間和佢溫書,讀書係要靠自己,我幫得幾多?如果你能視每一次考試為評估進度,成績只係用作諗下點改善方法,你會感覺輕鬆好多。事實上,佢十幾二十年既考試有成幾十個,其中只得三四個係有實質用途,佢唔需要每一次都成功,偶然既失敗更能培養佢正確的學習態度。

所以,我好反對陪讀呢個概念,我覺得好蠢,好似㩒住小朋友對翼唔比佢自己飛咁。就係因為家長怕失敗,反而小朋友離成功越遠。而且,害怕失敗呢個諗法(害怕輸在起跑線就係最典型例子)會感染小朋友,令佢乜都唔敢試。害怕失敗呢個諗法係毒藥,我地反而應該擁抱失敗,失敗才是成功之母,尤其在學階級,從失敗中學習,感受更深刻、影響更深遠。

人生本來就充滿成功和失敗,謙遜迎接成功重要,但積極面對失敗更重要,因為呢個態度保證小朋友一直走向成功的正確道路上。

但其實除左學術野緊要,其它課外活動和親子活動更重要,例如體育和團體活動,更能學懂做人處世既道理,學懂如何處事、人際關係和積極面對失敗。。。。等等。呢D 野無評估無考試,難以量化,但比起學業,可說更加重要。

課外活動貴精不貴多,重視過程,唔係張証書。
dativebond
|
dativebond 發表於 18-5-1 09:09
本帖最後由 dativebond 於 18-5-1 09:38 編輯

唔想輸係起跑線呢個諗法本身就係錯,被人洗腦而不自知。

本帖最後由 dativebond 於 18-5-1 09:48 編輯

有個謬誤係助長贏在起跑線呢個錯誤觀念既,就係要入好大學先入好中學,要入好中學先入好小學,要入好小學先入好幼稚園。呢個係謬誤。

我先唔講有錢人其實可以選擇好多不同出路,我只講大抽獎。大抽獎機制下,小學唔關幼稚園事,純運氣。中學係睇小朋友小學成績,唔關學校事。大學只睇DSE成績,都唔關中學事(不過,朋輩影響下,如果中學唔係成績最好既,都好難入本地大學係事實,至少我未遇過唔係由band 1 中學升大學既同學,所以小學目標一定要個小朋友band 1)。

你解決左呢個謬誤,理應對小朋友學習可以更放鬆,唔需要每一次都要所謂贏,講到尾升大學只睇DSE,攻略考試答案一早比晒你,比你廿年準備,全部都唔關學校事,你自己可以一早朝呢個目標準備。

當你係學習上感覺比較輕鬆時,心力專注係佢學術以外既教育,係更加重要。
點評
CheungKeeKee    發表於 18-5-25 15:40
Amy47
|
成日講輪再起跑線,其實我想問點先叫贏?有冇人解答到?
s7824
|
MacyChung 發表於 18-4-11 11:59
我本身有2個小朋友, 準備升小學, 成日因為小朋友嘅教育問題同老公有嗌烚, 唔想一對仔女輸喺起跑線有錯咩? ...

好多家長都好重視條起跑線,成日要贏在起跑線。不過好多家長都忘記咗,人生係一項長跑賽,到終點贏,先係真正贏。你三歲贏,但三十歲時輸咗,咁有咩意思?跑馬拉松起跑發力嗰個都係唔識跑,跑到半路就會不支倒地。

20 年後嘅世界將會同今日好唔同,唔再需要不懂思考嘅人,因為不需要思考嘅工作會被電腦取代。將來需要有創造力嘅人,你諗下你現在嘅栽培,係啓發還是扼殺小朋友嘅創造力。

小朋友係要栽培,但要栽培有道,以栽培讀書機器方式,已經唔適合。20 年前打機冇前途,20 後嘅今日,騰訊阿里都以億億聲去收購手遊。將來世界變成點我地都唔知,培養小朋友應培養佢地賴以成功嘅原素。

點評
CheungKeeKee    發表於 18-5-25 15:39
Q4
|
有幸, 能夠share 深入探討問題
siupekchu
|
CheungKeeKee 發表於 18-4-18 15:16
回覆 MacyChung 的帖子

我也有兩個子女,一個小學一個幼稚園。按下你的連結,第一次睇Viu TV劇集,覺得好 ...

Dear我女k2 但讀一間好普通嘅幼稚園,我呢幾日突然超擔心上小學問題,不過(emoji)完你寫呢段,個心又回復平靜返,希望可以繼續同你互相交流下,如果可以你pm 我,謝謝分享(emoji)(emoji)
RoFa
|
其實最緊要都係小朋友可以開開心心咁成長,點教都好最緊要同老公有共識,必要時要放手比對方搞,大家都唔會太大壓力
bchuma
|
MacyChung 發表於 18-4-11 11:59
我本身有2個小朋友, 準備升小學, 成日因為小朋友嘅教育問題同老公有嗌烚, 唔想一對仔女輸喺起跑線有錯咩? ...

2人教育觀念一定要一致,如果爸爸话甘,妈妈话甘,小朋友唔知道聽邊個講,往往會選擇聽自己講。
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽