阿仔一咳,我即刻好緊張憂慮

bybewong
|
自從上年,仔仔肺炎入院後開始,我發現阿仔現在一病我就好緊張,心情好憂慮,係憂慮到成晚訓5著。
我總結了自己點解會咁,因為前年仔仔開始返N班,之後下學期開始姐舊年病好多次,見佢咁,我就不停幫你搵醫生,因為佢飲普通兒科西藥會咳好勁,有時會發燒。因為有糖漿,佢5適合。
之後我帶佢睇中醫,個中醫荃灣,以前係我睇開。點知阿仔睇完發燒,個中醫就話可以5洗食退燒藥,俾自己身體打敗病菌。咁我當時真好信佢。但屋企人見到仔好辛苦,已經5精神,最後都要去仁安睇西醫。咁完一輪都好d,但仲有條尾,耐5耐就咳。我見佢咁我又見人介紹帶佢去睇其他中醫,之後就係反反複複都一直未斷尾。。
係舊年3月份仔又開始咳,輕微發燒,我因為太信中醫,盡然又帶佢山長水遠去到小欖嗰邊睇個中醫,之後個中醫話冇咩事,我真太自信同無知。。之後等到返屋企後仔仔已經辛苦到話凍,我仲唸住俾佢飲埋中藥就冇事退燒。點知仔仔太高燒竟然抽筋。。嗰下真嚇死全屋企人。。。仔嗰時已經失去知覺,我邊喊邊call白車。。老公就怕白車耐抱佢落樓唸住搭的士。。最後佢到仁安醫院,點知對部分藥5岩,食完咳得好勁好勁,2-3秒咳一次。聞完氣就發燒,不斷反反複複。因為肺炎。仲要血含氧量低,因為老公日頭要返工,我自己一個係醫院睇佢。見到姑娘出出入入我個心好驚,不停流眼淚,驚到自己控制5到自己,我覺得自己害咗佢,係我搞到佢咁。。。。好彩最後好返,但經過呢幾次之後。。佢氣管變得好差,經常一咳就咳好耐,而且仲完食藥有時會反而咳嗽好咪嗰種。。
5知道點解,從嗰次之後,佢一5舒服,一咳嗽感冒我就會好驚,係心情好憂鬱,好焦慮嗰種係直頭驚到手震,每一刻都係度留意佢咳得密5密,幾多分鍾咳一次。夜晚咳得密就更加焦慮,完全訓5到,試過到天光,成晚個心跳得好快,心情好差。佢食藥後如果未好我就會好擔心好擔心,想喊。。好驚佢又發燒之後又經歷之前情況,好驚自己害咗佢,好驚失去佢。。。。點算好。。
維仔媽媽
|
小朋友唔舒服,媽媽一定擔心,有時會好似驚弓之鳥咁,小小唔舒服就緊張焦慮。
平時帶小朋友去曬下太陽,多落公園跑下,濕衫記得幫佢換衫或用毛巾隔開,隨著小朋友長大身體會變得更強壯。
平時煲湯加啲果皮落去。
李露眉
|
太細唔好睇中醫,食西藥應該止咳,咳得仲勁即唔岩藥,要穩一個兒科醫生夾到小朋友

咳要好小心處理,例如感冒咳,氣管咳,定肺炎引起,開既藥唔同,仲要醫生聽肺要好細心,斷錯就好易變肺炎

唔好太擔心,五六歲前上呼吸道感染好正常,都好密架,我女N班每個月准時病,直至k2先好d


你住邊區,睇下呢度jm有無醫生介紹?
Ytfc
|
李露眉 發表於 18-4-14 22:27
太細唔好睇中醫,食西藥應該止咳,咳得仲勁即唔岩藥,要穩一個兒科醫生夾到小朋友

咳要好小心處理,例如感 ...

西醫要夾醫生,如果發燒其實睇西醫好啲,去到尾聲先睇中醫調理,不過我小朋友就冇睇過中醫

小朋友病真係好驚,我一知佢發燒我都有想暈嘅感覺
點評
wcpcelia    發表於 18-4-16 16:28
ayasbaby
|
本帖最後由 ayasbaby 於 18-4-14 22:39 編輯

超明白你感受。以前個仔一咳,我同我老公會即刻好驚甘對望一眼,個心系甘沉,好驚。挨到小學,大個d,免疫力好好多,你就可以放心
c.vieri
|
我囝氣管好弱,又係一咳就咳足一個月以上、睇醫生食藥、自己買成藥、中藥⋯⋯,鄧橙、蒜頭水,乜偏方試暈晒都唔得

後來係group 見人講接木骨汁好得,試下買比佢飲,初初每日飲一次,E+ 見佢喉嚨痕有一、二聲先比佢飲,早、晚一次飲一、二日就無事。

我好怕佢食太多西藥食到抵抗力差晒。
bybewong
|
李露眉 發表於 18-4-14 22:27
太細唔好睇中醫,食西藥應該止咳,咳得仲勁即唔岩藥,要穩一個兒科醫生夾到小朋友

咳要好小心處理,例如感 ...

大埔啊。
P-boy
|
其實小朋友兩歳入PN班就個個幾乎每個月都病,所以樓主不用自責。我都經歷過你所講的,媽媽要堅強啲,才能照顧仔仔。燉肉汁,學游水,慢慢增強仔仔的抵抗力。加油
bybewong
|
ayasbaby 發表於 18-4-14 22:38
超明白你感受。以前個仔一咳,我同我老公會即刻好驚甘對望一眼,個心系甘沉,好驚。挨到小學,大個d,免疫 ...

冇錯,就係咁啊,2家佢一咳,我真係即刻同我老公對望一下,個心超級驚,希望好似你講咁,,多謝你安慰

healtheworld
|
趁暑假到帶佢去游水,會慢慢好起來。
miniyannis
|
唉我都係咁,個女一咳就要聞氣,個個月都睇,提心吊膽
Cata0503
|
我都好明白媽媽的感受。我囡又係岩岩讀N 之後開始成日病,試過一個月因為氣管炎入2次醫院要聞氣。直到依家差不多4歲醫生話佢算係輕微哮喘。所以佢一咳我都會好緊張,不停睇住佢每秒咳幾多,呼吸幾多下。

有少少經驗可以分享一下,媽媽或者可以帶bb 去睇一次氣管的專科,醫生會教你如果bb 病的時候可以點做。如果小朋友係容易病發的可以買一部聞氣機係屋企,佢有咩事可以係屋企同佢聞氣等佢唔使惡化或者會舒服d. 咁樣媽媽會安心d. 因為我之前都會成日攪到自己好神經質,試過佢一咳自己訓訓下都會彈起。但依家開始會好d, 可能了解多左少少自己有咩可以做,個人會淡定d.

每個bb 的情況都唔同要媽媽自己去摸索,但希望以上分享可以幫到你。媽媽加油,好明白睇到自己小朋友唔舒服個心真係會好痛(emoji)(emoji)
bybewong
|
c.vieri 發表於 18-4-14 22:43
我囝氣管好弱,又係一咳就咳足一個月以上、睇醫生食藥、自己買成藥、中藥⋯⋯,鄧橙、蒜頭水,乜偏方試暈晒 ...

咩牌子啊,thanks
ipipipip
|
bybewong 發表於 18-4-14 22:14
自從上年,仔仔肺炎入院後開始,我發現阿仔現在一病我就好緊張,心情好憂慮,係憂慮到成晚訓5著。
我總結了 ...

我之前都同你有點似
真係成晚唔敢瞓

發左病
就要睇西醫
睇到情況受控
小心飲食同著衫
到佢無事時
我就聽人教“登“鱷魚肉,蔘俾佢
飲左一段時間
真係好左
c.vieri
|
bybewong 發表於 18-4-14 22:56
咩牌子啊,thanks

呢隻同埋有時會比埋C粉沖水比佢飲(呢隻1000mg係大人,有隻500mg比小朋友飲


附件: 你需要登錄才可以下載或查看附件。沒有帳號?註冊
bybewong
|
Cata0503 發表於 18-4-14 22:55
我都好明白媽媽的感受。我囡又係岩岩讀N 之後開始成日病,試過一個月因為氣管炎入2次醫院要聞氣。直到依家 ...

可以pm專科醫生我嗎?多謝
moonmoonbabies
|
個人分享:發燒先看西医,如斷症後只是小病,氣管敏感咳可看中医清咳
我仔兩歲多便睇中医,大前提是知道咩病先
bybewong
|
c.vieri 發表於 18-4-14 23:00
呢隻同埋有時會比埋C粉沖水比佢飲(呢隻1000mg係大人,有隻500mg比小朋友飲

呢個黑接骨木我有俾仔飲,係咪要沖水?因為我直接俾佢飲佢會有痰
bybewong
|
ipipipip 發表於 18-4-14 22:58
我之前都同你有點似
真係成晚唔敢瞓

可以介紹煲法嗎,thanks
bybewong
|
miniyannis 發表於 18-4-14 22:55
唉我都係咁,個女一咳就要聞氣,個個月都睇,提心吊膽

好大壓力同責任
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽