一個講完唔算數的另一半

鄭大世
|
婚之前太太雖然係一個我行我素,唔講得唔鬧得唔批評得嘅人,永遠當自己係法官判官,但都答應過話大家分擔屋企嘅壓力,適當的節儉,整齊的屋企,規律的生活。但基本上結婚後就唔記得曬。
佢自己賺一般,但就以我工作辛苦所以要好好對自己為理由,成日返工訓過龍坐的士,收工好疲倦坐的士,返工好辛苦買杉買野,吸毒般食煙。信用卡又咁碌,當初俾張卡佢答應過係必要先碌,而家就幾乎日日都有一個數,又唔積極去找自己條數拖到罰我錢要我提/求先黑口黑臉找一部分,死都話係得咁多。
屋企亂到狗竇咁,我次次收工夜晚犧牲睡眠或者假期去收拾完過幾日又恢復原狀,次次都賴個細路,但其實都係一半一半,家務基本上都係我呢個供養屋企嘅人做曬。唔想咁亂點解當初唔好好放好每件物品,點解可以咁求其咁懶?
家用俾到足,當初話水電煤等都係計家用,佢就樣樣都等到過期罰錢都唔交結果又係等我交,一係就過曬期先交一兩份。自己同死黨買野就第一時間還錢。枱嗰幾張單應該又係擺到罰錢扮睇唔到。
脾氣又唔好好控制下,自己咁多野做唔好人地一想提點就發曬脾氣咁,妳個人咁點會進步? 而家仲係妳阿媽個寶貝女樣樣野就曬妳咩?錢又無多但每幾個月又想去旅行,丁屎儲蓄都無搞到咁。自己老公努力工作杉著五六年食平野無娛樂洗費就為了頭家好,妳就得個揮霍,將心比心妳過意得去??
又係因為佢嘅硬搞到我同屋企人幾乎斷曬來往,點解次次都要贏?贏曬又點?
不過其實出呢個帖覺得我唔係孤獨一個,應該好多家長都係有一方係咁x街。呻下姐,出現喺呢個世界上係我錯。
hamsubbb
|
離婚啦
venf
|
可憐...
Alange
|
鄭大世 發表於 18-4-16 21:42
婚之前太太雖然係一個我行我素,唔講得唔鬧得唔批評得嘅人,永遠當自己係法官判官,但都答應過話大家分擔屋 ...

師兄,睇下你有幾愛佢!
你有紀律但佢無,大家坐低倾下寫低重點並簽名作實。收翻張咭大家財政獨立,但家用照俾。如果大家都忙就請鐘點收拾家居。
俾半年時間大家如果無改善,最好分開下。真係長痛不如短痛。
oceandeepsea
|
錯配信錯佢,其實佢有無d優點,會唔會壓力太大,所以先會走樣
JJMumMum
|
唔好郁尐就講離婚,咁對小朋友好唔公平.請大家慎言.

爸爸我明白你好辛苦,好在有呢個平台可以講出嚟,我諗你有時都會覺得委屈。

佢可能覺得要自己負擔頭家(唔再靠爸爸媽媽),仲多個女,好大壓力。其實好多男人結咗婚都一樣有咁嘅情況。不如你試下認真尐同太太坐底傾下,計條數畀佢睇,屋企真係好辛苦。

我明,佢應該會發脾氣,但請你忍耐一下,聽完佢發泄之後,同佢講:我明白你好大壓力,但我好愛你,好想你好,我哋一齊努力!

同佢講清楚(温柔地)
希望佢能夠自制,每次可以用某個數額,但如果有過額或過期情況,就要cut咗張卡。
家用照畀,但如果再有帳單過期,咁下個月開始家用就扣起嗰條數,由你負責返。希望幫輕佢。
知道你好想去旅行,如果我哋兩個一條心,消費少尐,努力儲錢,我哋都可以去旅行架。

唔知咁你會唔會覺得好尐?

加油
baby668
|
鄭大世 發表於 18-4-16 21:42
婚之前太太雖然係一個我行我素,唔講得唔鬧得唔批評得嘅人,永遠當自己係法官判官,但都答應過話大家分擔屋 ...

咁講啦, 大家喺埋一齊都係叫做緣分, 感情 同夫妻關係都係需要大家去努力維護, 如果一個向左走一個向右走, 大家只會越走越遠, 我完全明白你老婆一定唔會聽你講, 所以當去到某個位, 你可以考慮同小朋友一齊去旅行散心,但係 掉低佢一個喺度自己反省, 如果佢真係仍然唔識醒, 俾我會考慮搬返外家住一排,等大家冷靜下, 因為有啲人唔受過教訓,永遠係唔識死

當然在任何情況之下 都千祈唔好 去離婚, 因為呢個世界真係冇野係解決唔到
鄭大世
|
感謝各位家長或前輩們的回應,因為怕被報復我一直唔敢再登入。
這幾個月有次同佢阿媽呻,之後可能佢阿媽講佢所以佢搵我算賬。
佢又懷疑我同我阿媽講,然後又爆我一鑊但其實我只係同外母提過。
而家佢唔知係邊個朋損友教定自己發明,又有新招黎轉移佢開支落我度。
做野咁辛苦連少少盈餘都無得洗仲要負債,我真係覺得無曬生存個動力。
佢就繼續天經地義咁自己錢自己洗,旅行行街食好野買杉娛樂快活過人生。
呢個月卡數依然係如常咁計錯少兩千,又要我出曬書薄費學費雜費補習興趣班費。
我都話無咁多錢報咁多班,佢就堅持要報但自己一分錢都唔出,呢個真係人類的行為?
大家都有收入而且相差唔遠就算唔係一半一半起碼都出三成半四成嗎?而家我一個養全家?
本來如果佢唔大洗自私,博下過幾年人工加升埋職就可以一個做野一個做主婦,而家無曬動力算吧啦。

鄭大世
|
每次有支出就連個位數都計盡,每個月還卡數就次次計錯數少幾千,你話咁大個人個個月都計錯數有無可能啦,唔好賴恆生出錯!
如果你話有野加自己唔夠錢要收返,咁你還錢都通知聲次次側側膊就算。萬八就還萬六而家開善堂?自己已經乜都唔出仲要人津貼妳。
我真係唔知點解一個普通收入家庭可以發生呢種事情,估計老婆應該好憎我千方百計想窮死我。天蠍座女性是否會有呢種特徵?
hihicathk
|
鄭大世 發表於 18-9-6 10:05
每次有支出就連個位數都計盡,每個月還卡數就次次計錯數少幾千,你話咁大個人個個月都計錯數有無可能啦,唔 ...

你不如cut咗佢張咭啦!始乎佢完全係人威佢又要威個種

再咁落去除非你真係搵到好多,否則真係好難撐落去
鄭大世
|
hamsubbb 發表於 18-4-17 08:24
離婚啦
其實呢個念頭在我腦海中越來越強烈,同一個只會利用自己輸打贏要,只會洗錢不會儲蓄,不未雨綢繆有事就搵你做擋箭牌,三五日就搵藉口借錢(唔還)挪用錢卡數找唔足,親戚無錢借錢無還過(也有可能係老作)。經常命令完你做野就已讀不回當你係棄棋咁。經常後面將自己老公廢,外母外父僕街。當屋企個老公係阿四入屋除杉到處放屋企野亂放唔收拾。而家我仲留係呢個家真係覺得自己犯賤低賤。

鄭大世
|
venf 發表於 18-4-23 10:29
可憐...
曾經很久以前在另外一個討論區講過,之後竟然有人話我抵死。。。
或者係我懦弱唔敢面對決裂之後的後果吧。說不定真係抵死。

鄭大世
|
Alange 發表於 18-4-23 10:55
師兄,睇下你有幾愛佢!
你有紀律但佢無,大家坐低倾下寫低重點並簽名作實。收翻張咭大家財政獨立,但家用 ...
分居嗎?簽名什麼的佢一定唔肯,之前話要改個卡數限額都嘈到拆天。卡數分開計分開收銀行又話無。
分居的話即係我要搬走,我又可以去邊度呢。。。就算簽完佢那種無賴性格一定唔認數。

鄭大世
|
oceandeepsea 發表於 18-4-24 12:38
錯配信錯佢,其實佢有無d優點,會唔會壓力太大,所以先會走樣
優點嘛,例如抗壓好似唔錯做野辛苦都頂到,當然一返屋企就發顛。
對外人幾好,對外人唔會攞人著數。教細路都算用心,錫細路。

鄭大世
|
JJMumMum 發表於 18-4-24 21:13
唔好郁尐就講離婚,咁對小朋友好唔公平.請大家慎言.

爸爸我明白你好辛苦,好在有呢個平台可以講出嚟,我諗你 ...
我列出過條數,佢就發曬顛咁話我計較,又話男人養女人天經地義。次次嘈完有心方案一定係經過精心計算次次都係佢得益更多。明明我出曬屋企所有開銷有凸,佢可以出面厚顏咁講自己有份出錢。明明每個月個卡數清楚列明,就可以次次計算錯然後大條道理話係咁多就係咁多。明明係自己對外父母有偏見就話外父母唔中意佢。逼下逼下搞到自己老公欠銀行一屁股債,仲要繼續謀害。成日覺得我誇張自己的財政困境。搞到我窮到連同其他小朋友家長出外都覺得自卑因為我太窮。明明我自己一個月洗用最低工資都不如。。。

鄭大世
|
baby668 發表於 18-4-25 15:37
咁講啦, 大家喺埋一齊都係叫做緣分, 感情 同夫妻關係都係需要大家去努力維護, 如果一個向左走一個向右 ...
我比較想死多啲,一離開呢個世界就可以踏實的肯定的去離開呢個非人類。但我很不捨得我個女,所以大家無需擔心。我人生剩餘的目標目的就是把女兒養大成人,那就死而無憾了。到她長大我都都活夠了受夠了。

Alange
|
鄭大世 發表於 18-9-8 20:44
分居嗎?簽名什麼的佢一定唔肯,之前話要改個卡數限額都嘈到拆天。卡數分開計分開收銀行又話無。
分居的話 ...

己經有死既覺悟你仲怕同佢嘈?
佢嘈你照做,有咩嘢比死還可怕呢?
如果佢唔願意改,你還有什麼選擇呢?
分居而你搬走,仔女睇下判俾邊個。船到橋頭自然直!

要愛惜自己,人只可以活一次!

要活得精彩呀師兄!
鄭大世
|
感謝咁多位前輩的意見,會認真考慮呢件事情。
敢做唔敢認,佢同個女講自己一直都係供書教學的人,咁樣厚顏講大話仲可以無恥到去邊。
大大聲周圍講自己有份對屋企付出,但其實根本無囉,成日扮受害者咁扮好媽媽,演技吧。
看錢比一切都重要的女人,自己的錢只可以洗在自己身上,終極的孤寒。
細路應該都無機會攞返,因為十居其九都係會判予母親撫養吧。
真係蛇年出生的毒蛇,天蠍座的毒針。一個錯誤的選擇,下半世就咁玩完。
鄭大世
|
hihicathk 發表於 18-9-7 19:04
你不如cut咗佢張咭啦!始乎佢完全係人威佢又要威個種

再咁落去除非你真係搵到好多,否則真係好難撐落去
我之前有好好講過,話成日碌卡咁大條數習慣咗係唔好,無卡就唔會咁容易洗錢,佢唔肯。
估計除非用離婚作籌碼,如果唔係都一定無機會可以達成呢個目標。佢碌少一日都唔得。

鄭大世
|
見人地家長,出糧都可以買下野獎勵自己,頂我幾年(連生日聖誕父親節)都無得消費或者收過似樣嘅禮物。老婆就經常自己獎勵自己又名牌袋又表又戒指又旅行。仲慘過嗰種八十年代一個老豆養四五個細路嘅家庭。起碼個家庭主婦會計好條數清清楚楚,唔會個個月呃自己老公。賺萬八嘅人一個月可以碌過兩萬真係無語。成日話工作辛苦獎勵自己,要自己好過,獎勵都有個限度呀!成份糧獎自己?紀念日過時過節要份似樣禮物,但自己就唔送或者求其一件杉就算。又鍾意先斬後奏或者唔奏,自己覺得想做就做。屋企過千件杉堆到成屋無位真係多謝曬!
真係好感謝妳令我覺得人生其實真係咁無意義,多謝妳令我覺得死比生更感覺良好。有妳我個人生先咁黑暗,又上一堂課。
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽