跳至

首頁

尾頁
   3


男爵府

積分: 9888

想生BB熱投


發表於 18-5-31 21:43 |顯示全部帖子
yatmanchris 發表於 18-5-1 19:05
生第一胎時係過橋簽 生第二胎時係pr

過橋簽証係澳洲生完,返香港連香港居民身份証都拿唔到嗎?
我老公係citizen, 我自己仲係過橋簽証,年尾要係澳洲生,都想知bb返香港拿唔拿到身份証


男爵府

積分: 7263


發表於 18-5-31 23:51 |顯示全部帖子
purplerain0348 發表於 18-5-31 21:43
過橋簽証係澳洲生完,返香港連香港居民身份証都拿唔到嗎?
我老公係citizen, 我自己仲係過橋簽証,年尾要 ...

no攞唔到


男爵府

積分: 9888

想生BB熱投


發表於 18-6-1 04:00 |顯示全部帖子
yatmanchris 發表於 18-5-31 23:51
no攞唔到

連唔係三粒星都拿唔到? 我朋友係美國生,佢話佢拿咗綠卡,再返香港,佢個女都可以申請……早知拿唔到,我應該考慮返香港生


男爵府

積分: 7263


發表於 18-6-1 06:01 |顯示全部帖子
purplerain0348 發表於 18-6-1 04:00
連唔係三粒星都拿唔到? 我朋友係美國生,佢話佢拿咗綠卡,再返香港,佢個女都可以申請……早知拿唔到,我 ...

關鍵就係在於bb邊度出世 如果佢係hk出世可以有身份證同埋係hk申請做au citizen因為daddy係citizen. 但調返轉就冇呢支歌仔唱


男爵府

積分: 9888

想生BB熱投


發表於 18-6-1 07:30 |顯示全部帖子
yatmanchris 發表於 18-6-1 06:01
關鍵就係在於bb邊度出世 如果佢係hk出世可以有身份證同埋係hk申請做au citizen因為daddy係citizen. 但調 ...

oh so sad


複式洋房

積分: 430


發表於 18-6-1 13:50 |顯示全部帖子
purplerain0348 發表於 18-5-31 21:43
過橋簽証係澳洲生完,返香港連香港居民身份証都拿唔到嗎?
我老公係citizen, 我自己仲係過橋簽証,年尾要 ...

我老公都係citizen,我上年11月係澳洲生,我係TR,今年2月申請,上星期通知上去交文件,我女攞到3粒星,我覺得係睇彩數


男爵府

積分: 9888

想生BB熱投


發表於 18-6-1 14:26 |顯示全部帖子
akina215lau 發表於 18-6-1 13:50
我老公都係citizen,我上年11月係澳洲生,我係TR,今年2月申請,上星期通知上去交文件,我女攞到3粒星,我 ...

原來呢啲都有睇彩數 我唸住叫我屋企人打去入境處問下先返香港搞


複式洋房

積分: 430


發表於 18-6-1 16:53 |顯示全部帖子
purplerain0348 發表於 18-6-1 14:26
原來呢啲都有睇彩數 我唸住叫我屋企人打去入境處問下先返香港搞
...

你照入紙申請左睇下點先啦


男爵府

積分: 9888

想生BB熱投


發表於 18-6-1 16:54 |顯示全部帖子
akina215lau 發表於 18-6-1 16:53
你照入紙申請左睇下點先啦

係呀!點都要試一試


瑪瑙宮

積分: 128481

2024年龍年勳章 2024勳章 2023年兔年勳章 虎到金來勳章 開心吸收勳章


發表於 18-6-4 15:24 |顯示全部帖子
akina215lau 發表於 18-6-1 13:50
我老公都係citizen,我上年11月係澳洲生,我係TR,今年2月申請,上星期通知上去交文件,我女攞到3粒星,我 ...

你老公應該冇中國籍?


大宅

積分: 4555


發表於 18-7-1 23:11 |顯示全部帖子
bosch 發表於 18-5-23 22:22
有兩種申請方法, "核實永久性居民身份證資格" 同埋"居留權證明書", 兩個方法都冇規定幾耐要申請, 當然早d ...
Hello Bosch, 想請教吓你!我仔個case,啱啱收到入境處要求補充 ROP 145B,爬文好耐發現好少人提呢份表,你有經驗實在太好!雖然唔關澳洲事不過情形差不多。
我仔美國出世,當時我老公係工作簽證,我係dependant,留美前後4年半,冇綠卡,我地仍然係香港永久居民+中國公民。最近返港定居,我仔應該符合資格成為香港居民。我問題係 ROP 145B 第一題: "申請人在外國出生時,是否已取得外國國籍?" 請問你點填?

填"是",中國唔承認雙重國籍,自認有外國國籍,申請應該會被reject?
填"否",又合理咩?一睇張出世紙就知有外國國籍。

咁究竟件事係點work?刨咗好耐入境處網頁同埋國籍法法例都仲係好頭痕,請幫幫忙!


瑪瑙宮

積分: 128481

2024年龍年勳章 2024勳章 2023年兔年勳章 虎到金來勳章 開心吸收勳章


發表於 18-7-2 09:51 |顯示全部帖子
麻辣媽咪 發表於 18-7-1 23:11
Hello Bosch, 想請教吓你!我仔個case,啱啱收到入境處要求補充 ROP 145B,爬文好耐發現好少人提呢份表,你 ...


我都係間中路過呢度黎搭咀架咋...


ROP145B 第一題我填"是", 申請兩次都批.


ROP145B 大部份問題係快速 check d 申請者係咪合符中國國籍法第五條規定. 申請成唔成功都好睇國籍法第五條.


中國國籍法第五條: "父 母 雙 方 或 一 方 為 中 國 公 民 , 本 人 出 生 在 外 國 , 具 有 中 國 國 籍 ; 但 父 母 雙 方 或 一 方 為 中 國 公 民 並 定 居 在 外 國 , 本 人 出 生 時 即 具 有 外 國 國 籍 的 , 不 具 有 中 國 國 籍 。"

要完全符合以下所有條件, bb 至冇中國籍:
1. 父 母 雙 方 或 一 方 為 中 國 公 民 *並* 定 居 在 外 國 ; 同埋

2. 本 人 出 生 時 即 具 有 外 國 國 籍

我個case 係老公冇中國籍, 佢既身份唔會影響個申請. 我生b 時冇任何外國國籍或pr, 以dependant 身份住歐洲. 即係 (1) 唔成立, 所以我d 仔女有中國籍.

如果入境處批得bb 個申請, 即係bb 承襲父母既中國籍同港人身份, 入境處當然知bb 有多個國籍. 中國唔承認雙重國籍, 但中國籍既香港人可以擁有多個國籍, "承認"同"可以擁有"係唔同. 呢d 人響中國境內只會被視為中國公民, 外國護照只係旅遊證件, 有事果陣唔可以受外國領事保護, 返大陸只可以用回鄉咭. 因此呢d 人申請特區護照同埋回鄉咭時, 就算提及自己有外國護照, 佢地多數申請到.


你個仔拎咩護照返香港? 係咪凡係響美國合法出世既bb, 即使父母冇美籍, 佢地都會有美國護照?


大宅

積分: 4555


發表於 18-7-2 14:04 |顯示全部帖子
bosch 發表於 18-7-2 09:51
我都係間中路過呢度黎搭咀架咋...
咁我清晰咗,知道點填份表喇,多謝解釋!
我仔用美國護照返香港,係呀,只要合法喺美國境內出世嘅小朋友都可以得到美國護照,唔會理父母國籍。

我想問,入境處批咗你兩個小朋友申請,係咪即係三粒星永久居民?


瑪瑙宮

積分: 128481

2024年龍年勳章 2024勳章 2023年兔年勳章 虎到金來勳章 開心吸收勳章


發表於 18-7-3 05:31 |顯示全部帖子
本帖最後由 bosch 於 18-7-3 05:38 編輯
麻辣媽咪 發表於 18-7-2 14:04
咁我清晰咗,知道點填份表喇,多謝解釋!
我仔用美國護照返香港,係呀,只要合法喺美國境內出世嘅小朋友都 ...

我都多謝你解答. 我google 過bb 有美國護照既問題, 我仲以為我理解錯.

我仔女係永久居民. 申請完結時入境署會出封申請結果通知書, 果度已經寫左小朋友根據入境條例第xx條為香港永久性居民. 而家3粒星既定義係18歲以上兼有資格拎回港證既人, 所以我d 仔女身份證上冇3粒星, 但身份證正面寫住係 "香港永久性居民身份證". 細女拎回港證, 特區護照, 回鄉咭, 臨通都冇問題. 只係申請香港d 證件要多d 時間, 申請回鄉證要俾多d 錢.


大宅

積分: 4555


發表於 18-7-3 10:47 |顯示全部帖子
bosch 發表於 18-7-3 05:31
我都多謝你解答. 我google 過bb 有美國護照既問題, 我仲以為我理解錯.

我仔女係永久居民. 申請完 ...
明白!
其實以我所知,無論父母身份合法與否,喺美國出世嘅小朋友就會得到美國護照,人權嘛,不過遲啲就唔知,你知川普㗎啦。


民房

積分: 16


發表於 18-7-5 19:16 |顯示全部帖子
回覆 mmtam 的帖子

我剛剛一月返香港搞咗我兩個小朋友居留權.

我個情況係我老公係澳洲鬼佬,我生兩個小朋友時仲係丅R,上兩年返香港順便帶齊資料交申請表既。
我唔太記得交申請時要唔要帶小朋友小朋友,但今年一月返去再搞時,一定要帶小朋友比入境處職員見到。

第一次返去交申請表後,需要搵一個香港家人或朋友繼續幫忙,我寫咗十封受權信比我媽媽幫我跟進(因為唔接受影印副本,我怕我媽媽會唔見左,所以寫多好過唔夠),我唔太記得點寫,都係問入境處職員,佢哋會教你。

之後返到澳洲,收到媽咪電話話收到入境處嘅信係,有我哋嘅申請編號,要補資料等等,之後收到信話我哋要帶齊資料正本返香港見主任。(唔急嘅,冇話要我哋幾時一定要返去,不過我怕香港政策會改,所以快快趣訂機票返香港)

返到香港第二日,即刻帶住我媽媽丶兩個小朋友丶資料正本、入境處記比我哋嘅信⋯去灣仔人民入境事務處搞居留權,職員會叫你再填表,等見主任,交$,之前比張有Barcode嘅貼紙你貼在小朋友本澳洲䕶照上,咁樣就申請成功,大概搞咗大半日。

我問職員如果小朋友本澳洲籍護照過期咁㸃算?
佢話可以keep住本舊嘅,用橡巾扎住本新嘅一齊,返香港時用舊䕶照個barcode入境。
我問佢㸃申請身分證?
到小朋友十一歲時,帶住有barcode本護照返香港申請。



民房

積分: 16


發表於 18-7-5 19:23 |顯示全部帖子
回覆 mmtam 的帖子

我冇問有冇三粒星,但其實香港人民入境處有電話可以打電話去詢問,係煩少少,但係有人接聽嘅。我可能都會打電話去問問㸃申請回鄉卡及香港護照⋯


大宅

積分: 4555


發表於 18-7-5 19:54 |顯示全部帖子
Oscar2012 發表於 18-7-5 19:16
回覆 mmtam 的帖子

我剛剛一月返香港搞咗我兩個小朋友居留權.
多謝報料!請問入境處要你提供乜嘢文件嘅正本?


瑪瑙宮

積分: 128481

2024年龍年勳章 2024勳章 2023年兔年勳章 虎到金來勳章 開心吸收勳章


發表於 18-7-7 08:07 |顯示全部帖子
Oscar2012 發表於 18-7-5 19:23
回覆 mmtam 的帖子

我冇問有冇三粒星,但其實香港人民入境處有電話可以打電話去詢問,係煩少少,但係有人 ...

你跟足入境處同中旅社個網咁填form, 準備文件就得, 基本上唔駛去問佢地, 你實攪得掂.


你可以響澳洲或香港申請特區護照. 不過我認為返開香港時申請特區護照好d.


同香港出世d bb 一樣咁申請特區護照, 即係填3張form (身份證申請書, 護照申請書, 副署人表格), d文件跟官網指定咁執齊. 因為申請護照係申請時或領證時要申請人見入境處職員, 所以穩陣d 你申請時同小朋友一齊去申請, 就算你等唔切出護照, 你都可以授權你在港既家人幫小朋友去領證.


* 如果你幫小朋友申請核實身份時冇加中文名, 記得響特區護照度加番中文名, 申請回鄉咭用.

申請回鄉咭同中文名規定方面睇中旅網頁, 跟足就得. 一定要帶小朋友上去申請回鄉咭.


別墅

積分: 646


發表於 18-7-14 10:27 |顯示全部帖子

回覆樓主

唔係咼 個時我幫我仔問 入境處話tr係得嘅
你同你老公簽左紙未?

我同老公未簽紙只係同居 所以只計媽媽身分

個時佢係咁同我講架
但好可惜到我申請個時pr就批左 所以我無得拎

首頁

尾頁

跳至