收到警察來電話我工人犯偷竊!需要比長期服務金嗎?

超正龍吐珠
|
在半年前某日在櫃員機拿走佢之前有位人士忘記取錢,工人取走三千元,工人取走錢後在隔離部提款機再提款(自己張卡),故此有晒証據讓銀行及警方調查!警員指有三點控方(我諗之前個仁兄報案沒我有提款)會提出嚟話你嘅:1. 工人在提款機見錢立即取款,便在另一部提款機拿錢,但她不知道有閉路電視, 以為私下攞咗d錢無人知. 並唔主動交去銀行及警察局2. 差人在銀行查到我工人名及看cctv認到個樣,並知識我係僱主,故將事件告知!差人表示,工人係犯偷竊罪,有晒d料, 她無得唔認!只要工人認罪, 認罪係可以得到減刑折扣嘅. 單案認罪而被裁定有罪就會判80小時社會服務令及還款,有案底!警員打電話另外一個目的,係話擔心工人姐姐比警員拉番去警察局,小朋友沒有人照顧,叫我安排日子佢地以免我無助(無人理仔女)!講開偷竊,佢都有前科啦!工人在我家服務七年左右,越來越懶!曾經試過在facebook發現她自拍(拿我頸巾、頭飾及水晶戴來拍照,又取小朋友耳筒)我話佢為何要取我物件拍照佢話她沒有拿走,只是用來自娛,曾經想炒佢,仁家人話算,小朋友需要搵人照顧等!假如去左警察局佢認罪,是否這點可以話佢不誠實炒佢而不用比長期服務金?只是比機票及一個月通知金便可?
Jnam
|
超正龍吐珠 發表於 18-5-8 03:38
在半年前某日在櫃員機拿走佢之前有位人士忘記取錢,工人取走三千元,工人取走錢後在隔離部提款機再提款(自 ...

我想理由應該係俾人拉咗-->不能履行所需要職務-->自己辭職,所以不用付長期服務金
20020116
|
佢服刑前要佢自己寫辭職信得唔得呢?
birdbird
|
超正龍吐珠 發表於 18-5-8 03:38
在半年前某日在櫃員機拿走佢之前有位人士忘記取錢,工人取走三千元,工人取走錢後在隔離部提款機再提款(自 ...

法庭判咗未? 未判, 個疑犯仲算係無罪喎, 你炒佢而不比長服..... 不如問勞工處。
tsung
|
birdbird 發表於 18-5-8 06:30
法庭判咗未? 未判, 個疑犯仲算係無罪喎, 你炒佢而不比長服..... 不如問勞工處。
...

正確!問番勞工處隱陣d
PCCW2319
|
超正龍吐珠 發表於 18-5-8 03:38
在半年前某日在櫃員機拿走佢之前有位人士忘記取錢,工人取走三千元,工人取走錢後在隔離部提款機再提款(自 ...

係勞工處網站睇到。

你外傭應該算係犯嚴重過失(犯法), 應該唔需要比長期服務金。

但係未定罪前, 就唔可以炒佢。如果唔係就要比長期服務金。

我覺得你現在要考慮係如果拉左外傭, 又未上法庭及可以保釋外出候審。你仲會唔會比外傭返屋企瞓? 如果唔比, 要佢係出面瞓, 又會唔會犯法呢?

係扣留期間係咪唔需要比人工呢?

附件: 你需要登錄才可以下載或查看附件。沒有帳號?註冊
smiletigger
|
仔細嘅嘢問定勞工處啦。社會服務令,印象中好似是同福利官約時間做,未必因刑罰而影響工作。應該關鍵是案底是否可以唔畀,問清楚好d,同埋小心同工人傾時嘅字眼,小心佢日後指你要炒佢而要賠一個月。佢要上庭去警署,好有可能佢會搵工會backup, 工會可能會教佢点"保護"自己,所以你先做定功課保障自己先。可能論盡工人果邊有jm幫到你多d.
題外話:依家警察做嘢幾為顧主著想,第三点出發點好好,担心小朋友一時間無人照顧,聯絡定你。
超正龍吐珠
|
有沒有做勞工署或agent 可以解答到我的問題,thanks
愛B媽媽
|
外傭7年長服金有限錢
如因為個少少,搞到麻煩
我建議俾咗了事。
好嚟好走。

況且佢又知你咁多嘢,自己諗諗
別因小失大
PCCW2319
|
超正龍吐珠 發表於 18-5-8 08:10
有沒有做勞工署或agent 可以解答到我的問題,thanks

其實點解自己唔打電話去勞工處呢?
Poyau
|
超正龍吐珠 發表於 18-5-8 03:38
在半年前某日在櫃員機拿走佢之前有位人士忘記取錢,工人取走三千元,工人取走錢後在隔離部提款機再提款(自 ...

符合即時解僱條件 可不付代通知金/長服

http://www.hklii.hk/chi/hk/legis/ord/57/s9.html
超正龍吐珠
|
現在最煩佢何時去法庭? 我應該立即解僱/通知AGENT怎樣處理嗎?
smiletigger
|
樓主,親身去問勞工處啦。
樓上法例人人理解唔同,我理解係工作中犯嚴重錯先不需畀長期服務金。我印象中有案底(受害人唔係顧主)好似無直接關係炒得,所以搵勞工處真人解答最安全。
zitzai
|
我媽以前工人喺屋企偷我婆錢,斷正,有當票做證據,自己認晒,判咗坐 3 個月,唔使俾長服。佢係因自己犯刑事不能履行職務而 quit,唔係你炒佢。你最好同勞工處 cfm 番,但現階段唔建議你喺佢坐監前炒佢或叫佢辭職,咁樣反而有位佢入,變左佢入獄前你唔要佢,佢無得撈同入獄與否無關

差人一開 file 有案件編號,寫喺張卡片仔俾番我地。你 case 有啲唔同,因為你唔係受害人,唔知會唔會主動俾你,但你都記得問一問。以後有啲咩麻煩嘢都要 quote 呢個 number,要 keep 好。坐完 3 個月我媽收到政府電話叫買機票趕佢返歸。呢個就一定要俾
FJmom
|
題外話, 點解而加D 警察咁胋心, 會先諗埋你家庭照顧方面才拉人
超正龍吐珠
|
FJmom 發表於 18-5-8 10:47
題外話, 點解而加D 警察咁胋心, 會先諗埋你家庭照顧方面才拉人
我先頭都打個突, 晚上打電話通知我(佢話落左班), 我問佢點解拉人都會知會僱主, 佢話費時小朋友細無人照顧, 故此早D單聲講我知.
點評
karenlyk    發表於 18-5-25 12:57
木土土
|
超正龍吐珠 發表於 18-5-8 09:55
現在最煩佢何時去法庭? 我應該立即解僱/通知AGENT怎樣處理嗎?

本帖最後由 木土土 於 18-5-8 11:25 編輯

未判罪之前解僱,你一定要比所有解約賠償

就算判咗,除非要坐牢,否則若不影響工作,我覺得雇主都不能沒有賠償去解約

poonsun
|
問勞工處啦!
mini1204
|
除非坐監佢根本履行唔到合約, 如果唔係, 諗唔明點解可以解約唔洗比長服.
超正龍吐珠
|
mini1204 發表於 18-5-8 11:57
除非坐監佢根本履行唔到合約, 如果唔係, 諗唔明點解可以解約唔洗比長服.
但坐監如果得1-2個月, 咁短時間算唔算履行唔到合約?
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽