夫婦兩度誕唐氏寶寶 控醫管局疏忽未為第二胎驗羊胎水

SabrinaR
|
夫婦早年在瑪嘉烈醫院誕下唐氏綜合症的兒子,他們苦苦養大兒子,一心想多追一個小孩,期望夫婦終老後有人照顧兒子。相隔九年夫婦在2012年除夕日誕下女兒。本來滿心期待迎接新生命,惟發現女兒同患唐氏綜合症。夫婦昨入稟高院控告醫管局疏忽,指沒為妻子於懷孕期間抽驗羊胎水。夫婦向記者表示,若預早知道女兒患這種病,他們不會誕下女兒受苦。女兒今年5歲,還未懂說話,至今仍未叫過一聲「爸爸媽媽」。

現年5歲的女兒,由母親關月慶(44歲)代為入稟。入稟狀指女兒於2012年12月31日在瑪嘉烈醫院出生。而由於被告的疏忽或違反法定責任,沒有替原告在懷孕期間作「多胎之妊娠的唐氏綜合症篩查」,或向她作出詳細解釋女兒患上唐氏綜合症的風險。

記者到訪原告位於大窩口的公屋單位,關及她姓茹的丈夫透露,他們在2004年誕下長子,當時關持雙程證來港在瑪嘉烈醫院誕子,兒子確診患有唐氏綜合症。兩人一直想再育一名孩子,但害怕第二胎的孩子也有健康問題,他們一直待事件丟淡。

直至9年後原告再懷孕,因長子的經歷令她非常擔心,導致寢食難安,她向醫生表示第一胎兒子患病。在第二胎懷孕第十二週,醫生替她抽血後安撫,說胎兒沒有問題,直至分娩醫生也沒替她抽驗羊水。

原告指女兒較預產期早出生,夫婦對新生命萬分期待,但女兒出生後,茹(61歲)開心不足兩分鐘,醫生說「你個女都可能好似哥哥咁,有嗰種病」,茹當時激動得揪著醫生的衣領,追問「點解會咁架!」醫生安撫他說,詳細情況要等更多檢查,結果噩耗再次落在他們一家。當茹向院方質問時,醫護人員更對他說「你個女咁得意,唔係唔要佢吓嘛」。而旁人冷語冷言更是令他們百上加斤,有街坊會怪他們「咁既細路,生一個就夠啦,仲要生兩個」。夫婦淚眼通紅向記者表示,若果早知道女兒患上唐氏綜合症,真的不會生她出來。兩夫婦表示,他們入稟要求醫管局就疏忽賠償,一方面替女兒取回公道。


SabrinaR
|
本帖最後由 SabrinaR 於 18-5-10 09:59 編輯

據衞生署統計,每700個新生嬰兒中,就有1名患有唐氏綜合症。醫院管理局為孕婦提供產前唐氏綜合症篩查服務,惟妊娠超過20周後就不能進行測試。唐氏綜合症兒童除了有獨特外觀,亦有智力發育障礙和結構異常問題,如先天性心臟病。孕婦可於懷孕11周或16週,到公立醫院接受篩查測試,透過抽血檢查、和照超聲波量度胎兒頸皮厚度,評估胎兒患上唐氏綜合症的機會。

婦產科專科醫生靳嘉仁指,早孕期篩查檢出率可高達90%,但如果孕婦太遲求醫,懷孕超過14周,就要待16周後接受中孕期篩查,惟檢出率則下跌到60%至70%,「越遲做準確性就越低」。如發現孕婦屬高危,醫生一般會為孕婦「抽羊水」進一步確認,但因檢查屬入侵性,流產風險約有1%。他解釋,唐氏綜合症屬染色體病變,因第21號染色體比常人多出一條所致,曾懷有唐氏綜合症胎兒的孕婦,第二胎再中招機率比一般孕婦高,「如果係隱性病變就好大機會」。他建議高風險孕婦可接受「無創基因產前診斷測試」(T21),透過檢驗血漿內胎兒基因的21號染色體,找到胎兒是否患有唐氏綜合症,準確率達到99%。

From apple daily

vickling
|
本帖最後由 vickling 於 18-5-10 10:00 編輯

貪錢告人..告又係用法援告...無咩成本。
老實講,正常香港懷孕都會同佢check, 不過有check都唔會100%準..

pigpigapple
|
超級特務
|
公立醫院通常喺早孕期度頸皮做篩選, 如果咁擔心應該出去私家抽羊水驗多次, 始終係入侵性檢查, 公立唔會隨便做。
BTW, 61歲老豆, 44歲呀媽, 9歲唐氏大哥, 住公屋, 就算正常, 將來條路都好辛苦
AGa1111
|
咁擔心點解唔去私家check?講到尾咪又係錢
黃二少奶
|
年紀大本來就有風險嫁啦,第一胎唐氏,仲敢搏第二胎,仲好意思告人
CS_HON
|
政府唔係100%準
fundfund
|
SabrinaR 發表於 18-5-10 09:54
夫婦早年在瑪嘉烈醫院誕下唐氏綜合症的兒子,他們苦苦養大兒子,一心想多追一個小孩,期望夫婦終老後有人照 ...

期望夫婦終老後有人照顧兒子
如果個女正常一樣咁陰公
點評
joefoon    發表於 18-5-10 17:36
APIGMA    發表於 18-5-10 15:48
ice_seiya
|
我記得果時做唐氏篩查,醫生話報告係講機率,幾千份之一嘅機會係属於低,幾百份之一就係高,照計醫生都唔會肯定咁講係有定冇,只會話中嘅機率係高定低
SabrinaR
|
fundfund 發表於 18-5-10 10:11
期望夫婦終老後有人照顧兒子
如果個女正常一樣咁陰公
...

係,一世人為左呢頭家,都唔知嫁唔嫁得出
jojo1234
|
自己吾識去私家check咩!煩死
~phyllis~
|
ice_seiya 發表於 18-5-10 10:11
我記得果時做唐氏篩查,醫生話報告係講機率,幾千份之一嘅機會係属於低,幾百份之一就係高,照計醫生都唔會 ...

無錯,生過既都知無醫生會實牙實齒咁答! t21都係話9成9無事咁!
CathyChan1126
|
明知第一個係,
加上年紀大
下一胎有問題機會好高
只怪唔諗清楚
lovelybaby2015
|
一見到持雙程證+住公屋+老夫少妻已經扯白旗

為乜五年後先告?無嘅,呢排唔夠$洗
小龜只
|
tintinlam
|
SabrinaR 發表於 18-5-10 09:54
夫婦早年在瑪嘉烈醫院誕下唐氏綜合症的兒子,他們苦苦養大兒子,一心想多追一個小孩,期望夫婦終老後有人照 ...
姓'賴' . 仲要係無賴既賴...........
jesswu
|
係好慘……
但佢地責任先最大……
未有第一名唐寶寶,因為已屆高齡都應該審慎d……
到有左第一個孩子是唐寶寶,根本自我意識應該好強下先係……一係搏一舖,否則應該自行檢查……事後推卸責任只係乸番渣沙……

比佢告得入賠番幾多都好,小朋友先最慘……一早冇諗住有資源支援有問題孩子,就應該好好計劃決擇……
其實……生第一個已是雙程證
好難令人唔諗有盡用香港資源的意圖lor
hs3290
|
個囡執番身彩啦,唔係大左又要照顧兩老加埋阿哥。。陰功過自已有唐氏
catfitfit
|
超級特務 發表於 18-5-10 10:04
公立醫院通常喺早孕期度頸皮做篩選, 如果咁擔心應該出去私家抽羊水驗多次, 始終係入侵性檢查, 公立唔會隨便 ...

中、中、中、超凸三言兩語已講出成件事重點
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽