身心問題。。請教大家意見,Thank you!

smilefl
|
阿爸近年受濕疹困擾,以前睇專科西醫食同搽類固醇,但斷唔到尾。

但佢身體唔好年紀又大,我地之前已叫佢唔好再睇西醫費事令身體更弱。
其實之前同佢睇過唔同中醫,但佢覺得如中醫有效,睇幾次就會無咁痕。最後每次睇中醫食左未夠10劑,就唔睇了,因為食左都仲係咁痕,沒有舒緩。
我地都同佢講左好多次睇中醫要有耐性,特別呢d皮膚問題更加唔係短時間可以好。

我地試過買d唔同野比佢搽,橄欖油椰子油,紫膏等,可惜對佢都無幫助。
近日唔知點解濕疹愈來愈嚴重,我買了包死海鹽比佢試浸浴,浸左兩次佢話好似仲嚴重左,都係好痕好痕無幫助,唔想再浸。我話你再試下浸多幾次先,網上見好多成功個案,可能浸多幾次有效呢!
但佢好抗拒話仲嚴重左,唔試啊,我無得救架喇。。。好負面既狀態!

呢排睇住佢心情好差,成日好痕既樣好辛苦,又訓得唔好,成日話就黎痕死了死喇死喇!
真係好痛心,但又唔知可以點!

請問大家覺得可以點做呢? Thank you!
bosch
|
終日咁痕真係好難頂。以前我只係手指有濕疹,已經痕到抓不停。上次陀b 中左妊娠濕疹,手臂大髀全日超級痕,真係感受到點解d 人會因病厭世,我果陣都好辛苦,忍唔住都係搽類固醇膏,好彩冇事。

果陣試左幾個方法,止到一陣痕:
- 敷凍毛巾,濕水喉水就得
- 搽有薄荷,冇藥性果d cream。 我唔知香港邊度有得賣,你問下藥房丫。大肚婆
用得,老人家都應該用得啩...
- 醫生話唔好用d 易起泡既沐浴露,梘液

朋友用馬油搽濕疹,佢話要日本出果隻至好,我對馬油冇乜認識。

呢排我睇manuka 蜜糖有乜咁勁,原來可以醫濕疹,有蜜糖又有含蜜糖既cream,你search 下資料,適用既話試下無妨。
JD930
|
smilefl 發表於 18-5-16 23:58
阿爸近年受濕疹困擾,以前睇專科西醫食同搽類固醇,但斷唔到尾。

但佢身體唔好年紀又大,我地之前已叫佢唔 ...

我始終覺得可以試試其他中醫慢慢調理,中醫都睇夾唔夾,之前嗰個唔work可能只係唔夾... 祝早日康復
muimui1013
|
我奶奶有嚴重濕疹
都係搽日本果隻馬油所以好左7成
壞蛋獎門人
|
濕疹會令人想自殺,因為會失眠,個人會好燥,好灰,你不如由佢睇西醫啦,會唔會係佢年紀大皮膚乾先爆咁勁,仲有佢有冇介口?
MSAA
|
muimui1013 發表於 18-5-17 04:41
我奶奶有嚴重濕疹
都係搽日本果隻馬油所以好左7成

可以影張相睇下嗎?
etoile
|
muimui1013 發表於 18-5-17 04:41
我奶奶有嚴重濕疹
都係搽日本果隻馬油所以好左7成

有冇相睇?
kerkermui
|
我老豆有煮婦手,因為骨科問題,俾佢食MSM/魚油/維C (維C係幫助MSM吸收)
意外收獲係主婦手好返哂!之後check返,MSM對皮膚問題係有幫助嘅

另外,試下食益生菌,對免疫問題有幫助 (濕疹係免疫問題)
fionakong2008
|
十劑,咪講笑,我一日三劑藥粉,日日食,食咗約九個月,暫時先控制到啲,仲要重蜈公 蛇呢啲
JackJoe
|
smilefl 發表於 18-5-16 23:58
阿爸近年受濕疹困擾,以前睇專科西醫食同搽類固醇,但斷唔到尾。

但佢身體唔好年紀又大,我地之前已叫佢唔 ...

有冇試過手工皂沖涼?或左手香膏?成分天然,可以安心用。
smilefl
|
bosch 發表於 18-5-17 00:48
終日咁痕真係好難頂。以前我只係手指有濕疹,已經痕到抓不停。上次陀b 中左妊娠濕疹,手臂大髀全日超級痕, ...

好在你都捱過左果段痕既時段。祝福你一路安好 !

佢有G6PD, 可惜唔用得薄荷果類野。
馬油都試過,但唔知係果兩隻牌子唔得,定馬油對佢無功效。
我再了解下你講既蜜糖。

謝謝你的意見!
smilefl
|
JD930 發表於 18-5-17 00:51
我始終覺得可以試試其他中醫慢慢調理,中醫都睇夾唔夾,之前嗰個唔work可能只係唔夾... 祝早日康復 :fort ...

謝謝! 我也祝你健康!

其實都同佢講過好多次,試下唔同中醫,可能只係果個中醫唔夾佢者。。。

但可能佢太痕了,好想即時止到痕。
佢見無幫助已經對中醫無信心了!
JD930
|
smilefl 發表於 18-5-17 09:41
謝謝! 我也祝你健康!

其實都同佢講過好多次,試下唔同中醫,可能只係果個中醫唔夾佢者。。。

我明白.... 老人家真係要慢慢氹
smilefl
|
muimui1013 發表於 18-5-17 04:41
我奶奶有嚴重濕疹
都係搽日本果隻馬油所以好左7成

都買過日本馬油佢試,可惜唔得。
請問你係邊隻馬油,可提供相或牌子嗎?
香港買到嗎?
wn_555
|
我都有濕疹,因為都試過好痕r得好勁,我用個玻璃樽裝水擺落雪櫃,好痕又好想r就拎出黎敷,會紓緩到少少。

如果你爸爸情況嚴重,可能需要用啲類固醇,我都知好痕訓唔到真係好辛苦,如果佢皮膚係乾,護膚都必要的,我都係用椰子油,唔懶得,日夜都要搽,有需要仲要搽多次。
laiyee6121
|
smilefl 發表於 18-5-16 23:58
阿爸近年受濕疹困擾,以前睇專科西醫食同搽類固醇,但斷唔到尾。

但佢身體唔好年紀又大,我地之前已叫佢唔 ...

Youtube 曾有媽媽用大量芫茜煑水幫佢小朋友沖涼好番,可以試試
vyhc
|
Physiogel AI cream , 唔好心急,任何CREAM 都是一吸哂再補,一日一兩次嚴重濕疹唔夠的,我試過2、3小時補一次。
smilefl
|
壞蛋獎門人 發表於 18-5-17 07:15
濕疹會令人想自殺,因為會失眠,個人會好燥,好灰,你不如由佢睇西醫啦,會唔會係佢年紀大皮膚乾先爆咁勁, ...

其實佢都唔係完全無睇西醫,佢定時係政府皮膚專科覆診,都係比d藥膏,豬油膏佢搽,但都無幫助。
我指既西醫係之前睇私家皮膚科,比較重量既類固醇佢食同搽,食緊果時係無咁痕,但過左又痕番,其實都係惡性循環。
佢有其他病痛,之前入過醫院,所以唔想佢再食類固醇咁傷。

佢有介口。
我諗皮膚乾都有部份關系,但佢已經有試用唔同野盡量保濕喇。
spikenard
|
帶佢做測試睇下係咪有食物係對佢敏感
brindlewin
|
smilefl 發表於 18-5-16 23:58
阿爸近年受濕疹困擾,以前睇專科西醫食同搽類固醇,但斷唔到尾。

但佢身體唔好年紀又大,我地之前已叫佢唔 ...

恕我直言你唔係病人,更冇體會過佢辛苦。佢已經係個老人家,老人家病痛最緊要係舒緩不適,唔一定係“治好”!

你地不斷要佢試呢個試那個......老實,我自己都好易皮膚過敏,你那些XX鹽我一聽就覺得係虐待,其實你知唔知你搞緊咩!鹽“拿”住過敏皮膚有幾激刺?!Try it on your bruised skin and get a taste!

我建議你去返睇西醫,學下如何有效用好類固醇藥膏,先讓令尊日子過得舒服些,減下少痕癢困擾,佢休息好,食清淡,才叫調理。老人家身體皮膚最脆弱,破一損七,後患無窮。




,
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽