工人姐姐冷氣問題

onlam2005
|
如果屋企夠通風,
又唔會太多野做,
唔開冷氣無問題喎.
同佢傾下話老人家吹唔到冷氣.
或者俾$佢買多D飲品雪凍飲.


2016tobe
|
本帖最後由 2016tobe 於 18-5-25 10:48 編輯

咪係自由廣場問啦,實大比數叫你日日開,任佢開,工人都係人,你打工都唔想無冷氣等說話,再演變落去就係比唔起電費錢就咪請工人呢類回覆。

講明先,我自己湊仔都唔係開全日,姐姐一個湊b我都比佢因應天熱開。
littlefunpig
|
19841984 發表於 18-5-25 10:26
老人冇體力做家務及煑飯,
迫住請工人

人地熱到都唔做,索性叫外賣,慳返
屋企做到幾多咪幾多
咁老仲要慳,咪郁多d
little06
|
或者你叫老人家計下,你換一個工人貴啲定俾佢開冷氣貴啲?當然唔駛俾佢開足24小時。
mini1204
|
菲律賓係香港咁多高樓, 空間亦大好多; 所以真係無香港咁焗熱. 其實你地去過未?

呢D天氣夜晚比佢開黎訓好合理, 日間叫佢開風扇.

如果夜晚唔比開, 睇怕你請完又請請完又請, 一定唔會有人做得耐.



sinohk33
|
工人房有冇冷氣?又唔使24小時開,佢返房先開咪得。
唔好攞老人家來比較,老人家新陳代謝係唔怕熱,工人後生又要體力勞動,做人將心比己啦。
k-k-mummy
|
19841984 發表於 18-5-25 09:43
親人家,只有二老住,
三個月前換了新菲姐姐,

勞資雙方唔夾,只可以講勉強冇幸福

如果外傭同我講前僱主全屋全日任開冷氣,對佢點好點好,我唔會全信亦有反感,我會即刻問佢咁好點解唔繼續做
去到新工作環境就要重新適應。向南樓,日出又曬唔到,下晝又冇西斜,又有對流窗,如果左右隔籬樓上樓下冇開冷氣,冇熱氣供入屋,開著風扇可以接受,反而一開冷氣舒服過,翻唔到轉頭。呢幾日咁熱,我家向東南,上午曬入屋,開著風扇都唔駛開冷氣。
老人家怕凍亦係事實,要做中間人調和雙方,係我會同工人講,新工作唔可以跟以前比,日頭辛苦少少快手快腳做,點熱都熱唔過菲律賓,.....
k-k-mummy
|
k-k-mummy 發表於 18-5-25 10:52
勞資雙方唔夾,只可以講勉強冇幸福

如果外傭同我講前僱主全屋全日任開冷氣,對佢點好點好,我 ...

...... 黃昏煮飯先開冷氣(通常隔籬左右放工回家開冷氣,熱氣供入屋好悶熱),叫佢開之前問準老人家,攞定冷氣衫畀佢哋;亦解釋畀老人家知,咁熱做完一日野好攰,開一陣等工人姐姐舒服啲煮飯,一人行一步。如果工人姐姐咁都唔滿意,算吧,叫佢辭職另謀冷氣高就,同樣地,如果老人家連黃昏家家戶戶開著冷氣放熱時都要堅持唔畀開冷氣,又唔想見黑口黑面,講佢哋知唯一方法係準備換工人。
meek
|
seaheart88 發表於 18-5-25 10:20
我睇樓主寫嘅嘢。。。個老人家一來就唔怕熱。。。最重要係嫌棄電費會好貴。。。

呢個係老人家嘅通病。。 ...

公道啲講,每個人耐熱程度唔同,前姐姐可能冇現任姐姐咁怕熱。正如我哋返寫字樓中央冷氣,總有人嫌冷、有人嫌熱...

我同時都明白老人家怕凍、驚電費貴。不如約法三章,俾佢訓覺時開,同埋日間有需要時在房開一陣嚟涼下,大前提係唔影響老人家,個姐姐又有一個舒適啲嘅工作、休息環境。

其實一年365日,就算5月開到9月,都係佔幾個月時間。多左嘅電費老人家唔俾,就樓主當幫佢 settle 件事交左佢啦。因為始終都姐姐做得開心,對老人家好啲。

我唔係偏幫姐姐,但覺得如果姐姐真係怕熱,做得唔開心、辛苦,咁同一屋簷下其實有乜為呢?
seaheart88
|
meek 發表於 18-5-25 10:56
公道啲講,每個人耐熱程度唔同,前姐姐可能冇現任姐姐咁怕熱。正如我哋返寫字樓中央冷氣,總有人嫌冷、有 ...

最重要係講服個老人家起碼要俾佢夜晚開囉。。坦白講呢排又真係好熱。。。如果嗰個人係特別怕熱瞓得唔好工作都唔會開心。。。

至於日頭開唔開我就覺得呢個慢一步先啦。。起碼唔係完全拒絕個姐姐。。。我覺得瞓覺俾佢開囉。。。

如果唔係真係好難繼續合作落去。。。黑口黑面十問九唔應咁返工個老人家都唔自在姐。。同埋遲早個工人都係唔做
seaheart88
|
2016tobe 發表於 18-5-25 10:47
咪係自由廣場問啦,實大比數叫你日日開,任佢開,工人都係人,你打工都唔想無冷氣等說話,再演變落去就係比 ...

其實就唔使廿四小時都開。。。

我覺得工人咁樣講。。。佢只係想強調以前個主人都唔係咁苛刻。。覺得天氣熱係準佢開。。現在服侍啲兩個老人家。。完全唔俾開覺得好難頂。。其實可以雙方協調下最少夜晚黑瞓覺俾個好啲嘅休息環境佢啦
DoReMi媽媽
|
本帖最後由 DoReMi媽媽 於 18-5-25 11:20 編輯

我係FTM,喺屋企日頭都冇開冷氣,外傭就晚上瞓覺時開冷氣,日間工作時係唔開的,試過廿零度,我哋都冇開冷氣,外傭走嚟同我講佢房冷氣壞咗,佢唔記得咗有個開關掣喺佢床頭,爬上部冷氣度按掣,梗係開唔到啦,明明之前佢開過冷氣個喎,佢竟然唔記得咗個掣喺佢床頭


樓主同老人家講,俾外傭瞓覺時開冷氣吧,等佢瞓得好啲,但日間工作行出行入,冇理由開晒成屋冷氣吧?
angiehouse
|
馬霸 發表於 18-5-25 09:47
冷氣都無,做工人衰過坐監

咩衰過坐監呀?又吾系吾比出街,一系瞓先比佢開,無理由要兩老長期受冷氣,有d老人家真系吾受得,
阿妮啦妮
|
一係天文台出酷熱天氣警告就俾佢開冷氣.

同埋, 買大D既風扇, 起碼要 16吋大,
每日都抺一抺風扇既塵.

PrettyWife2013
|
19841984 發表於 18-5-25 10:07
你自己有冇工人?
有冇比工人24小時冷氣?

我有工人,無限制工人開冷氣。姐姐自己行量,熱咪開,唔熱就關左佢。我地都唔係24小時開,通常開幾個鐘涼涷間屋就開風扇。工人做嘢真係辛苦。廚房無冷氣,見佢煮完一餐身水身汗,我都唔好意思。我會自動幫佢開冷氣,等佢涼下。
im跳跳豬
|
最近天氣熱到咁,唔郁都流汗啦!工人要做野咪比佢開下,最多開幾個鐘囉
siufung
|
19841984 發表於 18-5-25 10:02
老人家認為有風扇足夠

因屋是向南高層,有對流窗扯風

其實向南好涼……
我向東南,今季未開過冷氣,我連夜晚瞓都冇開……尋晚半夜見涼要抆張被come添……
其實開不開,視乎番個室內情況,我住56樓向東南,前面開揚冇樓遮,向海,真心唔熱
點評
hsbc005    發表於 18-5-25 23:25
hsbc005    發表於 18-5-25 23:25
fifiwong
|
佢地家鄉都冇冷氣啦
miniyan
|
老人家坐著吾郁,點會熱呢
將心比幾,而家30幾度
你做家務會否出汗

我男友養幾隻金毛都開足冷氣畀佢,怕佢熱親
人不如狗呀
ar_mak
|
不停播鬼片,間屋就會變得陰風陣陣架勒。
Powered by Baby Kingdom