吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 姊弟相爭

少年成長今日: 0|主題: 15848

收藏本版

發帖

返回列表

跳至頁

查看: 5259 | 回覆: 8

姊弟相爭 [複製鏈接]

csir3290

子爵府

積分: 10929

1^#

發表於 18-5-27 12:04 |只看該作者 |倒序瀏覽 |打印

本帖最後由 csir3290 於 18-5-27 12:04 編輯

昨日一家人晏晝去打羽毛球，點知開始咗冇幾耐家姐就因為幾次都接唔到細佬打嘅波就開始發脾氣，最後仲發脾氣唔同細佬打㖭。咁我見細佬企咗喺度冇得打就叫細佬過嚟同我同埋媽媽一齊打，就剩低家姐喺隔離發脾氣。我哋三個人一路喺度打都冇理到家姐，其實我知道家姐根本就係唔輸得畀細佬所以發脾氣，我哋一路都冇理佢，佢就喺個場度行嚟行去有陣時仲阻住我哋打波，我同老婆都知道係家姐唔啱，但係我哋都唔想喺公眾地方話佢，只係一路唔理佢有得佢喺場邊，最後嗰咗成半個鐘我先同佢講如果你要發脾氣你就行埋一邊，要諗清楚剛才做嘅嘢啱唔啱，我哋唔會氹你，唔好阻住大家喺度打波。我哋繼續打波，過咗一陣佢又行返埋嚟，其實我哋都知佢喊咗好多次，但係我哋都係冇理佢。今次佢行埋嚟同我講對唔住，咁我就同佢講你唔係要同我講對唔住，你係要行去同細佬講對唔住，如果你想同返我哋打波你，你就要自己去問細佬仲同唔同你玩，因為係你自己發脾氣令到人哋冇得彈。過咗一陣，佢終於自己行埋去同細佬道歉同埋問細路。最後都冇事大家一齊打返波，不過都浪費咗成差唔多45分鐘時間。打完波返到屋企大家都冷靜曬，今次我要家姐聽下細佬講返畀佢聽剛才佢發脾氣嘅時候嘅感受，我問細佬有冇嬲家姐，細佬話有。咁我問細佬家姐發脾氣嘅時候佢開唔開心咁細佬當然話唔開心，但係冇諗過會唔同家姐玩。我哋希望家姐明白佢發脾氣嘅時候人哋嘅感受係點。同埋我哋都希望佢明白我哋因為錫佢同埋係佢屋企人先至會教佢同埋忍耐佢，但係如果佢用同樣嘅方法去對佢嘅朋友我諗冇人會鍾意同佢一齊。佢兩姊弟自細感情都好好，細佬仲好錫家姐好鍾意跟住家姐，基本上當家姐係偶像一樣。我同老婆由佢哋細個開始都希望佢兩子弟覺得我哋對佢哋係公平，同埋一樣咁愛佢哋，所以我哋好少會叫家姐去讓細佬。佢哋細個都曾經試過爭玩具，我哋從來都唔會叫邊個要讓邊一個，佢哋一爭玩具我哋就收起份玩具等佢哋冇得玩。試得幾次之後佢哋就知道爭玩具冇用反而大家一齊冇得玩。有陣時佢哋會想攞人哋手上玩緊嘅玩具，人哋唔畀佢哋就會向我同埋老婆投訴話對方唔分享，係呢個時間我哋一定唔會話要揸住玩具嘅讓畀另一方，反而我哋會叫佢問揸住玩具嗰個可唔可以一齊玩或者畀佢玩一陣，問題係需要佢哋自己解決，如果人哋唔肯就要等到人哋玩完先至到佢玩，如果邊個發脾氣就一定冇得玩。另外我哋亦都會用好多時間教佢哋兩姊弟要分享，不過當然我哋唔會逼佢哋一定要分享。但係我哋會教佢哋乜嘢叫做己所不欲勿施於人，你今日咁對人，到將來你想玩人哋件玩具嘅時候人哋一樣會咁對你。久而久之佢哋其實好少會爭玩具玩反而發展到係佢哋成日會一齊玩，因為咁樣大家都會開心啲。
有兄弟姊妹嘅屋企其實真係會熱鬧啲，小朋友亦有多啲家會學與人相處，但係做父母就要更加的小心去處理佢哋之間嘅關係，唔可以比任何一個覺得父母係偏心，亦都要教佢哋透過商量去解決問題。我發覺好多屋企嘅兄弟姊妹喺長大嘅時候感情變得冷淡，好多時都係因為父母係佢哋細個嘅時候冇小心處理佢哋嘅關係令問題出現，令佢哋覺得父母偏心而將啲不滿收喺心入面，當佢哋慢慢長大嘅時候就變成關係越嚟越冷漠越來越疏離，所以做父母要好小心處理兄弟姊妹間嘅感情，千其唔好忽略一啲細小嘅爭執。好多時唔覺唔覺日積月累，呢啲小嘅爭執就會傷害咗大家嘅感情。

0 0 0

私人傳訊

怪獸青BB

珍珠宮

積分: 33796

2^#

發表於 18-5-29 15:10 |只看該作者

回覆樓主:

很好的分享

私人傳訊

shirley2014

大宅

積分: 4107

3^#

發表於 18-6-1 23:11 |只看該作者

csir3290 發表於 18-5-27 12:04
昨日一家人晏晝去打羽毛球，點知開始咗冇幾耐家姐就因為幾次都接唔到細佬打嘅波就開始發脾氣，最後仲發脾氣 ...

唉..已中招，我地家姐常日覺得我地錫細佬多啲（也是事實，細佬又細），細佬變得好喜歡同家姐爭嘢，如果同其他小朋友好少啲同人爭，家姐已小一常日啲嘢做唔好常日常被罵，有時怪細佬

私人傳訊

puni3577

大宅

積分: 1547

開心吸收勳章最關心BB問題熱投勳章

4^#

發表於 18-6-19 12:33 |只看該作者

如果當年我老豆老母識咁做就好...

私人傳訊

csir3290

子爵府

積分: 10929

5^#

發表於 18-6-19 18:20 |只看該作者

回覆 puni3577 的帖子

所以到我哋做人父母嘅時候就要識做！

私人傳訊

puni3577

大宅

積分: 1547

開心吸收勳章最關心BB問題熱投勳章

6^#

發表於 18-6-19 22:18 |只看該作者

回覆樓主

回想起，父母重男輕女，只要我細佬一喊，就一定話我唔讓佢。我玩煮飯仔要同佢玩，但佢玩車仔時，我出聲話想同佢一齊玩，佢地三個叫我唔好攪喊個細佬；細佬大個咗搶我文具玩具，大人就話要讓細佬，被佢偷我野，父母話我唔收好d；再大個d，有一次，唔記得咩原因同細佬嘈交，佢突然一拳打我，我眼即刻瘀咗，我媽可以話係因為我撩起佢把火。
之後我父母異離，我跟老母佢跟老豆，有一段安寧日子過吓。直至我快會考果年，果時我細佬已經學壞咗，書不但讀唔成，仲差d入男童院。我好記得果年我父母各自講咗一句刻骨銘心的說話，父：出黎做野之後記得番黎爸爸身邊，我仲有幾年就退休；母：你細佬學歷低脾氣又差，將來你要幫助佢呀。
其實我只係大我細佬一年，點解我好似黎還債咁嘅。