泵奶會越泵越少嗎???Help *****

GCHK
|
salayeung 發表於 18-5-29 17:26
回覆 GCHK 的帖子

好正能量。感謝

加油加油,新手媽咪
yddi
|
我都曾經聽人咁講,搞到好擔心!不過最後阿B未夠一個月已經要冰奶,供過於求。最關鍵係一定要勤力泵+飲多d湯水/水,唔好理人哋點講,就算係真都好,只要肯堅持每日7-8泵一定無問題。
bbbchoco
|
chababycha 發表於 18-5-28 15:30
飲上奶湯上奶茶幫助下,最緊要係要泵得密,三個鐘要泵一次,半夜都要泵,比你大腦信息你bb需要好多奶,調節 ...

我已經半夜有pump (bb有事系醫院不能埋身),又飲3-4L liquid.
但發覺6个鐘pump ㄧ次既奶量同兩餐隔三个鐘pumpㄧ次既奶量ㄧ樣
請问可以點
JacChong
|
bbbchoco 發表於 18-5-30 05:32
我已經半夜有pump (bb有事系醫院不能埋身),又飲3-4L liquid.
但發覺6个鐘pump ㄧ次既奶量同兩餐隔三个鐘p ...

我想追奶的時候一日8次,大約一星期就升左少少,下一星期又升少少。後來由8減去7,7減去6,每日奶量只少了一點。所以我想堅持一下應該沒問題的~
chababycha
|
bbbchoco 發表於 18-5-30 05:32
我已經半夜有pump (bb有事系醫院不能埋身),又飲3-4L liquid.
但發覺6个鐘pump ㄧ次既奶量同兩餐隔三个鐘p ...

我上胎係全泵的,嗰時bb有事落左兒科住左十日,我喺醫院住左五日,我喺醫院仲勤力,因為唔洗自己湊b,我兩個鐘就泵一次,個心係諗住要好多好多奶,出院後忙啲就變三個鐘一次,密密泵,食好多飯,唔好成日覺得自己無奶,心情都會影響奶量,要多啲要多啲!試下煲木瓜梭欏魚湯,我今胎頭幾日勁飲,飲足早午晚三餐,飲左三四日,谷奶谷到發燒,焗黑豆水飲,啲黑豆要白獲爆左先
bbbchoco
|
JacChong 發表於 18-5-30 06:51
我想追奶的時候一日8次,大約一星期就升左少少,下一星期又升少少。後來由8減去7,7減去6,每日奶量只少了 ...

知道 見到奶量小真系好想放棄。但為左bb要堅持。
bbbchoco
|
chababycha 發表於 18-5-30 07:08
我上胎係全泵的,嗰時bb有事落左兒科住左十日,我喺醫院住左五日,我喺醫院仲勤力,因為唔洗自己湊b,我兩 ...

謝謝你。我三餐都食飯,不過無饮足三餐湯。我又試下先
我要做媽媽
|
唔會架,你自己都要keep住兩三個鐘就泵一次,仲有就係飲多D湯水
JacChong
|
chababycha 發表於 18-5-30 07:08
我上胎係全泵的,嗰時bb有事落左兒科住左十日,我喺醫院住左五日,我喺醫院仲勤力,因為唔洗自己湊b,我兩 ...

你意志力很強,我飲左一碗濃縮版的梭欏魚湯,夜晚即刻谷到硬,搞到我怕左,之後唔敢飲啦,不過都承認梭欏魚湯上奶好得
chababycha
|
bbbchoco 發表於 18-5-30 08:43
謝謝你。我三餐都食飯,不過無饮足三餐湯。我又試下先

木瓜梭欏魚湯真係上奶佳品!買唔到梭欏魚可以買鯇魚尾
chababycha
|
JacChong 發表於 18-5-30 11:10
你意志力很強,我飲左一碗濃縮版的梭欏魚湯,夜晚即刻谷到硬,搞到我怕左,之後唔敢飲啦,不過都承認梭欏 ...

上胎全泵覺得好可惜埋唔到身,bb唔識啜,唯有辛苦啲泵出黎比佢,今胎bb啜好叻,埋到身,不過比佢啜到損晒,又咬我………真係不論埋身定泵都係好辛苦
ambermatt
|
yddi 發表於 18-5-29 22:43
我都曾經聽人咁講,搞到好擔心!不過最後阿B未夠一個月已經要冰奶,供過於求。最關鍵係一定要勤力泵+飲多d ...

我開始有供過於求問題,你會唔會漏奶同漲奶痛呀?呢2個問題好困擾我,一瞓多過4個鐘就漏到床都係,仲會痛醒
yddi
|
ambermatt 發表於 18-5-30 16:22
我開始有供過於求問題,你會唔會漏奶同漲奶痛呀?呢2個問題好困擾我,一瞓多過4個鐘就漏到床都係,仲會痛 ...

我近排無咁厲害,早排真係好似你咁講,出咗街遲咗泵就漲痛得好唔舒服,想爆咁,不過未試過漏到床都有,你有用乳墊嗎?

我有問過健康院姑娘點樣減量問題,佢建議如果要減,都唔好一下子減,好似我一日8泵,佢建議2星期內揀幾日咁轉7泵,慢慢咁減,怕塞奶。同埋泵到最後唔好泵太清、或者按摩得太勁。
ambermatt
|
yddi 發表於 18-5-30 16:36
我近排無咁厲害,早排真係好似你咁講,出咗街遲咗泵就漲痛得好唔舒服,想爆咁,不過未試過漏到床都有,你 ...

有用乳墊,爛瞓瞓下會走位,就會漏到衫同床濕。
我好矛盾,想儲奶返工後用,漲奶又辛苦,我試過唔泵清,奶量係少左,呀b啜又好似唔夠奶咁,好難平衡,辛鬼苦。
yddi
|
ambermatt 發表於 18-5-30 16:55
有用乳墊,爛瞓瞓下會走位,就會漏到衫同床濕。
我好矛盾,想儲奶返工後用,漲奶又辛苦,我試過唔泵清,奶 ...

我明呀⋯⋯

我係全泵,一日8泵其實好辛苦,想休息又要睇時間起身泵,唔泵又驚塞,或者遲下無奶,阿B無得食。

我出院到宜家未試過訓超過3個鐘,全部都係斷斷續續咁訓,半夜唔餵奶都要泵奶。

出街都要睇住嗰胸,谷得辛苦又係驚,唔谷嗰日又諗係咪食錯咩呢?又要睇地方可否泵奶(係咪哺乳室可以入去泵奶呢?)
ambermatt
|
yddi 發表於 18-5-30 17:03
我明呀⋯⋯

我係全泵,一日8泵其實好辛苦,想休息又要睇時間起身泵,唔泵又驚塞,或者遲下無奶,阿B無得 ...

我會入哺乳室泵呀。
大家同路人,傾下我都寬心d。出街試過3個鐘無泵無b,胸痛到想死只想返屋企泵奶。
我都係半夜泵奶,好鬼攰,最多瞓4個鐘。
yddi
|
ambermatt 發表於 18-5-30 18:28
我會入哺乳室泵呀。
大家同路人,傾下我都寬心d。出街試過3個鐘無泵無b,胸痛到想死只想返屋企泵奶。
我都 ...

本帖最後由 yddi 於 18-5-31 09:05 編輯

我暫時未試過出街泵奶,岩岩先買咗冰袋,可以計劃下了。諗住搵個近近地既商場試下先~ 唔知多唔多人係街泵奶呢,始終覺得唔係太方便咁.....但又無計,唔通永遠唔出街咩

salayeung
|
原來咁多媽咪有共鳴真係唔孤單。。我全部都經歷過,由啊B唔埋身,奶少,日泵夜泵,半夜都起兩轉怕收奶唔偷懶,由8次到而家4次已經唔洗追奶,甚至有冰奶。我BB第一個月日日都扯住飲奶,每日的量都需800-1000ml.我媽媽見我每次返娘家日泵夜泵,又洗樽又坐奶怕我辛苦勸我轉奶粉。。又建議夜晚習慣埋身。起碼可以瞓住喂。果然啊B滿月掌握到含乳頭,識啜奶。所以我個半月開始夜晚埋身中,個半月就連夜奶都戒埋,可以側瞓喂,佢眼瞓,啜得唔多,索性戒埋唔飲🤗🤗🤗...間中醒下,每兩每就瞓返。日頭照泵奶。。每次都泵到200ml.一日三次到四次都夠了。因為佢每日平均飲到500-700ml..而家成個肥仔樣。。
啊仔日頭奶樽,夜晚埋身,又唔會奶嘴混淆。萬幸。希望咁多位泵媽有啲信心自己。
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽