我都頂唔順我嗰個。雖然佢對我啲小朋友好,又手腳乾淨。但日日機不離手,成日呢埋喺房因爲cam影唔到,聲稱做哂嘢,但做極都係咁多塵。話佢又黑面又駁咀,覺得自己啱哂。上星期六我打返屋企搵佢唔到,隔幾個鐘之後佢先覆我message. 點知今日又係咁,我媽上我屋企發現佢居然反鎖咗道鐵閘,要我媽㩒鐘㩒成分鐘先出嚟開門。問佢就話屋企有事,我問佢係咪屋企日日都有事要傾幾個鐘電話,佢居然答我係!今晚我返到屋企,見佢煮咗晚飯俾兩個小朋友,我坐到埋位,叫佢拎我嗰份出嚟,扮聽唔到,叫第二次,又扮到 “are you talking to me?”咁款。真係佛都有火呀!佢態度差唔係第一次,但今次係最離譜嘅一次。已經決定炒佢同埋請過個新姐姐。希望新姐姐ok啦!