懷孕前後今日: 3|主題: 329685

收藏本版

發帖

返回列表

跳至頁

查看: 8127 | 回覆: 11

請錯陪月 [複製鏈接]

siufeimon

複式洋房

積分: 226

1^#

發表於 18-6-1 00:05 |只看該作者 |倒序瀏覽 |打印

純分享-真係谷到爆，實在不吐不快。
本人自問個性隨和，順得人，有禮貌，但請咗以下呢個陪月，實在令我氣憤。還好我唔係坐月時請佢，如果唔係分分鐘俾佢攪到產後抑鬱。

係咁嘅，因為工人姐姐要7月頭先到，所以我4月中揾咗一個自稱好有經驗嘅陪月，睇吓佢有無期幫我照顧9個月大嘅bb直至姐姐到埗，當時佢話佢啱啱完工，下一個客7月中先開工，所以應承咗我。如是者我一心等佢5月中開工，無再揾其他姨姨，點知開工前10日，佢突然話佢舊客個朋友啱啱俾陪月甩底，所以佢想去幫手，唔可以嚟我度，叫我搵屋企人湊，況且佢唔鍾意湊大B，鍾意湊new born⋯⋯我真係眼到突埋，人哋俾陪月甩底你去幫人，咁你甩我底搵邊個幫我？況且你應承我在先，如果我屋企人可以幫我湊，我一早就唔駛搵你，難道我多錢得滯？再講，你接job時已經知道係大B，無人迫你接。經過一輪拉鋸,佢最後都推咗嗰邊，如常5月中幫我湊B。須知陪月嘅誠信同操守好緊要，經此一役，我已經開始懷疑佢幾時會再玩嘢，嗌唔做，但礙於當時臨急臨忙，都唔知去邊度搵人，所以就惟有忍氣吞聲，希望佢能夠遵守承諾，做到工人姐姐到埗。我明白人人都會犯錯，所以縱使佢做得唔啱，有好多小事我都無出聲，由得佢。但佢講到自己咁專業，係咪唔應該犯以下嘅錯呢？
1）唔幫BB剪指甲，叫我剪
2）中午開咗飯唔出聲，我自己出去食就食，唔食就算
3）好多時都唔講早晨，拜拜，唔應人，無禮貌，有人撳鐘當聽唔到，我喺房，又唔叫我開，好似成村人欠咗佢咁
4）開機洗衫前無check清楚，洗漏嘢
5）如果已經開機洗BB衫，就算之後BB大便整污糟件衫，佢都唔會手洗，只會整濕件衫扭埋一嚿放污衣籃等聽日開機先洗，但咁樣噏法，件衫會有菌，又臭
6）無菜單，唔知煲咩湯（但我仲泵緊奶，上奶湯水好緊要），佢唔想諗食咩，亦唔想買，所以盡可能都叫我自己買餸
7）整爛無乜可能整得爛嘅調味樽，用完唔閂蓋，無手尾
8）啲碗洗完仲有飯黐住，啲用具用到油淋淋又唔抹
9）換片墊有大便漬唔理
10）粥仔煲完,未攤凍，仲出緊煙，叫佢等陣先餵，唔聽，照餵，佢話如果BB覺得熱自然會喊（我諗如果佢真係呑咗熱到喊，我已經要帶佢睇急症）
11）煮粥煮到變稀飯唔認，叫佢加水煮多陣發脾氣，話BB消化唔到自然會排出體外；又話前僱主都指定要BB食稀飯先有力行，但講緊個BB歲幾，我個仔得9個月。第一日嚟我叫佢用攪拌機，唔肯用，切到啲菜、肉大大粒，米又煲唔爛，攪到BB兩日無大便，之後先一嚿嚿屙番出嚟，完全消化唔到，屙咗兩日先屙清啲殘渣。
12）開完米缸唔閂
13）為方便自己，BB朝早8:30先飲完奶，佢11:15就擒擒青餵粥，未夠4:00再餵，咁5:00拍佢瞓覺，佢5:45就可以換衫走人，就算換完衫BB醒咗喊都唔理，叫我自己攪掂佢(其實佢6:00先收工）
14）BB食完一大碗粥半個鐘唔夠，都未消化就拍佢瞓
15）早上飲淨杯水，下午再俾BB飲，但飲之前又唔用水沖乾淨個杯同條外露嘅飮管
16）唔洗晒BB飲食用具，未夠鐘就急急腳走，試過煲粥食淨啲，唔清潔，唔出聲走咗去，要我老公洗
17）換拉拉褲前後不分，成日掉轉著
18）steam奶樽前唔放好啲配件，無閂好個蓋，啲蒸氣漏晒出嚟
19）同BB喺廳沖涼唔閂𥦬，唔閂門
20）一再提醒處理生肉唔好用食飯碗，但佢唔理，好彩無交差感染

佢成日話自己好厲害，係一個不可多得嘅陪月，都唔知點解會接我單job,得佢咁傻先肯嚟幫我湊，講到好似唔駛俾錢咁。真係貼錢買難受，日日要睇佢面色做人，打工仲惡過個僱主，做嘢甩漏，唔聽指示，一意孤行，仲日日嗌唔開心，唔想做，簡直疲勞轟炸，最後我唔駛佢俾7日通知，即炒咗佢。呢個世界真係乜人都有，我真係大開眼界。邊個媽媽唔好彩請著佢，真係分分鐘俾佢攪到產後抑鬱。