婦女醫護

跳至

首頁
56789...14

尾頁
   31


複式洋房

積分: 279


發表於 18-12-13 17:32 |顯示全部帖子
回覆 Ng5252 的帖子

我之前也是全蠍和守宮(壁虎)宜家轉蜈蚣和水蛭。十分多昆蟲!還有五靈芝(是鼠類的糞便乾)


別墅

積分: 601


發表於 18-12-14 10:19 |顯示全部帖子
bear曾 發表於 18-12-12 16:27
我停左1星期藥(m到),依家一食返中藥,紅腫多了,又起了膿瘡。
我問過醫師,他說爆了瘡就讓他爆,只要做好 ...

我都係媽媽,小朋友讀緊N 班,之前都有餵母乳。我急性期嘅時候都有發燒,發冷同關節痛,腳上仲出紅斑。我記得之前發燒,跟住就會開始化膿,一到無晒d 膿,我就無再發燒啦。

我都暫時放緊病假,不過其實喺屋企照顧小朋友都好攰。你病緊都仲咁努力照顧屋企同小朋友,點會係無用呢?繼續努力堅持食藥,保持樂觀,一定會好返的!我自己就會跑步減壓,早兩個月開始無咁痛,就重新跑返步,慢慢由每次3,4k, 到依家每次10k, 跑完出一身汗就會輕鬆d, 同埋我相信每日運動對個病都會有幫助。你要加油呀!


複式洋房

積分: 279


發表於 18-12-14 17:59 |顯示全部帖子
回覆 pinkydorothy 的帖子

跑10K!好厲害的呢!是運動健將啊!我發現每天做做家務,拖地掃地步行地十分有用。
Bear曾,你要放鬆心情,記得我們這一group同病者,都正在變好,你也不會例外的


大宅

積分: 1751


發表於 18-12-14 23:00 |顯示全部帖子
謝謝你們的鼓勵與支持,原來大家都曾經係母乳媽媽。
呢2日我其中一粒膿瘡真的自爆了,流了不少像血又像膿的液體,現在每天都自我洗傷口。
自從膿瘡爆了,真的少了惡寒同開始冇咁腫痛。希望會真的慢慢變好。
今天去了郭醫師覆診,我問他如果另一邊比較大範圍的膿腫自爆要怎樣做,他說可以用東西吸,唔知你地有冇試過,係咪用拔罐之類的東西吸,會痛嗎?
另外,想問你地幾時轉處方2,我前後執左20劑都係處方1,唔知下次會唔會轉有蜈蚣同水蛭,諗起都。呢個病真係好毒,中醫5毒都用左3毒(蝎子,守宮同蜈蚣)。
真係要好好鍛鍊自己,增強返自己既低抗能力去對付呢個病。
pinkydorothy你好勁呀跑10k,我跑運動場1個圈已經很累,我真係要的起心肝重新開始再去跑步。
希望大家快些好番,大家一起加油。


別墅

積分: 621


發表於 18-12-15 19:12 |顯示全部帖子
回覆 bear曾 的帖子

我藥方有當歸但唔係當歸尾,亦有壁虎&全蝎。其實我飲左1個月都差不多係同一藥方,當中只有一味藥改了。飲左一個月藥硬塊暫未有明顯變化,我只好耐心等待。我都有1個個小孩,曾餵過超過1年母乳,要返工,不過有工人姐姐幫手,還好。不過呢個病係手尾好長,易翻發,好困擾,我已經做左2次手術但又有硬塊。你起碼不用做手術其實都唔係太差啫,加油!樂觀d。
你要照顧2個小孩一定辛苦,有工人姐姐幫手嗎?


別墅

積分: 621


發表於 18-12-15 19:29 |顯示全部帖子
Ng5252 發表於 18-12-12 20:46
回覆 bear曾 的帖子

想請問大家是不是媽媽,有小朋友,之前餵母乳?據網上資料,得此病多為此類婦女,我也 ...

其實比起會死人既病,我地已經算幸運...雖然暫未知幾時好返。明白你當時既心情,好彩係虛驚一場。
我個西醫只話我係慢性乳腺炎,並無話我係邊種慢性乳腺炎,早知中醫可以醫到呢個病便不用挨2次手術及幾個月洗傷口既痛。


別墅

積分: 621


發表於 18-12-15 19:38 |顯示全部帖子
pinkydorothy 發表於 18-12-14 10:19
我都係媽媽,小朋友讀緊N 班,之前都有餵母乳。我急性期嘅時候都有發燒,發冷同關節痛,腳上仲出紅斑。我 ...

其實我病發前係有做運動架,就係跑步既時候發現痛跟住發現硬塊發現呢個病。病左後已停左運動,做左手術要洗傷口更加不能做運動。2個星期前睇西醫傷口埋曬口話我好返啦唔洗再覆診當天便立刻開始跑返步,希望令自己身體好d快d好返。宜家一星期盡量跑3次,每次35-40mins。


別墅

積分: 601


發表於 18-12-16 23:14 |顯示全部帖子
bear曾 發表於 18-12-14 23:00
謝謝你們的鼓勵與支持,原來大家都曾經係母乳媽媽。
呢2日我其中一粒膿瘡真的自爆了,流了不少像血又像膿的 ...

我之前都係睇西醫覆診的時候,醫生用針筒幫我抽膿的,中醫我未試過。下次再有發燒發冷,就係化膿的先兆,最好避免自爆。我果時就係唔知,結果爆左一個好似5蚊咁大的傷口,依家過左3個月先叫乾水唔痛,希望你唔好好似我咁。唔好再俾佢自爆,唔係洗傷口又痛又麻煩。

我都係慢慢練下練下,先愈跑愈長架咋。除左鍛練身體,我仲想磨練下自己的意志力,呢個病需要長期抗戰,所以意志力不能少,haha:) 大家一齊努力!


別墅

積分: 601


發表於 18-12-16 23:18 |顯示全部帖子
irisiriswai 發表於 18-12-15 19:38
其實我病發前係有做運動架,就係跑步既時候發現痛跟住發現硬塊發現呢個病。病左後已停左運動,做左手術要 ...

我剛重新開始跑都係由30mins 開始,一星期2-3 次。之後再慢慢加上去,依家仲跑得好過同多過病之前。希望身體可以愈黎愈好,快d 好返。畢竟依家除左戒口食藥,運動就係唯一可以做的事,所以一定要努力。


大宅

積分: 1751


發表於 18-12-17 13:32 |顯示全部帖子
回覆 irisiriswai 的帖子

有呀,我家有工人姐姐。如果話個病係由生氣而起,好大程度都係被佢激。她做了差不多2年,越做越差,教佢煮野食永遠用自己果套,天氣冷自己出街識加衫,小朋友就屋企著幾多出街著幾多。我去廁所處理傷口,小朋友在廳吵架,工人完全唔理,自己只顧係廚房篤篤篤(電話)等等,數之不盡。真係好想炒佢,無奈怕請下1個仲差過佢,唯有忍同盡量自己做番。記得病發前,我正陪大女過渡小一,每天對住工人(平時返工見唔到都冇咁嬲),見到佢d求其,污穢,令到我每天都好嬲,就係咁,我就有左呢個病。


大宅

積分: 1751


發表於 18-12-17 13:42 |顯示全部帖子
回覆 pinkydorothy 的帖子

私家抽膿好貴,仁安要5千幾1針,尖沙咀有間中西診療中心仲貴7千幾1針,抽膿如果範圍大,好似要抽幾次先得。我之前去仁安專科(果時抽唔到膿),但醫生一聽到我睇中醫就話如果我繼續睇中醫,就唔醫我,於是我就冇睇仁安了。
想問下,妳地係咪政府抽膿。政府睇完我d報告同轉介信,要我排期睇專科,但個期就去到2019年8月


別墅

積分: 621


發表於 18-12-17 13:55 |顯示全部帖子
bear曾 發表於 18-12-17 13:42
回覆 pinkydorothy 的帖子

私家抽膿好貴,仁安要5千幾1針,尖沙咀有間中西診療中心仲貴7千幾1針,抽膿如果 ...
你睇仁安邊個西醫?係仁安乳房保健中心睇?
我之前未爆又唔想做手術前都係醫生用針抽膿,痛到我死!



大宅

積分: 1751


發表於 18-12-17 20:11 |顯示全部帖子
回覆 irisiriswai 的帖子

係呀,仁安乳房保健中心睇,睇羅醫生,不過佢唔主張睇中醫。同埋真係好貴,我冇返工,冇醫療,下下都要自己硬食。診金都過千,之後睇左呢個forum,就冇睇西醫,睇中醫了。


別墅

積分: 621


發表於 18-12-17 23:41 |顯示全部帖子
bear曾 發表於 18-12-17 13:32
回覆 irisiriswai 的帖子

有呀,我家有工人姐姐。如果話個病係由生氣而起,好大程度都係被佢激。她做了差 ...
既然就滿2年,建議滿約唔好再續清過一個。可以既搵長輩幫手𥄫下工人。如不能就隻眼開隻眼閉等夠期換工人,唔好激親自己。保持心境開朗,個個人都咁同我講,話心境好形響病情。加油!



別墅

積分: 621


發表於 18-12-17 23:46 |顯示全部帖子
bear曾 發表於 18-12-17 20:11
回覆 irisiriswai 的帖子

係呀,仁安乳房保健中心睇,睇羅醫生,不過佢唔主張睇中醫。同埋真係好貴,我冇 ...

我係尖沙咀翹釆睇蔡醫生,係仁安做手術。佢都有係仁安乳房保健中心睇症架,但我發覺仁安睇貴d,我係翹采針抽膿好似二千几蚊咋嘛!而且每次診金都唔會貴過$900,通常7-800咋嘛。


大宅

積分: 1751


發表於 18-12-20 16:24 |顯示全部帖子
回覆 irisiriswai 的帖子

咁仁安真係貴。想問蔡醫生能接受中西合璧嗎?羅醫生很抗拒中醫。她認為2者不能共存,第1次睇佢已講明睇中醫就不要找她醫。多謝group友介紹郭醫師,他醫術真的很高明,雖然他不多言,通常1句起2句止,但開的藥真的work。我之前睇中醫針灸食藥都不見好轉,現在正如group友所說,慢慢有好轉。腫塊開始縮少了。大家繼續努力。


別墅

積分: 621


發表於 18-12-21 19:57 |顯示全部帖子
回覆 bear曾 的帖子

我並未對蔡醫生講我睇中醫,因為我睇中醫時西醫話我已差不多好返,睇中醫係last兩次睇西醫時先開始睇。咁厲害既,你只係食左2個幾星期藥硬塊已經變小!?點我食左超過一個月藥但仍然無咩改善!?我最近硬塊㩒落去仲仲輕微有少少痛tim....點解會咁架?


大宅

積分: 1751


發表於 18-12-24 10:25 |顯示全部帖子
回覆 irisiriswai 的帖子

可能我只係起初食左約2星期抗生素就開始食中藥(食左1個月左右就轉睇郭醫師)。起初食郭醫師既藥我都覺得痛多左,仲有發冷發熱,但原來係變好既反應。我諗可能係你之前食左西藥一段時間,所以食中藥要一點時間先有反應,但你依家開始有痛,其實係變好既先兆。好快會好的,大家一起加油!


別墅

積分: 621


發表於 19-1-2 20:54 |顯示全部帖子
各位姊妹你地既病有無好d呀?有無人係郭醫師度試左針?


複式洋房

積分: 279


發表於 19-1-18 17:49 |顯示全部帖子
回覆 irisiriswai 的帖子

我今天用了火針,效果之後跟你們報告。如Ok,你們也可試試。希望大家快點痊癒

首頁
56789...14

尾頁

跳至
你需要登錄後才可以回帖 登入 | 註冊