del

c6t6m6
|
本帖最後由 c6t6m6 於 18-10-19 20:31 編輯

d
honeybibibibi
|
c6t6m6 發表於 18-6-13 23:47
年尾11歲,一小小野就黑面,你叫佢做野就拖,佢叫我幫佢整野就要我即刻做,有時真係好火,盡量叫自己忍,平 ...

自理同責任感係由細培養出黎既
要佢即時改我諗都好難啦!11歲唔算細,又識反抗,要慢慢反黎,小心d處理大家既關係。
加油啦JM
Marians
|
回覆 c6t6m6 的帖子

同佢講 〝好呀, 明天帶埋小強返學lor, 天氣咁熱, 餐具吾洗, 又臭又腥, 俾同學笑死你, 仲夠膽放入口咁勁, 吾駛見醫生都嘔餐飽〞嚇下佢
babyangie
|
你日日咁鬧,比佢睇住你話你老公好幫佢洗,咁佢唔會覺得係自己責任,係你要全家跟你果套,咁佢梗係鬥氣啦
凌太
|
唔洗勞氣。佢地叫你做你立下心腸 簡潔d 話:自己做。喜怒哀樂不表現出來就得。你只需要控制個老公同你言行一致。如果唔係 對仔女都唔會服你...因為有爸爸做靠山。

每次說話只說一次!唔聽既..由得佢! 我對仔女就好work! 自己執和洗餐具,入滿水樽。帶紙巾 拎小息餅乾。
早響幾年前 婆婆湊...同你對仔女一模一樣。唔幫佢 佢會黑面發晒脾氣手chok chok 咁執野..超不滿。
自己湊番幾年。佢試下唔做...我飯都唔煮。但我就不會大鬧和咆哮..我係沉著應付。講野簡潔但立場堅定。
你試下。
點評
falalala    發表於 18-6-14 08:28
honeybibibibi
|
凌太 發表於 18-6-14 01:01
唔洗勞氣。佢地叫你做你立下心腸 簡潔d 話:自己做。喜怒哀樂不表現出來就得。你只需要控制個老公同你言行 ...

犀利!eq好高呀!
c6t6m6
|
我唔係日日鬧、亦唔係全部人要跟我果套,只係佢自己責任同衛生問題,我講好左、洗碗後唔會再幫佢,叫佢自己洗返,有時老公中佢幫佢,或個女唔聽話,我都盡量忍住,同老公大多數打眼色。
c6t6m6
|
凌太 發表於 18-6-14 01:01
唔洗勞氣。佢地叫你做你立下心腸 簡潔d 話:自己做。喜怒哀樂不表現出來就得。你只需要控制個老公同你言行 ...

請問你小朋友幾大?
我都試緊你個方法,係迫不得意,有時真係要立下心腸,所以今晚個女連洗都唔洗,唔想勞氣,係冇氣,又唔想下下鬧,搞到氣氛咁差
sfuhsg
|
我果個大你少少,我都要求放學即拎餐具水樽等出來,我會洗,否則過咗就要自己洗,仲係用自己玩嘅時間去洗
sman
|
我以前都係用強硬手段迫小朋友就範,成日同佢講要做番自己本份,自己野自己執,無錯細時係可以,佢大個左漸漸發覺呢條路唔work,關係愈來愈差,而家叫佢執野,我會叫佢拍硬檔幫下手,佢都唔會即刻做,但隔一陣佢會做的,俾D時間空間佢,而唔係命令式,我以前都唔察覺佢既長大,所以都攪到一鑊泡,你要加油呀!
凌太
|
c6t6m6 發表於 18-6-14 01:39
請問你小朋友幾大?
我都試緊你個方法,係迫不得意,有時真係要立下心腸,所以今晚個女連洗都唔洗,唔想勞 ...

本帖最後由 凌太 於 18-6-14 03:09 編輯

10歲了。早幾年我同你一樣大鬧大吵。覺得點解人地果d咁整潔。我既就咁求其咁pair...因為佢唔做 婆婆會幫佢做埋。會燙衫會執好小息袋。連餐具水樽都幫佢拎埋出來...

我叫佢自己做佢會拖到婆婆出手幫佢。我唔可以成日同阿媽嘈。一來真係唔想家嘈屋閉。二來自己未有本事唔洗媽咪幫忙。到我有自己個家時,d 野由我接手 一開始我都好似你咁 仲會大鬧佢..發覺佢仲係成pat 泥咁。一係就甩甩漏漏...但我老公就同我言行一致。所以我同自己講 我一定要放手。唔可以再縱容佢...我就訓練到佢地執鞋、執書包,開台食飯 食飽要收晒台鄧,用既野自己執番。同佢地講即使你發緊脾氣麻煩你都開晒餐台擺晒碗筷子先好入房。你唔食無問題 ,但呢個係你在家既責任。我都唔會因為發嬲而唔盡媽媽的責任吧?我咁做唔係想佢幫輕我。而係比番一部份責任佢,而且將來出去做野,無可能下下發脾氣揮袖而去劈炮吧?
女仔還可以(幸運的話)有機會嫁個好老公咩都唔洗做。男仔無責任感郁d 發老脾,唔捱得...點算?

一見地下有野係唔執。我一聲不響地掃落垃圾筒。唔需要同佢地硬鬥硬。我亦係溫和面帶笑容咁做,只要堅持家規就得。

其實訓練到佢地整理好自己既野,其他野自然會上軌道。例如做project 要印圖已無依賴我去搵去印。自己研究點用printer 點放大圖片。默書測驗考試以前仲靠補習。補完都唔會全科合格...因為佢靠晒老師比答案、陪溫書。我都cut 埋了...靠佢自己去讀。唔明可以問,我絕對願意解釋。但想我陪你溫就一定唔洗旨意。
今個學期 佢靠自己全科合格....我呢埋喊左好耐。因為本來佢係一pat 泥但至少變到似番個人。

點評
currypru    發表於 18-6-15 11:00
魚兒小寶貝    發表於 18-6-14 23:23
kcpak
|
凌太 發表於 18-6-14 01:01
唔洗勞氣。佢地叫你做你立下心腸 簡潔d 話:自己做。喜怒哀樂不表現出來就得。你只需要控制個老公同你言行 ...
佩服佩服~
SVbaby
|
睇開D。換著我只會要求老公唔好幫手。同女講洗餐具是自己的責任,如果佢覺得用完唔駛洗下次再用ok的我唔會過問(你就催眠自己當佢洗左)。小朋友總有一天需要為自己的事負責,呢個只是小開始。
bleeblee
|
唉,個女好苁教
BABYLV
|
c6t6m6 發表於 18-6-13 23:47
年尾11歲,一小小野就黑面,你叫佢做野就拖,佢叫我幫佢整野就要我即刻做,有時真係好火,盡量叫自己忍,平 ...

我女10歲也開始反叛了
傻貓貓
|
11歲開始青春期,小心處理!我成日覺得依家做父母好似奴隸,要睇主子面色打又唔打得,鬧又唔可以鬧得太勁,講道理又唔聽有時真係谷到爆虐兒有罪,咁虐父母又冇罪呀?
Charlotte_mom
|
我唔多鬧
鬧黎做咩,學專家話齋第一句聽到,之後已自動左耳入右耳出,佢只覺煩
佢唔洗咪唔好洗,唔晾咪唔好晾,有d野係要佢自己試下承擔後果,衰過一次下次就知人地無老點佢。我教女就係咁。我講一次,最多提多一次。
有本事一個月都唔好洗,睇下邊個頂唔順
brindlewin
|
c6t6m6 發表於 18-6-14 01:39
請問你小朋友幾大?
我都試緊你個方法,係迫不得意,有時真係要立下心腸,所以今晚個女連洗都唔洗,唔想勞 ...

其實佢係咪自細就係咁?如果一向習慣係咁,唔會同大個忽然“喜歡”做。
cy101
|
有個寵爸撐腰, 都無野好講!!!
ch_mama
|
凌太 發表於 18-6-14 02:53
本帖最後由 凌太 於 18-6-14 03:09 編輯

10歲了。早幾年我同你一樣大鬧大吵。覺得點解人地果d咁整潔。 ...

媽媽,你好犀利
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽