ftm送囡囡讀全日n班嘅掙扎

MissVV
|
做左兩年ftm,嚟緊八月囡囡n班就開學啦,佢係八月b,即係開學時佢剛剛好滿兩歲。
自己湊左兩年,相信喺度嘅ftm都明白當中嘅辛酸,嗰種懷念番工日子嘅心情,所以我決定俾個囡讀全日班,希望佢有人照顧之除,我又可以番返工,有番啲自己嘅生活。。。不過囡囡番學嘅日子越近,我就越不捨,得兩歲人仔適應到嗎?從來都係我暗佢瞓覺,喺學校又瞓得好嗎?咁長時間見唔到媽媽又會唔會好驚呢?。。。唉,我有時一諗起佢要番學就會想喊(emoji)其實適應唔到嗰個人會唔會係我(emoji)(emoji)‍♀️
有冇過來人可以開解下我。。。
John_3_16
|
我當時同你情況唔同,但都係由自己湊開始(湊到一歲),然後俾人湊。開頭係兩個都要適應架。但你自己湊佢,佢放學都會跑過黎搵返你,小朋友返學習慣左之後應該開心嘅
John_3_16
|
另外,我現實啲咁諗,如果你返返工,小朋友病左或者外面三號風球,你有冇back up?
bosch
|
幾多歲都好, 小朋友一要返學時, 作為一個媽媽, 總會有少少唔捨得... 不過小朋友一定會習慣, 我見朋友要返工, 將幾個月大既BB 放去托兒所都係咁, BB 喊得一排又冇野.

你睇定d 至返工啦, 正如樓上jm 講, 你有冇backup 先? 唔止天氣問題, 小朋友一返學多數會病一病先...
Peipei_CW
|
個時我仔返半日我都唔捨得,我仔己經係4月大b, 所以有依個感覺真係好正常,但決定左就唔好後悔啦~見步行步(emoji)(emoji)(emoji)(emoji)(emoji)(emoji)
ricky0223
|
我仔返半日n,9月返k1,原本想佢讀全日,但問過佢話想跟住媽媽,唔想係學校食飯午睡,最後決定讀返半日。
一來佢自己唔願意讀全日,二來我無人做back up 無可能返到全職,要考慮接送、假期、天氣問題、病左,全職無可能咁多假,兼職得果三千都費時辛苦了。
MissVV
|
咁我又唔我會即刻番全職嘅,可能揾下半職做住先,我都明白放長假,打風,病。。。好多時都要個人照顧,冇工人,番全職係好難。
咁back up都有嘅,不過就唔係穩定可以日日湊到我囡嗰種,係要夾時間嗰種。
hamsterma
|
MissVV 發表於 18-6-14 00:24
做左兩年ftm,嚟緊八月囡囡n班就開學啦,佢係八月b,即係開學時佢剛剛好滿兩歲。
自己湊左兩年,相信喺度嘅 ...

你去返工,小朋友唔舒服你點應付
MissVV
|
咁back up都有嘅,不過就唔係穩定可以日日湊到我囡嗰種,係要夾時間嗰種。
Powered by Baby Kingdom