華碩、華為手機分享(使用及維修經驗)

rayhong9
|
家中人多,所以都有用過好幾部手機。分享一下。
其中用華碩最多(5部),有早幾年前的Zenfone Selfie, Zenfone Lazer, Zenfone 3, Zenfone 4,以往華碩係以價格比取勝,Zenfone Selfie, Zenfone Lazer,都係大大部,但有3GB ram,已經用左3年,整體上部機上網、看youtube, whatsapp都無問題,未壞過,只係華碩的原廠電池真係好差,有3塊電池都係放到自己膨脹(間中有叉電)而棄掉,最近阿媽用的那部Selfie電池開始壞(用了3年),終於換機。至於Zenfone 3 5.2吋,OK無問題,影相亦幾好。

Zenfone4就差D 啦,用了幾個月,手寫板出問題(寫字期間會無端端出現畫符,加多一劃一棟等),這幾天要去維修了。Zenfone4影相日間非常好,晚上就吾太掂。


華為是最近買的,有Mate 10, M5 Media Pad, Nova 2 Plus, Mate 10 日間夜間影相都很好, Nova 2 Plus影相都接近Mate 10 (豐澤買$3188,蘇寧原來平多200元),M5 MediaPad都幾好,夠輕, CPU都係較高檔,不過班小朋友話iPad 9.7吋用落反應快過M5,但M5可打電話。

仲有一樣,就係華為手機即使鏡頭一樣,但係可能sensor 不同,影相質素相差很遠,Nova 2 Plus的拍攝效果都比Nova 2, Nova 2i 好,我是在店內即影即放大作出比較的。


華為售後服務令人氣憤
Nova 2 Plus是6月初在豐澤買的,買給阿媽用,但發覺手寫板出問題,手寫的筆劃經常有部分消失了,例如馬字下面的4點,會變成一長點加3個full stop,大大影響了手寫的效果,雖然仍然可認到字,但感覺非常差,而且我的Mate 10, M5都無問題。 去豐澤想換新機,sales話仲寫到,無得換,叫我去華為維修部,在豐澤試了幾部華為demo手機,有些有同樣問題,有些沒有。華為維修部師傅看了3分鐘,話係軟件問題,出廠就係甘,無得維修....真係火都黎埋,個客服小姐叫我打電話上客服熱線傾下,我話你地維修部就係客戶服務咯,我打上去邊度有用呀...甘我就同她說,你即係迫我去消委會投訴者,之後我建議師傅試下用其他型號比對下個手寫功能,再搞左10分鐘,個客服終於話,師傅話手寫板有D吾順暢,可以維修,過兩日去取,希望真係整得到啦。

仲有,太太那部SamsungA7(2016),用了幾年,未壞過,而且影相(室內、餐廳) 光線做的吾錯,遠比幾部Asus Selfie好。 至於用了幾年的LG G3,仍然用得,原裝電池有3塊,從來沒有自動膨脹的問題。

rayhong9
|
rayhong9 發表於 18-6-14 12:11
家中人多,所以都有用過好幾部手機。分享一下。
其中用華碩最多(5部),有早幾年前的Zenfone Selfie, Zenfon ...

華為Nova 2 plus, 已經維修好,換左個 Mon, 手寫功能正常返。真係兩天維修完。不過新機出廠已有 Mon 貼,換 Mon 之後,要自己買。今次購物經驗吾多好。

由豐澤買機,華為維修部師傅不肯維修,到終於幫好换 Mon, 都算係不太愉快的經驗。如果部機最終要換 Mon, 即係出廠已有問題,為何還能在豐澤售賣,另外豐澤的十日換機服務其實吾知包乜,你如果成批都係有問題手機,係應該向華為退貨,吾應該要消費者撲來撲去。
rayhong9
|
rayhong9 發表於 18-6-14 12:11
家中人多,所以都有用過好幾部手機。分享一下。
其中用華碩最多(5部),有早幾年前的Zenfone Selfie, Zenfon ...

昨日去左深水埗瑞星大廈的華碩維修中心整機,原來仲有第一代 selfie 和 laser手机的電賣,200元一塊,不過要睇手機編號才肯賣。電池2017年出廠
ngwong2
|
剛用nova plus.請問你地用app邊款免費手寫建盤?
rayhong9
|
ngwong2 發表於 18-9-14 13:40
剛用nova plus.請問你地用app邊款免費手寫建盤?

Google拼音及 手寫
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽