心聲留言

跳至

首頁
12

尾頁
   1


伯爵府

積分: 19770


發表於 18-6-17 12:01 |顯示全部帖子
我最近同親人關係唔係咁好,問題出於我自己嗎?
1. 我係我細佬鋪頭返工,我放工後佢有嘢問我會有禮貌啲,但工作上同我溝通啲語氣態度就唔多好,我覺得佢態度唔一致,所以鬧翻,打算轉工。
2 原來母女關係超差,但近年已轉好,但阿母前幾日提返起十幾年前既事,令我覺得委屈,結果依幾日都互不理睬!


寶石宮

積分: 327902

2024年龍年勳章 2024勳章 2023年兔年勳章 虎到金來勳章 2021可愛聖誕B勳章 牛年勳章 2018復活節勳章 2018母親節勳章 2018父親節勳章 畀面勳章 環保接龍勳章 BK Milk勳章


發表於 18-6-17 12:36 |顯示全部帖子

回覆樓主:

本帖最後由 crystal媽咪 於 18-7-19 22:24 編輯

1) 轉咗工之後,你同你細佬嘅關係應該會好啲.
工作上可能是好繁忙,或者佢用上司身份去叫你做嘢。
正如我老公公司請人。我話過去做,佢都阻止。佢話一齊做大家應該會有好多爭執

2) 如果係有誤會,真係受咗委屈,心平氣和講。


象牙宮

積分: 209136


發表於 18-6-17 13:01 |顯示全部帖子
露比EE 發表於 18-6-17 12:01
我最近同親人關係唔係咁好,問題出於我自己嗎?
1. 我係我細佬鋪頭返工,我放工後佢有嘢問我會有禮貌啲,但 ...





幫家人工作, 磨擦會多。不過最信的過也是家人。


母女关系, 沒有隔日仇, 也不該有。 依幾日都互不理睬! 暫時..... 遲D主動和媽說話。
另外.... 說出你的委屈。 因媽可能不明白你受傷害。


我以前也會幾日都互不理睬! 老媽要高高在上。
近年, 我學會和老媽也要 說我的委屈。 老媽了解, 以后不再傷害我。


可惜老媽有腦退化....無法和我傾解。


我的苦悶, 苦腦.... 無得訴說。 昨晚想念爸至流淚。












想不開、就別想. 得不到、就不要.  失去了、繼續笑.  擁有了、要珍惜。
快乐不是拥有的多,而是计较的少。  

生悶氣,發脾氣,煩躁,焦慮,失眠.   是指因生气(生闷气、怒气、着急上火生成的火气、思虑生成的郁气)。
理性討論交流者。


伯爵府

積分: 19770


發表於 18-6-17 13:23 |顯示全部帖子

回覆樓主:

本帖最後由 露比EE 於 18-6-17 13:24 編輯

家人先至信得過,佢要信你既時候就係家人,佢要當你係員工既時候就係員工,依個唸法怕我一世都接受唔到!
至於阿媽,我退左1步,send左whatsapp 比佢知我仍然好重視大家既關係,只要唔再提大家以往既不是,我仍然係會關心佢既,至於佢明唔明&做唔做就睇佢啦!


寶石宮

積分: 327902

2024年龍年勳章 2024勳章 2023年兔年勳章 虎到金來勳章 2021可愛聖誕B勳章 牛年勳章 2018復活節勳章 2018母親節勳章 2018父親節勳章 畀面勳章 環保接龍勳章 BK Milk勳章


發表於 18-6-17 15:14 |顯示全部帖子
露比EE 發表於 18-6-17 13:23
家人先至信得過,佢要信你既時候就係家人,佢要當你係員工既時候就係員工,依個唸法怕我一世都接受唔到!
至 ...


時間同溝通會解決到問題
不要從別人的嘴裡去認識我


伯爵府

積分: 19770


發表於 18-6-17 15:20 |顯示全部帖子
crystal媽咪 發表於 18-6-17 15:14
時間同溝通會解決到問題

我借啲椅whatsapp 問阿媽嘢,聽佢把声就冇事,佢可能只聽個孫話!


寶石宮

積分: 327902

2024年龍年勳章 2024勳章 2023年兔年勳章 虎到金來勳章 2021可愛聖誕B勳章 牛年勳章 2018復活節勳章 2018母親節勳章 2018父親節勳章 畀面勳章 環保接龍勳章 BK Milk勳章


發表於 18-6-17 15:32 |顯示全部帖子
露比EE 發表於 18-6-17 15:20
我借啲椅whatsapp 問阿媽嘢,聽佢把声就冇事,佢可能只聽個孫話!

聽聲冇事都ok啦 再慢慢比啲時間。如果只係誤會,唔係啲乜嘢大嘅爭執,唔會嬲好耐㗎
不要從別人的嘴裡去認識我


伯爵府

積分: 19770


發表於 18-6-18 00:58 |顯示全部帖子
crystal媽咪 發表於 18-6-17 15:32
聽聲冇事都ok啦 再慢慢比啲時間。如果只係誤會,唔係啲乜嘢大嘅爭執,唔會嬲好耐㗎
...

我其實本身個人都幾執著,但最近可能年紀大左,我都開始懂得退一步(退多就未得),特別對我阿媽,可能大家都明白珍惜眼前人!


子爵府

積分: 14110


發表於 18-6-18 22:03 |顯示全部帖子

回覆樓主:

無咩問題唔問題嘅,屋企人好難理得清誰是誰非。有時保持適當距離都係好事


伯爵府

積分: 19770


發表於 18-6-18 22:08 |顯示全部帖子
anyuser18 發表於 18-6-18 22:03
無咩問題唔問題嘅,屋企人好難理得清誰是誰非。有時保持適當距離都係好事
...

我都係咁唸


大宅

積分: 2299


發表於 18-6-18 23:48 |顯示全部帖子
露比EE 發表於 18-6-17 12:01
我最近同親人關係唔係咁好,問題出於我自己嗎?
1. 我係我細佬鋪頭返工,我放工後佢有嘢問我會有禮貌啲,但 ...

其實唔駛考慮係唔係自己有問題,考慮點樣自己開心D,轉工你會開心過留底,咁轉。見少次心情舒暢D咁,見少次。
見少D磨擦點都少D。


伯爵府

積分: 19770


發表於 18-6-19 07:21 |顯示全部帖子
Stellady 發表於 18-6-18 23:48
其實唔駛考慮係唔係自己有問題,考慮點樣自己開心D,轉工你會開心過留底,咁轉。見少次心情舒暢D咁,見少 ...

如果我有問題,我願意去改的,因為太執著對我自己都冇好處,但我都唸轉工令大家關係好啲,就轉工囉!


大宅

積分: 1039


發表於 18-6-25 00:13 |顯示全部帖子
露比EE 發表於 18-6-17 12:01
我最近同親人關係唔係咁好,問題出於我自己嗎?
1. 我係我細佬鋪頭返工,我放工後佢有嘢問我會有禮貌啲,但 ...

見到你個post講母女關係,我都有感而發。我有三個弟妹,我排行最大,呀媽係家庭主婦,冇乜工作經驗。我從小到大,都知道呀媽睇錢睇得好重,佢可以為了錢,咩情都唔講!我仲記得細細個果陣,呀媽俾堆散銀我,叫我幫手去街市買豬肉,我當時冇check佢俾幾多銀仔我,但佢叫我買$15,我就同豬肉佬講買$15,點知豬肉佬話唔夠錢,欠$4,我返去同呀媽講,佢竟然唔相信我,仲話我偷咗佢錢,將$5換成$1,最後鬧咗我一餐!我自問自己由細到大都好生性好乖巧好獨立,我中三暑假已經做part-time賺錢,中四至大學都有幫人補習賺錢,我好少問父母拎錢用,我連自己大學去exchange嘅錢都係自己一分一毫儲返來的。大學畢業後,我自己一個搬咗出來住,但我都選擇住近父母屋企,希望大家可以互相照應。初出來工作,又冇乜工作經驗,人工自然唔會多,再加上我要俾租金、水電煤果d, 真係冇乜錢可以拎返屋企俾呀媽做家用。到收入穩定後,我每月都有俾$3000呀媽做家用,當然我知佢果$3000唔係拎出來做家用的,係佢自己袋起的!另外,我都有俾錢細佬妺做零用,希望盡量減輕父母支出!我租屋租咗5年幾有多,都洗咗超過十幾萬,我仲記得當時樓價仲好低,每月供樓同我俾租金差不多,但因為我再進修讀書,所以冇多餘錢做首期,於是我問呀媽可否借$80000俾我置業,錢我相信佢係有的,但佢唔肯借俾我,我唔知咩原因!之後,我認識了我先生,大家拍拖買樓結婚,生兒育女。我知呀媽冇嘢做,所以搵咗佢幫手湊孫,價錢亦係佢自己要求的!但湊咗個幾月,呀媽突然發爛話唔湊,因為我同老公都要返工,咁唯有臨急臨忙搵親戚幫住先!呢件事上,令我對呀媽感到好失望!事隔一段時間,佢又話可以幫返我湊,同老公商量後,我們決定再相信佢一次,希望大家都會珍惜對方!


大宅

積分: 1039


發表於 18-6-25 00:14 |顯示全部帖子
hellokitty_baby 發表於 18-6-25 00:13
見到你個post講母女關係,我都有感而發。我有三個弟妹,我排行最大,呀媽係家庭主婦,冇乜工作經驗。我從 ...

點知都係我一廂情願,佢變得更加計算付出同收鑊,佢計算每月工作日數同每日工作時數,成日埋怨自己人工少過最低工資,又話以前唔洗湊孫,我都會俾$3000佢,而家湊,就唔會額外再俾$3000,我只能解釋家庭開支一闊三大,要供樓,小朋友洗費再加上生活開支,生活都係啱啱好夠洗夠用。更何況人工係佢自己要求的,冇可能要同最低工資睇齊,再者,如果我再俾埋$3000佢,我們生活會變得好吃力,希望佢會體諒。因為佢自私嘅本性,佢當然佢唔會理得咁多,仲點會講體諒!我當時曾經提出過希望佢可以幫手抺下張地蓆,等小朋友可以喺地蓆上面玩,佢都唔肯,佢仲話做多咗額外嘢,人工就唔係咁計算,要按家務助理每小時人工去計!講到尾,又係錢作怪!好辛苦先等到小朋友返幼稚園,我終於唔洗再睇呀媽面色,唔洗再求佢幫手!點知年頭又因爲錢同佢嘈交,話說我過年時我俾咗d錢佢倆老買嘢食,呀媽竟然話我唔公平,俾呀爸的錢多過佢,仲話我俾佢的錢係用作家用,要拎返出來用,而呀爸的就自己袋自己洗。我真係唔知佢發咗咩癲,第一,我每個月都有俾錢呀爸飲茶,呀媽係知道的,第二,我從來冇講過話D錢要拎出來做家用,就算真係做家用,我相信呀媽都係唔會拎!因為呢件事,我同佢炒大鑊,我將所有不快同委屈都講曬出來,我質問佢點解當年唔肯借$80000俾我買樓?但佢又肯借幾萬蚊俾呀妹箍牙,去旅行,又肯借十幾萬俾個仔供保險找卡數,對我又公平咩?我鬧佢太斤斤計較,個孫已經過咗幾年生日,咁耐以來一封利是都冇,我唔在乎利是多少,只在乎利利是是,拎個好意頭,入10蚊8蚊都冇所謂,點知佢竟然回覆我,話羊毛出在羊身上,我唔俾錢佢,佢係唔會包利是俾我小朋友,我只好同佢講,我們唔稀罕佢的利是,叫佢以後都唔好俾我們!自此之後,我冇再搵我呀媽了!呢個心結真係好難解開,我自問自己都好執著,我原諒唔到佢!


伯爵府

積分: 19770


發表於 18-6-25 00:20 |顯示全部帖子
hellokitty_baby 發表於 18-6-25 00:14
點知都係我一廂情願,佢變得更加計算付出同收鑊,佢計算每月工作日數同每日工作時數,成日埋怨自己人工少 ...

父母偏心就等如係仔女心中插一刀,我明呀!


大宅

積分: 1039


發表於 18-6-25 00:33 |顯示全部帖子
hellokitty_baby 發表於 18-6-25 00:14
點知都係我一廂情願,佢變得更加計算付出同收鑊,佢計算每月工作日數同每日工作時數,成日埋怨自己人工少 ...

我仲記得我結婚果陣,我同呀媽去扮嫁妝,佢講明話唔會買金器俾我,因為佢當年後生果陣都冇人買俾佢,又話我入門時99都會俾,所以唔洗買!我覺得好肉酸,連呀爸都話唔好睇,呀媽先肯買,仲話帶完要俾返佢,一個傳一個,我帶完俾呀妹,呀妹俾下一個,如此類推咁!我話金器帶完要俾下一個,即係想留個紀念都唔得,佢最後先話唔洗俾返佢!之後到呀妹讀完書出來做嘢,人工高過我,家用又俾得少過我,但呀媽都冇要求呀妹付出,竟然話唔洗俾咁多錢返屋企,仲話幫佢儲起d錢,等佢第日買樓結婚用!諗返起,我呀媽真係成日都搵我笨,以前食飯飲茶,成日都話細佬妹未正式出來做嘢賺錢,次次都係我同老公找數,到呀妹正式做嘢賺錢,請我們去飲茶,呀媽又緊張佢用錢,呢樣又話貴果樣又話唔抵,樣樣都唔好叫來食,真係唔知食咩好!以前我請食果陣又唔見佢咁緊張,所以我們都好少參與佢地d飯焗!


大宅

積分: 1039


發表於 18-6-25 00:51 |顯示全部帖子
露比EE 發表於 18-6-25 00:20
父母偏心就等如係仔女心中插一刀,我明呀!

新年果陣,我大住個肚,又病到死下死下咁,我問呀媽可否幫我睇住小朋友一陣,等我可以落樓下睇醫生,佢都唔肯!原因就係佢覺得我俾多D錢呀爸,佢少D!佢唔想幫我!我聽到佢咁講,我真係心如刀割!我問返佢,幾年前,佢做手術果陣,我咁啱又係大肚,我唔方便去醫院探佢,但我都有燉湯俾佢飲,其他人(包括佢老公)都冇煲嘢俾佢食,另外佢擔心手術風險,我叫老公約醫生,聽下醫生分析再話佢知,同樣,佢老公同個仔都冇理過佢!我咁為佢,自問已做足子女本份,對得住天地良心,佢都唔滿意!我諗,我同佢母女緣薄!


伯爵府

積分: 19770


發表於 18-6-25 06:48 |顯示全部帖子
hellokitty_baby 發表於 18-6-25 00:51
新年果陣,我大住個肚,又病到死下死下咁,我問呀媽可否幫我睇住小朋友一陣,等我可以落樓下睇醫生,佢都 ...

你媽確係偏心到一個點,我媽都偏心,但冇你媽咁誇張,我依加選擇唔提,唔唸,唔掘出來令自己唔開心! 可能人大左加上知道邊啲人先值得自己真心付出,冇謂人咪就say hi say bye囉!將心思留比老公&仔女!


大宅

積分: 1039


發表於 18-6-25 10:21 |顯示全部帖子
露比EE 發表於 18-6-25 06:48
你媽確係偏心到一個點,我媽都偏心,但冇你媽咁誇張,我依加選擇唔提,唔唸,唔掘出來令自己唔開心! 可能 ...

係,我而家同呀媽已經冇聯絡了!因為我自己都唔能夠當冇事發生,再加上我來緊又多一個小朋友,我自己都分身不下,有了自己的家庭同小朋友,有時間我都會寧可陪家人多D!講真,我冇呀媽咁偏心咁計較,將來自己年紀大,仔女需要我幫手的,我一定會盡力幫,我做得到的,就證明我仲有能力可以為子女出一分力!


大宅

積分: 1039


發表於 18-6-25 10:52 |顯示全部帖子
露比EE 發表於 18-6-25 06:48
你媽確係偏心到一個點,我媽都偏心,但冇你媽咁誇張,我依加選擇唔提,唔唸,唔掘出來令自己唔開心! 可能 ...

另外,我呀媽心態都好奇怪,當然都係為了錢!我仲記得細細個,呀公死果陣,佢將D錢分俾其他仔女,因為呀媽對佢唔係特別好,平時又冇照顧佢,所以分得最少,呀媽覺得好唔公平!我唔明白何謂不公平,其實老人家都就死,佢分多分少都只係一點心意!如你對佢唔係特別好,分得少亦正常不過!當然,我自己都唔會寄望將來呀媽分咩俾我,分唔分都冇乜所謂!我又唔係等著果d錢開飯!

首頁
12

尾頁

跳至