懷孕前後今日: 4|主題: 329685

收藏本版

發帖

返回列表

跳至頁

查看: 17291 | 回覆: 27

聯合醫院生b記+產後分享（詳細版） [複製鏈接]

w054e42

複式洋房

積分: 237

1^#

發表於 18-6-17 13:31 |只看該作者 |倒序瀏覽 |打印

本帖最後由 w054e42 於 18-6-17 15:22 編輯

趁宜家記憶猶新，加b仔訓左覺，快快速想同大家分享我的生產經歷。
我是懷孕38 week 1 day生左我既bb，順產用吸盤吸出來，亦都有剪陰。

6月5號 06:30左右，突然之間有種想去小便的感覺，拿拿林踢開我老公（因為他堅持要訓出面）跑去廁所，見到護墊上面濕左一片，我即刻大喊“老公，我穿羊水啊！”。

之後媽咪走出來問我“d水是唔是涼涼地”

我話“唔是啊！”

“你賴尿遮”我阿媽話（事實證明她記錯左，羊水流出來是暖的！！）。

有鑑於佢係全間屋入面唯一一個生個仔嘅人，我選擇相信佢，換左M巾繼續訓。

07:15左右，我點嚟點去都瞓唔著，覺得下身痴立立，再起身去廁所睇下，見到M巾上面有D粉紅色的液體，即刻再大喊，“阿媽，我見紅啊！”。

佢即刻叫我入醫院，隨時準備生得啦！但我之前食過一次白果，所以想再等等，就同老公出去商場食左早餐先（好彩前晚洗左頭，因為真是穿左水最好唔好沖涼）。

08:30左右，我食飽飽起度撳電話，突然之間，下身有羊水不斷咁流，呢一刻我真是知道自己穿羊水啦～快手快腳同老公番屋企拿走佬袋，因為未開始有陣痛所以決定行落醫院。

落到醫院直接入二樓產房登記，同姑娘講我穿咗羊水，她問咗羊水嘅顏色，再簽埋一系列嘅文件，就換衫駁機檢查。駁機大概5分鐘後，突然比氧氣我吸，我非常疑惑，因為之前食白果入院個次明明無呢會事！

大概30分鐘之後，有個醫生走來同我講，啱啱佢哋發現bb曾經試過心跳每分鐘少過80下，不過由於啱啱駁機，所以數據上睇唔出，但有經驗嘅姑娘就察覺得到，宜醫生亦都相信姑娘的判斷。

最後醫生畀咗兩個選擇我，一係就喺產房打催生劑直接等bb出世，咁樣可以監察住bb嘅心跳，以防萬一。二係送你上產前房，等到夜晚六點鐘再打催生劑，不過呢一段時間就唔會有機器睇住bb心跳。

最後同老公相量左，都是選擇左第一個方法。由於老公選擇左陪產，所以可以起產房陪住我。
我記得10點左右打催生劑，其間因為穿羊水同見紅，換左好多條產婦衛生巾（我淨係買咗一包），結果怕唔夠用要老公到樓下便利店買。

到咗12:30左右本身老公準備落醫院餐廳食飯，但點知連接bb心跳嘅機器突然之間響起，顯示bb心跳下降，老公畀姑娘請出產房，而我又要再一次帶氧氣罩。結果證明姑娘嘅經驗係冇錯嘅bb曾經真係心跳下降，然後我停咗催生藥，直到下午1點45左右又再滴藥。

（遲d再打，b仔要食奶啦～）

0 0 0

私人傳訊

w054e42

複式洋房

積分: 237

2^#

發表於 18-6-17 18:03 |只看該作者

今次開始滴藥之後，就開始feel到傳聞中的陣痛感覺，個人覺得同m痛無咩分別，不過是多左個時間規律。痛個陣就用呼吸法嘗試減痛，但個人覺得無咩作用，純粹要來分散注意力~

到咗大概兩點半，姑娘問我如果而家痛有十分，你畀自己幾多分?我覺得唔是太痛到無法忍受，所以話2/3分到。佢又再問我，你覺得而家隔幾耐痛一次，我話十分鐘到，但係結果佢話我而家四分鐘就痛一次~~感覺到姑娘望我的眼神有d奇怪！

之後就到戲肉喇！到咗下午三點，陣痛由m痛變咗痾唔出屎嘅感覺，一直想屙但係唔到，非常之難受！姑娘巡房入嚟問我，你使唔使用笑氣呀?我話唔使住，仲忍到！但佢已經擺定d笑氣的工具起我床邊，我心諗你已經知道我要用啦?！

再過多十五分鐘，入嚟巡房的姑娘又再問，你使唔使用笑氣呀?會舒服啲！我話我驚用完之後會暈同嘔，所以仲忍到。佢話唔好忍啦！你用啦！用咗會舒服啲㗎！（我又再心諗d笑氣唔使錢㗎，係咁逼我用）結果我都屈服左，用咗笑氣。

期間嗰種痾大便痾唔出嘅感覺越來越強烈，而且仲有一種唔識形容嘅屈痛，每隔唔夠一分鐘就嚟一次。一次長兩次短簡直攞人命！老公喺隔離望住，乜都做唔到，真係好想一巴星過去~

最後真係痛到忍唔到喇！叫老公叫姑娘入嚟！醫生攞住架餐check度數，話而家淨係開咗四度，我心諗唔係呀嘛我都痛到就快死咁濟，一種便秘到極點嘅感覺~ 聽到嗰一刻真係好想喊！

彷彿去到下晝四點，醫生又走嚟巡房同老公講，因為我而家仲未開齊到數，所以為bb安全起見要介開 bb嘅頭攞少少組織去化驗酸鹼值（雖然最後冇攞到，但係我都想問，未開齊宮口，你點攞bb個頭嘅組織去化驗啊？）。然後講咗風險，又叫左老公出去等，然後有五分鐘左右，成間產房得我一個，嗰一刻我真係好想見到我老公(。•́︿•̀。)

然後到咗4點15分左右，醫生又再入嚟check宮頸度數，話畀我聽突然間開咗到十度可以生得啦！你唔使忍啦！可以用力啦！我聽到嗰一刻非常之開心，即刻用力痾屎咁痾，試咗三四次都是痾唔到bb出來，醫生走到我耳邊，同我講話而家見到bb嘅頭有五蚊銀咁大，但係你冇力，我哋要幫你剪陰吸阿b出嚟，問我ok嗎？我當時痛到暈陀陀猛咁點頭。

之後隱約聽到姑娘話而家同你打麻醉針啦（當然打咗針嗰一刻係冇感覺嘅），然後傳說中被剪陰會痛嘅感覺都係冇嘅，我完全feel唔到佢剪過，係度之後話要聯針我先知道佢剪咗~~ 之後姑娘同我講下一次有陣痛嗰陣，就用力痾阿b出嚟！然後就起下一次陣痛嗰陣，醫生就吸咗阿b個頭出嚟，之後叫我用冇用力抖一抖，再5秒後就痾阿b嘅身體出嚟！

16：30，bb出世啦～

私人傳訊

miumiu419

別墅

積分: 986

3^#

發表於 18-6-17 18:22 |只看該作者

回覆樓主

恭喜你呀，好詳細

我後日都生啦，不過係入院催生

bb唔爭氣唔肯出來，希望唔洗搞太耐

私人傳訊

w054e42

複式洋房

積分: 237

4^#

發表於 18-6-17 21:09 |只看該作者

宜家開始講產後部份啦!

BB出左世之後，我無等到其他人講的1小時親近時間，陣是聽到姑娘話BB是男仔，重2.855 kg。之後比我睇下BB個樣同胎記，擺左起我心口5分鐘左右就抱走左BB，我估計是因為之前心跳唔正常導致。

BB比人抱走之後紅十字會的人就黎拿臍帶血，之後醫生就聯針，我自己覺得聯針無咩感覺，亦都唔痛，可能是因為麻醉藥未過~~但是因為下身無也遮住涼浸浸，所以雙腳不停震，醫生話你震咁勁會好難聯針，我直接同佢講，唔是我想震啊!我雙腳條條fing好凍啊~~~

經過半個鐘左右的冰凍體驗，我對腳終於可以放低休息下。有張被蓋下溫暖下就勁想訓覺，點知姑娘走過來叫我唔好訓住，你要自己按摩下子宮，我地要觀察下子宮收縮正常先可以比我上病房，但我一於少理訓左先講(其間聽住隔離產房的慘叫聲訓)，宜我唔聽話的結果就是比姑娘直接大力接我的肚，痛到我標冷汗，直到7點30分先出產房上4樓。

出左產房見到老公坐起長凳度等我，到左4樓又見到媽咪同老公的家姐及姐夫一班人，感覺幾窩心~~入左產後房適逢探病時間，佢地可以輪流入來睇我同BB，然後就是一輪BB似邊個的討論!

探病時間話左之後我以為終於可以安穩訓大覺個陣，姑娘走來將BB抱比我叫我試下喂奶，無計啦~頂硬上啦!訓起度喂BB，見到佢用力吸奶的時候真是咩痛都唔記得曬(雖然我仲未有奶)!過左起碼1個鐘，姑娘走來抱走BB及推走BB車，我一生難忘的6月5號終於可以比的訓住過啦~~~

***之後仲有分享，明天再打