老公承認左對個女仔有好感...長篇

Siusiuren
|
本帖最後由 Siusiuren 於 18-6-17 16:26 編輯

我地一齊左11年 係舊年10月結婚
呢11年黎大家都無分開過
今日發現佢之前同個女同事whatsapp但del哂啲record 問佢點解要咁做
佢最後承認話對個女仔有少少好感
驚自己會鐘意左佢 所以del哂啲record 都無再搵佢 佢話佢地無出過街 無食過飯亦無傾過電話 只係whatsapp上講下公事講下無聊野 佢話係12月至4月佢地係公司有合作 發覺個女仔好溫柔 係幾好既女仔 佢話頭3個月都無咩野 去到最後一個月發覺自己對佢有少少好感 去到4月之後 佢地唔洗再合作 亦唔係同一個公司做野 老公話只係對佢有好感 未去到鐘意 但驚自己會鐘意左佢 所以del哂record亦無再搵佢 係呢4個月老公對我又無咩野平時又會keep住whatsapp我 返到黎又會同我傾計傾佢公司既野 只係性生活上對我無興趣 每次都係我搞佢先會do 但亦試過軟左(依家我知點解了)
今日我聽完佢講完之後 唔知點解好冷靜 好似有種死心既感覺咁 我問佢依家對個女仔仲有無好感 佢話無乜 都知道佢5月之後無再搵個女仔 我問佢依家對我係責任定係鐘意佢初時話唔知 然後話2樣都有 但佢就話對個女仔已經無乜感覺 我問老公有無覺得對我唔住 佢話有 所以先唔再搵個女仔 但我覺得係個女仔有男友 而且應該對我老公無咩野 我老公先無再搵佢 我依家個人好混亂 我真係feel唔到佢對我冷淡 佢有時訓覺都會攬住我 朝早起身返工我訓緊覺佢都會錫我 有時又會突然間錫下我咁 同埋我依家有左bb七個月 我聽完佢講哂依家我唔知應該點行落去 亦唔知點樣面對佢好 唔知應該繼續一齊定分開 唔知點處理同佢既關係
一齊左11年 而且又岩岩結婚未夠一年 第一次聽到佢同我承認對其他女仔有好感 但聽完佢講後自己反而好冷靜 唔知係咪對佢已經死心 最後我返左娘家 想分開一排冷靜下
各位jm 我應該可以點做好

Charlotte_mom
|
本帖最後由 Charlotte_mom 於 18-6-17 16:23 編輯

祝福
身邊識人同一情況。老公認對女同事有感覺,兩個人有whatsapp,傾電話,一齊睇過戲食過飯
東窗事發後兩人分手。咁岩業主收樓,兩公婆各自搬開冷靜
好在6299都係明白人,鬧到個仔死死下
兩人分開後有傾,覺得咁就分開好可惜。男嘅承認兩人一齊太耐,無新衝擊感覺悶了。所以一時出軌
事後兩人擺得低,重新開始,仔都生左兩個,幸福家庭
希望你同先生好快雨過天青。兩個人真係要開心見誠攤出黎講

Siusiuren
|
Charlotte_mom 發表於 18-6-17 16:23
祝福
身邊識人同一情況。老公認對女同事有感覺,兩個人有whatsapp,傾電話,一齊睇過戲食過飯
...

謝謝你啊 老公只係簡唔中whatsapp佢講公事 佢話佢地無一齊出過街 無食過飯 無傾電話 只係承認對人有少少好感
Venusmoon
|
Siusiuren 發表於 18-6-17 16:17
我地一齊左11年 係舊年10月結婚
呢11年黎大家都無分開過
今日發現佢之前同個女同事whatsapp但del哂啲record ...

其實你先生對你好誠實,如果我係你都會好唔開心,但係照咁睇你先生都好理性控制著自己情感無再搵個女仔,老實說就算自己有另一半,對其他人有好感唔少人都試過,人係有感情既動物,我係你會原諒你先生,睇下有無方法對大家感情再好d
AGa1111
|
先放下安心養胎,bb出世後2個人可能有另一返體會
WChan
|
其實每對夫妻耐左總會有迷惘時期,可幸你老公都叫懸崖勒馬,又好快BB出世,大家既注意力就會放哂係BB身上,到時大家既感覺就會有新衝擊,所以樓主唔好咁灰啦! 努力d修補下大家關系。
Charlotte_mom
|
樓主加油啊
始終大家仲年青,未結婚時都係家人照顧,結左婚要面對柴米油鹽,有時難免會有磨擦同屈悶感覺
BB就出世,大家角色會再次轉變。對你同先生都係另一番沖擊,會有開心、會有挑戰、會有意見不合,呢d係可以預見嘅
可考慮搵一搵婚姻輔導(亦算係大家對大家一種投入同commitment ,表示對關係嘅珍惜),坐低傾傾啦
newcook
|
仲未去到做錯事階段,可原諒
cattz288
|
Siusiuren 發表於 18-6-17 16:25
謝謝你啊 老公只係簡唔中whatsapp佢講公事 佢話佢地無一齊出過街 無食過飯 無傾電話 只係承認對人有少少好 ...

del晒內容, 希望忘記! 同肯坦承已經值得原諒! 加油!!
Minnacat
|
Siusiuren 發表於 18-6-17 16:17
我地一齊左11年 係舊年10月結婚
呢11年黎大家都無分開過
今日發現佢之前同個女同事whatsapp但del哂啲record ...

咁會唔會係對方對你老公冇意思,拒絕左佢。講真,如果個whatsapp係光明正大,閒談加公事,點解要del。佢話del就唔會諗,唔會del晒就唔會掛住對方嗎?
Ononluk
|
問題唔在妳老公同個女仔嘅關係,而係你倆本身感情淡咗,有得救嘅,到時小朋友出世又係一個衝擊,處理得好感情好以更進一步。嗰女仔嘅事妳要放低,仲提的話會傷感情呀
Moti
|
我覺得你同佢暫時分開住,俾啲空間大家思考吓先。迫埋一齊日日你眼望我眼,件事都唔會忽然間得到解決。你大肚就更加唔好影響情緒。
nsychristy
|
其實呢d 叫乜事都無囉⋯⋯
tearycow
|
為BB原諒佢一次
同埋佢都有臨崖勒馬
yucl_hk
|
即是下面控制左思想!
frombetter
|
我就選擇唔信老公。呢個只係我個人取向。
vivibabyvivi
|
對住你連性趣都冇埋,我估佢同個女既關係非淺,但係既然你有左BB,唔通離婚咩,就原諒佢一次啦
Siusiuren
|
Venusmoon 發表於 18-6-17 16:27
其實你先生對你好誠實,如果我係你都會好唔開心,但係照咁睇你先生都好理性控制著自己情感無再搵個女仔, ...

謝謝你啊 只係依家我唔知可以點面對佢 心入邊有條刺
Siusiuren
|
Minnacat 發表於 18-6-17 16:41
咁會唔會係對方對你老公冇意思,拒絕左佢。講真,如果個whatsapp係光明正大,閒談加公事,點解要del。佢話 ...

個女仔應該對我老公無野 個女仔應該都唔知我老公對佢有好感 佢del msg當然係佢身有屎 又驚俾我發現 所以del左
佢都無再搵個女仔了 同埋話對佢已經無乜感覺 我都唔知信唔信好
tsung
|
依你推測,佢兩人發展至肉體關係了嗎?
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽