痴身嘅人

Stellady
|
本帖最後由 Stellady 於 18-7-11 17:09 編輯

22樓呻
我終於又要呻,同一件事唔開新舖。


----------------------------------------
話說由2月左右放學帶仔去公園玩,識多左班上同學媽媽,玩玩下幾個小朋友就固定左一齊,之後因大家企埋一齊傾發現我少一張老師派嘅「溫馨提示」,有個媽媽M話影俾我,就咁交換電話。
我感恩仔有朋友,亦好開心喺公園時間有其他媽媽企埋一齊傾下計。
但慢慢放學我冇帶仔去公園M會打電話問我喺邊。試過我同仔去左另一公園,M都跟埋轉場。M如果比我早接到小朋友會等埋我一齊行去公園。
我覺得放學後一齊玩似乎成為理所當然,唔出現M會問點解,我唔認為需要解釋得長詳,但一句「今日唔得閒」係解答/滿足唔到M。佢個女仲經常問我可唔可以去我屋企,推N次問N次,M都開始幫口話佢個女真係好想去我屋企,我推過喇講明我只招呼親戚返屋企坐,咁都仲問,太怪喇!!!

M見過我個袋仔印同米奇,就見到米奇野就影俾我,話知我鐘意,我知係M一片好意,但其實我係一早講過係覺得果個米奇幾好睇袋形又好用,唔係逢米奇都大愛,覆呢D message 覺得煩,最尷尬係上星期有個小朋友著見衫係米奇,M指住我話「佢都好鐘意米奇,見到就會心心眼」,其實我冇啊!!!!!
依家,發展到M經過我樓下行去接放學,會whatsapp我話樓下等我一齊去。推過但M似乎係「下次經過再約」,其實我唔享受咁樣,我習慣自己去接放學,小朋友一齊玩大人咁橋同一地方就一齊吹下傾計,君子之交淡如水。
另一面又覺得自己好衰,咁都嫌,但真係好怕呢種咁痴身嘅人。

Nancy20090615
|
唔夾就係唔夾, 使乜諗咁多.
aptcan
|
下次接完放學就馬上回家,否則佢越來越痴住你。
Stellady
|
aptcan 發表於 18-6-21 22:59
下次接完放學就馬上回家,否則佢越來越痴住你。

本帖最後由 Stellady 於 18-6-21 23:52 編輯

我仔已經慣放學玩半個鐘,好難cut,唔想影響到個仔,我依家都仲未有對策,唯有次次推。今日推兩次、一次係送完返學打俾我話食早餐,一次係放學見到話一齊去食lunch。
咁樣推人,覺得自己好不近人情。

Stellady
|
Nancy20090615 發表於 18-6-21 22:19
唔夾就係唔夾, 使乜諗咁多.

似乎真係同我唔夾,我想禮貌好來好去,堅定地唔想再熟。今日喺公園玩果陣,我行開聽個電話,收線佢竟然問我「同邊個傾咩事啊?」⋯當堂呆咗。
JM,老實⋯你唔覺我好衰咩,佢似乎幾當我係朋友,我下下嫌人煩話人痴身。
babytea
|
直接拒絕佢係最好。大家萍水相逢,唔算得係朋友。
Nancy20090615
|
Stellady 發表於 18-6-21 23:50
似乎真係同我唔夾,我想禮貌好來好去,堅定地唔想再熟。今日喺公園玩果陣,我行開聽個電話,收線佢竟然問 ...
麻煩友一名,咪比佢痴埋黎。
tinker1212
|
做朋友講緣份既,唔啱就算佢神人咁好都唔啱架!我都好怕扮fd個啲,大佬小朋友fd兩個阿媽都要係好朋友孖公仔咩
tansyneko
|
完全明白,我讀書時都有個咁既"朋友",真係人都俾佢逼到crazy,好似會星期六日朝早晨早打電話俾我要即日約我出街,我話未起身,佢話我知解咁懶仲未起身........................................................跟住俾佢死纏出到去,我話未食嘢要去食嘢先,佢話佢已食佢唔食齋陪我食,咁我話我要食A,佢會話A有咩好食到到都有食B啦,我話但我屋企附近無A我好少食我依刻想食,佢會不斷話唔好,然後俾佢拗到去食B,而且佢會食根本唔係唔食囉.....................................................................仲有太多不能盡錄,我用盡一切方法最後先可以將依個燙手山芋搣甩咗,係一段慘痛的經歷,我依個人鍾意有適當的自由,私隱同空間,太過close同黏身唔啱我,愈黏我就愈抗拒
anyuser18
|
遇過呢類煩人,成日打電話嚟,煩到想嘔,無哂個人空間咁,超唔識做,明示暗示都無用。。 。
糾纏一段時間後,越疏越遠咁但未甩 。後來佢自己走咗。斷咗即刻輕鬆哂
Stellady
|
tansyneko 發表於 18-6-22 13:42
完全明白,我讀書時都有個咁既"朋友",真係人都俾佢逼到crazy,好似會星期六日朝早晨早打電話俾我要即日約我出 ...

讀書時間,咁咪困住幾年都一齊,好煩好慘啊,食乜都干涉,莫非佢想推薦佢認為最好嘅俾你,咁樣真係超出朋友範圍,似我媽。有次我同仔講「走喇去食A餐廳」,佢話「唉好啦,原本想食B餐廳,見係你陪下你」我即刻話我打算同仔撐台腳,叫佢唔好阻我二人世界,佢竟然唔識趣,我行佢跟,最慘係已經同仔講好食A餐廳,轉又怕仔煩,頂。

Stellady
|
anyuser18 發表於 18-6-22 14:58
遇過呢類煩人,成日打電話嚟,煩到想嘔,無哂個人空間咁,超唔識做,明示暗示都無用。。 。
糾纏一段時間後 ...

佢自己識走,係一個美好決定。希望我都可以減少收到佢call,我依家醒啦,辦同仔講秘密咁款叫仔閃,M有時會問傾咩咁神秘,答佢就怪啦。
想留有餘地留3分情。希望M盡快搵到同佢合拍嘅朋友!!!!!!!!
Stellady
|
tinker1212 發表於 18-6-22 08:20
做朋友講緣份既,唔啱就算佢神人咁好都唔啱架!我都好怕扮fd個啲,大佬小朋友fd兩個阿媽都要係好朋友孖公仔 ...

慘在我個仔同佢個女唔算好FD,有時我仔同佢女都係各玩各,佢個女成日都話「女仔同女仔玩男仔同男仔玩」,係另一對兄妹一齊,形成4個似乎一齊玩。最難頂係見到佢whatsapp我「7仔等埋你」,我呃過幾次話會遲或今日唔係行果條路,上次我直接話「唔駛等我」,佢仲問點解。
讀書時期有孖公仔,依家我只想見到say hi,等公園小朋友玩陣時間吹吹水,我有我生活,我得閒唔代表要同佢一齊。
Stellady
|
babytea 發表於 18-6-22 05:26
直接拒絕佢係最好。大家萍水相逢,唔算得係朋友。

我婉轉過,直接過,想今日留一線他日好相見,唔想講絕,但佢真係痴身痴到爆,計埋我平時出現時間等我一齊,今日問我「你聽日有乜做」唔想答佢隨口講「冇野做」佢竟然話「咁得啦,我都得閒,一齊去xxx度玩」,即刻話我唔去我想陪老公,佢竟然話「我唔介意叫埋佢」。吹漲,以前答有約,佢會唔識趣問約邊個做乜。最惡頂有次佢同我仔講「姨姨今日得閒陪你」我仔答「我應承媽媽要返屋企」佢竟然打算跟我返屋企,差D就噴火,好難先推到。
其實係唔係我說話有問題令人太容易令人誤會呢。唉⋯其實唔算熟,又或者真如你講,唔算得係朋友。
anyuser18
|
Stellady 發表於 18-6-22 21:36
佢自己識走,係一個美好決定。希望我都可以減少收到佢call,我依家醒啦,辦同仔講秘密咁款叫仔閃,M有時會 ...

本帖最後由 anyuser18 於 18-6-22 22:09 編輯

本帖最後由 anyuser18 於 18-6-22 22:08 編輯

佢識走因為我越來越疏遠佢嘛,佢打來我唔聽的,我話我要瞓或我做緊嘢唔聽電話,所有嘢wtsapp. wtsapp 我又唔即覆較靜音,佢仲喊過㗎好似我蝦佢咁救命,但我無屈服。最後完全滿足唔到佢,佢痴唔到我,咪走囉。佢一走我全block哂佢乜都唔接觸,鬆哂

呢啲人邊有朋友,係人都雞飛狗走啦!所以見你冧善咪蝦你痴住你。你要狠啲,搵嘢俾自己和仔做,例如探人啊興趣班去到母雷公咁遠,唔覆wtsapp唔聽電話,咁先甩到身
aptcan
|
樓主,遲啲揀小學時,唔好畀佢知你揀邊間,否則你有排畀佢煩。
tinker1212
|
Stellady 發表於 18-6-22 21:46
慘在我個仔同佢個女唔算好FD,有時我仔同佢女都係各玩各,佢個女成日都話「女仔同女仔玩男仔同男仔玩」, ...

其實我都奇怪男女仔咁細個唔會fd到,好明顯個阿媽想同你fd屈兩個小朋友係好朋友。畀我真係會笑住講「唔使啦你唔覺得自己好煩咩」或「我唔缺朋友呀你唔使成日痴住我啦」有啲人,唔講到咁明真係以為係你怕羞佢表現友善怕你無朋友架咋。
Stellady
|
anyuser18 發表於 18-6-22 22:07
本帖最後由 anyuser18 於 18-6-22 22:09 編輯

本帖最後由 anyuser18 於 18-6-22 22:08 編輯

我就係衰,有電話打到嚟唔想聽都聽,whatsapp睇到隔幾分鐘或幾個鐘都係會覆,有時夜扮瞓左第2朝覆,我係一個假好人

我幫仔報左畫班,我都唔夠膽講,怕佢會跟埋一齊報,因為我仔個琴班我講過,佢會就時間去搵我,佢老實會講佢特登去搵我,恐怖。我再忍忍⋯試下由唔聽電話開始,求神拜佛,希望佢明已經達到我嘅上限。
Stellady
|
tinker1212 發表於 18-6-22 23:22
其實我都奇怪男女仔咁細個唔會fd到,好明顯個阿媽想同你fd屈兩個小朋友係好朋友。畀我真係會笑住講「唔使 ...

噢撈⋯佢屋企唔會順路能經我屋企去幼稚園必經之路,佢咁樣行多幾分鐘先接我再去接放學,我咁講佢可能會嬲到爆炸。
我最渴望大家見面Say hi ,偶見講句咁橋,有咩學校野又可以吹兩句,好來好去,成為普普通通嘅家長群其中一個人。可惜⋯我用緊我唸到婉轉嘅方法,如果唔得,我都真係唯有做衰人。
Stellady
|
aptcan 發表於 18-6-22 23:12
樓主,遲啲揀小學時,唔好畀佢知你揀邊間,否則你有排畀佢煩。

從來冇唸過小學仲會同佢聯繫,我一心係小學就可以完完全全say goodbyes,真係做得出當面話佢煩,畢竟佢真係煩到我。好彩你提,佢真係有問我邊間好,萬一派到同一間都唔講
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽