股票期權短倉賺現金流攻略

來看帖
|
本帖最後由 來看帖 於 18-8-31 01:36 編輯

閱讀本文前請先了解股票期權各種基本,不懂基本的朋友可以去買本教基本的書看看,個人比較推薦最近出的[期權速獲利FLASH],就我看過的書來說,是寫基本寫得最簡單易懂的(非廣告,我不是作者,也不認識作者)
最近教一個朋友做股票期權賺多少少錢幫補下,突然心血來潮,亦想係網上分享一下

雖然做法本身簡單,但要說明的內容卻頗多,我自己也沒有整理好,暫時是想到什麼寫什麼,而且時間關係只能分段更新,有時間可能會重新整理一下



----------

我一般每月靠期權獲利為本金1-2%,做法很簡單

證券行(銀行無期權做)開股票孖展戶口,股票期權戶口

上網查一下可以做股票期權的股票有哪些(基本都是大藍籌)

然後選好2-5隻股票

價位合適時直接買入適量(你自己衡量)數目正股

在持有正股同時,賣出認沽期權(SHORT PUT),賣最遠期,就我所知可交易期權最遠係一年後到期)

如果股價上升,正股享受升幅(帳面上),SP倉亦會有獲利,可以選擇是否平倉收割

如果股價下跌,正股帳面損失,不過長線持有,可以無視短期波動,而SP倉亦有帳面損失,但SP最大風險不過是用執行價買入股票接貨,加上收到的期權金,等於用低價買入優質股,不失為一件好事


說穿了,其實毫無難度,小學生都學得到

不過實際上還是有不少值得一提的細節

-----------------

只做短倉(SHORT,賣方)

期權賣方,短倉,SHORT,我假設大家都已經有基礎知道是什麼,就不再說明了

那麼,為何只做短倉?以下我將教朋友的內容直接貼上

1.這是一般人唯一可以做莊家的投資工具。

所謂做莊家,意思是你的獲利來自於別人的錯誤,而其他投資工具都只能靠你神機妙算地正確預估出未來走勢才能獲利。

兄弟,好好想想,仔細想想,在賭場裡是必需猜對結果才能贏錢的賭客容易賺錢,還是穩坐泰山等著賭客猜錯就將錢通通收走的莊家容易賺錢?

2.在股價紋風不動的日子,你依然獲利

作為股票期權賣方(也就是上文說的做莊家),只有大幅度的相反方向(就是你看漲時,股價卻下跌)才會導致損失,其他情況:小幅度的相反方向/極輕微的波動/小幅度的正確方向/大幅度的正確方向-全部都算你贏!就是這麼任性!

除了大牛市大熊市,其實大多數股票在大多數時間都只是在小幅度的上升下跌中波動,只持有正股的話,這種日子只能拿著股票發呆,但加上股票期權的話,就能為枯燥乏味的日子增添獲利的色彩。


3.讓你有事做,不至於老是拿不住股票

其實總是拿不住股票的原因,占很大比例的原因之一就是[漲不上去,太悶]。

而期權是正股的輔助工具,正股為主,期權為輔,讓你有事做有錢收,你就不會覺得悶,老想把持股賣掉了。

4.不需要神機妙算,不需要傷害腦細胞

操作期權需要策略,但不需要神機妙算預判股價走勢(你往往還判錯了),因為期權賣方獲利來自於別人的錯誤。

就像賭球,莊家一樣不需要去猜哪一隊會贏,要做的只是將賠率定得對自己有利,然後接受賭客下注,最後在他們大呼[不可能!]的時候將錢收進自己口袋裡。

因為相對簡單省事,用不著再每天花大把的時候去看什麼通道什麼日線什麼蠟燭,更不用去理什麼ABC啊,XYZ之類的技術分析指標,你就可以好好睡覺,保養腦細胞。


5.唯一一種就算做錯方向也能得到好處的工具

是的,做錯了也有好處,就是這麼任性!

期權賣方有兩種操作:賣出認購/賣出認沽。

賣出認購在這一點上的好處還不算大,但賣出認沽的好處就明顯得多了。大家的股神巴菲特,就有大量的賣出認沽期權。

賣出認沽期權就兩種結果:什麼事都不用做,無條件收錢/或者是收了錢,但要用指定價格買入指定數量股票。

對於美股大好友,認為好股票長線必升的巴菲特來說,賣出認沽期權之後,如果什麼都不用做就收錢自然很好,即使走勢相反,要他買入股票,也不過是用低價買入好股票,這個結果也不壞。


----------------------------------


絕對不做長倉(LONG,買方)

好多專家啊,高人啊都講過:期權四式,LPLC,SPSC,每樣都要做,靈活組合,如果只做LONG或只做SHORT,就失去精髓

對此,失禮講句,一派胡言!


事實上,做LONG(買方)跟普通短線炒股/牛熊/窩輪/期貨/外匯一樣


長賭必輸!

大家要明白一件事,估走勢發展,任何人都無辦法長期持續估中

好多人都有種非常低端的錯誤認知:我只要估到升跌就可以賺錢!

不好意思,這個想法大錯特錯!

事實上,要真正賺到錢,你不只要估到升跌,而是要預判到更多更多

一.方向:估升跌最容易,不是升就是跌,50%機率,你擲銀仔或者隨口一講都有一半機會中

二.幅度:你睇好會升,那麼問題來了,升是升多少呢?1%?10%?100%?1000%?撫心自問吧,升十倍八倍的股很多,你可能都有買過唔少,但最終你又從中分享到多少升幅?有幾次是只賺到20-30%(已經算很多了)就賣出,然後眼光光睇住隻股好似穿雲箭咁飛上天,再悲嘆:捉到鹿唔識脫角呀!

三:時間:好多人完全忽視這一點,可能因為完全猜無可猜,所以本能地不願面對這個最大困難吧?時間又分為發生時間與維持時間,所謂發生時間就是你睇好升,那麼什麼時候升?一日後?一星期後?一個月後?一年後?維持時間就是你睇好升,而且已經升了一星期,升20%,那麼整個升勢持續多久?長升長有還是先升後跌呢?會不會一個月後倒跌20%,從天堂掉入地獄?

期權買方(長倉)三大問題:

到期不到價,化為廢紙,TOTAL LOSS

即使估中方向,但幅度不夠大的話,損失時間值(尤其買遠期期權),方向正確都要輸錢

因為有極大機會TOTSL LOSS,所以你絕對不可能下重注,而小注就算你氣運逆天賺到幾倍也只是一筆小獲利,而且很大機會還不夠抵消之前輸的錢

因上述原因,可以明白為何做期權買方(長倉,LONG)並不可取

------------------------------------------------------

應該仲有野要講,不過未諗到住,以後更新(記起,要講選股觀念,開倉時機,選擇執行價既觀念)

如果大家有興趣,我之後更新我期權短倉實戰記錄
kittykwok385
|
回覆 來看帖 的帖子

願聞其詳,我都係一知半解,請再講多D你既威同水史,比我地學下,還有股票同指數期權有何分別,係米有分歐式同美式,有咩分別?
大力大力
|
新國民?

總之小心啦~

我舊同事一直玩期權,就係贏粒糖輸間廠例子, 如果大市平穩,期權收息是不錯的 , 現在大事上下波幅2000點, 風險是一定有的,他就是不想輸,硬接咗200幾萬貨~

之前贏啲輸返,還輸突二十萬~
kittykwok385
|
問題就係呢樹,萬一要接貨點算,另一樣就係衰貪心,買得太大,無貨係手就去博sp,一開手做已經係大錯; 有貨係手最多比人收晒D股票,之後就無貨一身輕,係賺小D者;幸好呢D吾同銀行果D I kill u later 喎,吾洗不停接貨的
來看帖
|
係囉,其實覺得唔想接,甚至無能力接高金額貨,點解去開咁大既sp倉呢?

萬一要接貨點算,就當然係老老實實接,執行價減期權金之後先係真實成本價,選好時機同執行價,就算要接都係接平貨,我先覺得奇怪點解唔接?

其實風險唔係來自期權,係人

心存僥幸覺得唔會升/跌穿某價位,於是貪心期權金,開出遠超自己承受能力既高桿杠倉,於是真係要接貨/交貨果陣又叫苦連天,真係自己問題,無得怪人
來看帖
|
其實要搞清楚,做期權賣方最大好處,係我上面講第一同第五點

一般人唯一可以做莊家既投資工具

唯一做錯方向都有好處既投資工具

好好諗明白,然後利用尼兩點既優勢

馬會都有投注上限同派彩上限,就係防止有人落天文數字金額既重注,又爆大冷門,馬會俾人一鋪清袋

莊家之道,細水長流

大力大力
|
剛想起,上次金融海嘯我朋友係証卷行老板细佬,佢無講真正數目,祗係話輸左十幾架日本車~
來看帖
|
本帖最後由 來看帖 於 18-8-31 13:52 編輯

回覆 大力大力 的帖子

唔算多啦……上年見人炒牛肉期貨輸左十幾億,直接跳樓
所以入得場一定唔可以諗唔會咁唔會咁,咩事都有可能發生
kittykwok385
|
回覆 大力大力 的帖子

呢個証卷行老板细佬屎D喎,他大老係內行人,金融海嘯來甘應該清楚過我地D小散戶仔好多,做之前有無問過他大老架,他大老可能已經聞到陣Law味 ,話吾定他大老會教他沽返轉頭,我地就咩都吾識同好多野都做吾到,但係D 專業人士有好多方法既!!
大力大力
|
kittykwok385 發表於 18-8-31 14:07
回覆 大力大力 的帖子

呢個証卷行老板细佬屎D喎,他大老係內行人,金融海嘯來甘應該清楚過我地D小散戶仔好多 ...

本帖最後由 大力大力 於 18-8-31 15:07 編輯

我以前做證券軟件行業十幾年,全行大半後勤都識我,試過幾次有老闆主動畀貼士我,都係一半半中㗎咋~

如果突然環球經濟出現問題,大幅度裂口地下跌,大步份人也逃不到的, 定曬止蝕位都止蝕唔到㗎~
wallshar
|
都見過這有JM 開貼講玩期權。都算係有人討論,大部份都係新手問問題居多。
來看帖
|
本帖最後由 來看帖 於 18-8-31 22:24 編輯

31/8/2018
去年第一次恆指突破三萬點,我以為到頂,將所有股票出清,期權全部平倉,結果眼光光睇住到3萬3,後來再回落,大概半年前29000點左右重新再慢慢收集(可見自己主觀判斷升跌有幾難中)
我目前持有正股
5000股煤氣(3),成本15.74,曾經收期權金0.7左右
1000股領展(823),前一日結算用sc75.0執行價+1.0期權金交出1000股,升過兩蚊升幅,今日死死地氣用78.05直接再買入,曾經收期權金5.0左右
5000股碧桂園(2007),成本16.7(哈哈高位接火棒),曾經收期權金連派息派股(碧桂園服務),大約3.0左右
1200股金沙(1928),sp執行價42.0,收期權金2.0,最後接貨真實成本40.0
期權倉:
1張(5000股)碧桂園sc06/2019,執行價17.0,最大期權金0.5,大約半個月前股價11.9左右開倉,目前平手中,無賺無蝕,實際價錢要睇券商報價
2張(2000股)煤氣sp09/2018,執行價15.5,最大期權金0.17,大概一個月半前股價15.9左右開倉,目前小賺,最後成交價0.08,等待到結算日
2張(2000股)煤氣sp06/2019,執行價17.0,最大期權金1.52,大概上星期股價15.7左右開倉,目前小賺,實際價錢要睇券商報價

來看帖
|
回覆 kittykwok385 的帖子

股票期權有股票實物交收指數期權沒有實物,點數升跌逐點計錢,同期指類似

歐式買方只能等到結算日先行權
美式隨時可以行權
wallshar
|
我做期權都係只沽不揸,呢個係尋日其中一個户口尋日的expired 的倉。可以見到只係5 號同700 需要接貨。接貨價同現差相差無幾。接完貨後又可以再沽call. 每月有紀律咁做,都算唔錯。

附件: 你需要登錄才可以下載或查看附件。沒有帳號?註冊
來看帖
|
回覆 wallshar 的帖子

sp真係期權最有利既部份,升跌都有著數
我近來計過數,開始做最遠期,參考12樓我期權倉既06/2019煤氣sp,開倉股價15.7,就算要接貨我都係17-1.52=15.48,抵過直接現價入,如果升得穿就收晒期權金,9個月收近本金10%,回報已經算很好,仲可以隨時平倉獲利,例如今日收市升到16.16,我考慮突破16.3(52周高位16.28)就可能先平倉,再跌再開sp
木土土
|
來看帖 發表於 18-8-31 01:18
閱讀本文前請先了解股票期權各種基本,不懂基本的朋友可以去買本教基本的書看看,個人比較推薦最近出的[期權 ...

去年11月開始學玩,好小心,只set自己願意出入貨的價格做call put,因為有實股銀碼控制,每筆option 只係賺$1xxx-3xxx,因手上股票隻數多,有幾隻股票都做到心水價option 。

八月尾計數,暫時賺咗4萬幾。出咗兩隻貨,也是心中價位。
kittykwok385
|
回覆 wallshar 的帖子

你700 370那個扣左premium 同現價都重貴左22.5啊
kittykwok385
|
回覆 kittykwok385 的帖子

不過只得200股
wallshar
|
kittykwok385 發表於 18-9-1 14:06
回覆 kittykwok385 的帖子

不過只得200股

本帖最後由 wallshar 於 18-9-1 15:24 編輯

成本價362.x 下星期計劃沽sep or oct360 or 370 call.
第一係36x已比今年高位低左好多,接價價相對安全。
更重的的係要控制注碼,唔好貪多收premium, 將接貨價散盡量分散做到就算结算日再跌多一二千點都唔會蝕入肉,咁先可以長玩長有。
kittykwok385
|
回覆 wallshar 的帖子

接左貨果D 做sc 360/370 ?
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽